প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী মন্দলনা ফাইনান্সিএল ইমপ্লিকেসন লুপা করোর ৪৬০৭.৩০গা (সেন্ত্রেল সিয়র লুপা করোর ৩,০০০ অমসুং স্তেৎ সিয়র লুপা ১৬০৭.৩০ ওইনা) লোইননা ০১-০৪-২০২১দগী ৩১-০৩-২০২৬ ফাওবা নেস্নেল আয়ুশ মিসন (এন.এ.এম.) অসি সেন্ত্রেলী স্পোন্সর্দ স্কিম ওইনা মখা চত্থবদা অয়াবা পীখ্রে। মিসন অসি ১৫-০৯-২০১৪দা হৌদোকখিবনি।
আয়ুর্বেদ, সিধা, সোৱা রিগপা, উনানি অমসুং হোমিওপেথি (এ.এস.য়ু. এন্দ ঐচ) অসিগুম্বা ঙাকথোক্নবা, ফগৎহন্নবা অমসুং লায়েংনবা হেল্থকিয়রগী লৌশিংগী পুকৈ অমা ওইরিবা হীদাক লাংথক্কী ত্রেদিস্নেল সিস্তেমশিং অসি মশক তাক্লিবা লম্বা লৈত্রবা ভারতকী হেরিতেজ অমা লৈজৈ। ভারতকী হীদাক লাংথক্কী সিস্তেমশিংগী অফবা মগুনশিং মমিং ওইনা পল্লবদা মখোয়গী দাইভর্সিতী অমসুং ফ্লেক্সিবিলিতী; এক্সেসিবিলিতী; এফোর্দেবিলিতী, মীচম প্রজাশিংগী অচৌবা শরুক অমনা য়ান্নরবা; শেল চংবা হন্থবা অমসুং ইকনোমিক ভেল্যু হেনগৎলকপা, হায়রিবশিং অসিনা ঐখোয়গী মীয়ামগী অচৌবা শরুকশিংনা মথৌ তাবা হেল্থকিয়র ফংহন্নবা প্রোভাইদরশিং ওইবা য়াবগী অচৌবা মতিক ময়াই চেল্লি।
সেন্ত্রেলী স্পোন্সর্দ স্কিম ওইরিবা নেস্নেল আয়ুশ মিসন অসি ভারত সরকারগী আয়ুশ মন্ত্রালয়না আয়ুশ হোস্পিতালশিং অমসুং দিস্পেন্সরীশিং অপগ্রেদ তৌবগী খুত্থাংদা য়ুনিভর্সেল এক্সেস অমগা লোইননা শেল চংদবা আয়ুশ সর্ভিসশিং ফংহন্নবা, প্রাইমরী হেল্থ সেন্তরশিং (পি.ঐচ.সি.শিং), কম্ম্যুনিতী হেল্থ সেন্তরশিং (সি.ঐচ.সি.শিং) অমসুং দিস্ত্রিক্ত হোস্পিতালশিং (দি.ঐচ.শিং)দা আয়ুশ ফেসিলিতীশিং কো-লোকেসন তৌবা, আয়ুশ এজুকেস্নেল ইন্সতিত্যুসনশিং অপগ্রেদ তৌবগী খুত্থাংদা রাজ্যগী থাক্তা ইন্সতিত্যুস্নেল কেপাসিতী মপাঙ্গল কনখৎহনবা, অনৌবা ফমুং ৫০ থাবা ইন্তিগ্রেতেদ আয়ুশ হোস্পিতাল লিংখৎপা, আয়ুশ পব্লিক হেল্থ প্রোগ্রামশিং অমসুং আয়ুশ হেল্থ এন্দ ৱেলনেস সেন্তর ১২,৫০০ মথৌ তৌহন্দুনা আয়ুশ প্রিন্সিপলশিং অমসুং প্রেক্তিসশিংদা য়ুম্ফম ওইবা হোলিস্তিক ৱেলনেস মোদেল অমগী সর্ভিসশিং ফংহন্দুনা লাইনা লাইচৎকী অৱাবা হন্থহন্নবা অমসুং শেল হেন্না চাদিং তৌদনবা মীয়ামদা “সেল্ফ-কিয়র” ফংহন্নবা পান্দমশিং থম্বগা লোইননা ইমপ্লিমেন্ত তৌখি।
মিসন অসিনা লৈবাক অসিদা মরু ওইনা শোত্থরবা অমসুং অরাপ্পা মফমশিংদা আয়ুশ হেল্থ সর্ভিসশিং/এজুকেসনশিং ফংহন্নবা রাজ্য/য়ু.তি. সরকারশিংমা হোৎনরিবা অসি শৌগৎপগী খুত্থাংদা হেল্থ সর্ভিসশিংগী অহোবশিং অসি মেনখৎলি। এন.এ.এম.গী মখাদা অসিগুম্বা মফমশিংগী অখন্নবা মথৌ তাবশিংগী ওইনা মখোয়গী এন্যুএল প্লানশিংদা অহেনবা রিসোর্সশিং এলোকেসন তৌনবা অখন্নবা মীৎয়েং চংলি।
মিসন অসিদগী ফংলকপা য়াবা ফলশিং মখাদা পীরি:
- আয়ুশ সর্ভিস পীবা অমসুং হীদাক-লাংথকশিং অমসুং ত্রেন তৌবা মেনপাৱর হেন্না ফংহনদুনা হেল্থকিয়র ফেসিলিতীশিং হেনগৎহনবগী খুত্থাংদা আয়ুশ হেল্থকিয়র সর্ভিসশিংদা হেন্না এক্সেস ফংহনবা,
- নীংথিজনা ইক্বিপ তৌরবা আয়ুশ এজুকেস্নেল ইন্সতিত্যুসনশিংগী মশিং হেনগৎহনবগী খুত্থাংদা আয়ুশ এজুকেসন ফগৎহনবা,
- আয়ুশকী হেল্থকিয়র সিস্তেমশিং শিজিন্নদুনা তার্গেতেদ পব্লিক হেল্থ প্রোগ্রামশিংগী খুত্থাংদা কম্ম্যুনিকেবল/নন-কম্ম্যুনিকেবল দিজিজশিং হন্থহনবদা মীৎয়েং চংবা।
