প্রধান মন্ত্রী শ্রী নরেন্দ্র মোদীনা উত্তর প্রদেসকী বারানসীদা লুপা করোর ৬,১০০ হেনবগী তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমখ্রে অমসুং শঙ্গাখ্রে

Inaugurates and lays foundation stone of multiple airport projects worth over Rs 6,100 crore

Development initiatives of today will significantly benefit the citizens, especially our Yuva Shakti: PM

In the last 10 years, we have started a huge campaign to build infrastructure in the country: PM

Kashi is model city where development is taking place along with preservation of heritage:PM

Government has given new emphasis to women empowerment ,society develops when the women and youth of the society are empowered: PM

ঙসি প্রধান মন্ত্রী শ্রী নরেন্দ্র মোদীনা উত্তর প্রদেসকী বারানসীদা লুপা করোর ৬,১০০ হেনবগী তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমখ্রে অমসুং শঙ্গাখ্রে। ঙসিগী প্রোজেকশিংগী মনুংদা লুপা করোর ৬,১০০ হেনবগী তোঙান-তোঙানবা এয়রপোর্ত প্রোজেকশিং অমসুং বারানসীদা তোঙান-তোঙানবা চাউখৎ-থৌরাংগী থবকশিং য়াওখি।

|

থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি ঙসি মহাক্না আর.জে সঙ্করা আই হোস্পিতাল শঙ্গাখিবগা লোয়ননা ঙসিগী থৌরম অসি কাসিগী ওইনা অফবা শেংলবা থৌরম অমনি। হোস্পিতাল অসিনা অহলশিং অমসুং অঙাংশিংদা য়াম্না চাউনা কান্নবা পীরগনি। ববাতপুর এয়রপোর্ত অমসুং অগ্রাগী সরসাৱা এয়রপোর্ত অমসুং সহারানপুর য়াওনা উত্তর প্রদেস, বিহার, নোংচুপ বেঙ্গল, মধ্য প্রদেস অমসুং ছতিসগরদা অনৌবা এয়রপোর্ত তর্মিনেলশিং শঙ্গারে। ঙসি বারানসীদা খুদোল তম্লিবা লাইরিক-লাইশু, স্কিল দিবলপমেন্ত, শান্নবা, হকশেল অমসুং তুরিজমগা মরী লৈনবা চাউখৎ-থৌরাংগী প্রোজেকশিং অসিনা খুদোংচাবা কয়া হেন্না ফংহনবা খক নত্তনা নহারোলশিংগী থবক ফংনবগী খুদোংচাবশিং হেনগৎহল্লগনি।

শ্রী মোদীনা হায়খি নুমিৎ খরনিগী মমাঙদা অভিধম্ম দিবস শরুক য়াখ্রে অমসুং ঙসি, ভগবান বুদ্ধগী পাউজেলশিং শন্দোকখিবা মফম অমা ওইরিবা সরনাথকী চাউখৎ-থৌরাংগা মরী লৈনবা লুপা করোর কয়াগী তোঙান-তোঙানবা চাউখৎ-থৌরাংগী প্রোজেকশিং শঙ্গারে। সরনাথ অমসুং বারানসীগা পালি অমসুং প্রাকৃত লোলশিংগা মরী লৈনৈ অমসুং লোলশিং অসি হন্দক ক্লাসিকেল লোলশিং ওইনা শকখঙলে। অরিবা লাইরিকশিংদা শীজিন্নখিবা লোলশিং ক্লাসিকেল লোলশিংগী থাক্তা পুখৎপা অসি য়াম্না চাউথোকচনিঙাই ওইবা থবক অমনি। ঙসিগী চাউখৎ-থৌরাংগী প্রোজেকশিং অসিগীদমক প্রধান মন্ত্রীনা কাসি অমসুং ভারতকী মীয়ামদা হরাওবা ফোঙদোকখি।

