মহাক্না থমখিবা ৱারোলগী মরু ওইবা ৱাফমশিং মখাদা পীরি:
১. ঙসি আজাদী কা অমৃত মহোৎসবকী শেংলবা নুমিৎ অসিদা লৈবাক অসিনা লৈবাক অসি ঙাকশেন্নবা অয়ুক নুমিদাং খাইদনা লেপ্তনা কত্থোকখিবা ঐখোয়গী নীংতম লান্মী অমসুং থৌনা ফরবা পুম্নমক্তা ইকোক নোন্না খুরুমজরি। নীংতম্নবা মীয়ামগী ইহৌ অমা শাগৎলম্বা, জাতিনা ইকাই খুম্নরিবা বাপু, নীংতম্বা ফংনবা পুম্নমক কত্থোকখিবা, নেতাজী সুভাশ চন্দ্র বোস নত্ত্রগা ভগত সিংহ, চন্দ্রশেখর আজাদ, বিস্মিল অমসুং অশফাক উল্লা খান অসিগুম্বা অথোইবা য়াওল্লোইশিং; ঝান্সীগী রানী লক্ষ্মীবাই, কিত্তুরগী রানী চেন্নম্মা নত্ত্রগা রানী গাইদিনলু নত্ত্রগা মান্তগিনী হাজরাগী মথৌনা-মরিংজেল; লৈবাক অসিবু অপুনবা লৈবাক অমা ওইনা পুনশিনবীরম্বা লৈবাক অসিগী অহানবা প্রধান মন্ত্রী পন্দিৎ নেহরুজী, সরদার বল্লভ ভাই পতেল, অমসুং ভারতকী তুংলমচৎকী মাইকৈ লেপ্পীরম্বা অমসুং লম্বেল য়াৎপীরম্বা বাবা সাহেব আম্বেদকর য়াওনা লৈবাক অসিনা মশক নাইরবা মীওই খুদিংমকপু নীংশিংলি। লৈবাক অসিনা মশক নাইরবা মীওইশিং অসিগী লমন তোনশিল্লি।
২. ঙসি ঐখোয়না নীংতম্বা ফংবগী নুংঙাইবা ফোঙদোকপা অসিদা ভারত মচা পুম্নমক্কী থমোইদা চৈনা পীখিবা পার্তিসনগী চৈনা অদুদি ঐখোয়না কাউঙম্লরোই। মসি মমাংগী চহিচাগী খ্বাইদগী নুংঙাইরবা থৌদোকশিংগী মনুংদা অমনি। নীংতম্বা ফংলবা মতুংদা মীওইশিং অদুবু থুনমক কাউখি। ঙরাংতা ভারতনা পুক্নীং নুংশিনীংঙাই ওইবা ৱারেপ অমা লৌখি, ঐখোয়না মতুং তারকপদা ওগস্ত ১৪ অসি “পার্তিসন হোরর্স রিমেমব্রেন্স দে” হায়না পার্তিসনগী অৱাবা নংখ্রবা মীওই খুদিংমকপু নীংশিংবা ওইনা পাঙথোক্লগনি। নুংশিহৈত্রবা ফীভমশিং মায়োক্নখিবা, তমথিরবা অৱাবা মায়োক্নখিবা মীওইশিং অদু নীংথিনা পোৎলোইবা ফংখিদে। মখোয় পুম্নমক ঐখোয়না কাউথোকপা তৌদনা হিংহন্দুনা থমগদবনি। ৭৫শুবা নীংতম নুমিৎতা “পার্তিসন হোরর্স রিমেমব্রেন্স দে” পাঙথোকপগী ৱারেপ অসিনা মখোয়দা ভারত মচা খুদিংমক্না ফংফম থোকপা ইকাই খুম্নবা অদু উৎপনি।
৩. মতমগা চুনবা ইনফ্রাস্ত্রকচরগা লোইননা ইনফ্রাস্ত্রকচর শেমগৎপদা হোলিস্তিক ওইবা অমসুং ইন্তিগ্রেতেদ ওইবা থৌশিল পাইখৎপা য়াম্নমক মথৌ তাই। চহি খরগী মতুংদা ঐখোয়না প্রধান মন্ত্রীগী নেস্নেল মাস্তর প্লান ‘গতি শক্তি’ হৌদোক্লগনি মসি অচৌবা স্কীম অমা ওইগনি অমসুং ইরৈবাকচা করোর কয়াগী মঙলানশিং মঙফাওনহনগনি। লুপা করোর লাখ ১০০ হেনবগী স্কীম অসিনা নহারোল লাক কয়াদা অনৌবা থবক্কী খুদোংচাবশিং পীবা ঙম্লগনি।
