ঐহাক্কী নুংশিজরবা ইরৈবাকচাশিং খুরুমজরি।
হৌজিক ওইরিবা কোরোনাগী মতম অসিগী মনুংদা মালেম অসি অওনবা তাঙ্কক কয়া লাকখ্রে। ঙসি, গজ অনিগী অরাপ্পা থম্বা অসি তঙাই ফদবা ওইরক্লি, লাইচৎ অসিগী মনুংদা ইমুংগী মীওইশিংগী মরক্তা মরী ফগৎহন্দুনা মখোয়বু নকশিন্নহল্লি। অদুবু অশুক শাংখ্রবা মতম অসিদা পুন্না লৈবা, কমদৌনা লৈবা, মতম করম্না লেনবা, মিৎকুপ খুদিং করম্না নুংঙাইনা লৈগনি? অদুবু অয়াম্বা ইমুংদদি মসিদা খুদোংচাদবা কয়া লাক্লি – মরমদি ঐখোয়গী চৎনবী অসিদা ইমুং মনুংদা চেল্লিবা চৎনবীগী ইচেল পুম্নমক লৈত্রে লোইখ্রে খল্লিবা ইমুং অদুনা পুন্না লৈমিন্নবা হায়বা অসি অৱাবা অমনি। মসিবু করম্না কোকহনগদগে? ৱাফম অদু করিনো? ইমুং অমদা অহল অমা নত্ত্রগা অমনা ইমুংগী মীয়ামদা ৱারী লিদুনা তাহল্লি, মসিনা ইমুং অদুদা অনৌবা থৌনা হাপ্পি। মতাং অসিদা ঐখোয়গী ইপা-ইপুশিংনা শেম্বীরম্বা কাংলোনশিং অসি ঙসি কয়াদা মমল য়ামখ্রবনো হায়বা অদু খঙবা ঙম্মি। ৱারী লিবগী হৈশিংবা, মরূপশিং ৱারী লিবগী পুৱারী অসি অদুক্কী মতিক লিরবনি, মীওইবনা হেক লৈবদগী লৈরক্লবনি। ‘হ্বের তিয়র ইজ এ সোল, তিয়র ইজ এ স্তোরী’।ৱারীনা মীওইবগী শেম শাবা হৈবা অমদি থমোইগী ওইবা ফিভম অদুবু উৎথোকই। ৱারীগী মপাঙ্গল অসি কয়াম কনবগে হায়ববু মমানা মচা অপীকপা তুম্বা থেম্বা নত্ত্রগা চাক পীজবা মতমদা ৱারী লিবা অদু তারগা খঙবা ঙমগনি। ঐহাক্কী পুন্সিগী মতম কয়া অমদি কোয়চৎ-চৎপা অমদি লাইনীংবা অমা ওইনা লেল্লক্লবনি। কোয়বনা ঐগী পুন্সি ওইরকখি। নুমিৎ খুদিংগী অনৌবা খুঙ্গং, অনৌবা মী, অনৌবা ইমুং থেংনরুবা মীওই অদুবু ঐনা চৎলুবা ইমুং খুদিংদা ঐনা অঙাংশিংদা হায়, নখোয় ঐঙোন্দা ৱারী অমত্তা লিয়ুদনা…..অদুবু অঙকপদি অঙাংশিং অদুনা হায়, ৱারী লিরোই কাকা ফাগী ওইনা হায়গে! মখোয়নসু ঐঙোন্দা কাকা ফাগী খরা হায়বীয়ু; মখোয় ৱারী করিনো খঙদে। মখোয়গী পুন্সি অদু ফাগীদা অদুম লোইশিনখ্রে। মরূপশিং ভারত্তা ৱারী লিবগী চৎনবী অসি য়াম্না চাউখৎলম্মি। হিতোপদেশ অমসুং পঞ্চ তন্ত্রগী চৎনবীদা ৱারীশিংদা শা উচেকশিংগী অমদি হেল্লোইশিংগী ৱাখলনা শাবা ৱারীশিং হৈশিংবা অমদি লৌশিংগী ৱারীবু লাইনা খঙহনবা ঙম্বা লম অসিদা পোকপা মীনি হায়বগী চাউথোকচৈ। ঐখোয়গী ৱারী লিবগী চৎনবী অমা লৈ। ধর্মদা য়ুম্ফম ওইবা ৱারীশিং লিবগী চৎনবী অসি য়ৈলহৌঙৈদগী লৈরক্লে। মসিদা ‘কথকলাকশেপম’ য়াওরি। ঐখোয়গী লম অসিদা ফুঙ্গা ৱারী মখল কয়া লৈ। তমিল নাদু অমসুং কেরলাদা, ৱারী লিবগী চৎনবী অসি য়াম্না পাম্নৈ। মসিবু ‘বিলু পাত’ হায়না খঙনৈ। মসিদা ৱারী অমদি ঈশৈগী পুক্নীং হুরবা লিপুন অদু উরি। ভারত্তা হঙগী লাইগী য়াম্না ফজরবা চৎনবী অমসু লৈরি। হৌজিক্তি সাইন্স অমদি সাইন্স-ফিক্সনগী ৱারী লিনবগী চৎনবী হেনগৎলক্লি। মী খরনা ৱারী লিবগী চৎনবী অসিবু হেন্না চাউখৎহন্নবা হোৎনরি। ‘Gathastory.in’ অসিনচিংবা ৱেবসাইৎকী মরমদা পাউ তারে, মসি অমর ব্যাসনা অতোপ্পা মীওইশিংগা পুল্লগা শেম্বনি। অমর ব্যসনা আই.আই.এম., আহমদাবাদতগী এম.বি.এ. লোইরবা মতুংদা মীরৈবাক্তা লৈরুরে অদুগা অমুক হল্লকখি। হৌজিক বেঙ্গলুরুদা লৈদুনা ৱারীগা মরী লৈনবা হীরম কয়াদা থবক তৌরি। ভারতকী খুঙ্গংশিংগী ৱারীবু হেন্না পামনবা হেন্নবা হোৎনরি। বাইশালী ব্যৱাহর দেশপান্দেগুম্বা মীওই কয়ানা মরাথী লোলগী ৱারীশিংবু মীয়াম্না পাম্ননবা হোৎনরি।
চেন্নৈগী শ্রীবিদ্য বীর রঘবনসু ঐখোয়গী চৎনবীগা মরী লৈনবা ৱারীশিং খঙহন্দুনা অমদি শন্দোকপদা পুক্নীং চংলি, মহাক্না কথালয়া অমদি ইন্দিয়ন স্তোরী তেলিং নেৎৱার্ক কৌবা ৱেবসাইৎ অনি হাংদুনা থবক কন্না চত্থরি। গীতা রামানুজন্না kathalaya.orgদা ৱারীশিংদা পুক্নীং চংনা থবক তৌরি লোইননা ইন্দিয়ন স্তোরী তেলিং নেৎৱার্ক্কী মতেংনা তোঙান তোঙানবা শহরশিংগী স্তোরী তেলরগী নেৎৱার্ক শেম্নবা হোৎনরি। বেঙ্গলুরুগী বিক্রম শ্রীধরনা বাপুগা মরী লৈনবা ৱারীশিংদা পুক্নীং চংলি। মখোয়দা নত্তনা হীরম অসিদা থবক তৌরিবা মীওই কয়া লৈ। মখোয়গী মরমদা সোসিএল মীদিয়াদা শোইদনা শিয়র তৌবীয়ু।
ঙসি, বেঙ্গলুরুগী স্তোরী তেলিং সোসাইতীগী ইচল অপর্না অথারে অমদি মহাক্কী কাংবু লৈরে। মখোয়গা ৱারী ঙাইহাক শানসি।
প্রধান মন্ত্রী: – হেলো
অপর্না: – খুরুমজরি, ইকাই খুম্নজরবা প্রধান মন্ত্রী! কমদৌবীরিগে?