বারানসীগী মীয়ামগী সেবা তৌনবা মঙোন্দা খুদোংচাবা পীবা মতমদা শরুক অহুম হেন্না থবক তৌগনি হায়না মহাক্না ৱাশকখিবা অদু নিংশিংলদুনা, প্রধান মন্ত্রীনা হায়খি সরকার শেমখিবা নুমিৎ ১২৫ য়ৌদ্রিঙৈদা, লুপা করোর লাখ ১৫ হেনবগী স্কিমশিং অমসুং প্রোজেকশিং থবক হৌখ্রে। হায়রিবা স্কিমশিং অসিগী অয়াম্বা শেনফম লায়রবা, লৌমীশিং অমসুং নহারোলশিংদা কৎথোক্লে। চহি ১০গী মমাঙদা লুপা করোর লাখ ১৫গী শেঞ্জা-থুমগী মতাংদা পাউ-চেশিংদা ফোঙখিবগী মতাংদা ঙসিদি য়ুমথোং খুদিংদা ৱারিনরে। লৈবাক অসিনা পাম্লিবা অহোংবা অসিদি মীয়ামগী শেনফম মীয়ামগা লোয়ননা লৈবাক অসি চাউখৎনবা পুকচেল শেংনা চাদিং তৌবা অদুনি।

|

প্রধান মন্ত্রীনা হায়খি শেন থাদুনা মীয়ামগী থবকশিং ফগৎনবা অমসুং নহারোলশিং থবক ফংনবা খুদোংচাবশিং পীনবা মরুওইবা পান্দম অনিগা লোয়ননা হৌখিবা চহি ১০ অসিদা লৈবাক অসিদা ইনফ্রাস্ত্রচর চাউখৎনবা অচৌবা খোঙজং অমা সরকারনা হৌদোক্লে। অনৌবা হায়ৱেজশিং শেমগৎনবা, অনৌবা রুতশিংদা রেলৱে ত্রেকশিং শেমগৎনবা অমসুং অনৌবা এয়রপোর্তশিং শেমগৎনবা থবকশিং পায়খৎলে। মসিনা মীয়াম খুদোংচাবা হেন্না ফংহনবগা লোয়ননা থবক ফংনবগী খুদোংচাবশিংশু পীরে। ববাতপুর এয়রপোর্তকী হায়ৱে শেমগৎপা অসিনা লমকোয়বা মীওইশিং কান্নবা পীবা খক নত্তনা লৌউ-শিংউ, উদ্যোগ অমসুং তুরিজম চাউখৎহল্লগনি। মসিগী ফ্লাইত তাবা য়াবগী খুদোংচাবা হেনগৎহন্নবা ববাতপুর এয়রপোর্ত পাকথোক-চাউথোকহনবগী থবক মাঙজৌননা পায়খৎপা হৌখ্রে।

প্রধান মন্ত্রীনা হায়খি মদুদি ভারতকী এয়রপোর্তশিং অমসুং অঙকপা খুদোংচাবশিং য়াওরবা মখোয়গী ফজরবা বিল্দিংশিং অসি মালেম শীনবা থুংনা খন্ন-নৈনবা হিরম অমা ওইরে। ২০১৪ দা এয়রপোর্ত ৭০ খক লৈরমখি, ঙসিনা অরিবা এয়রপোর্তশিং নৌনা শেমজিনবগা লোয়ননা এয়রপোর্ত ১৫০ হেন্না লৈরে। হৌখিবা চহিদা লৈবাক অসিদা এয়রপোর্ত ১২ হেন্না অনৌবা খুদোংচাবশিং ফংহন্নবা শেমগৎ-শাগৎপা লোইশিনখ্রে অমসুং মখোয়গী মনুংদা অলিগর, মোরাদবাদ, শ্রাবাস্তি অমসুং চিত্রাকুত এয়রপোর্তশিং য়াওখি। অয়োধ্যাগী ইন্তরনেসনেল এয়রপোর্তনা নুমিৎ খুদিংগী রাম ভক্তশিং তরাম্না ওক্লি। প্রধান মন্ত্রীনা হায়খি মতম অমদা ফত্তবা লম্বীশিংগী মমিং চৎলম্বা উত্তর প্রদেস ঙসিদি ‘এক্সপ্রেসৱেশিংগী রাজ্য’ ওইনা খঙনরে। ঙসিদি উত্তর প্রদেস অসি ইন্তরনেসনেল এয়রপোর্ত মশিং খ্বাইদগী য়াম্না লৈবা রাজ্য অমা ওইনা খঙনরে অমসুং অথুবা মতমদা জেৱার, নোইদাদা অনৌবা ইন্তরনেসনেল এয়রপোর্ত অমা শারগনি। উত্তর প্রদেস চাউখৎপগীদমক শ্রী মোদীনা উত্তর প্রদেসকী চীফ মিনিস্তর অমসুং দিপুতি চীফ মিনিস্তরশিং থাগৎপা ফোঙদোকখি।