৪. ঐখোয়গী বিজ্ঞানিকশিংনা মরম ওইরগা ভারত্তা শাজবা ভেক্সিন অনি পুথোকপা ঙম্বা অমসুং মালেমগী খ্বাইদগী অচৌবা ভেক্সিন দ্রাইব চত্থবা ঙম্বা অসি ঐখোয় পুম্নমক্কী চাউথোকচনীংঙাই ওইবা মীকুপ অমনি।
৫. মালেম পুম্বদা লাইচৎ অসিনা চৈথেং পীরিঙৈ অসিগুম্বা অচৌবা খুদোংথিবা অসিগী মনুংদা ভেক্সিন পুথোকপা অসি অচৌবা অৱাবা ওইখি। ভারতনা মসি ফংবা য়াই নত্ত্রগা ফংদবা য়াই অমসুং করিগুম্বা ফংবা তারবসু মদু মতম চানা ফংগনি হায়বা ঙমদে। অদুবু ঙসিদি ঐখোয়না চাউথোক্না হায়বা ঙম্লে মদুদি মালেমগী খ্বাইদগী অচৌবা ভেক্সিনেসন প্রোগ্রাম লৈবাক অসিদা চত্থরি। ভেক্সিনগী দোজ অসি মীওই করোর ৫৪ হেনবনা কাপখ্রে। কোৱিন অমসুং দিজিতেল সর্তিফিকেৎশিং অসিগুম্বা ওনলাইন সিস্তেমশিং অসিনা ঙসিদি মালেমগী পুক্নীং চিংশিল্লি।
৬. মালেমগী ওইরিবা লাইচৎ কোরোনা অসিগী মনুংদা শেবগী ওইবা থবক তৌরিবা ঐখোয়গী দোক্তরশিং, নর্সশিং, পেরামেদিকেল স্তাফ, সেনিতেসন স্তাফ, ভেক্সিন পুথোকপগী থবক তৌরিবা বিজ্ঞানিকশিং, ইরৈবাকচা করোর কয়া অসি ঐখোয় পুম্নমক্না থাগৎফম থোকই।
৭. ভারতকী হৌরক্লিবা নহারোলশিং অসিনা তোকিও ওলিম্পিক্সতা ঐখোয়গী লৈবাক অসিগী মীংচৎ পুরকখি। অসিগুম্বা শান্নরোইশিং অসি ঙসি ঐখোয়গী ইরক্তা য়াওরি। মখোয়না ঐখোয়গী থমোই জোই তৌবতা নত্তনা ঐখোয়গী হৌরক্লিবা নহাশিংবুসু ইথিল পীখি।
৮. লাইচৎ মনুংদা ইরৈবাকচা করোর ৮০দা থা কয়া লেপ্পা লৈতনা লেম্না চেং-হৱাই পীদুনা ভারতনা লায়রবা ইমুংগী চাকশঙগী মৈ মুৎহনখিদবগী মওং অসিদা মালেমনা অঙকপা পোকপতা নত্তনা ৱারীননবা ৱাফম অমসু ওইখি।
৯. অতৈ লৈবাকশিংগা চাংদম্নবা মতমদা ভারতনা নাখিবা মীওইগী মশিং অসি হন্থৈ হায়বা অসি চুম্মি; মালেমগী অতৈ লৈবাকশিংগী মীশিংগা চাংদম্নবা মতমদা ভারত্তা ঐখোয়না কনবা ঙমখিবা প্রজা মশিংনা হেন্না হেল্লি হায়বা অসিসু চুম্মি অদুবু মসি চাউথোকচনীংঙাই ওইবা ৱাফম অমদি নত্তে! ঐখোয়না মাইপাকপা অসিদা লেপ্পা য়াদে। শীংনবা লৈতে হায়বা অসিনা ঐখোয় ইশাগী চাউখৎ-থৌরাংগী লম্বীদা অপনবা থোকহনগদবা ৱাখল্লোন অমা ওইরক্কনি।
১০. ঐখোয়গী পান্দমদি মালেমগী থাক্কী ইনফ্রাস্ত্রকচর লৈবতা নত্তনা ‘মিনিমম গভর্নমেন্ত, মেক্সিমম গভর্নান্স’কী মন্ত্রগা লোইননা মাংদা চংশিল্লিবা লৈবাক অমা শেমগৎপনি।
