ভারত্তগী জপান্দা হৈথোই-শিংথোইবা মীওই ৫০,০০০ য়াওনা, চহি ৫ দা মীওই ৫০০,০০০ লৈবাক অমনা লৈবাক অমদা চৎথোক-চৎশিন তৌনবা
ইন্দিয়া-জপান চহিগী মীফম ২০২৫ মনুংদা, খোঙচৎশিংগী খুৎথাংদা লৈবাক অনিগী মীয়ামগী মরক্ত হেন্না খঙবা হেনগৎহন্নবা অমসুং অফবা থবকশিং পুন্না পায়খৎমিন্ননবা অমসুং লৈবাকশিংগী মরুওইবশিং ফংনবা পুন্না থবক তৌমিন্ননবা খুদোংচাবশিং থিনবা ভারত অমসুং জপানগী প্রধান মন্ত্রীশিংনা য়ানরে।
তুংদা লৈবাক অনিগী মরক্ত থোং অমা ওইনা থবক তৌনবা ভারত অমসুং জপান্দা সরকার অমসুং লনাই কাংবুনা মীওইশিং চৎথোক-চৎশিনগী থবক পাকথোক-চাউথোকহনগনি। ভারত অমসুং জপানগী মরক্ত মীগা মীগা চৎথোক-চৎশিন তৌবগী অনৌবা ইনোৎ অমা শেম্নবা, হৈথোই-শিংথোইবা মীওই ৫০,০০০ য়াওনা, চহি ৫ দা মীওই ৫০০,০০০ হেন্না লৈবাক অমনা লৈবাক অমদা চৎথোক-চৎশিন তৌনবা লৈবাক অনিনা পান্দম অমা থম্লে। অসিগুম্বা থবকশিং অসিনা মখাগী পান্দমশিং অসি ফংগনি:
i. লৈবাক অমনা অমদা খন্নরিবা ৱাখলশিংদা লৈরিবা অহোবশিং মেনখৎতুনা ভারত্তগী জপান্দা হৈথোই-শিংথোইবা মীওইশিং চৎপা।
ii. লৈবাক অনিমক্ত পু্ন্না থিজিনবা, ললোন-ইতিক অমসুং মগুন হেনগৎহনবদা থবক শুনবা মীওইশিং অমনা অমগী মতেং পাংনবা।
iii. ভারত্ত জপানগী লোল তম্বা য়োকখৎপা অমসুং তুংগী শেন থাদবা ওইনা লৈবাক অমনা অমদা নাৎ, লাইরিক লাইশু অমসুং মীয়াম চৎথোক-চৎশিন তৌনবা।
iv. আই.তিগী মীওই ৱাৎলিবা জপান অমসুং মেনুফেকচরিং সেক্তর ফগৎনবা অমসুং স্কিল হেনগৎহন্নবা পান্দম থম্লিবা ভারতনা, লৈবাক অমনা অমদগী শেন-থুমগী কান্নবশিং লৌনবা।
v. জপানগী কম্পেনিশিং অমসুং ভারতকী মহৈরোয়শিংগী মরক্ত পুন্না থবক তৌনবা মফমশিং হেনগৎহন্নবা।
মাইকৈ অসিদা, ভারত অমসুং জপান্না মখাগী এক্সন প্লান অসি পুন্না হৌদোক্কনি, মসিনা মথং চহি ৫ দা ভারত্তগী জপান্দা হৈথোই-শিংথোইবা মীওই ৫০,০০০ চৎনবা সরকার, উদ্যোগ অমসুং মহৈলোয়শঙদা তোঙান তোঙানবা থবকশিং পুক্নিং থৌগৎকনি।
(1) য়াম্না হৈথোই-শিংথোইবা মীওই:
মথং চহি ৫ দা ভারতকী ইঞ্জিনিয়ারশিং অমসুং ওজাশিং জপান্দা চৎপা হেনগৎহনবা।