|

প্রধান মন্ত্রীনা হায়খি মদুদি বারানসীগী এম.পি অমা ওইনা চাউখৎপগী খোঙজেল অসিদা অপেনবা ফাওরে অমসুং চাউখৎপা অমসুং হেরিতেচ অনিমক পুন্না চৎমিন্নবা সহর চাউখৎপগী মোদেল সিতি অমা ওইনা কাসি শেমগৎপা অসি মহাক্কী মঙলান্নি। ঙসিদি কাসি অসি অচৌবা অমসুং শেংলবা বাবা বিশ্বনাথ ধাম, রুদ্রক্ষ কনভেন্সন সেন্তর, রিং রোদ অমসুং গঞ্জারি স্তদিয়ম অমসুং রোপৱেগুম্বা অনৌবা খুদোংচাবশিংগীদমক মমিং চৎলে। সহর অসিগী পাক-চাউরবা লম্বীশিং গঙ্গা জিগী ফজরবা ঘাতশিং অসিনা ঙসিদি মীওই খুদিংমক্কী পুক্নিং হুরে।

প্রধান মন্ত্রীনা হায়খি মদুদি কাসি অমসুং পুর্বাঞ্চাল ললোন-ইতিক্কী অচৌবা মফম অমা ওইহন্নবা সরকারনা লেপ্তনা থবক পায়খৎলি অমসুং গঙ্গা তুরেল মথক্তা অনৌবা রেল-রোদ ব্রিজ অমা শানবা নুমিৎ খরনিগী মমাঙদা  উরেপ-উয়ুং তমখ্রে অমসুং মসিদা লেন তরুক্কী হায়ৱে অমসুং ত্রেন কয়াগী রেলৱে লাইনশিং য়াওগনি। মসিনা বারানসী অমসুং চান্দৌলিগী মীয়ামদা কান্নবা য়াম্না পীগনি। ঐখোয়গী কাসি শান্নবগী অচৌবা মফম অমা ওইরক্লে। হৌজিক মীয়ামগী মাঙদা অনৌনা শেমগৎলবা সিগ্রা স্তদিয়ম লৈরে অমসুং অনৌবা খুদোংচাবশিং হাপচিন্দুনা জাতি থাক্কী চাংদম্নবশিংদগী হৌরগা ওলেম্পিক্স ফাওবগী শেম-শানবা অনৌবা স্তদিয়ম অসিদা থৌরাং তৌরে। এম.পি স্পোর্তস কম্পিতিসন মনুংদা কাসিগী নহা ওইরিবা শান্নরোয়শিংগী মগুন উবা ফংলে অমসুং হেন্না চাউবা চাংদম্নবশিংগীদমক থৌরাং তৌনবা হৌজিক পুর্বাঞ্চলগী নহারোলশিংদা অফবা খুদোংচাবশিং পীরে।

