প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী কেবিনেতনা ঙসি লৌউ-শিংউ অমসুং লৌমীশিংগী য়াইফ-থৌরাং মন্ত্রালয়, কঞ্জুমর এফিয়র্স, ফুদ অমসুং পব্লিক দিস্ত্রিব্যুশন মন্ত্রালয় অমসুং ফুদ প্রোসেসিং ইন্দস্ত্রীজগী তোঙান-তোঙানবা স্কীমশিং পুল্লপ পুনশিন্নদুনা “কোওপরেতিব সেক্তরদা মালেম অসিগী খ্বাইদগী চাউবা গ্রেন স্তোরেজ প্লান”গীদমক্তা ইন্তর-মিনিস্তরিয়েল কমিতী (আই.এম.সি.) অমা শেম্বগী অমসুং এম্পাৱর তৌনবগী অয়াবা পীখ্রে।
প্রোফেস্নেল ওইবা মওংদা প্লান অসিবু অকক্নবা মতমগী মনুংদা অমসুং চাং মান্ননা থবক ওইনা পাইখৎহন্নবা, কোওপরেশন মন্ত্রালয়না লৈবাক অসিগী তোঙান-তোঙানবা রাজ্যশিং/য়ু.তি.শিংদা য়ামদ্রবদা খনগৎলবা জিলা ১০দা পাইলোত প্রোজেক্ত ওইনা থবক পাইখৎলগনি। পাইলোত অসিনা প্রোজেক্ত অসিগী রিজন কয়া অমগী মথৌ তারিবশিং অদুগী মতাংদা য়াম্না মরু ওইবা ই-পাউ পীরগনি, মসিদগী খঙলকপশিং অদুনা লৈবাক শিনবা থুংনা প্লান অসিগী থবক পাইখৎপদা য়াওহল্লগনি।
ইমপ্লিমেন্তেশন
অয়াবা পীরবা আউৎলেশিং অমসুং পীরিবা পান্দমশিং অদুগী মনুংদা খনগৎলবা ‘ভায়েবল’ প্রাইমরী এগ্রিকলচরে ক্রেদিৎ সোসাইতীজ (পি.এ.সি.এস.)দা লৌউ-শিংউ অমসুং মরি লৈনবা মরমশিংগীদমক্তা গোদাউনশিংগুম্বা ইনফ্রাস্ত্রকচর শেমগত্তুনা কোওপরেতিব সেক্তরদা মালেম অসিগী খ্বাইদগী চাউবা গ্রেন স্তোরেজ প্লানগীদমক্তা মরি লৈনবা মন্ত্রালয়শিংগী স্কীমশিং অদুবু মথৌ তারকগী মতুং ইন্না গাইদলাইনশিং/ইমপ্লিমেন্তেশন মেথোদোলোজীশিং অদুবু শেমদোক্নবা ইন্তর-মিনিস্তরিয়েল কমিতী (আই.এম.সি.) অমা কোওপরেশন মন্ত্রীনা ময়াই তাংবল লৌদুনা লৌউ-শিংউ অমসুং লৌমীশিংগী য়াইফ-থৌরাংগী মন্ত্রী, কঞ্জুমর এফিয়র্স, ফুদ অমসুং পব্লিক দিস্ত্রিব্যুশনগী মন্ত্রী, ফুদ প্রোসেসিং ইন্দস্ত্রীজগী মন্ত্রী অমসুং মরি লৈনবা সেক্রেতরীশিংনা মেম্বর ওইদুনা শেম্লগনি।
প্লান অসি মরি লৈনবা মন্ত্রালয়শিংগী মশক খঙদোক্লবা স্কীমশিংগী মখাদা পীরিবা অলৈবা আউৎলেশিং অদুবু শিজিন্নদুনা ইমপ্লিমেন্ত তৌরগনি।
(ক) লৌউ-শিংউ অমসুং লৌমীশিংগী য়াইফ-থৌরাং মন্ত্রালয়:
- এগ্রিকলচর ইনফ্রাস্ত্রকচর ফন্দ (এ.আই.এফ.),
- এগ্রিকলচরেল মার্কেতিং ইনফ্রাস্ত্রকচর স্কীম (এ.এম.আই.),
- মিসন ফোর ইন্তিগ্রেতেদ দেবেলপমেন্ত ওফ হোর্তিকলচর (এম.আই.দি.ঐচ.),
- সব মিসন ওন এগ্রিকলচরেল মেকানাইজেশন (এস.এম.এ.এম.),
(খ) ফুদ প্রোসেসিং ইন্দস্ত্রীজকী মন্ত্রালয়:
- প্রধান মন্ত্রী ফোর্মেলাইজেশন ওফ মাইক্রো ফুদ প্রোসেসিং এন্তর্প্রাইজেস স্কীম (পি.এম.এফ.এম.ই.)