প্রধান মন্ত্রী: – নুংঙাইজরি. অদোমদি কমদৌরি, অপর্নাজী?
অপর্না: – য়াম্না নুংঙাইজরি সর। অহানবদা ঐহাক্না অদোমবু বেঙ্গলোর স্তোরী তেলিং সোসাইতীগী মায়কৈদগী অদোমনা ঐখোয়বু কৌবীরকপা অমদি ঐখোয়গুম্বা কলাকারশিংবু প্লেৎফোর্ম অসিদা ৱারী শানবা তাঞ্জা অমা পীবীগীদমক থাগৎচরি।
প্রধান মন্ত্রী: – ঙসি অদোমগী অপুনবা তীম অদোমগা ফম্মিনরি হায়না ঐহাক্না তাজৈ।
অপর্না: – চুম্মি সর।
প্রধান মন্ত্রী: – অদু ওইরবদি অদোমগী তীমবু শক তাকপীয়ু। অদোমগী চত্থরিবা অচৌবা কেম্পেন অদু ‘মন কী বাত’ তারিবশিংনা খঙহৌনবা শক তাকপীয়ু।
অপর্না: – সর ঐহাক অপর্না অথারেনি। ঐহাক অঙাং অনিগী মমানি অমদি এয়র ফোর্স ওফিসর অমগী লোইনবীনি অমসুং ৱারী লিবা পামজবা মীওই অমনি। ঐহাক্না চহি ১৫গী মমাংদা সোফৱেয়র ইন্দস্ত্রীদা থবক তৌরিঙৈদগী হৌরকখি। মতম অদুদা ঐহাক্না সি.এস.আর.গী প্রোজেক্তশিংগী ভোলুন্তরীগী থবক তৌবা হৌখি, ৱারী লিবগী খুত্থাংদা অঙাং লিশিং কয়াদা মহৈ মশিং তম্বীনবা খুদোংচাবা অমা ফংখি। ঐহাক্না লিজখিবা ৱারীশিং অদু ঐহাক্কী ইবোক্তগী তাখিবা ঙাক্তনি। অদুবু ৱারী অসি তাবা মতমদা অঙাংশিং অদুগী মায়থোংদা তারিবা নুংঙাইবগী মমি অদু উবদা নুংঙাইবা পোকখি, মায়থোংশিং অদুগী মীনোক্তা হরাওবগী মমি তারি অমদি মীকুপ অসিদগী ঐহাক্কী পুন্সিগী পান্দম অসি ৱারী লিবা ওইরগে হায়না ৱারেপ লৌখি।
প্রধান মন্ত্রী: – অদোমগী তীমদা কনা-কনা লৈবগে?
অপর্না: – ঐহাক্কা লোইননা শৈলজা সম্পত লৈরি।
শৈলজা: – খুরুমজরি সর
প্রধান মন্ত্রী: – খুরুমজরি সর
শৈলজা: – ৱা ঙাংজরিবা অসি শৈলজা সম্পতনি। মমাংদা ঐহাক ওজা অমা ওইরম্মি। ঐহাক্কী ইচাশিংনা চাউরক্লবা মতুংদা থিএতরদা থবক তৌবা হৌরকখি অমসুং অরোইবদা ৱারী লিবা অসিদা য়াম্না অপেনবা পোকখি।
প্রধান মন্ত্রী: – থাগৎচরি!
শৈলজা: – ঐহাক্কা লৈমিন্নরিবা অসি সোমিয়ানি।
সোমিয়া: – খুরুমজরি সর!
প্রধান মন্ত্রী: – খুরুমজরি!
সোমিয়া: – ঐহাক সোমিয়া শ্রীনিবাসন্নি। ঐহাক সাইকোলোজিস্ত অমনি। ঐহাক্না থবক তৌরিঙৈ মতমদা অঙাংশিং অমসুং অহলশিংদা মীওবদা য়াওরিবা রস মাপল অদু উৎথোক্নবা হোৎনখি অমদি মখোয়গা মসিগী মতাংদসু নৈনখি। ঐহাক্কী পান্দমদি ‘হিলিং এন্দ ত্রান্সফোর্মেতিব স্তোরীতেলিং’ অসিনি।
অপর্না: – খুরুমজরি সর!
প্রধান মন্ত্রী: – খুরুমজরি!
অপর্না: ঐহাক্কী মিং অপর্না জয়শঙ্কর কৌই। ঐহাক্না ইমা-ইপা পোকপা ইপু-ইবেলশিংগা লৈবাক অসিগী মফম কয়াদা চাউরকখি মরম অসিনা রামায়ন, পুরানশিং অমদি গীতাশিংগী ৱারীশিং নুমিদাং খুদিংগী তাবা ফংজৈ। লোইননা বেঙ্গুলুরু স্তোরী তেলিং সোসাইতীগুম্বা ওর্গনাইজেসন লৈরবনিনা ঐহাক ৱারী লিবা অমা ওইবা তাবনি। ঐহাক্কী নাক্তা ঐহাক্কী মরূপ লবনিয়া প্রসাদসু লৈরি।
প্রধান মন্ত্রী:- লবনিয়া খুরুমজরি!
লবনিয়া: – খুরুমজরি সর! ঐহাক ইলেক্ত্রিকেল ইঞ্জিনীয়র অমনি অদুবু হৌজিক্তা প্রোফেস্নেল স্তোরী তেলর ওইরে। ঐহাক্কী ইপুনা লিবা ৱারীশিং তারগা ঐহাক চাউরকখি। ঐহাক্না সিনিয়র সিতিজেনশিংগা লোইননা থবক তৌরি। ঐহাক্কী প্রোজেক্তশিংগী মমিং ‘রুৎস’ কৌই। ঐহাক্না মখোয়গী ইমুং মনুংগীদমক মখোয়গী পুন্সিগী ৱারী দোক্যুমেন্তেসন তৌরি।
প্রধান মন্ত্রী: – লবনিয়া থাগৎচরি। নহাক্না হায়বা অদুগুম্না ঐহাক্না মমাংগী মন কী বাত্তা অদোমগী ইমা ইপা পোকপা ইপু ইবেনশিংদা মখোয়গী অঙাং ওইরিঙেগী ৱারীশিং হংঙু অমদি রিকোর্দ তৌশিল্লু য়াম্না কান্নরক্কনি হায়না হায়খি। অদুবু নখোয়না নশাগী মরমদা হায়রকপা অদু য়াম্না নুংঙাই। নহাক্কী ৱা ঙাংবগী হৈশিংবা অমদি ৱাহৈ খজিক্তংনা ফজনা নশাবু মশক তাকচবদু য়াম্না ফজৈ, হন্না হন্না থাগৎচরি।
লবনিয়া: -থাগৎচরি সর! থাগৎচরি!