a) সেমিকন্দক্তরশিং অমসুং এ.আই য়াওনা পান্দম থম্লিবা হিরমশিংদা জপানগী কম্পেনিশিংদা থবক তৌনবগী খুদোংচাবশিংগী মরমদা খঙবা হেনগৎনবা পান্দমদা, ভারতকী অৱাংবা থাক্কী মহৈ তম্ফমশঙশিংদা জপানগী কম্পেনিশিংগী অখন্নবা মিসনশিং।
b) জপান্দা ভারতমচাশিংনা তৌরিবা থবকশিংগী সর্ভে পাংথোকপা, খ্বাইদগী ফবা থবকশিং/মাইপাকপগী ৱারিশিং খঙদোকপা, থবক্কী মরমদা ৱাখল তাহনবা, জপান্দা ভারতমচাশিং থবক য়াম্না ফংহনবা অমসুং ভারতকী হৈথোই-শিংথোইবা মীওইশিং মখা তানা থম্বা।
c) জপান একচেঞ্জ এন্দ তিচিং (জেত) প্রোগ্রামগী মখাদা জপান্দা ভারত্তগী ইংলিসকী ওজাশিং থবক ফংবা হেনগৎহনবা।
(2) মহৈরোয়শিং অমসুং থিজিল্লোয়শিং:
মথং চহি ৫ দা জপান্দা ভারতকী মহৈরোয়শিং, সাইন্তিসশিং অমসুং থিজিল্লোয়শিং চৎপা হেনগৎনবা, মতেং পাংগনি
a) মেক্স জপান অমসুং ভারতকী ইজুকেসন মিনিষ্ট্রিগী মরক্ত লাইরিক লাইশুগী লমদা লৈবাক অনি অৱাংবা থাক্কী থৌশিলগী ৱারি শানবা, লোয়ননা ভারত অমসুং জপানগী মরক্ত মহৈরোয় চৎথোক-চৎশিন হেনগৎনবা পাম্বৈশিংদা অহেনবা মীৎয়েং থম্বা অমসুং জপান্দা ভারতকী মীওইশিং পোষ্ট-ইজুকেসন ইনতর্নশিপ অমসুং থবক তৌনবা খুদোংচাবশিং ফংহনবা।
b) ভারতকী য়ুনিভর্সিতিশিংগা লোয়ননা মগুন লৈবা মালেমগী মহৈরোয়শিং অমনা অমদা চৎনবগী থৌরমশিং পাংথোক্নবা জপানগী য়ুনিভর্সিতিশিংনা শৌগৎপা মেক্সগী ইন্তর-য়ুনিভর্সিতি একচেঞ্জ প্রোজেক পুক্নিং থৌগৎপা।
c) জপান সাইন্স এন্দ তেক্নোলোজি এজেন্সি ( জে এস তি) গী সকুরা সাইন্স একচেঞ্জ প্রোগ্রামগী মখাদা, চহি খুদিংগী ভারতকী মহৈরোয়শিং অমসুং থিজিল্লোয়শিং জপান্দা চৎপা, মরুওইনা নুপী থিজিল্লোয়শিং শরুক য়ানবা পুক্নিং থৌগৎপা।
d) জপান গভর্নমেন্ত(মেক্স) স্কোলারশিপকী মখাদা জপান্দা লাইরিক তম্লিবা ভারতকী মহৈরোয়শিং মখাদা তানা মতেং পাংবা।
e) জপানগী ফোরেন এফেয়ার্স মিনিষ্ট্রিগী নৌনা হৌদোকপা মিরাই-সেতু প্রোগ্রাম্না, জপানগী কম্পেনিশিংদা চৎনবা অমসুং থা অমগী ইনভর্নশিপ ত্রেনিং শরুক য়ানবা ভারতকী য়ুনিভর্সিতি অমসুং পোষ্ট-গ্রেজুয়েদ মহৈরোয়শিং কৌরি।