- প্রধান মন্ত্রী কিসান সম্পদা য়োজনা (পি.এম.কে.এস.ৱাই.)
(গ) কঞ্জুমর এফিয়র্স, ফুদ অমসুং পব্লিক দিস্ত্রিব্যুশনগী মন্ত্রালয়:
- নেস্নেল ফুদ সেক্যুরিতী এক্তকী মখাদা ফুদ গ্রেনশিং এলোকেত তৌবা,
- মিনিম সপোর্ত প্রাইসতা প্রোক্যোরমেন্ত ওপরেশনশিং পাংথোকপা
প্লান অসিগী কান্নবা
- প্লান অসি মাইকৈ য়াম্না খাইদোকই – পি.এ.সি..এস.কী থাক্তা গোদাউনশিং থমদুনা লৈবাক অসিদা এগ্রিকলচরেল স্তোরেজ ইনফ্রাস্ত্রকচরগী অৱাৎপা লৈরিবশিং অদুবু য়েংশিনবদা নত্তনা পি.এ.সি.এস.বুসু অতোপ্পা থবক-থৌরমশিং পাইখৎপা ঙমহল্লগনি, খুদম ওইনা :
- রাজ্যগী এজেন্সীশিং/ ফুদ কোর্পোরেশন ওফ ইন্দিয়া (এফ.সি.আই.)গিদমক্তা প্রোক্যোরমেন্ত সেন্তরশিং ওইনা মথৌ তৌবা;
- ফিয়র প্রাইস শোপস (এফ.পি.এস.) ওইনা থবক তৌবা;
- কস্তম হায়রিং সেন্তরশিং হাংদোকপা;
- লৌউ-শিংউগী পোত্থোকশিংগীদমক্তা অসেয়িং, সোর্তিং, গ্রেদিং য়ুনিৎ অসিনচিংবশিং অসি য়াওনা কমন প্রোসেসিং য়ুনিৎশিং হাংদোকপা।
- মখাতাবদা, লোকেলগী থাক্তা দিসেন্ত্রেলাইজদ স্তোরেজ কেপাসিতী থম্বনা ফুদ গ্রেন মাংবগী চাং হন্থগনি অমসুং লৈবাক অসিগী ফুদ সেক্যুরিতী হেন্না মপাঙ্গল কনখৎহল্লগনি।
- লৌমীশিংদা ওপ্সনশিং পীবনা, মহৈ-মরোংশিংবু মমল য়াম্না হোংনআ য়োনবা থিংগনি, মসিনা মরম ওইরগা লৌমীশিংদা মখোয়গী পোত্থোকশিং অদুবু হেন্না য়াম্বা মমল ফংহল্লগনি।
- মসিনা প্রোক্যোরমেন্ত সেন্তরশিংদা ফুদ গ্রেনশিং পুথোক-পুশিন তৌবদা অমসুং স্তোকশিং অদুবু ৱ্যরহাউসশিংদগী এফ.পি.এস.দা অমুক পুরকপদা চংবা মমল অদু হন্থহল্লগনি।
- ‘ওল-ওফ-গোবর্নমেন্ত’ এপ্রোচকী খুত্থাংদা, প্লান অসিনা পি.এ.সি.শিংবু মখোয়গী বিজনেস এক্তিবিতীশিং দাইভর্সিফাই তৌবদা মতেং পাংদুনা মপাঙ্গল কনখৎহল্গনি, মসিনা মরম ওইরগা লৌমীশিংবুসু মখোয়গী ইনকমশিং অদু হেনগৎহল্লগনি।
তাইম-ফ্রেম অমসুং ইমপ্লিমেন্ত তৌবগী মওং
- কেবিনেতকী অয়াবা ফংলবা মতুং চয়োল অমগী মনুংদা নেস্নেলগী থাক্তা লৈবা কোওর্দিনেশন কমিতী শেম্লগনি।
- কেবিনেতকী অয়াবা ফংলবা মতুং নুমিৎ ১৫নিগী মনুংদা ইমপ্লিমেন্তেশন গাইদলাইনশিং থোক্লগনি।