প্রধান মন্ত্রী: – হৌজিক মন কী বাত তাবিরিবশিংনা ৱারী তানীংলমগদবা মাল্লি। ৱারী অমা অনিদং লিবীবা য়াগদ্রা?
কোরস: – শোইদনা, ঐখোয়গী লাইবক ফবনি।
অপর্না জয়শঙ্কর: – “তাবীসি, নিংথৌ অমগী ৱারীনি। নিংথৌ অসিগী মমিং কৃষ্ণ দেব রাই কৌই অমসুং মহাক্কী লৈবাক্কী মমিংনা বিজয়নগর কৌই। য়াম্না মতিক মগুন লৈবা নিংথৌ অমনি। মহাক্কী অশোইবা অমা হায়রবদা মহাক্না মহাক্কী মন্ত্রী তেনালী রামা অমদি চিঞ্জাক কা হেন্না পাম্বা অসিনি। নিংথৌনা অয়ুক্কী চাকলেনগীদমক অহাও অহাওবা কয়া চাগনি হায়না খনদুনা ঙাই অদুবু নুমিৎ খুদিংগী মহাক্কী চাক থোংবনা মহাও য়াওদবা য়েঞ্চাং ঙাক্তা পীজৈ, খোঙদ্রুম, মায়রেন, সেবোৎ। অসুম্না অশুম তৌবা অসিদা নিংথৌনা নোংমা চাক চারম্বদগী শাওনা পুখম অদু লংথোরকই। অমদি মহাক্কী চাক থোংবা অদুদা লাওথরকই, হয়েংদি অহাওবা মথেল থোংদ্রবদি ফাঁসীগী শগাই কাননবা শেম শারো। চাক থোংবা অদু কিবনা লোইরে হৌজিকপু অনৌবা মনা-মশিং কদায়দগী লৌরুগনি? চাক থোংবা অদু তেনালী রামাগী মনাক্তা চৎতুনা ৱারী পুম্বা লিরম্মী। মদু রাবদা তেনালী রামানা উপাই তাকপীরক্লে। মথংগী নুমিৎতা নিংথৌ অদু চাক চানবগীদমক চংলকই। চাক থোংবা অদু কৌরগা হায়রকই, ঙসি অহাওবা য়েঞ্চাং থোংবরা নত্ত্রগা ঐনা ফাঁসীগী শগাই শেম্লুরো হায়বরা? চাক থোংবা অদুনা কিন-কিনা পুখম তেঙ্কোৎ পুথোক্তুনা শেম শারে। নিংথৌবু ফোং-ফোং শাবা চাক য়েঞ্চাং পীদুনা পীজবা হৌরে। য়েঞ্চাং অদু অনৌবনি নিংথৌ অদু হরাওরে। মহাক্না খজিক লৌখৎতুনা মহাও তংই। ৱা..কয়াদা হাওখ্রবা য়েঞ্চাংনো! শেবোৎগুম্নসু চমদে মায়রেনগুম্নসু থুমদে। চাক থোংবা অদুনা মরু মরাং অদু ঙৌদুনা থাকপদুনা মহাও লৈরে। মখুৎ অদু লেক্লদুনা হরাওরবা নিংথৌনা চাক থোংবা অদু কৌশিন্দুনা হংলম্মি.. “মসি করি য়েঞ্চাংনো? মমিং করি কৌই?” নীংথিনা তম্বীরবা চাক থোংবা অদুনা পাউখুম পীরকই “ইনিংথৌ মসি লুহুপ উপ্পা খামেন কৌই। ইবুঙো নহাকগুম্না মহাকসু মনা-মশিংশিংগী নিংথৌনি মরম অসিনা অতোপ্পা মনা-মশিংনা খামেনবু লুহুপ উপ্পীরিবনি” নিংথৌ অদু য়াম্না হরাওরে, মহাক্না হায়রকই, ঙসিদগী ঐহাক লুহুপ উপ্পা খামেন অসি চারগনি। “ঐহাক্তা নত্তনা ঐহাক্কী লৈবাক অসিদা শুপ্নতগী খামেন খক্তা থোংগনি, অতোপ্পা মনা-মশিং অমত্তা থোংলোই।” নিংথৌ অমদি অতোপ্পা মীয়াম পুম্বা হরাওরে। অহানবদদি ময়াম পুম্বা অনৌবা য়েঞ্চাং চাবা অদুদা হরাওনরে অদুবু শুম কুইশল্লক্লবা অদুদদি অপাম্বা অদু খরা হন্থরক্লে। ইমুং অমদা মরু-মরাং হাপ্পা খামেন থোংবদা অতোপ্পা ইমুংদনা খামেন কাংহৌ ইমান মান্নরে। খামেন অমত্তনা শকলোন কয়া লৌবা ঙমগদৌরিবনো? তপ্না-তপ্না নিংথৌসু চাবা ঙম্লক্তরে। নুমিৎ খুদিংগী খামেন! নোংমদি নিংথৌনা চাক থোংবা অদু কৌরে অমদি য়াম্না থিনা চৈরম্মি। “নঙোন্দা কনানা খামেনগী মকোক্তা লুহুপ উপ্পি হায়। লৈবাক অসিদা কনা অমত্তনা খামেন চাবা য়াররোই। হয়েংদগী য়েঞ্চাং অমা হেক্তা থোংবা য়াগনি খামেনদি থোংবা য়াররোই।” “ইনিংথৌগী য়াথং ইকোক নোঞ্জরি,” অসি হায়রম্লদুনা চাক থোংবা অদু চুমদ্রিং তেনালী রামাগী মনাক্তা চৎখ্রে। তেনালী রামাগী মখোঙ কোন্দুনা হায়রকই, “মন্ত্রী ইবুংঙো থাগৎচরি! নহাক্না ঐহাক্কী থৱায় কনবীরে, নহাক্কী লৌশিংদগী হোজিক্তি ইনিংথৌদা য়েঞ্চাং অমা হেক্তা পীজবা য়ারগনি।” তেনালী রামানা নোক্লদুনা হায়রকই, “ইনিংথৌবু হরাওহনবা ঙমদ্রবদু মন্ত্রী লৈরুবগী করি কান্নরুগনি।” অসুম তৌদুনা কৃষ্ণ দেব রামা অমদি মন্ত্রী তেনালী রামাগী ৱারী কয়া লৈরি অমসুং মীওই কয়ানা তানরি। থাগৎচরি।