প্রধান মন্ত্রীনা হায়খি মদুদি নুপীশিংগী ফিবম ফগৎহন্নবা সরকারনা অনৌবা মীৎয়েং চঙলে, খুন্নাইগী নুপীশিং অমসুং নহারোলশিংগী ফিবম ফগৎহল্লবা মতমদা খুন্নাই চাউখৎলি। মুদ্রা য়োজনাগুম্বা স্কিমশিংনা নুপী করোর কয়াদা লোনগী খুদোংচাবশিং পীবদগী মখোয় মশাগী ললোন-ইতিক পাংথোকপা হৌরে। ঙসি খুঙ্গংশিংদা লাখপতি দিদিশিং শেমগৎনবা থবকশিং পায়খৎলে অমসুং নুপীশিং দ্রোন পাইলোতশিং ওইরে। কাসিদা ভগবান সিবা ফাওবনা লাইরেম্বী অন্নপুর্নাদগী ভিক্ষা নিখি। মসিগী থাজবা অসিনা বিকসিত ভারতগী পান্দম ফংনবা থবক খুদিংমক্তা নারী শক্তিনা ময়াইদা থম্নবা সরকারনা ইথিল পীরে। বারানসীগী নুপীশিং য়াওনা নুপী মিল্লিয়ন কয়াদা প্রধান মন্ত্রী অৱাস য়োজনাগী মখাদা মখোয় মশাগী য়ুমশিং শীন্নরে। অনৌবা য়ুম করোর অহুম শানবা সরকারনা থবক পায়খৎলে অমসুং প্রধান মন্ত্রী অৱাস য়োজনাগী মখাদা মখোয়গী য়ুম ফংদ্রিবা নুপীশিংদা অথুবা মতমদা য়ুমশিং ফংহল্লগনি। তোতি ঈশিং, উজৱালা গ্যাস অমসুং মৈ পীবগী মথক্তা, অনৌবা পি.এম সুর্যাঘর ফ্রি ইলেক্ত্রিসিতি স্কিমনা মখা তানা নুপীশিং হিংবদা লাইহল্লগনি অমসুং অরেম্বা মৈ য়োল্লগা শেন তানবা য়াহল্লে।

|

প্রধান মন্ত্রীনা হায়খি ঐখোয়গী কাসি অসি মচু কয়াগী নাতকী সহর অমনি অমসুং ভগবান সঙ্করগী শেংলবা জয়তিরলিঙ্গ, মনিকর্নিকাগুম্বগী মোক্ষা তির্থ অমা অমসুং সরনাথগুম্বা লৌশিংগী মফম অমা লৈরি। চহি কয়াগী মতুংদা বেনারস চাউখৎনবা মতম অমতদা অশুক য়াম্লবা থবকশিং পায়খৎলে। মমাংগী সরকারশিংনা বারনাসী চাউখৎনবা অমসুং লায়রবগী ফিবম ফগৎনবা থবক পায়খৎলমদে। মহাক্কী সরকারনা স্কিম অমদা হেক্তা মীচং-মীখাই নাইদনা সবকা সাথ, সবকা বিকাসকী লাইৱাদা থবক তৌরি। ৱাশকখিবগী মতুংইন্না অয়োধ্যাদা সরকারনা রাম মন্দির শারে। বিধান সভা অমসুং লোক সভাদা পুৱারি ওইনা নুপীশিংগী সিত খাক্লে। মমাঙদা মাইপাক্না ত্রিপল তালাগ মুৎথৎখ্রে, বেকৱার্দ ক্লাসেস কম্মিসন সংবিধান্না শকখঙলে অমসুং শেন-থুমগী ফিবম ফত্তবা মীওইশিংদা চাদা ১০ গী রিজার্বেসন পীরে।