১১. ভারতকী ৭৫শুবা নীংতম্বা ফংখিবগী থৌরম অসি শুপ্নগী থৌরম অমা খক্তা ওইহল্লগা তোক্লোইসি। ঐখোয়না অনৌবা ফিরেপশিংগী গ্রাউন্দৱর্ক্কী য়ুম্ফম থোনসি অমসুং অনৌবা ফিরেপশিংগা লোইননা মাংদা চংশিনসি। মসিদগী হৌদুনা মথংগী চহি ২৫গী খোঙচৎতা, ঐখোয়না ভারতকী নীংতম্বা ফংবগী চহি ১০০ শুবগী পালন তৌবা মতম অদু ফাওবা অসি অনৌবা ভারত অমা শেম্বগী অমৃতকী মতম ওইগনি। অমৃতকী মতম অসিদা ঐখোয়গী ফিরেপশিং থুংহনবনা ঐখোয়বু ভারতকী নীংতম্বগী চহি চামা শুবগী কুমওন অসি চাউথোক্না পাঙথোকপা ঙমহনগনি।
১২. ‘অমৃত কাল’কী পান্দম অসি ভারত অমসুং ভারতকী প্রজাশিংগী চাউখৎপগী অনৌবা পন্দোম লোম্নবা হোৎনবা অদুনি। ‘অমৃত কাল’কী পান্দম অসি খুঙ্গং অমসুং শহর খাইদোক্তনা খুদোংচাবশিং ফংবগী থাক্তা লৈবা ভারত অমা শেমগৎপনি। ‘অমৃত কাল’গী পান্দমদি প্রজাশিংগী পুন্সিদা সরকারনা মরম লৈতনা খুৎথিংজিনদবা ভারত অমা শেমগৎপনি। ‘অমৃ কাল’গী পান্দমদি মালেমগী অনৌবা ইনফ্রাস্ত্রকচর খুদিংমক লৈবা ভারত অমা শেমগৎপনি।
১৩. অমৃত কাল অসি চহি ২৫ ওইগনি। অদুবু ঐখোয়গী পান্দমশিং ফংনবা ঐখোয়না মতম শাংনা ঙাইবগী মথৌ তাদে। ঐখোয়না হৌজিক্তগী হৌবা তাই। ঐখোয়না মতম মাংহনবা য়াদে। মসি চপ চারবা তানফম অদুনি। ঐখোয়গী লৈবাক অসিদা অহোংবা পুরকপা তাই অমসুং ঐখোয়না প্রজা ওইনা ঐখোয় ইশাদসু অহোংবা পুরকপা তাই। ঐখোয়না হোংলক্লিবা চহিচা অসিদা এদাপ্ত তৌনবা হোৎনবা তাই। ঐখোয়না ‘সবকা সাথ, সবকা বিকাস, সবকা বিশ্বাস’কী ৱাখল্লোন অসি হৌদোকখ্রে। ঙসি ঐহাক্না লাল কিলাগী লানবন অসিদগী ‘সবকা সাথ, সবকা বিকাস, সবকা বিশ্বাস’ অমসুং হৌজিক সক্কা প্রয়াস অসি ঐখোয়গী পান্দমশিং ফংনবা হোৎনবদা য়াম্না মরু ওই হায়া হায়না হায়জরি।
১৪. ভারতকী চাউখৎ খোঙচৎ অসিদা ঐখোয়না ভারতকী নীংতম্বগী চহি ১০০ পালন তৌবা মতমদা আত্মনির্ভর ভারত অমা শেমগৎনবগী ঐখোয়গী পান্দম অদু শোইদনা থুংহন্নবা হোৎনবা তাই।
১৫. ঐখোয়না য়ুমথোং চাদা ১০০দা মৈ ফংহনখিবগুম্না য়ুমথোং চাদা ১০০দা অমাংশঙশিং শান্নবা শেংনা হোৎনখি, মসিগা মান্ননা ঐখোয়না হৌজিক স্কীমশিং মপুং ফানা য়ৌহন্নবগী পান্দম অসিগা লোইননা হৌজিক মাংদা চংশিনবা তাই অমসুং মসিগীদমক ঐখোয়না লাপ্না দেদলাইন থাবগী মথৌ তাদে। ঐখোয়না চহি খরগী মনুংদা ঐখোয়গী ফিরেপশিং অসি মঙফাওনবা ঙম্নবা হোৎনবা তাই।
১৬. হৌজিক্তি ঐখোয়না হেন্না লাপ্না চংশিনবা মথৌ তারে। খুঙ্গং চাদা ১০০দা লম্বী-থোং শেম্লে, য়ুমথোং চাদা ১০০গী বেঙ্ক একাউন্ত লৈরে, বেনিফিসিয়রী চাদা ১০০না আয়ুশ্মান ভারত কার্দ পাইরে, ইলিজিবল ওইবা মীওই চাদা ১০০না উজ্বলা স্কীমগী মখাদা গ্যাস কন্নেক্সন ফংলে অমসুং বেনিফিসিয়রী চাদা ১০০না খোঞ্জেল থোকপা তাই।