প্রধান মন্ত্রী: – অদোমনা অসুক্কী মতিক হৈশিংনা মমুৎ তানা লিবীরী, অঙাং, অহল তারিবশিংনা কাওবা ঙম্লরোই। অদোমনা য়াম্না নীংথিনা লিবীখ্রে, তাঞ্জা চানরুবা হায়বা অদুনি লৈবাক অসিদা পোশন মাহসু পাংথোক্লি মসি মচি ওইবা চীঞ্জাক্কী মরমদনি। অদোমগুম্বা স্তোরীতেলর কয়ানা হৌগৎলক্লিবা মীরোলশিং অসিদা লৈবাক্কী থোইদোক হেন্দোক্না খঙনরবা মীওইশিং, নুপীশিংগী মরমদা ৱারীশিংগী খুত্থাংদা খঙহনবা য়াই; ঐখোয়গী ৱারীগী মহৈ অসি মীয়ামদা খঙহন্নবা য়ুমথোং খুদিংদা অঙাংশিংবু ৱারী তাহনবা অসিনা মীয়ামগী পুন্সিদা অচৌবা খুদোল অমা পীগদৌরিবনি। মসিগী এৎমোস্ফিয়র অমা শেম্বা তাই। ময়ামগা ৱারী শাবা ফংবা অসি য়াম্না নুংঙাইজৈ। পুম্নমকপু অফবা মঙ্গল পীজরি। থাগৎচরি।
কোরস: থাগৎচরি সর।
ৱারীশিং লিবগী খুত্থাংদা লোইবা নাইদ্রবা নাৎকী ঈচেলবু মখা তানা পুথনবা হোৎনবগী মতাংদা ইচে-ইচলশিংদগী তাবীখ্রে। ফোন্দা ৱারী শাখিবা অদু ওন্থোক্না শাংখ্রে, মন কী বাতকী মতম অসিদদি অককনবা ওইবনিনা ৱাফম পুম্বা নরেন্দ্র মোদী এপতা অপলোদ তৌজরগে হায়না খঞ্জরে। মপুং ফানা ৱারী মদুদা শোইদনা তাবীয়ু। হৌজিক মন কী বাত অসিদদি মসিগী শরুক খরা খক্তনি ঐহাক্না থমজরিবা! ঐহাক্না হায়জনীংলিবদি চয়োল খুদিংগী য়ুম খুদিংদা ৱারী লিবীনবা মতম ঙাইহাক্তি কায়থোকপীয়ু, মীওই অমনা হীরম অমা লৌখৎপীয়ু, খুদম ওইনা কত্থোকপগী, থৌনা ফাবগী, মিংচৎ উরোন খিনবগী, হীরম অমদা ইমুংগী মীওই পুম্বনা অমমমতা ৱারী লিবীবা য়াই!
য়েংবীয়ু, মতম অদুদা অচুম্বা ইমুং অদুদা অচৌবা লনগৈ অমা পুরকপা ঙমগনি, রিসর্চকী অচৌবা থবক অমা পাংথোক্লগনি অমসুং পুন্না নুংঙাইমিন্নগনি! অনৌবা পুন্সি অনৌবা আশা অমা ইমুং অদুদা ফংবা ঙমজগনি – অসুম্না ঐখোয়না থবক অমগসু পাংথোকপা য়ারি। ৱারী লিরিবশিংদা ঐহাক্না হায়জনীংবদি ঐখোয় হৌজিক নীংতম্বগী চহি ৭৫শুরকপগী কুমওন পাংথোক্কদৌরে, মীনাই য়োৎহ্লিং থাংলিঙৈগী থৌনা লৈবা ৱারী কয়া ঐখোয়না শন্দোকপা য়ারোইদ্রা? মরু ওইনা ১৮৫৭তগী ১৯৪৭ ফাওবগী, থৌদোক মচা মচাশিং ঐখোয়গী অনৌবা মীরোলশিংদা ৱারী ওইনা খঙহনবা য়াই – থবক অসি শোইদনা পাংথোকপীরক্কনি হায়না ঐহাক্না থাজৈ। ৱারী লিবগী কলা অসি লৈবাক অসিদা হেন্না চেৎশিন্নবা অমদি হেন্না শন্দোকখিনবা মদুগা লোইননা ইরাই লাইহন্নবা – ঐখোয় পুন্না হোৎনমিন্নসি!
ঐগী নুংশিজরবা ইরৈবাকচাশিং, ৱারীগী তাইবংপাল অসিদগী লাপনা সমুদ্র ৱাংমা লান্না চৎলসি, খোঞ্জেল অসি তাবীয়ু!
“খুরুমজরি, ইচিন ইনাওশিং ঐগী মীং সেদু দেম্বেলে কৌই। ঐহাক নোংচুপ থংবা অফ্রিকাগী লৈবাক অমা ওইরিবা মালীদগীনি। ফেব্রুৱারীদা ভারতকী খ্বাইদগী চাউবা ধর্মগী ওইবা হরাউ-কুমহৈ কুম্ভ মেলাদা ঐহাক শরুক য়াবগী খুদোংচাবা ফংখ্রে। মসি ঐহাক্কী চাউথোকচনীংঙাইনি। ঐহাক্না কুম্ভ মেলা য়াওবা ফংজবদা নুংঙাইবা পোকই অমসুং ভারতকী নাৎকী মরমদা তম্বা য়াবা কয়া তমজরকখি। ভারতকী মরমদা হেন্না খঙনবা ঐখোয়বু ভারত্তা অমুক হন্না লাকপা য়ানবা খুদোংচাবা পীবীনবা হায়জরি। খুরুমজরি."