প্রধান মন্ত্রী মোদীনা হায়খি মদুদি ঐখোয়না পুকচেল শেংনা থবক তৌরি, অচুম্বা ৱাখলগা লোয়ননা থৌশিলশিং চৎনরি অমসুং লৈবাক অসিদা ইমুং খুদিংমক্কী হিংবগী থাক ৱাংখৎনবা থবক পায়খৎলি। লৈবাক অসিগী মীয়ামগী য়াইফনবা সরকারনা মখা তানা হোৎনবদগী মীয়ামগী থৌজাল ফংবা হন্দক হরিয়ানাদা উবা ফংলে। রাজ্য অসিদা দল অসিনা থংন-থংননা অহুমলকশুবা ওইনা সরকার পায়রে। জম্মু অমসুং কাস্মরিদা রেকোর্দ ওইনা ভোৎশিং ফংলে।

|

প্রধান মন্ত্রীনা হায়খি মদুদি শাগৈগী রাজনিতি অসি লৈবাক অসিদা মরুওইনা নহারোলশিংদা অচৌবা খুদোংথিবা অমনি। অসিগুম্বা মওংগী রাজনিতি অসিনা নহারোলশিংদা খুদোংচাবা কয়া ফংহন্দে। মখোয়গী ইমুং-মনুং রাজনিতি হান্নদগী য়াওরক্তবা নহারোল লাখ ১ রাজনিতি য়াওনবা লাল কিলাদগী মহাক্না পাউজেল পীখিবা অদু প্রধান মন্ত্রীনা নিংশিংখি। মহাক্না হায়খি শেঞ্জা-থুমজা অমসুং ইমুং-মনুংগী ৱাখল্লোন মুৎথৎতুনা মসিগী থবক অসিনা ভারতকী রাজনিতিগী মাইওন হোংহনগনি। কাসি অমসুং উত্তর প্রদেসকী নহারোলশিং পুক্নিং থৌগৎলদুনা, প্রধান মন্ত্রীনা হায়খি মদুদি মসিগী নৌবা রাজনিতিগী ইহৌ অসিদা নহারোলশিংনা মরুওইবা থৌদাং লৌগদবনি। কাসিগী এম.পি অমা ওইনা, ঙম্লিবমখৈ নহারোলশিং চাউখৎনবা ঐনা থবক পায়খৎকনি।

লোইশিল্লকপদা, প্রধান মন্ত্রীনা হায়খি মদুদি লৈবাক শীনবা থুংনা কাসি অসি চাউখৎপগী অনৌবা নাপচৈগী অনৌবা খুদম অমা ওইরে। ঙসি হৌদোকখিবা অনৌবা চাউখৎ-থৌরাংগী থৌরমশিংগীদমক মহাক্না রাজ্য অসিগী অমসুং কাসিগী মীয়ামদা হরাওবা ফোঙদোকখি।

থৌরম অদুদা শরুক য়াখিবশিংগী মনুংদা উত্তর প্রদেসকী রাজ্যপাল শ্রীমতি অনন্দিবেন পতেল অমসুং উত্তর প্রদেসকী চীফ মিনিস্তর শ্রী য়োগী অদিত্যানাথ অমসুং সিবিল এভিএসনগী য়ুনিয়ন মিনিস্তর শ্রী কিঞ্জারাপু রামমোহন নাইদু য়াওখি।

|

নুঙগীৱারোল

লম্বী-থোং ফগৎহন্নবা মহাক্না থাজবা পীখিবগী মতুংইন্না, এয়রপোর্ত রনৱে পাকথোক্নবা অমসুং অনৌবা তর্মিনেল বিল্দিং অমা শানবা অমসুং লুপা করোর ২৮৭০ রোমগী লাল বহাদুর শাস্ত্রি ইন্তরনেসনেল এয়রপোর্ত, বারানসীগী মরী লৈনবা থবকশিং প্রধান মন্ত্রীনা উরেপ-উয়ুং তমখ্রে। মহাক্না অগ্রা এয়রপোর্ততা লুপা করোর ৫৭০, দরভঙ্গা এয়রপোর্ততা লুপা করোর ৯১০ অমসুং বাগদোগ্রা এয়রপোর্ততা লুপা করোর ১৫৫০গী নিউ সিবিল ইনক্লেপ শানবা উরেপ-উয়ুং তমখ্রে।