১৭. ঐখোয়না চাদা চামা মাই পাকপা ঙম্নবা ৱাখল্লোন অমগা লোইননা মাংদা চংশিনবা তাই। হৌজিক ফাওবদা লম্বীদা, ফুৎপাথশুংদা অমসুং থেলদাদা মখোয়গী পোৎ য়োল্লিবা ঐখোয়গী স্ত্রীত ভেন্দরশিংগীদমক্তা খনবা তৌরমখিদে। হৌজিক্তি মরুপশিং অসি স্বনিধি স্কীমগী খুত্থাংদা বেঙ্কিং সিস্তেমগা লিঙ্ক তৌরি।
১৮. ঐখোয়না প্রজা খুদিংমক সরকারগী অওনবা পুরক্নবা স্কীমশিংগা শম্নহন্নবা পান্দমগা লোইননা মাংদা চংশিনবা তাই। হৌখিবা চহি খরা অসিদা ঐখোয়গী সরকারনা খুঙ্গংশিংদা লম্বী-থোং অমসুং মৈ ফংহনখ্রে। হৌজিক খুঙ্গংশং অসিদা ওপ্তিকেল ফাইবর নেৎৱর্ক দেতা অমসুং ইন্তর্নেৎ ফংহন্দুনা মপাঙ্গল কনখৎহনখ্রে।
১৯. জল জীবন মিসননা শুপ্নগী চহি ২ ফারকপাদা ইমুং করোর ৪.৫ হেনবনা তোতি ঈশিং ফংবা হৌখিবা অসিদা ঐহাক্না নুংঙাইবা পোকই; লাস্ত মাইল সিতিজেনদা কান্নবা অসি ফংবা ঙম্লবা মতমদা ঐখোয়গী পান্দম মপুং ফানা ফংবা ওইগনি।
২০. মচি ওইবা চিঞ্জাক হায়বা অসি ঐখোয়গী সরকারনা মরু ওইবা মীৎয়েং চংলিবশিংগী মনুংদা অমনি। সরকারনা লাইনা ঙাকথোক্নবা হেল্থকিয়র অমসুং হেল্থ এন্দ ৱেলনেস ইনফ্রাস্ত্রকচর শেমগৎপগী থবক চত্থরি।
২১. ঐখোয়না শোত্থরবা কাংলুপশিং অমসুং সেক্তরশিং হেন্দ হোল্দিং তৌবা মথৌ তাই। তঙাই ফদনা মথৌ তাবশিং থুংহন্নবা ৱাখল্লোনগা লোইননা দলিতশিং, শোত্থরবা কাংলুপশিং, ত্রাইবেলশিং অমসুং জেনরেল কাতগোরীদা চনবা লায়রবা মীওইশিংগী রিজর্বেসন থম্নবা তৌরি। হন্দক্তা মেদিকেল এজুকেসনগী লমদা ওল ইন্দিয়া কোতাদা ও.বি.সি. কেতগোরী হাপচিনখ্রে। পার্লিয়ামেন্তদা লো অমা শেমদুনা রাজ্যশিংনা মখোয় মশাগী ও.বি.সি. লিস্ত শেমজনবগী হক পীখ্রে।
২২. রাসন দুকান্দা ফংবা চেং, মিদ-দে মীলগী ফংবা চেং ওইরবসু স্কীম খুদিংমক্কী খুত্থাংদা ফংবা চেং অসি ২০২৪দদি ঙাকশেল পীরগনি।
২৩. জম্মু কশ্মিরদা দিলিমিতেসন কম্মিসন শেমখ্রে অমসুং এসেমব্লী মীখলশিং পাঙথোক্নবসু শেম-শারি।
২৪. লদাখতা অওনবা তাঙ্কক অমা উবা ফংলি মসিদা সরকারনা মালেমগী থাক্কী ইনফ্রাস্ত্রকচর শেমগৎপদা মীৎয়েং চংলি। নাকল অমরোমদা, লদাখতা অনৌবা ইনফ্রাস্ত্রচর শেমগৎপা উবা ফংলি অমরোমদনা লদাখ অসি হায়র এজুকেসনগী সেন্তর অমা ওইহন্নবা ‘সিন্ধু সেন্ত্রেল য়ুনিভর্সিতী’ শেমগৎলি।
