ইকাই খুম্নরাব প্রধান মন্ত্রী, শ্রী নরেন্দ্র মোদীনা ময়ায় তাংবল লৌদুনা ঙসি ফমখিবা কেন্দ্রগী মন্ত্রীমন্দলনা মখাদা পীরিবা ‘এগ্রীকলচর ইনফ্রাস্ত্রকচর ফন্দ’গী মখাদা শেল-থুমগী কান্নবা ফংহল্লিবা সেন্ত্রেল সেক্তর স্কীমদা শেমদোক্নবগী অয়াবা পীখ্রে:
-
- অয়াবা অসি হৌজিক্তি রাজ্যগী এজেন্সীশিং/এ.পি.এম.সি.শিং, নেস্নেল অমসুং ফেদেরেসন ওফ কোওপরেতিবশিং, ফার্মর প্রদুসরস ওর্গানাইজেসন (এফ.পি.ও.) অমসুং ফেদেরেসন ওফ সেলফ হেলপ গ্রুপ (এস.ঐচ.জি.)দা হেন্না চাওথোক্লে।
-
- হৌজিক্কী ওইনা স্কীম অসিগী মখাদা লোনগী ইন্তরেস্ত সবেন্সন অসি মফম অমগী ওইনা লুপা কোতি ২গী অয়াবা পীরি। করিগুম্বা অয়াবা য়াওরবা এন্তিতী অমনা অতোপ্পা মপম অমদা প্রোজেক্ত অসিগীদমক থারক্লবা অদু ওইরবদি অসিগুম্বা প্রোজেক্তকী লোনগী ইন্তরেস্ত সবেন্সন অসি লুপা কোতি ২গী অয়াবা পীরি। অদুম ওইনমক, লনায়গী ওইবা সেক্তরগী এন্তিতীগী ওইনা য়াম্লবদা প্রোজেক্ত ২৫দা অকক্নবা লৈগনি। অকক্নবা পীরিবা প্রোজেক্ত ২৫ অসি রাজ্যগী এজেন্সীশিং, নেস্নেল অমসুং স্তেত ফেদেরেসন ওফ কোওপরেসন, এফ.পি.ও.শিং অমসুং এস.ঐচ.জি.গী ফেদেরেসন্দা চৎনরোই। মফম হায়রিবা অসি এল.জি.দি. (লোকেল গবর্নমেন্ত দাইরেক্তরী)গী কোদ ময়েক শেংনা লৈবা খুঙ্গং নত্ত্রগা সহরশিং ওইগদবনি। অসিগুম্বা প্রোজেক্তশিং অসি তোঙান-তোঙানবা এল.জি.দি. কোদ লৈগদবনি।
-
- এ.পি.এম.সি.শিংগী ওইনা, তোঙান-তোঙানবা ইনফ্রাস্ত্রকচরগী প্রোজেক্ত খুদিংমক হায়বদি কোলদ স্তোরেজ, সোর্তিং, গ্রেদিং অমসুং এসেয়িং য়ুনিৎশিং, সিলোশিং অসিদা লুপা কোতি ২গী লোন অমদা ইন্তরেস্ত সবেন্সন ফংগনি।
-
- স্কীম অসিগী মওং অসি কাইদনবা বেনিফিসরী হাপচিনবা অমসুং লৌথোকপগী তঙাইফদনা হোংদোক হোংজিন তৌনবগী শক্তী অসি ইকাই খুম্নরবা এগ্রীকলচর অমসুং ফার্মরস ৱেলফিয়রগী মন্ত্রীদা শিন্নরি।
-
- ফাইনান্সিএল ফেসিলিতীগী মতম অসি চহি ৪দগীনা ৬ ফাওবা হায়বদি ২০২৫-২৬ফাওবা শাংদোক্লি অমসুং স্কীম অসিগী মতম্না চহি ১০দগীনা ১৩ ফাওবা হায়বদি ২০৩২-৩৩ ফাওবা শাংদোক্লি।
স্কীম অসিদা শেমদোক্লিবা অসিনা শেন্থং পীবদা হেন্না কান্নবা পীদুনা অপিকপা অমসুং লৌমী মচাশিংদা কান্নবা কয়া পীরগনি। এ.পি.এম.সি.মার্কেতনা লৌমী পুম্বদা হাংদোক্লিবা পোস্ত-হার্ভেস্ত পব্লিক ইনফ্রাস্ত্রকচরগী ইকোসিস্তেম অমা শেম্নবা লিংখৎলি।