f) জপানগী মহৈলোয়শঙশিংদা সাইন্স অমসুং তেক্নোলোজিগী হিরমশিংদা অতেনবা মতমগী চৎথোক-চৎশিন তৌনবা, ভারত অমসুং জপানগী মিনিষ্ট্রিশিং নত্ত্রগা এজেন্সিশিংগী মখাদা লৈবা ইন্তরনেসনেল য়ুথ সাইন্স একচেঞ্জ প্রোগ্রামনা হায় স্কুলগী মহৈরোয়শিং হকথেংননা কৌরি।
g) নহারোল থিজিল্লোয়শিং, পোষ্ট-গ্রেজুয়েদ মহৈরোয়শিং, জপান্দা লাক্নবা, অৱাংবা থাক্কী হিরমশিংদা ভারত অমসুং জপানগী য়ুনিভর্সিতিশিংগী মরক্ত পুন্না থিজিনমিন্নবা য়োকখৎনবা, জপানগী মেক্সনা নৌনা লোতস প্রোগ্রাম (ইন্দিয়া-জপান সর্কুলেসন ওফ তেলেন্তেদ য়ুথস ইন সাইন্স প্রোগ্রাম) হৌদোক্লে। ইনতর্নশিপগী খুৎথাংদা মখোয়গী মরক্ত জপানগী কম্পেনিশিংগা থবক তৌমিন্নিংবা মহৈরোয়শিং মেতিনা প্রোগ্রাম অদু মতেং পাংগনি, মখা তানা উদ্যোগ-মহৈলোয়শঙ পুন্না থবক তৌমিন্নবা হেনগৎহনগনি।
(3) স্পেসিফিক স্কিল ৱার্কর (এস এস দব্লিউ) সিষ্টেম/তেক্নিকেল ইনতর্ন ত্রেনিং প্রোগ্রাম (তি আই তি পি):
জপানগী স্পেসিফিক স্কিল ৱার্কর (এস এস দব্লিউ) সিষ্টেমগী মখাদা চহি ৫ হেন্না ভারতকী মীওশিং চৎপা হেনগৎহনবনা, কান্নবা পীগনি।
a) ভারত্ত স্পেসিফিক স্কিল ৱার্কর তেষ্টকী কাংলুপ ১৬ মক কোনশিনগনি।
b) ভারতকী অৱাং, নোংপোক, খা অমসুং নোংচুপ অমসুং অৱাং-নোংপোক লমদমশিং য়াওনা, স্কিল একজামশিং অমসুং জপানগী লোল চাংয়েং তৌনবা অনৌবা তেষ্ট সেন্তরশিং লিংখৎনবা থবক পায়খৎপা।
c) ভারতকী এক্সতর্নেল এফেয়ার্স মিনিষ্ট্রিগী প্রভাসি কৌসাল বিকাস য়োজনাগী মখাদা মতিক চারবা ভারতকী স্পেসিফিক স্কিল ৱার্করগী মীওই জপান্দা চৎত্রিঙৈদা শীনফম অদুগী মরী লৈনবা লোলগী ত্রেনিং পীবা।
d) ভারতকী ই-মাইক্রেত পোর্তেলদা চৎগদবা লৈবাক্কী মনুংদা জপান য়াওহনবা অমসুং জপানগী থবক পীগদৌরিবশিং অদুনা মশক খঙলবা ভারতকী মীওইশিং থবক হাপ্নবা অমসুং অশোই-অঙাম থোক্তনবা অমসুং আইনগী য়ানবা ভারতকী নেসনেল কেরিয়র সর্বিস প্লেতফোর্মদা অখন্নবা ইন্দিয়া-জপান কোরিদোর অমা শেম্বা।
e) তি.আই.তি.পি অমসুং ইমপ্লোইমেন্ত ফোর স্কিল দিবলপমেন্ত (ই এস দি) প্রোগ্রামগী খুৎথাংদা ভারতকী খুৎ-শা হৈরবা মীওইশিং জপান্দা কৌশিনবা।
(4) স্কিল হেনগৎহনবা।