২৫. অৱাং নোংপোক্তা তুরিজম, এদভেনচর স্পোর্তস, ওর্গানিক ফার্মিং, হর্বেল মেদিসিন অমসুং ওইল পম্পগী লমশিংদা অচৌবা পোতেন্সিএল লৈ। ঐখোয়না পোতেন্সিএল অসি মপুং ফানা শেম-শাবিবা তাই অমসুং মসি লৈবাক অসিগী চাউখৎ খোঙচৎকী শরুক ওইহনগদবনি। অমসুং মসি ‘অমৃত কাল’গী দিকেদ খরগী মনুং অসিদা থবক অসি লোইশিনহৌগদবনি। পুম্নমক্না তৌবা ঙম্বশিংদা চপ মান্ননা খুদোংচাবা পীবা হায়বা অসি প্রজাতন্ত্রগী অশেংবা ৱাখল্লোন্নি। জম্মু নত্ত্রগা কশ্মির ওইরবসু চাউখৎপগী চাং অসি হৌজিক ময়েক শেংনা উবা ফংলে।
২৬. নোংপোক, অৱাং-নোংপোক, জম্মু কশ্মির, লদাক ওইগেরা, অপুনবা হিমালয়গী রিজন ওইরবসু, ঐখোয়গূ কোস্তেল বেল্ত নত্ত্রগা ত্রাইবেল রিজন অসি তুংলমচৎতা ভারতকী চাউখৎপা পুরকপদা অচৌবা য়ুম্ফম অমা ওইরগনি।
২৭. ঙসি অৱাং-নোংপোক্তা লম্বী-থোংগী মতাংদা অনৌবা পুৱারী অমা ইরি। মসি থমোইশিং অমসুং ইনফ্রাস্ত্রকচর অনিমক শম্নহনবনি। অৱাং-নোংপোক্কী রাজ্যশিংগী কেপিতেল পুম্নমক রেল সর্ভিসনা শম্নহন্নবগী থবক অসি য়াম্না অথুবদা লোইশিল্লগনি।
২৮. এক্ত-ইস্ত পোলিসীগী মখাদা ঙসি অৱাং-নোংপোক, বাংলাদেশ, ম্যান্মার অমসুং খা নোংপোক এসিয়া অসিসু শম্নহল্লি। হৌখিবা চহিশিংদা লৌখৎখিবা খোঙথাংশিংনা মরম ওইরগা হৌজিক শ্রেস্থা ভারত শেমগৎনবা অমসুং অৱাং-নোংপোক্তা শান্তি থম্বগী থৱাই য়াওশিনবা শরুক কয়া হেনগৎখ্রে।
২৯. ঐখোয়গী খুঙ্গংশিংগী চাউখৎ থৌরাংগী খোঙচৎতা অনৌবা তাঙ্কক অমা ঐখোয়না উবা ফংলি। মসিদা মৈ অমসুং ঈশিং ফংবতা নত্তনা দিজিতেল ওন্তপ্রিনোরশিংসু য়োকখৎলি। লৈবাক অসিগী এস্পিরেস্নেল জিলা ১১০ হেনবদা এজুকেসন, হেল্থ, ন্যুত্রিসন, লম্বী-থোং, থবক পীবগা মরী লৈনবা স্কীমশিংদা মীৎয়েং চংলি। অয়াম্বা জিলাশিং অসি ত্রাইবেলনা খুন্দাবা মফমশিংদা লৈ।
৩০. অপীকপা লৌমীশিং মতেং পাংবদা ঐখোয়না মীৎয়েং চংবা তাই। দি.বি.তি. নত্ত্রগা ক্রিশি রেলগী খুত্থাংদা ঐখোয়না মখোয়দা সরকারগী স্কীমশিংগী কান্নবা য়ারিবা মখৈ ফংহনবা তাই।
৩১. কিসান রেলনা পুথোকপা অমসুং ত্রান্সপোর্তেসনদা শেল চংহনদনা য়াম্না অরাপ্পা মফমশিংদা মোদর্ন ফেসিলিতী অসিগা লোইননা অপীকপা লৌমীশিং মতেং পাংবা ঙমগনি। কমালম, শাহি লিতচি, ভুত জোলোকিয়া চিলি, ব্লেক রাই নত্ত্রগা য়াইঙং অসিগুম্বা প্রদক্ত কয়া মালেমগী তোঙান-তোঙানবা লৈবাকশিংদা থাদোক্লি।
৩২. সরকারনা হৌজিক অপীকপা লৌমীশিংগী য়াইফ-থৌরাংদা মীৎয়েং চংলি। লৌমীগী ইমুং করোর ১০না মখোয়গী একাউন্তশিংদা হকথেংননা লুপা করোর লাখ ১.৫ ফংখি।