প্রধান মন্ত্রীনা লুপা করোর ২২০গী রেৱা এয়রপোর্ত, মা মহাময়া এয়রপোর্ত, অম্বিকাপুর অমসুং সারসাৱা এয়রপোর্তকী অনৌবা তর্মিনেল বিল্দিংশিং শঙ্গাখ্রে। হায়রিবা এয়রপোর্তশিং অসিগী অপুনবা চহিদা পেসেঞ্জর চৎথোক-চৎশিন তৌবা য়াবা অসি পেসেঞ্জর করোর ২.৩ হেনগনি। লমদম অসিগী অরিবা বিল্দিংশিংদগী লৌদুনা হায়রিবা এয়রপোর্তশিং অসি দিজাইন তৌখিবনি।

মগুন লৈবা শান্নবগী ইনফ্রাস্ত্রকচর ফংহন্নবা মহাক্না থাজবা পীখিবগী মতুংইন্না, খেলো ইন্দিয়া স্কিম অমসুং স্মার্দ সিতি মিসনগী মখাদা লুপা করোর ২১০ রোম চঙনা বারানসী স্পোর্তস কমপ্লেক্স অমুক হন্না শেমগৎপগী ফেজ-২ অমসুং ফেজ-৩ প্রধান মন্ত্রীনা শঙ্গাখ্রে। প্রোজেক অসিগী পান্দমদি নেসেনেল সেন্তর ওফ এক্সলেন্স অমা, শান্নরোয়শিংগী হোস্তেলশিং, স্পোর্তস সাইন্স সেন্তর, তোঙান-তোঙানবা মশান্নশিংগী প্রাক্তিস ফিল্দ ইন্দোর সুতিং রেঞ্জশিং, কম্বেৎ স্পোর্তস এরেনা য়াওরবা অনৌবা মখলগী স্পোর্তস কমপ্লেক্স অমা শেমগৎনবা পান্দম থম্লি। মহাকনা ফমুং ১০০ লৈবা নুপীমচাশিং অমসুং নুপামচাশিংগী হোস্তেলশিং অমসুং দোক্তর ভিমরাও অম্বেদকার স্পোর্তস স্তদিয়ম, লালপুরদা পব্লিক পেভিল্লিয়ন অমা শঙ্গাখ্রে।

প্রধান মন্ত্রীনা সরনাথতা বুদ্ধিজমগা মরী লৈনবা তুরিজম চাউখৎনবা থবকশিং শঙ্গাখ্রে। হায়রিবা থবকশিং অসিগী মনুংদা খোঙনা চৎপা মীওইশিং নুংঙাইনবা লম্বীশিং শেমগৎপা, অনৌবা সিৱের লাইনশিং অমসুং খোংবালশিং ফগৎহনবা, ভেন্দিং জোন অমসুং লমদম অদুগী হেন্দিক্রাফ য়োকখৎনবা অনৌবা দিজাইনগী ভেন্দিং কার্তশিং য়াওরি। প্রধান মন্ত্রীনা বানাসুর লাইশঙ অমসুং গুরুধাম লাইশঙদা তুরিজমগী থবকশিং অমসুং পাকশিং অমুক হেন্না শেমগৎপা অমসুং মকে শেম্বগী থবকশিংশু শঙ্গাখ্রে।

Click here to read full text speech

बीते 10 सालों में हमने देश में इंफ्रास्ट्रक्चर निर्माण का एक बहुत बड़ा अभियान शुरू किया है: PM @narendramodi pic.twitter.com/G4EYxqkUeV

— PMO India (@PMOIndia) October 20, 2024

विकास भी, विरासत भी। pic.twitter.com/cEut9OWMDR

— PMO India (@PMOIndia) October 20, 2024

समाज का विकास तब होता है, जब समाज की महिलाएं और नौजवान सशक्त होते हैं।

इसी सोच के साथ सरकार ने नारी शक्ति को नई शक्ति दी है: PM @narendramodi pic.twitter.com/ooZmWvXt7W

— PMO India (@PMOIndia) October 20, 2024