প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা মখাদা পীরিবা অহেনবা থবক থৌওংশিং অসি হাপচিন্দুনা নেস্নেল লাইবস্তোক মিসন মখা তানা শেমদোকপদা অয়াবা পীখ্রে:
১. শগোল, গধা, ম্যুল, উতকী ওন্ত্রপ্রিন্যুরসিপ লিংখৎনবগীদমক লুপা লাখ ৫০ ফাওবগী ৫০% কেপিতেল সবসিদী লনাই মীওইশিং, এফ.পি.ও., এস.ঐচ.জি., জে.এল.লজি., এফ.সি.ও. অমদি সেক্সন ৮ কম্পেনীশিংদা ফংহনগনি। স্তেত লৈঙাকশিংদসু শগোল, গধা অমদি উত মখলশিং য়োকখৎপগী মতেংসু পীগনি। কেন্দ্র লৈঙাক্না শগোল, গধা অমদি উতকী সিমেন স্তেসন অমদি ন্যুক্লিয়স ব্রীদিং ফার্মশিং লিংখৎনবা লুপা করোর ১০গী ফংহল্লগনি।
২. ফোদ্দর সীদ প্রোসেসিং ইনফ্রাস্ত্রকচরগী (প্রোসেসিং অমদি গ্রেদিং য়ুনিৎ/ফোদ্দর স্তোরেজ গোদাউন) ওন্ত্রপ্রিন্যুরসিপ লিংখৎননবা লুপা লাখ ৫০ ফাওবগী ৫০% কেপিতেল সবসিদী লনাই কম্পেনীশিং, স্তার্ত-অপশিং /এস.ঐচ.জি.শিং /এফ.পি.ও.শিং /এফ.সি.ও.শিং /জে.এল.জি.শিং /ফার্মর কোওপরেতিব সোসাইতীশিং (এফ.সি.ও.), সেক্সন ৮ কম্পেনীশিংদা গ্রেদিং প্লান্ত লোয়ননা সীদ স্তোরেস গোদাউনশিং য়াওনা বিল্দিং শাগৎপা, থম্ফম শঙ, কংহন্নবা প্লেতফোর্ম, মেচিনরিনচিংবা ইনফ্রাস্ত্রকচরশিং শেমগৎনবা ফংহনগনি। প্রোজেক্তকী শেঞ্জংগী লেমহৌরিবা মথৌ তাবশিং বেনিফিসরীনা বেঙ্ক ফাইনান্স নৎত্রগা মশানা শেল থাদজদুনা শিনগদবনি।
৩. শজিক থাফম হেনগৎহন্নবা, স্তেত লৈঙাক্তা উমং নত্তবা মফম, শীজিন্নবা য়াদবা মফম/ রেঞ্জ লেন্দ/ লৌউ-শিংউ য়াদ্রবা মফম লোয়ননা উমংগী লম “নন-ফোরেস্ত ৱেস্তলেন্দ/রেঞ্জলেন্দ/নন-এরেবল লেন্দ” অমদি “ফোদ্দর প্রদক্সন ফ্রোম ফোরেস্ত লেন্দ” লোয়ননা ফীভম শোক্লবা উমংগী লমদা শজিক থাননবা মতেং পীগনি। মসিনা লৈবাকসিদা শজিক মরা কায়না ফংবা হেনগৎহনগনি।
৪. লাইবস্তোক ইন্স্যুরেন্স প্রোগ্রাম লায়থোকহল্লে। লৌমীশিংগী প্রিমিয়মগী বেনিফিসী শেয়র হন্থহল্লে অমদি হৌজিক লৈরিবা বেনিফিসরী শেয়র ২০%, ৩০%, ৪০% অমদি ৫০%কী মহুত্তা ১৫% ওইরগনি। প্রিমিয়মগী লেমহৌরিবা শরুক স্তেত পুম্নমক্কী ওইনা কেন্দ্র অমদি স্তেতনা ৬০:৪০, অমদি ৯০:১০গী চাংদা পুথোক্কনি। ইন্স্যুর তৌগদবা শাগী মশিংসু কেত্তল য়াও অমদি হামেংগী কেত্তল য়ুনিৎ ৫ ওইরম্বদগী ১০দা হেনগৎলে। মসিনা লাইবস্তোক লৌমীশিংদা মখোয়গী মমল য়াম্লবা শাশিং শেল য়ামদনা থিরগা ইন্স্যুর তৌহনবদা মতেং ওইরগনি।
বেকগ্রাউন্দ:
এন.এল.এম. ২০১৪-১৫দা সব-মিসন মরি (১) সব-মিসন ওন ফোদ্দর এন্দ ফীদ দিভেলপমেন্ত (২) সব-মিসন ওন লাইবস্তোক দিভেলপমেন্ত (৩) সব-মিসন ওন পিগ দিভেলপমেন্ত ইন নোর্থ-ইস্তর্ন রিজন (৪) সব-মিসন ওন স্কিল দিভেলপমেন্ত, তেক্নোলোজী ত্রান্সফর এন্দ এক্সতেন্সনগা লোয়ননা থবক থৌওং ৫০ লৈদুনা হৌদোকখিবনি।
স্কীম অসি ২০২১-২২ রি-এলাইন তৌখিবনি অমদি লুপা করোর ২৩০০গী শেনফমগা লোয়ননা দিভেলপমেন্ত প্রোগ্রামগী মখাদা জুলাই, ২০২১দা সি.সি.ই.এ.না অয়াবা পীখিবনি।
হৌজিক্কী রি-এলাইন তৌরবা এন.এল.এম. অসিদা সব-মিসন অহুম হায়বদি (১) সব-মিসন ওন ব্রীদ ইমপ্রুভমেন্ত ওফ লাইবস্তোক এন্দ পোল্ত্রী (২) সব-মিসন ওফ ফীদ এন্দ ফোদ্দর অমদি (৩) সব-মিসন ওন ইনোভেসন এন্দ এক্সতেন্সন য়াওরি। রি-এলাইন তৌরবা এন.এল.এম. অসিদা থবক থৌওং ১০ লৈ অমদি ওন্ত্রপ্রিন্যুরসিপ দিভেলপমেন্ত, ফীদ এন্দ ফোদ্দর দিভেলপমেন্ত, রিসর্চ এন্দ ইনোভেসন, লাইবস্তোক ইন্স্যুরেন্সতা পান্দম থম্লি।