ভারত্ত স্কিলশিং হেনগৎহন্নবা জপানগী শীন-লাংবা, উদ্যোগ অমসুং মেনুফেকচরিংগী হৈথোই-শিংথোইবা শীজিন্নবা অমসুং মখা তানা জপানদা চৎনবা থৌরাং তৌরবা শিন্মীশিং পুথোকপা, থবকশিং অসিগী খুৎথাংদা
a) ইন্দিয়া-নিপ্পোন প্রোগ্রাম ফোর এপ্লাইদ কম্পেতেন্সি ত্রেনিং (ইনপেক্ত) গুম্বা থবকশিংগী মখাদা ভারতমচাশিং জপান্দা ত্রেনিং পীবা অমসুং ভারত্ত জপানগী কম্পেনিশিংনা কোর্সশিং অমসুং ভোকেসনেল ত্রেনিং পাংথোকপদা চঙবা শেনফমদা সবসিদি পীবা।
b) নৌনা হৌদোকপা “ইন্দিয়া-জপান তেলেন্ত ব্রিজ” অমসুং অতোপ্পা স্কিমশিংগী মখাদা ভারতকী মহৈরোয়শিং অমসুং শীনফমশিংদা থবক তৌরবা ভারতমচাশিংগী ইনতর্নশিপ প্রোগ্রামশিং অমসুং জোব মেতচিং থৌরমশিং য়োকখৎপা।
c) নেসনেল স্কিল দিবলপমেন্ত কোর্পোরেসনগা লোয়ননা মখোয়গী মীওইশিং মরী লৈনবা ত্রেনিং অমসুং থবক পীনবা ভারতকী রাজ্য সরকারশিংদা মতেং পাংবা।
d) অহলশিং শেন্নবা য়াওনা জপান শীনবা থুংনা অয়ুর্বেদাগী মরমদা খঙবা হেনগৎহন্নবা অমসুং শীজিন্নবা পুক্নিং থৌগৎনবা, ভারতকী অয়ুস মিনিষ্ট্রি অমসুং ভারতকী এম্বেসিগী অয়ুস সেলগী মীৎয়েং মখাদা, য়োগ অমসুং অয়ুর্বেদাগী সেন্তরস ওফ এক্সলেন্স লিংখৎপা।
(5) লোল ঙাংবা হেনগৎহনবা:
স্কিল সেক্তরশিংগা চুনবা জপান লোল তম্বগী থবক য়োকখৎপা
a) সরকার অমসুং লনাই কাংবুগী থবকশিংগী খুৎথাংদা ভারতকী মহৈলোয়শঙশিংদা জপানগী লোল শীজিন্নবা হেনগৎহনবা।
b) জপানগী কম্পেনিশিংনা লোলগী ত্রেনিং পীবদা চঙবা শেনফম সবসিদি পীবা।
c) অখন্নবা জপান লোলগী ত্রেনিং পীদুনা লোয়ননা অফবা করিকুলম অমসুং মচাকশিং শেম-শাবদা মতেং পাংদুনা জপান লোলগী ওজাশিংগী ত্রেনিংগী খুদোংচাবশিং হেনগৎহনবা।
d) ভারত্ত নিহোঙ্গো পার্তনরস প্রোগ্রাম (মতম শাংবা) হৌদোক্লে, মসিগী খুৎথাংদা, লমদম অমগী জপান লোলগী ওজাশিং অমসুং মহৈরোয়শিং মতেং পাংনবা সেকেন্দরি স্কুলশিংদা জপানগী মীওইশিং থারে।
e) উদ্যোগশিংগী দরকার ওইরিবা হৈথোই-শিংথোইবা শিন্মীশিং ফংনবা ভারত্ত জপান ফাউন্দেসন্না পায়খৎলিবা পুং ৩৬০গী ত্রেনিং কোর্সশিং পাকথোক-চাউথোক্নবা খন্নরি।
f) জপানিস লেঙ্গোইজ প্রোফিসিয়েন্সি তেষ্ট অমসুং জপান ফাউন্দেসন তেষ্ট ফোর বেসিক জপানিজগী দরকার ওইবশিং ফংনবা ভারত্ত জপানগী লোল চাংয়েং তৌনবা সেন্তরশিং মশিং হেনগৎনবা থবকশিং পায়খৎলে।
