প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতী ওন ইকনমিক এফ্যার্সনা ঙসি লুপা করোর ২৮,৬০২ রোমগী ইনভেস্তমেন্তকা লোয়ননা নেস্নেল ইন্দস্ত্রিএল কোরিদোর দিভেলপমেন্ত প্রোগ্রাম (NICDP)গী মখাদা অনৌবা প্রোজেক্ত প্রপোজেল ১২ অয়াবা পীদুনা লৌখিবা লেন্দমার্ক ওইবা ৱারেপ অমগা লোয়ননা ভারতনা অথুবা মতমদা ইন্দস্ত্রিএল স্মার্ত সিতীশিংগী অচৌবা লিকফাং অমা শিরগনি। খোঙথাঙ অসিনা শেন্মিৎলোন মশক থোক্না চাওখৎহনগদবা অমসুং মালেমগী অথোয় অহেন তান্নবগী চাং হেনগৎহনগদবা ইন্দস্ত্রিএল নেতৱর্ক অমসুং ময়োল্লমশিংগী অচৌবা নেতৱর্ক অমা শেমগত্তুনা লৈবাকসিগী ইন্দস্ত্রিএল লেন্দস্কেপতা অওন্বা পুরক্লগনি।
স্তেত ১০দা শন্দোক্লিবা অমসুং অচৌবা কোরিদোর ৬তা মওং মরিল নাইনা থৌরাং তৌরবা প্রোজেক্তশিং অসিনা মেনুফেকচরিং কেপেবিলিতী অমসুং শেন্মিৎলোন চাওখৎপগী চাং হেনগৎহন্নবা ভারতকী খোঙজঙদা মশক থোক্না মাঙদা চঙশিনহনবগী মশক উৎলি। হায়রিবা ইন্দস্ত্রিএল এরিয়াশিং অসি উত্তরাখন্দগী খুর্পিয়া, পঞ্জাবকী রাজপুরা-পতিয়ালা, মহারাস্ত্রগী দিঘী, কেরলাগী পলক্কর, য়ু.পি.গী অগ্রা অমসুং প্রয়াগরাজ, বিহারগী গয়া, তেলঙ্গনাগী জহীরাবাদ, এ.পি.গী ওর্বাকল অমসুং কোপ্পরথীঈ অমসুং রাজস্থানগী জোধপুর-পালিদা লৈগনি।
মরুওইবা পন্বা য়াবশিং:
স্ত্রেতেজিক ইনভেস্তমেন্ত: NICDP অসি অচৌবা এঙ্কর ইন্দস্ত্রীশিং অমসুং মাইক্রো, স্মোল, অমদি মেদিয়ম এন্তরপ্রাইজেজ (MSMEs) অনিমক্তগী ইনভেস্তমেন্ত পুরক্তুনা মশক মচু থোকপা ইন্দস্ত্রিএল ইকোসিস্তেম অমা পুরক্নবা শেম-শাবনি। হায়রিবা ইন্দস্ত্রিএল নোদশিং অসিনা ২০৩০ ফাওবদা মপান্দা পোৎ থাদোকপগী চাং $2 ত্রিলিয়ন ফংনবগী মচাক ওইদুনা, মরোমদোম লেপচবা অমসুং মালেমগী ওইনা হিদান্নবা ঙম্বা ভারত অমগী লৈঙাক্কী মঙলানগী মমি উৎলি।
স্মার্ত সিতীজ অমসুং মতমগী ইনফ্রাস্ত্রকচর: অনৌবা ইন্দস্ত্রিএল সিতীশিং অসি মালেমগী থাক্কী গ্রীনফিল্দ স্মার্ত সিতীশিং ওইনা, ‘প্লগ-এন-প্লে’ অমসুং ‘ৱাল্ক-তু-ৱর্ক’কী ৱাখল্লোন্দা “দিমান্দগী মাঙওইননা” শেমগৎকনি। থৌওং অসিনা ময়োল্লমশিংবু তুং কোইগদবা অমসুং মতিং লৈবা ইন্দস্ত্রিএল ওপরেসনশিং পীবা ঙমগদবা খুমাঙ চাওশিল্লবা ইনফ্রাস্ত্রকচর লৈহনগনি।
পি.এম. গতিশক্তিদা এরিয়া এপ্রোচ: পি.এম. গতিশক্তি নেস্নেল মাস্তর প্লানগী পরিংদা, প্রোজেক্তশিং অসিনা মল্তি-মোদেল কন্নেক্তিবিতী ইনফ্রাস্ত্রকচর য়াওদুনা, মী, পোৎ-চৈ, অমসুং সর্ভিসশিং অপন্বা লৈতনা পুথোক পুশিন তৌবা য়াহনগনি। ইন্দস্ত্রিএল সিতীশিং অসি লমদম পুম্বদুদা অওন্বা পুরক্নবগী গ্রোথ সেন্তর ওইনবা মীৎয়েঙ থম্বনি।