পি.এম. মসিনি মালীগী সেদু দেম্বেলেগী ৱাফম মসিবু নুংঙাইত্রনে? মালী ভারত্তগী য়াম্না লাপ্পা অদুগা য়াম্না চাউখ্রবা লেন্দ লোক ওইবা নোংচুপ অফ্রিকাদা লৈবা লৈবাক অমনি। সেদু দেম্বেলে অসি মালীগী কিতা কৌবা পব্লিক স্কুল অমদা ওজা ওই অমসুং মহাক্না ইংলিশ, ম্যুজিক, পেন্তিং অমসুং দ্রোৱিং তম্বী। অদুবু মহাকপু য়াম্না খঙনবা অমগা লৈরি- মীয়াম্না হিদুস্তানী বাবু হায়না খঙনৈ অদুগা মহাকপু অসুম্না হায়নবা অসিদা মহাক্না চাউথোকচৈ। নোংমায়জিং খুদিংগী নুংথিলদা ‘ইন্দিয়ন ফ্রিক্বেন্সী ইন বোলীৱুদ সোংস’ হায়বা পুং অমগী রেদিও প্রোগ্রাম অমা মালীদা শন্দোকই। মহাক্না মসি হৌখিবা চহি ২৩ অসিদা চত্থরক্লি। প্রোগ্রাম অসিগী মনুংদা মহাক্না ফ্রেঞ্চকা লোইননা মালীগী মীয়াম্না ঙাংনবা লোল বোম্বারাদা কমেন্তরী পী অদুগা মসি য়াম্না দ্রামাতিক ওইবা মওংদনি। ভারতপু মহাক্না য়াম্না নুংশিজৈ। ভারতপু মহাক্না য়াম্না নুংশিজরুবগী অতোপ্পা মরম অমসু লৈজৈ মদুদি মহাক ওগস্ত ১৫দা পোকই। সেদুজীনা হৌজিক নোংমায়জিং খুদিংগী নুমিদাং পুং ৯দা পুং অনিগী প্রোগ্রাম অমসু হৌদোকখ্রে, মসিদা মহাক্না বোলীৱুদকী ফিল্ম মপুম অমগী ৱারী ফ্রেঞ্চ অমসুং বোম্বালাদা লিরি।
পুক্নীং নুংশিবা সিন অমা য়াওরকপা মতাংদা ৱারী তারিবশিংগা পুন্না কপমিন্নৈ। সেদুজীবু ভারতকী নাৎকা শক খঙনহনখিবদি মহাক্কী মপা ইবুংঙোননি। মহাক্কী মপা অসি সিনেমা থিয়েতর অমদা থবক তৌরম্মি অদুগা ভারতকী ফিল্মসু উৎলম্মি। ওগস্ত ১৫গা হিন্দীদা শেম্বা ভিদিও অমগী খুত্থাংদা মহাক্না ভারতকী মীয়ামদা নীংতম্বা নুমিৎকী য়াইফ-পাউজেল পীরকখি। ঙসিদি মহাক্কী অঙাংশিংনা ভারতকী জাতিগী ঈশৈ লায়না শক্লি। অদোম্না মসিগী ভিদিও অনি অসি শোয়দনা য়েংবীয়ু অদুগা মহাক্না ভারতপু নুংশিজবা অদু খঙবীয়ু। সেদুজীনা দেলিগেসনগী মীহুৎ অমা ওইনা কুম্ভদা লাকপীরম্বা মতমদা ঐহাক্না উনজহৌই, মহাক্না ভারতপু নুংশিজবা, খোয়দাজবা অসি তশেংনমক ঐখোয়গী য়াম্না চাউথোকচনীংঙাইনি।
ঐগী নুংশিজরবা ইরৈবাকচাশিং, ঐখোয়গী লমদমশিংদা হায়নবা ৱাফম অমা লৈ মালেম লৈশাগা চেৎশিন্না লৈমিন্নরিমখৈ কল্লবা নোংলৈ নুংশিৎ কয়াদগীসু লেংদনা লৈবা ঙম্মি হায়নৈ। মসিগী কোরোনাগী অসিগুম্লবা ৱারবা মতম অসিদা ঐখোয়গী লৌউ শিংউগী লমদা ঐখোয়গী লৌমীশিং অসি মসিগী অচংবা খুদম্নি। খোদোংথিবগী অসিগুম্বা তাঞ্জা অসিদসু ইরৈবাক অসিগী লৌউ শিংউগী লমদা মশাগী তৌবা ঙম্বা মঙালদু উথোকপীরি। মরূপশিং লৈবাক অসিগী লৌউ শিংউগী লম, ঐখোয়গী লৌমী, ঐখোয়গী খুঙ্গং অসি মরোমদোম লেপচবা ভারত অমা আত্মনির্ভর ভারত্তা য়ুম্ফম ওইবনি। মখোয়শিং অসিনা য়ুম্ফম চেৎলবতদা আত্মনির্ভর ভারতকী য়ুম্ফমসু চেৎকদৌরিবনি। হৌখিবা মতম খরা অসিদা লম অসিদা লিপুন কয়াদগী মশাবু নীং তমহনজরে থাজবা কয়া অমসু থাদোকচবা ঙমজরে। লৌমী কয়াদগী ঐহাক্না চিথী ফংজৈ, লুপ কয়াগসু ৱারী শান্নজৈ মখোয়না তাকপীরকপগী মতুং ইন্না হৌজিক্তি লৌ উবা মতমদা অনৌ অনৌবা মওং কয়া অমা শিজিন্নরে, অওনবা অমা পুরক্লে। লৌমীশিং অসিগী ৱাফম খরা ঐহাক্না ঙসিগী মন কী বাত্তা থমজনীংই। হরিয়ানাগী সোনিপত দিস্ত্রিক্ততগী শ্রী কনৱর চৌহান কৌবা লৌমী ইচিন ইনাও অমনা অসু্ম্না তাকপীরকই।
মতম অমদা হৈ-রা মনা-মশিংশিং অসি কৈথেল নত্তবা অমদা য়োনবদা য়াম্না অৱাবা অমা ওইরম্মি। কৈথেলগী ৱাংমদা হেক য়োল্লুবদা হৈ-রা মনা-মশিংদা নত্তনা গারী ফাওবা ফাজিনবীখি। অদুবু ২০১৪দা হৈ-রা অমসুং মনা-মশিংদগী এ.পি.এম.সি. এক্ত লৌথোকপীখ্রে, মসিনা মহাক্না মহাক্কী মনাক নকপদা লৈরিবা লৌমী ইচিল ইনাওশিংদা কান্নবা য়াম্না ফংহল্লে। চহি মরিমুক্কি মমাংদা মহাক্না মাগী খুঙ্গংগী লৌমী মরূপ-মপাং খরগা লোইননা ফার্মর প্রদ্যুসর ওর্গনাইজেসন শেমখি। ঙসিদি খুঙ্গং অসিগী লৌমীশিংনা স্বীৎ কোর্ন অমসুং বেবী কোর্ন থাদুনা মখোয়গী পোত্থোকশিং অজাদপুর মন্দী, দিল্লী অচৌবা রিতেল চেনশিং অমসুং ফাইব স্তার হোতেলশিংদা হকথেংননা সপ্লাই তৌরে। ঙসিদি লৌমীশিংনা স্বীৎ কোর্ন অমসুং বেবী কোর্ন থাবদগী একর অমদা লুপা লাখ অনি মখাইদগী অহুম ফাওবা চহিগী ওইনা ফংলে। মসি খক্তা নত্তনা খুঙ্গং অসিগী লৌমী ৬০ হেনবা নেৎ হাউস, পোলী হাউস শাদুনা খামেন অশিনবা, থবী, অমসুং কেপসিকমগী তোঙান তোঙানবা মখলশিং পুথোক্তুনা চহিদা একর অমদা লুপা লাখ ১০দগী ১২ ফাওবা তাল্লে।
মখোয়দা তোপ তোপ্পা করম্বা ৱাফম অমা লৈবগে হায়বদু খঙবীবরা? মখোয়গী হৈ-রা মনা-মশিং অসি মফম অমা হেক্তদা কনাগুম্বা অমা হেক্তদা য়োন্নবগী পাঙ্গল অদু লৈজরে। অসিগুম্বা পাঙ্গল অসি মখোয়গী মায় পাকপগী য়ুম্ফমনি। হৌজিক্তি হায়রিবা পাঙ্গল অসি লৈবাক অসিগী অতৈ লৌমীশিংদসু ফংলে, হৈ-রা মনা-মশিংদা নত্তে, ফৌ, গেহু, হঙ্গাম, চুনচিংবা থারিবা খুদিংমক মশা মশাগী অপাম্বা মতুং ইন্না মমল কাবা মফম অমা হেক্তদা য়োনবগী মনীং তম্বা ফংলে।