৩৩. স্বামিত্বা য়োজনানা ভারতকী খুঙ্গংগী পুন্সিদা অওনবা পুরক্লি। ঐখোয়গী খুঙ্গংগী প্রজাশিংনা মখোয়গী লম মেপ তৌবদা দ্রোন শীজিন্নদুনা মতেং পাংলি অমসুং মখোয়না তোঙান-তোঙানবা স্কীমশিং/লোনশিং ওনলাইন্দা এপ্লাই তৌবা য়াহল্লি।
৩৪. কো-ওপরেতিবশিং অসি শুপ্নগী লোশিং অমসুং রুলশিংগী নেৎৱর্ক্কী সিস্তেম অমতা নত্তনা কো-ওপরেতিব অসি থৌনা-লিংজেল, নাৎ অমসুং কলেক্তিব গ্রোথকী ৱাখল্লোন অমনি। ঐখোয়না তোখাইবা মন্ত্রালয় অমা শেমদুনা মখোয়দা শক্তি পীনবা খোঙথাংশিং পাইখৎলি। রাজ্যশিংদা লৈরিবা কোওপরেতিব সেক্তর শক্তি পীনবা ঐখোয়না খোঙথাংসু লৌখৎখি।
৩৫. লাক্কদৌরিবা চহিশিং অসিদা ঐখোয়না লৈবাক অসিগী অপীকপা লৌমীশিংগী অপুনবগী শখ্তি অসি হেনগৎহনগদবনি। মখোয়দা অনৌবা খুদোংচাবশিং পীগদবনি। ঐখোয়না স্বামিত্বা য়োজনাগী খুত্থাংদা লৌমীশিংবু শক্তি পীনবা হোৎনরি।
৩৬. ঐখোয়না আজাদী কা অমৃত মহোৎসব অসি চয়োল ৭৫ পালন তৌনবা ৱারেপ লৌখি। মসি মার্চ ১২দগী হৌদুনা ২০২৩গী ওগস্ত ১৫ ফাওবা চত্থগনি। ঐখোয়না অনৌবা ইথিলগা লোইননা মাংদা চংশিনবা তাই অমসুং মসিনা মরম ওইরগা লৈবাক অসিনা মরু ওইবা ৱারেপ অসি লৌখিবনি।
৩৭. আজাদী কা অমৃত মহোৎসবকী চয়োল ৭৫ অসিগী মনুংদা, লৈবাক অসিগী কাচিন কোয়া থূংনবা ভন্দে ভারত ত্রেন ৭৫ চেনহলগনি। লৈবাক অসিদা এয়রপোর্তশিং শারিবগী খোঙজেল অমসুং উরান স্কীমনা অরাপ্পা মফমশিংগা কন্নেক্ত তৌরিবা অসি মমাংদা অমুক্তা ওইখিদ্রি।
৩৮. কত্তিং-এদজ ইনোভেসন অমসুং ন্যু এজ তেক্নোলোজী শীজিন্নদুনা ঐখোয়না মালেমগী থাক্কী প্রদক্তশিং শেম্নবা পুন্না হোৎনমিন্নবা তাই।
৩৯. জন ওশাধি য়োজনাগী মখাদা লৈতা লায়রবশিংনা হোংনা হীদাক-লাংথকশিং ফংলি। হেল্থ এন্দ ৱেলনেস সেন্তর ৭৫,০০০ হেন্না শাখ্রে অমসুং ঐখোয়না ব্লোক লেবেলদা হোস্পিতালশিংগী নেৎৱর্ক অমা শেমগৎনবা থবক পাইকখৎলি।
৪০. ঐখোয়গী চাউখৎ-থৌরাংগী খোঙজেল অসি য়াংখৎহন্নবা ঐখোয়না মেন্যুফেকচরিং অমসুং এক্সপোর্ত্তা মীৎয়েং চংবা তাই।
৪১. কোরোনানা মরম ওইদুনা থোকহল্লকপা অনৌবা শেন্মীৎলোনগী ওইবা ফীভমশিং অসি য়েংলগা লৈবাক অসিনা মেক ইন ইন্দিয়া কেম্পেন কন্সোলিদেৎ তৌনবা প্রদক্সন লিঙ্ক ইন্সেন্তিবসু লাউথোকখ্রে। স্কীম অসিগী খুত্থাংদা অহোং পুরকখিবগী খুদম অমা ইলেক্ত্রোনিক শারিবা সেক্তরনা ওইরি। চহি তরেৎকী মমাংদা ঐখোয়না দোলর বিলিয়ন নিপানরোমগী মোবাইল মপালদগী পুশিল্লখি। অদুম ওইনমক হৌজিক মপালদগী পুশিলকপা অসি চাউনা হন্থরকখ্রে অমসুং ঙসি ঐখোয়না দোলর মিলিয়ন অহুমগী মোবাইল ফোনশিংসু মপালদা থাদোক্লি।