- কেবিনেতকী অয়াবা ফংলবা মতুং নুমিৎ ৪৫নিগী মনুংদা পি.এ.সি.এস.বু ভারত সরকার অমসুং রাজ্য সরকারশিংগা লিঙ্ক তৌনবগীদমক্তা পোর্তেল অমা
- কেবিনেতকী অয়াবা ফংলবা মতুং নুমিৎ ৪৫নিগী মনুংদা প্রোপোজল অদু ইমপ্লিমেন্ত তৌবা হৌরগনি।
বেকগ্রাউন্দ
ভারতকী প্রধান মন্ত্রীনা কোওপরেতিবশিংগী মপাঙ্গল অদু শিজিন্ননবা হোৎনবা ঙম্বা থবক খুদিংমক তৌগদবনি অমসুং “সাহাকার-সে-সমৃদধি”গী ভিজন অসিবু ফংবা ঙম্নবা মখোয়শিং অদুবু মাইপাকপা অমসুং ভাইব্রেন্ত ওইবা বিজনেস এন্তর্প্রাইজশিংদা ওন্থোক্নবা হোৎনগদবনি হায়না হায়খি। মসিগী ভিজন অসিবু খুমাং চাউশিনহন্নবগীদমক্তা, কোওপরেশন মন্ত্রালয়না ‘কোওপরেতিব সেক্তরদা মালেম অসিগী খ্বাইদগী চাউবা গ্রেন স্তোরেজ প্লান’ পুথোরকখ্রে। মসিগী প্লান অসিনা পি.এ.সি.এস.গী থাক্তা ৱ্যেরহাউস, কস্তম হায়রিং সেন্তর, প্রোসেসিং য়ুনিৎ অসিনচিবশিং অসি য়াওনাএগ্রি-ইনফ্রাস্ত্রকচরগী মখল কয়া অমা থম্বা য়াওরি, অসুম্না মখোয়শিং অসিবু মল্তিপর্পোস সোসাইতীশিংদা ওইনা ওন্থোক্লগনি। পি.এ.সি.এস.গী থাক্তা ইনফ্রাস্ত্রকচর শেমগৎপা অমসুং মোদর্নাইজ তৌবনা স্তোরেজ কেপাসিতী মতিকচানা লৈহন্দুনা ফুদ গ্রেন মাংবগী চাং হন্থহল্লগনি, লৈবাক অসিগী ফুদ সেক্যুরিতী কনখৎহল্লগনি অমসুং লৌমীশিংবু মখোয়গী মহৈ-মরোংশিং অদুবু হেন্না ফবা মমল ফংহল্লগনি।
লৈবাক অসিদা লৌমী করোর ১৩দগীশু হেন্না হেনবা মেম্বর মশিং লৈবা প্রাইমরী এগ্রিকলচরেল ক্রেদিৎ সোসাইতীজ (পি.এ.সি.এস.) ১,০০,০০০ হেন্না লৈ। ভারতকী শেন্মিৎলোনগী এগ্রিকলচর অমসুং রুরেল লেন্দস্কেপতা অহোংবা অমা পুরকপদা গ্রাস রুত লেভেলদা পি.এ.সি.এস.না লৌখিবা মরু ওইবা থৌদাংশিং অদু য়েংলগা অমসুং খ্বাইদগী অরোইবা তাঙ্কক ফাওবা মখোয়না য়ৌশিল্লিবা অদুগী মতং লৌনবা, অতোপ্পা এগ্রি ইনফ্রাস্ত্রকচরগআ লোইননা পি.এ.সি.এস.কী থাক্তা দিসেন্ত্রেলাইজ তৌরবা স্তোরেজ কেপাসিতী লৈহন্নবা মসিগী অনৌবা থৌরাং অসি লৌখৎলকখিবনি, মসিনা লৈবাক অসিগী ফুদ সেক্যুরিতী ফগৎহনবদা নত্তনা পি.এ.সি.এস.শিংবুশু ভাইব্রেন্ত ইকোনোমিক এন্তাইতীশিংদা ওন্থোকপা ঙমহল্লগনি।