মরূপশিং, চহি অহুম- মরিগী মমাংদা হৈ-রা অমসুং মনা-মশিংদগী মহারাস্ত্রদা এ.পি.এম.সি. লৌথোকখ্রবনি। অসিগুম্বা অওনবা অসিনা মহারাস্ত্রদা হৈ-রা অমসুং মনা-মশিং থাবীরিবা লৌমীশিংগী ফিভমদা করম্বা অহোংবশিং লাকখিবগে হায়বগী খুদমনি শ্রী স্বামী সমর্থ ফার্ম প্রদ্যুসর কম্পনী লিমিতেদ মসি ফার্মর প্রদ্যুসর্স ওর্গনাইজেসন অমনি। পুনে অমসুং মুম্বাইদা চয়োলগী ওইবা কৈথেল অসি লৌমী মশানা শেমজৈ। হায়রিবা কৈথেল অসিদা চাউরাক্না খুঙ্গং ৭০ মুক্কী লৌমী লিশিং মরি চামঙা মুক্না লৌমীগী পোত্থোক মিদলমেন য়াওদনা হকথেংননা য়োল্লি। খুঙ্গংগী নহাশিংনা লৌউ শিংউ অমসুং কৈথেলদা পোৎ য়োনবদা হকথেংননা শরুক য়ারি। মসিনা লৌমীশিংদা হকথেংননা কান্নবা ফংহল্লি অমসুং নহারোলশিংদসু থবক ফংহল্লি।
অতোপ্পা খুদম অমনা তমিল নাদুগী থেলিজীলাগীনি তমিল নাদু লফোই ফার্মর প্রদ্যুসর কম্পনী; মসিগী কম্পনী অসি মমিংতগী ওইনা কম্পনী হায়জবনি; তশেংবদি মসি লৌমী খরনা পুনশিল্লগা শেম্বনি। চহি মঙা তরুক্কী মমাংদগী শেমলক্লবা থৌরাংনি। হায়রিবা লৌমীগী কাংলুপ অসিনা লোকদাউনগী মতম অসিদা মনাক নকপা খুঙ্গংশিংদগী মনা-মশিং ,হৈ-রা অমসুং লফোই মেত্রিক তন চাম্মরোম লৈশিন্দুনা চেন্নৈ শহরদা মনা-মশিংগী কোম্বো কিৎ ফংহনখি।
খন্দুনা য়েংবীয়ু নহারোল কয়ামরুম্নো মখোয়না থবক পীরিবা অদুগা অমুক নুংঙাইজরিবদি মরক্কী মী য়াওদনা লৌমীশিংনা মদুগী কান্নবদু মপুং ফানা ফংজরে অদুগা লৈরিবশিংদসু কান্নবা অসি ফংহল্লে। মতৌ অসু্না লখনৌদসু অসিগুম্বা লৌমীগী কাংলুপ অমা লৈ। ইরাদা ফার্মর প্রদ্যুসর হায়না মখোয়না মমিং থোল্লি, মখোয়নসু লোকদাউন মনুং অসিদা লৌমীশিংগী লবুক্তগী হৈ-রা অমসুং মনা-মশিং হকথেংননা লৌরগা লখনৌ কৈথেলদা অপাম্বা মমলদা য়োল্লি। মরূপশিং গুজরাত্তা বনাসকন্তগী রামপুরা খুঙ্গংদা ইস্মায়ল ভাই কৌবা লৌমী অমা লৈ। মহাক্কী ৱারী অসিসু য়াম্না নুংঙাই। ইস্মায়ল ভাইগী মপাবুংদুসু লৌ উরম্মি অদুবু মদু মঙোন্দা মাংজবতা শরুক ওইখি মরম অদুনা মপাবুংনা লৌ উবসি কয়া পামদে। ইমুং মনুংগী অথিংবা লৈরবসু ইস্মায়ল ভাইগী ৱাখলদা লৌ উবা হায়বসি মাংজবতা ওইরে হায়বা ৱাখল্লোন অসি হোংহল্লগে হায়না লেপখি। মহাক্না লৌ উবা হৌখি, অনৌবা ইনোবেতিবকী পাম্বৈশিং শিজিন্নদুনা মহাক্না দ্রীপ ইরিগেসন শিজিন্নদুনা আলু থাবা হৌখি ঙসিদি মহাক আলুগীদমক্তা মশক নাইবা হায়বদু ওইরে। মহাক্কী আলুদু ক্বালিতী য়াম্না ফৈ। অচৌ অচৌবা কম্পনীশিংদা হকথেংননা য়োল্লি অমদি শেন্দোং নীংথিনা ফংই। হৌজিক্তি মহাক্না মপাগী শেন্দোন পুম্বা শিংদোকখ্রে। য়াম্না মরু ওইরিবা ৱাফম অমদি ইস্মায়ল ভাইনা মহাক্কী পুন্সিদা অওনবা পুরকপদা নত্তনা মহাক্কী অকোয়বদা লৈরিবা লৌমী কয়ামুক্তসু মতেং পাংলি।
মরূপশিং হৌজিক্কী মতমদা লৌউ শিংউদা ঐখোয়না অনৌ অনৌবা মওংশিং শিজিন্নরিবা মখৈ মাংলোমদা চংশিনবা হেল্লক্কনি অনৌবা ইনোবেসনশিং থোরক্কনি। মনিপুরদা লৈবা বিজয়শান্তিগী অনৌবা ইনোবেসনগী মরমদা পাক-শন্না ঙাংনরক্লি। মহাক্না থম্বাল মখোক্তগী লং শানবা স্তার্তঅপ অমা হৌদোকখ্রে। ঙসিদি মহাক্কী ইনোবেসন অসিনা মরম ওইরগা থম্বাল থাবা অমদি তেক্সতাইলগী লমদা অনৌবা লম্বী অমা য়াৎলে।
ঐগী নুংশিজরবা ইরৈবাকচাশিং ঐহাক ময়াম্বু হৌখ্রবা ৱারী অমদা ঙৈহাক পুদুনা চৎনীংই। চহি ১০১মুক শুরবা ৱাফমনি। ১৯১৯গীনি। ব্রিতিশকী লৈঙাক মতমদা জালিয়ানৱালা বাঘতা মরাল লৈজদ্রবা কয়া মীহাৎ থীনা হাৎখি। মীহাৎ অদুগী মতুংদা চহি ১২ শুরবা নুপামচা অমা থৌদোক থোকফম অদুদা চৎখি। মহাক্কী পুক্নীং মকা লাম্না ইঙাও ঙাওজবা নুপামচানি। অদুবু জালিয়ানৱালা বাঘতা মহাক্না উরুরিবা অদুদি মহাক্কী ৱাখলগী ৱাংমদনি। মহাক নুংবংনখি খল্লি অসুক মীনুংশি লৈতবসিবু হৌনব্রনে। তনৌরিবা মহাক্কী থমোইদা অশাওবনা মৈরি থোক্না চাক্লকখি। জালিয়ানৱালা বাঘতা মহাক ব্রিতিশ লৈঙাক্কী মায়োক্তা লান তৌগনি হায়না ৱাশকখি। ময়াম খঙবীরবরা কনাগী মরমদনো ঐহাক্না হায়জরিবসে মানি শহীদ ভগত সিংহগী মরমদনি ঐহাক্না হায়জরিবসি। হয়েং সেপ্তেম্বরগী ২৮ অসি ঐখোয় শহীদ বীর ভগৎ সিংহগী মপোক কুমওন পাংথোক্কনি। ঐহাক্না ইরৈচা পুম্বগা লোইননা থৌনা ফবগী শক্তম ওইরিবা শহীদ বীর ভগত সিংহগী মফমদা কোক নোনজরি। হায়নরিবনি মখোয়গী লৈঙাক্তি নুমিৎ তাবা লৈতে হায়না অদুবু অদুগুম্বা অদুক মপাঙ্গল লৈখ্রবা মখোয়না চহি ২৩ খক্কি নহা অদুবু কিখি। শহীদ ভগত সিংহদি থৌনা ফবগা লোইননা য়াম্না খঙ হৈবসু ওইখি। মহাক্কী পুন্সিগী লমদা হেন্না ঙাংনবা তৌদনা ভগত সিংহ অমদি মহাক্কী খোংলোইশিংনা থৌনা ফনা মায়োং য়াদুনা লৈবাক অসিগী নীংতম্বা পুরকপদা অচৌবা মতেং পাংখি। মহাক্না তীম ৱার্ক্তা থাজবা থমখি। ললা রাজপৎ রাই, চন্দ্রশেখর অজাদ, শুখদেব, রাজগুরুনচিংবগা লোইনখি। মহাক মিসন অমখক্তমক পুদুনা হিংখি, অদুগা মিসন অদুদি ভারতপু মীওৎ মীনৈ অসিদগী, ব্রিতিশ লৈঙাক অসিদগী নীংতমহনবা হায়বসিনি। ঐহাক্না নমো এপতা হায়দ্রাবাদতগী অজয় এস.