৪২. চাউখৎ-থৌরাংগী লমদা মচাদা চংশিন্দুনা ভারতনা মেন্যুফেকচরিং অমসুং এক্সপোর্ত অনিমক চাউখৎহনবা তাই। অদোম্না উবা ফংখ্রে মদুদি নুমিৎ খরগী মমাংদা ভারতনা সমুদ্রদা ত্রাইএল তৌনবা অহানবা ইন্দিজিনস এয়রক্রাফ কেরিয়র আই.এন.এস. বিক্রান্ত লোঞ্চ তৌখ্রে। ঙসি ভারতনা মশাগী ইন্দিজিনস ওইবা ফাইতর এয়রক্রাফ, মশাগী সবমেরিন শাজরি। গগায়ননসু শুন্দ্রংদা ভারতকী ফিরাল চিংখৎনবা শেম শারি। মসিনা ইন্দিজিনস মেন্যুফেকচরিংদা ঐখোয়না তৌবা ঙম্বশিং অদুগী খুদম উবা ফংলি।
৪৩. ঐহাক্না মেন্যুফেকচর্রশিংদা য়াজনীংবদি – নখোয়না শাবা প্রদক্ত খুদিংমক ভারতকী ব্রান্দ এম্বেসেদর অমনি। প্রদক্ত অসি শীজিন্নরিবা মখৈদি লৈরিবা মীওই অদুনা – মান্নি মসি ভারত্তা শাজবনি হায়গনি।
৪৪. ঐখোয়না কপ্লেক্স পোলিসীশিংগী মওংদা সরকারনা কা হেন্না খুৎ থিংজিনবা অসি থিংবা তাই। ঙসি ঐখোয়না কান্নদবা কম্প্লাইন্স ১৫,০০০ হেন্না মুত্থৎখ্রে।
৪৫. ইজ ওফ লিবিং অমসুং ইজ ওফ দুইং বিজিনেসতা ইনোৎ হাপকদবা তেক্স রিফোর্মশিং ঐখোয়না পুরকপা তাই। রিফোর্মশিং অসি ইমপ্লিমেন্ত তৌবদা অফবা অমসুং হৈশিংবা গভর্নান্স মথৌ তাই। ঙসি, মালেমনা ভারতনা গর্নান্সকী অনৌবা পন্দুপ অমা করম্না ইরি হায়বা য়েংলি।
৪৬. ব্যুরোক্রেসীদা পিপল সেন্ত্রিক এপ্রোচ চৎনহন্নবা ঐখোয়না মিসন কর্মায়োগি অমসুং কেপাসিতী বিল্দিং প্রোগ্রাম হৌখ্রে।
৪৭. ঙসি লৈবাক অসিগী ২১শুবা চহিচাগী মথৌ তাবশিং থুংহন্নবা অনৌবা এজুকেসন পোলিসী অমসু লৈরে। হৌজিক ঐখোয়গী অঙাংশিংনা স্কিলগী অৱাৎপা লৈবনা নত্ত্রগা লোলগী অপনবশিং লৈরবনা মরম ওইরগা মহৈ তম্বা লেপ্লরোই। অনৌবা নেস্নেল এজুকেসন পোলিসী অসিনা নাকল অমরোমদা লায়রবা থেংননবা অচৌবা খুৎলাই অমা ওইরগনি। লায়রবগা শোক্নবা লানদা মাইপাক্নবা মরু ওইরিবা অসিসু এজুকেসন, ইজৎ অমসুং ভর্নকুলর লোলগী মরু ওইবা অসিনা ওইরি।
৪৮. বেতি বচাও, বেতি পরাও ইনিসিয়েতিব মপাঙ্গল হাপনবা খোংথাং অমা ওইনা ঐখোয়গী ইচানুপীশিংনা সাইনিক স্কুলশিংদসু মহৈ তম্বা য়ারগনি। ঙসিদি এজুকেসনবু ওইরো ওলিম্পিক্সপু ওইরো ঐখোয়গী ইচানুপীশিংনা শিংথানীংঙাই ওইরবা মওংদা পর্ফোর্ম তৌরি। ঐকোয়না মখোয় অসি মান্নবা খুদোংচাবা পীনবা হোৎগদবনি অমসুং মখোয়দা শাফবা অমসুং ইকাইখুম্নবা উৎকদবনি।
