প্রধান মন্ত্রী, শ্রী নরেন্দ্র মোদীনা দেনমার্ক্কী প্রধান মন্ত্রী, মেত ফ্রেদরিক্সন, আইসলেন্দগী প্রধান মন্ত্রী, কেত্রিন য়াকোবসদোতির, নোর্ৱেগী প্রধান মন্ত্রী, য়ুনাস গাহ স্তোর, স্বিদেনগী প্রধান মন্ত্রী মেগদলিনা এন্দর্সন অমসুং ফিনলেন্দগী প্রধান মন্ত্রী, সন্না মরিনগা লোইননা অনিশুবা ভারত-নোর্দিক সম্মিত্তা শরুক য়াখি।
সম্মিত অসিনা স্তোকহোমদা ২০১৮দা পাংথোকখিবা অহানবা ভারত-নোর্দি সম্মিতকী মতুংদগী ভারত-নোর্দিক মরীশিং অসি কয়া য়াম্না খুমাং চাউশিল্লবগে হায়বা য়েংনবগী খুদোংচাবা অমা পীরি। লাইচৎ মতুংগী ইককোনোমিক রিকোভরী, ক্লাইমেত চেঞ্জ, সস্তেনেবল দেবেলপমেন্ত, ইন্নোভেশন, দিজিতেলাইজেশন, অমসুং গ্রীন অমসুং ক্লীন গ্রোথকী মতাংদা মল্তিলেতরেল কোওপরেশন পীনবগী মতাংদা খন্নখি।
সস্তেনেবল ওসীন মেনেজমেন্তকী মতাংদা মীৎয়েং থমদুনা মেরিতাইম সেক্তরদা কোওপরেশণ পীনবগী মতাংদসু খন্নখি। প্রধান মন্ত্রীনা ব্লু সেক্তরদা, মরু ওইনা ভারতকী সাগরমালা প্রোজেক্তা ইনভেস্ত তৌনবগীদমক্তা নোর্দিক কমপনীশিংদা চেবাউ পীখি।
আর্ক্তিক রিজনদা নোর্দিক রিজনগা ভারতকগী পার্তনরশীপকী মতাংদা খন্নখ্রে। ভারতকী আর্ক্তিক পোলিসীনা আর্ক্তিক রিজনদা ভারত-নোর্দিক কোওপরেশন পীনবা অদু চাউথোকহন্নবগীদমক্তা অফবা ফ্রেমৱার্ক অমা পীরি হায়না প্রধান মন্ত্রীনা হায়খি।
প্রধান মন্ত্রীনা নোর্দিক লৈবাকশিংগী সোভরেন ৱেল্থ ফন্দশিংবু ভারত্তা ইনভেস্ত তৌনবা চেবাউ পীখি।
রিজনেল অমসুং মালেমগী চাউখৎ-থৌরাংগী মতাংদসু খন্নখি।
স্ম্মিত অদুগী মতুংদা জোইন্ত স্তেতমেন্ত অমা লৌখৎখি, হায়রিবা অসি মসিদা য়েংবা য়াগনি।