(6) ৱাখল তাহনবা, মতেং পাংবা অমসুং পুন্না চৎমিন্নবা হেনগৎহনবা।
মথং চহি ৫ দা হায়রিবা একচেঞ্জশিং অসি মশা-মরোমদোম লেপচবা ঙম্নবা য়ুম্ফম অমা শেমনবা খঙবা হেনগৎহন্নবা মরী লৈনবশিংনা থৱায় য়াওনা থবক তৌগনি, থবকশিংগী অসিগী খুৎথাংদা
a) য়ুনিভর্সিতিশিংদা থবক্কী মেলাশিং পাংথোক্তুনা, এদভরতাইসমেন্ত কেম্পেনশিং অমসুং সোসিএল মেদিয়াদা শন্দোক্তুনা স্কিল দিবলপমেন্ত অমসুং ওন্ত্রেপ্রেন্যুরশিপ মিনিষ্ট্রি, এন.দি.সি অমসুং অতোপ্পা মরী লৈনবশিংনা জপান্দা থবক ফংনবা অমসুং জপান লোল তম্বীনবা থৌরমশিং।
b) জপানগী প্রিফেকচরশিংদা এন.এস.দি.সিনা শীন্দুনা থবক পীগদবা-থবক তৌগদবা উনবগী সেমিনাশিং পাংথোকপা।
c) জপান সরকারগী মতেংগা লোয়ননা ভারতকী মিসনশিং অমসুং পোষ্টশিংদা ভারতমচাশিং থুংলবগা মতেং পাংবা, ওরিয়েন্তেসন ৱার্কশোপশিং পাংথোকপা অমসুং খুদোংচাদবশিং কোকহনবা।
d) হিরম কয়াদা লৈবাক অনিগী মরক্ত চৎথোক-চৎশিন ফগৎনবা মরী লৈনবা ই-পাউ পীনবা অমসুং থবক ওইনা পাংথোক্নবা ৱেবসাইত অমা শেম্বা।
e) রাজ্য-প্রিফেকচরশিং খুৎশম্নদুনা হুমেন রিছোর্স অমসুং তেলেন্ত একচেঞ্জ পাংথোকপা অমসুং জপানগী মরী লৈনবা প্রিফেকচরশিংদা লৈরিবা কম্পেনিশিংনা ভারতকী রাজ্যশিংদা লৈরিবা চুনবা স্কিলশিংগী থবক হাপ্পগী থবকশিং পায়খৎপা।
f) লৈবাক অনিগী মরক্ত মীওইশিং চৎথোক-চৎশিন হেনগৎহন্নবা হুমেন রিছোর্স একচেঞ্জ সিম্পোইজম অমা পাংথোকপা।
(7) থবক ওইনা পায়খৎপা অমসুং মখা তাবা থবকশিং:
মথক্কী এক্সন প্লান থবক ওইনা পাংথোক্নবা অমসুং মসিগীদমক চহিগী ওইনা সেক্রেতরি/দিরেক্তর জেনরেল থাক্কী খন্ন-নৈনবা পাংথোকপগী থৌদাং ভারতকী এক্সতর্নেল এফেয়ার্স মিনিষ্ট্রি অমসুং জপানগী ফোরেন এফেয়ার্স মিনিষ্ট্রিনা লৌগনি। লৈবাক অনিগী মরক্ত হুমেন রিছোর্স একচেঞ্জ অমসুং পুন্না থবক তৌমিন্নবা ফগৎনবা দরকার ওইবা অহেনবা থবকশিংসু মখোয়না থিদোক্কনি। থবকশিং অসি মতেং পাংনবা লাইরিক লাইশু, স্কিল, সাইন্স অমসুং তেক্নোলোজি অমসুং দিজিতেল ইকোনোমিদা হৌজিক লৈরিবা ৱারি শানবগী থবকশিং অসি শীজিন্নগনি।
