হৌজিক চৎনরিবা মওং অসিদা, জুলাই ২০২৪ দগী দিশেম্বর ২০২৮ ফাওবা প্রধান মন্ত্রী গরিব কলয়ান য়োজনা(পি এম জি কে এ ৱাই) অমসুং অতোপ্পা য়াইফ-থৌরাংগী স্কিমশিংগী মখাদা মখা তানা মীয়ামদা চেঙ পীবা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।
প্রধান মন্ত্রী গরিব কলয়ান য়োজনা(ফুদ সবসিদি)গী শরুক অমা ওইনা ভারত সরকারনা চাদা ১০০ শেন পুথোক্তুনা কেন্দ্র সরকারগী থবক অমা ওইনা চেঙ পীবগী থবক মখা চৎথগনি অমসুং মসিনা অপুনবা ওইনা থবক অসি পায়খৎনবা থবক অমা পায়খৎলে।
প্রধান মন্ত্রীনা ৭৫শুবা নিংতম্বা নুমিত্তা পীখিবা ৱারোলগী মতুংইন্না, লৈবাক অসিদা দরকার ওইবা মচি ওইবা চীঞ্জাক ফংহন্নবা তার্গেতেদ পব্লিক দিস্ত্রিব্যুসন সিস্তেম(তি পি দি এস), ইন্তিগ্রেতেদ চাইল্দ দিবলপমেন্ত স্কিম(আই সি দি এস), পি.এম পোসন(হান্নগী এম দি এম) গী মখাদা এনেমিনা অমসুং মাইক্রোন্যুত্রিয়েন্তশিং ৱাৎপা থেংন্নবা রাজ্যশিং অমসুং য়ু.তিশিংদা মখা তানা চেঙ পীগদবনি। ভারত সরকারগী এনেমিয়া মুক্তা ভারত স্ত্রাতেজিগী মখাদা মখা তানা চেঙ পীবগী থবক পাংথোক্কদবনি।
এপ্রিল ২০২২দা কেবিনেত কম্মিতি ওন ইকোনোমিক এফেয়ার্সনা তাঙ্কক নাইনা লৈবাক শীনবা থুংনা মার্চ ২০২৪ ফাওবদা চেঙ ফংহনবগী থবক পায়খৎনবা ৱারেপ লৌখি। হায়রিবা ফেজ অহুম অসি মাইপাক্না লোইশিনখ্রে অমসুং দরকারগী স্কিমশিংনা মীওই খুদিংমক্তা চেঙ ফংহন্নবা পান্দম অসি মার্চ ২০২৪ দা ফংবা ঙম্লে।
২০১৯ অমসুং ২০২১ দা পাংথোকখিবা নেসনেল ফেমিলি হেল্থ সর্ভে-৫ গী মতুংইন্না, ভারত শীনবা থুংনা এনেমিয়া লৈবদগী চহি মতাং কয়াগী অঙাংশিং, নুপীশিং শোকহনখি। আইরন ৱাৎপগী মথক্তা, অতোপ্পা বিতামিন অমসুং মিনরেলশিং হায়বদি বিতামিন বি১২ অমসুং ফোলিক এসিদ ৱাৎপদগী মীওই কয়াগী হকশেলদা অকায়বা পীখি অমসুং মীওই কয়া থবক শুবদা অপনবা পীখি।
মচি ওইবা চীঞ্জাক হেন্না ফংহনবা অসি খুদোংথিনিঙাই ওইবা মীওই কাংলুপশিং এনেমিয়া অমসুং মাইক্রোনিউত্রিয়েন্ত ৱাৎপা থেংন্নবা পাম্বৈ ওইনা শীজিন্নরি। ভারতকী ওইনা চেঙ অসি মাইক্রোন্যুত্রিয়েন্তশিং ফংহন্নবা খ্বাইদগী ফবা পাম্বৈ ওইরি অমসুং ভারতকী অপুনবা মীশিংগী চাদা ৬৫ চাক অসি চাই। রাইজ ফোর্তিফিকেসন অসিদা ফোর্তিফাইদ রাইজ কেরনেলস(এফ আর কে) য়াওহন্দুনা, এফ.এস.এস.এ.আইগী মতুংইন্না আইরন, ফোলিক এসিদ, বিতামিন বি ১২ য়াওরে।