জি.গী কমেন্ত পাজখি। মহাক্না ইবীরকপদা ঙসিগী মীরোলনা ভগত সিংহ কমদৌনা ওইবা ঙমগনি হায়বসিনি। হায়জনীংলিবদি ভগত সিংহ ওইবা ঙম্বা ঙমদবা ৱাফমশিং নাথৈবীরগা ভগত সিংহগুম্বা লৈবাক অসিবু নুংশিবা লৈবাক অসিগী করিগুম্বা খরা তৌগে হায়না ঐখোয় পুম্নমক্কী থমোইদা ফাওবা অসিনা ভগত সিংহগী মফমদা ঐখোয়না কৎচবা খ্বাইদগী ফজরবা হৈকৎ লৈকৎ ওইগনি। চহি মরিগী মমাংদা অসিগুম্বা পুংফম অসি ওইগনি সর্জিকেল স্ত্রাইক্কী মতমদা মালেম পুম্বনা ঐখোয়গী থৌনা ফরবা লান্মীশিং অসিগী হনবা লৈত্রবা থৌনা উবা ফংখ্রবনি। ঐখোয়গী থৌনা ফরবা লান্মীশিং অসিগী অমত্তা ঙাইরবা পান্দমদি – ভারত ইমাগী ইকাই খুম্নবা ঙাকপা, মথৌদা মাং থাদুনা চংশিনবা অসিনি।
ঐগী নুংশিজরবা ইরৈবাকচাশিং, লাক্কদৌরিবা মতমশিং অসিদা ভারত ইমাবু শেমগৎ শাগৎপদা মুৎনাইদ্রবা মিংচৎ উরোন খিল্লম্বা অথৌবা কয়াবু নীংশিংজগদৌরিবনি। ওক্তোবর ২ অসি ঐখোয় পুম্নমক্কী শেংলবা অমদি ইথিল পীরিবা নুমিৎ অমনি। নুমিৎ অসি ভারত মচা অনি – মহাত্মা গান্ধী অমদি লাল বহাদুর শাস্ত্রিবু নীংশিংবা নুমিৎনি।
কোক নোঞ্জনীংঙাইমক ওইরবা বাপুগী ৱাখল্লোন অমদি ফীরেপ-ফীদমশিং হৌজিক্না হেন্না মরু ওইবা হেল্লক্লি। মহাক্কী থৌনা লিংজেল অসি খঙলম্লবা, লম্বী অদুদা চৎলম্লবদি ঙসি আত্মনির্ভর ভারত অভিয়ানগী মথৌ তারম্লোই। বাপুগী পুন্সিনা ঐখোয়দা নীংশিংহল্লিবদি য়েলহৌঙৈদগী হৌনা লাইরবশিং য়াইফহনবা হায়বা অসিনি। মহাক্কী পুন্সিনা ঐখোয়না চম্না অমদি নোল্লুক্না হিংনবা পাউতাক পীরি। ওক্তোবর ১১ অসি ঐখোয়গীদমক্তদি থোইদোক হেন্দোক্না অখন্নবা নুমিৎ অমনি, নুমিৎ অসিদা ভারত রত্ন লোক নায়ক জয়প্রকাশ নরায়নবু মহাক্কী মপোক কুমওন নুমিৎ অসিদা নীংশিংগনি। জে.পি.না ঐখোয়গী লোকতান্ত্রিকপু ঙাক্নবা হোৎনবদা মাংজিল থাবীখি। ঐখোয়না ভারত রত্ন নানাজী দেশমুখপুসু নীংশিংজরি, মহাক্কী মপোক কুমওনসু তারিক ১১দা অদুমক তারি, মখোয় অনি য়াম্না নক্নবা মরূপসু ওইখি। ওক্তোবর ১২ অসি রাজ মাতা বেজেবা রাজে সিন্দিয়াগী মপোক কুমওন্নি – মহাক্কী পুন্সি মীওইবা শেবগীদমক কত্থোকখি। মহাক নিংথৌকোলদগী চাউরকপনি, মহাক্কী মরল লৈ, মপাঙ্গল লৈ অমদি অতোপ্পা পোৎলম অমতগী অৱাৎপা লৈতে। অদুবু মহাক্না মমা অমনা মচা নুংশিবগীদমক মীয়ামগী শেবাগীদমক কত্থোকখি। মহাক্কী থমোই য়াম্না চাউই। ওক্তোবর ১২ অসি মহাক্কী চহি চামা শুবগী মপোক কুমওন পাল্লন তৌবা ওইগনি, ঙসি ঐহাক্না রাজমাতাগী ৱারী শাবা অসিদা য়াম্না থমোই শোকপা থৌদোক অমা নীংশিংলকই। ঐহাক্না মহাক্কা চহি কয়া থবক তৌমিন্নবগী খুদোংচাবা ফংখি, থৌদোক কয়া লৈখি। অদুবু ঙসিদি ঐহাক থৌদোক অমগী মরমদা হায়জগে। কন্যাকুমারীদগী কশ্মীর ফাওবা ‘এক্তা য়ত্রা’ অমা চৎখি। য়ত্রা অসিগী লুচিংবনা দা. মুরলী মনোহর জোশীনি। দিসেম্বর-জনুৱারীগী য়াম্না ঈংবা মতমনি। নোংয়াই মতুং পুং ১ অদুৱাইদা ঐখোয় মধ্য প্রদেশকী গ্বালিয়র মনাক্কী শিবপুরী য়ৌরে। ইরুজ-মায়থজরগা তুমলগা হয়েংগী থৌদাং তৌগদবনি। চাউরাক্না পুং ২ তারম্লগনি, ঐহাক ইরুজ-মায়থজবা লোইরগা তুম্নবা থৌরাং তৌরি, কনানো অমনা থোংদা থিল্লকখি। থোং অদু হাংদোক্লুবা মতমদা ঐহাক্কী মাংদা রাজমাতা লেপলমখি। ঈংখ্রবা অহিং অদুদা রাজমাতা উবদা ঐহাক ঙকখি। ঐহাক্না মহাকপু খুরুজখি অমদি হংখি – ‘ইমা, অহিং অসিদা?’ মহাক্না হায়রকখি ‘নত্তে ইবুঙো, মোদীজী, শঙ্গোম অশাবা অসি থক্লগা তুম্মু’। মহাক মশানা শঙ্গোম পুদুনা লাকখি। অদুবু মহাক্না শঙ্গোম পীথক্লিবা অদু ঐহাক খক্তা নত্তে! ঐখোয়গী খোঙচৎ অদুগী অপুনবা মীওই ৩০-৪০, অমদি দ্রাইবর য়াওনা অতোপ্পা ৱার্করশিংগী কা-কাদা চৎতুনা অহিংগী পুং ২ তাবা মরমদা শঙ্গোম পীথক্লি! মমানা মচা নুংশিবগী চাউরবা খুদম্নি কাওবা ঙম্লরোই। মখোয়গুম্বা অথোইবশিংনা লৈবাক অসিগীদমক কত্থোকপা অমদি লাইনীংনা লৈবাক অসিবু শেম্বীরম্বনি। মসি ঐখোয়গী লাইবক ফবনি। মখোয়না মঙজরম্বা মঙলান অদু মঙফাওনবা ঙম্নবা ঐখোয় পুন্না হোৎনরসি!