‘ভিক্সিত ভারত’ অমগী মঙলান:
প্রোজেক্তশিং অসি অয়াবা পীখিবা অসি ‘ভিক্সিত ভারত’ – চাওখৎপা ভারত অমগী মঙলান মঙফাওনহন্নবা মাঙদা থাংজিন্বা খোঙথাঙ অমনি। ভারতপু গ্লোবেল ভেল্যু চেন্স (GVC)গী অকন্বা প্লেয়র অমা ওইনা থমদুনা, NICDP না খুদক্তা পীবা য়াননবা লমগী পার্সেলশিং শেম শাদুনা থমদুনা লমদমসিগী অমগী মালেমগী ইনভেস্তরশিংবু ভারত্তা মেনুফেকচরিং য়ুনিৎশিং শেমগৎপদা লায়থোকহনগনি। মসিনা ‘আত্মনিরভর ভারত’ নৎত্রগা মরোমদোম লেপচবা ভারত অমা শেমগৎপগী মপুং ওইবা পান্দম পরিংদা লৈদুনা, অহেন্বা ইন্দস্ত্রিএল আউতপুত অমসুং এমপ্লোইমেন্তকী খুত্থাঙদা শেন্মিৎলোন চাওখৎহনগননি।
শেন্মিৎলোন্দা পীবা ইথিল অমসুং থবক পীবগী ফীভম:
NICDP না নীংথিনা থৌরাং তৌরবা ইন্দস্ত্রিএলাইজেসনগী খুত্থাঙদা দাইরেক্ত জোব মিলিয়ন ১ অমসুং ইন্দাইরেক্ত জোব মিলিয়ন ৩ লোমগা লোয়ননা শিংথানিংঙাই ওইবা এমপ্লোইমেন্তকী খুদোংচাবশিং শেমগৎকনি হায়না পারি। মসিনা পুন্সি হিংনবগী লম্বী পীবতা নত্তনা প্রোজেক্তশিং অসি পায়খৎলিবা মফমশিংদুগী খুন্নাই-শেন্মিৎলোনগী ফীভম ফগৎহনবদা থৌদাং য়াগনি।
সস্তেনেবল দিভেলপমেন্তকী খোঙফম:
NICDP গী মখাদা পায়খৎলিবা প্রোজেক্তশিং অসি তুং কোইনা চৎকদবা হায়বসিদা মীৎয়েঙ থমদুনা, ICT-ইনেবল্দ য়ুতিলিতীশিং অমসুং অকোয়বগী ফীভমদা পীবা শাফু হন্থহন্নবা গ্রীন তেক্নোলোজীশিং হাপ্তুনা শেম শাবনি। মতিং লৈবা, থাজবা য়াবা, অমসুং তুং কোইগদবা ইনফ্রাস্ত্রকচর ফংহন্দুনা, লৈঙহক্না শেন্মিৎলোনগী থবক থৌওংশিংগী মকোল ওইবখক্তা নত্তনা এনভাইরনমেন্তেল স্তেৱার্দসিপকী মোদেলসু ওইগদবা ইন্দস্ত্রিএল সিতীশিং শেমগৎনবা পান্দম থম্লি।
অনৌবা ইন্দস্ত্রিএল নওদ ১২ অয়াবা পীখিবা অসিনা মালেমগী মেনুফেকচরিং পৱারহাউস ওইরক্নবগী ভারতকী খোঙচত্তা মশক থোকপা পন্দোল অমা ওইরে। ইন্তিগ্রেতেদ দিভেলপমেন্ত, সস্তেনেবল ইন্ফ্রাস্ত্রকচর, অমসুং সীমলেস কন্নেক্তিবিতীদা স্ত্রেতেজিক ওইবা মীৎয়েঙ থমদুনা, হায়রিবা প্রোজেক্তশিং অসিনা ভারতকী ইন্দস্ত্রিএল লেন্দস্কেপকী মশক ওলহল্লগনি অমসুং লাক্কদৌরিবা চহিশিংদা লৈবাকসিগী শেন্মিৎলোন চাওখৎপা পুরক্কনি।
অনৌবা সেংসনশিং অসিগী মথক্তা, NICDP না হান্ননা প্রোজেক্ত মরি লোইশিনখ্রে, অদুগা অতোপ্পা মরি অমনা হৌজিক পায়খৎলি। অসুম্না মখা চত্থবসিনা ভারতকী ইন্দস্ত্রিএল সেক্তরদা অওনবা পুরক্নবা অমসুং মশক মচু থোকপা, তুং কোইগদবা, অমসুং পুম্নমক শুপ্পা শেন্মিৎলোনগী ফীভম পুরক্নবা হোৎনবদা লৈঙাক্কী খোঙফম তাক্লি।
