রেলৱে স্তাফকী থবক ফজনা পাংথোকপা ইকায়খুম্নবা উৎপা ওইনা, রেলৱে ইমপ্লোইয়ি ১১,৭২,২৪০ দা লুপা করোর ২০২৮.৫৭গী নুমিৎ ৭৮ গী প্রদক্তিবিতি লিঙ্ক বোনস (পি এল বি) পীবদা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।
শেনফম অদু রেলৱে স্তাফকী তোঙান-তোঙানবা কাংলুপশিং হায়বদি ত্রেক শেন্নরিবশিং, লোকো পাইলোতশিং, ত্রেন মেনেজরশিং(গার্দশিং), স্তেসন মাস্তরশিং, সুপরভাইজরশিং, তেক্নিসিয়ানশিং, তেক্নিসিয়ান হেলপরশিং, পোইন্তসমেন, মিনিস্তরিয়েল স্তাফ অমসুং অতোপ্পা গ্রুপ সি স্তাফতা পীগনি। রেলৱেগী থবক ফগৎনবা রেলৱে ইমপ্লোইয়িশিংগী পুক্নিং থৌগৎনবা শেনগী মতেং ওইনা পি.এল.পি পীগদবনি।
চহি খুদিংগী দুর্গা পুজা/দুসেরা কুহ্মৈশিং মমাঙদা রেলৱে ইমপ্লোইয়িশিংদা পি.এল.বি পীরি। চহি অসিগী ওইনা, নুমিৎ ৭৮ গী খুৎশুমলগা মান্নবা পি.এল.বি অসি নন-গেজেতেদ রেলৱে ইমপ্লোইয়ি লাখ ১১.৭২ দা পীগনি।
খুদোংচাবা ফংবা য়ারবা রেলৱে ইমপ্লোইয়ি অমনা নুমিৎ ৭৮ গী ফংবা য়াবা খ্বাইদগী য়াম্বা শেনফম অসি লুপা ১৭,৯৫১ নি। হায়রিবা শেনফম অসি রেলৱে স্তাফকী তোঙান-তোঙানবা কাংলুপশিং হায়বদি ত্রেক শেন্নরিবশিং, লোকো পাইলোতশিং, ত্রেন মেনেজরশিং(গার্দশিং), স্তেসন মাস্তরশিং, সুপরভাইজরশিং, তেক্নিসিয়ানশিং, তেক্নিসিয়ান হেলপরশিং, পোইন্তসমেন, মিনিস্তরিয়েল স্তাফ অমসুং অতোপ্পা গ্রুপ সি স্তাফতা পীগনি।
২০২৩-২০২৪ দা রেলৱেগী ফিবম য়াম্না ফখি। রেলৱেজনা রেকোর্দ ওইনা কার্গো তন মিল্লিয়ন ১৫৮৮ পুখি অমসুং পেসেঞ্জর বিল্লিয়ন ৬.৭ রোম পুখি।
হিরম কয়ানা মসিগী অফবা থবকশিং অসি পাংথোকপা ঙমখিবনি। হায়রিবা থবকশিং অদুগী মনুংদা রেলৱেদা সরকারনা রেকোর্দ ওইনা কাপেক্স থাদরকপদগী ইনফ্রাস্ত্রকচর ফগৎলকপা অমসুং থবক ফজনা পাংথোকপা অমসুং হেন্না ফবা তেক্নোলোজি শীজিন্নবদগী ওইরকপনি।