ঐগী নুংশিজরবা ইরৈবাকচাশিং, কোরোনাগী মতম অসিদা ঐহাক্না অমুক হন্না ময়ামদা নীংশিংজরি – মাস্ক উপ্পীয়ু, ফেস সীল্দ য়াওদনা মপান থোকপীগনু। ‘গজ অনিগী অরাপ্পা থম্বীয়ু’, সোসিএল দিস্তেন্সিং তৌবনা অদোম অমদি অদোমগী ইমুং-মনুংবু ঙাকথোকপা ঙমহনগনি। হায়রিবা কাঙলোনশিং অসিনা ঐখোয়না কোরোনাগী মায়োক্তা লান্থেংনবদা শিজিন্ননবা খুৎলাইনি। হীদাক লৈত্রিবা ফাওবদি ঐখোয়না কোমথোক্লোইদবনি। অদোম অমদি অদোমগী ইমুং মনুং হকচাং ফনা লৈবীয়ু, য়াইফ-পাউজেল অসিগা লোইননা ময়ামবু হন্না হন্না থাগৎচরি!
খুরুমজরি!
Do not forget 'Do Gaj Ki Doori.' #MannKiBaat pic.twitter.com/Ei5IoWQcCt
— PMO India (@PMOIndia) September 27, 2020
PM @narendramodi begins this month's #MannKiBaat by talking about story telling, which has been a part of our nation for centuries. pic.twitter.com/8zMjJfDjwz
— PMO India (@PMOIndia) September 27, 2020
Story telling is as old as civilisation. #MannKiBaat pic.twitter.com/dHih97n7qZ
— PMO India (@PMOIndia) September 27, 2020
PM @narendramodi narrates an anecdote from his life, on the subject of story telling. #MannKiBaat pic.twitter.com/RpwvVCoOhk
— PMO India (@PMOIndia) September 27, 2020
India has a glorious tradition of story telling.
— PMO India (@PMOIndia) September 27, 2020
These days, stories relating to science are gaining popularity. #MannKiBaat pic.twitter.com/od6vbFNo1s
All across India, there are many Indians making story telling popular. #MannKiBaat pic.twitter.com/RB3hSOqiOR
— PMO India (@PMOIndia) September 27, 2020
PM @narendramodi's request:
— PMO India (@PMOIndia) September 27, 2020
As a family, set aside some time for story telling. This will be a wonderful experience.
The same way, highlight stories relating to the great women and men who have made India proud. #MannKiBaat pic.twitter.com/EAJrPlsPP5
India is very proud of our farmers. #MannKiBaat pic.twitter.com/BebtJkYiRq
— PMO India (@PMOIndia) September 27, 2020
Farmers are playing a major role in the efforts to build an Aatmanirbhar Bharat. #MannKiBaat pic.twitter.com/wEHRB77lKB
— PMO India (@PMOIndia) September 27, 2020
An inspiring example of a progressive farmer from Haryana. #MannKiBaat pic.twitter.com/NzLr5myVuC
— PMO India (@PMOIndia) September 27, 2020
Empowering India's hardworking farmers. #MannKiBaat pic.twitter.com/hq96qiL2gi
— PMO India (@PMOIndia) September 27, 2020
Maharashtra, Tamil Nadu and Uttar Pradesh...here is how our farmers are doing exceptional work. #MannKiBaat pic.twitter.com/crUl1Jfjgg
— PMO India (@PMOIndia) September 27, 2020
An inspiring story of Ismail Bhai from Banaskantha in Gujarat. #MannKiBaat pic.twitter.com/qbRJMuJy4m
— PMO India (@PMOIndia) September 27, 2020
India bows to Shaheed Veer Bhagat Singh. #MannKiBaat pic.twitter.com/fPLPsFzqLI
— PMO India (@PMOIndia) September 27, 2020
Shaheed Veer Bhagat Singh epitomised courage and team work. #MannKiBaat pic.twitter.com/u1bD2liM0d
— PMO India (@PMOIndia) September 27, 2020
Paying tributes to Shaheed Veer Bhagat Singh. #MannKiBaat pic.twitter.com/uzne5jgRfK
— PMO India (@PMOIndia) September 27, 2020
Had we followed the essence of Bapu's economic philosophy, we would never have to be working to build an Aatmanirbhar Bharat now. It would have happened much earlier. #MannKiBaat pic.twitter.com/YAcbZMiAVD
— PMO India (@PMOIndia) September 27, 2020
Remembering greats of India- Loknayak JP and Nanaji Deshmukh. #MannKiBaat pic.twitter.com/WNau7Am8gO
— PMO India (@PMOIndia) September 27, 2020
She hailed from a Royal Family and devoted herself to public service.
— PMO India (@PMOIndia) September 27, 2020
She was blessed with compassion.
Tributes to Rajmata Vijayaraje Scindia Ji.
PM @narendramodi shares an anecdote from the early 1990s of his interaction with Rajmata Ji. #MannKiBaat pic.twitter.com/lO8BRhPtPG