৪৯. খুঙ্গংশিংদগী ইচে-ইচল করোর নিপান হেনবনা সেল্ফ-হেল্প গ্রুপশিংদা য়াওরি অমসুং মখোয়না মগুন লৈরবা পোত্থোকশিং পুথোক্লি। হৌজিক্তি সরকারনা মখোয়গী পোত্থোকশিংগীদমক্তা লৈবাক অসিদা অমসুং মপান লৈবাক্তা অচৌবা কৈথেল অমা ফংহন্নবা ই-কম্মর্স প্লেৎফোর্ম অমা শেম্লগনি। লৈবাক অসিনা ভোকেল ফোর লোকেলগী মন্ত্রগা লোইননা মাংলোমদা চংশিল্লিঙৈ অসিদা মসিগী দিজিতেল প্লেৎফোর্ম অসিনা নুপী সেল্ফ-হেল্প গ্রুপশিংগী পোত্থোকশিং অসি লৈবাক অসিগী কাচিন কোইয়াদা লৈবা মীওইশিংগা লোইননা মপান লৈবাক্তা ফংহল্লগনি অমসুং মখাতানা অরপ্পা মফমশিংদসু ফংহনগনি।
৫০. ভারত অসি ইনর্জী ইন্দিপেন্দেন্ত ওইদে। মসিনা ইনর্জী ইম্পোর্ত তৌবদা লুপা লাখ করোর ১২গী মথক্তা চাদিং তৌরি। ঐখোয়না নিংখাতম্বগী চহি ৭৫শুবা থৌরম পাংথোকপা অসিগা লোইননা ঐখোয়না ভারত অসি ইনর্জী পুথোকপদা অত্মনির্ভর ওইহন্নবা ৱারেপ লৌরসি।
৫১. ঐখোয়না নেস্নেল সিক্যুরিতীদা অহেনবা মীয়েং চংলিবা অসিগা মান্ননা এনভাইরনমেন্তল সিক্যুরিতীদসু মীৎয়েং চংলি। বাইওদাইবর্সিতী নত্ত্রগা লেন্দ ন্যুত্রেলিতীবু ওইরো, ক্লাইমেৎ চেঞ্জ নত্ত্রগা ৱেস্ত রিসাইক্লিংবু ওইরো, ওর্গানিক ফার্মিংবু ওইরো হায়রিবা সেক্তরশিং অসিদা ভারতনা মাংলোমদা চংশিল্লি।
৫২. ২১শুবা চহিচা অসিগী দিকেদ অসিদা ভারতনা ব্লু ইকোনোমী ফংনবা মাইকৈদা মখাতানা খোংজেল য়াংনা চংশিল্লগনি। দীপ ওক্সিন মিসন অসি ওক্সিনগী লোইবা নাইদ্রবা ওইথোকপা য়াবশিং পুথোক্নবা ঐখোয় অপাম্বা অদুগী ফলনি। সমুদ্রদা লোত্তুনা লৈরিবা মিনরেলগী লনশিং, সমুদ্রগী ঈশিংদা লৈরিবা থর্মেল ইনর্জী, অসিনা লৈবাক অসিগী চাওখৎ থৌরাংদা অনৌবা পনখৈ অমা পীবা ঙম্লগনি।
৫৩. গ্রিন হাইদ্রোজেন অসি মালেমগী তুংলমচৎনি। ঐহাক্না নেস্নেল হাইদ্রোজেন মিসন লিংখৎনবা লাওথোকচরি।
৫৪. ঐখোয়না ভারত অসি অমৃত কালদা গ্রিন হাইদ্রোজেন পুথোকপা অমসুং এক্সপোর্ত তৌবদা মালেমগী হব অমা ওইনবা ঐখোয়না হোৎনগদবনি। মসিনা ভারতপু ইনর্জী সেল্ফ রিলাইন্সকী ফিল্দদা অনৌবা পান্দম অমা ফংহনবতা মতেং পাংবতা নত্তনা মালেম পুম্বদা ক্লিন ইনর্জী ত্রাঞ্জিসনগী অনৌবা ইথিল পীবা ঙম্লগনি। ঐখোয়গী স্তার্তঅপ অমসুং নহাশিংগী ঙসিদি গ্রিন গ্রোথতগী গ্রিন জোব ফাওবদা অনৌবা খুদোংচাবশিং ফংহল্লগনি।
৫৫. ভারতনা ইলেক্ত্রিক মোবিলিতীদা খোং থাংজিনবা হৌরে অমসুং রেলৱেজকী ইলেক্ত্রিফিকেসন চাদা ১০০ ফংনবা খোঙজেল য়াংনা থবক পাইখৎলি। ইন্দিয়ন রেলৱেজনা ২০৩০ ফাওবদা নেত জিরো কার্বোন ইমিত্তর ওইনবা পান্দম অমা থমখ্রে।
৫৬. লৈবাক অসিনা মিসন সর্কুলর ইকনোমীদসু অহেনবা মিৎয়েং চংলি। ঐখোয়গী ভেহিকল স্ক্রেপ পোলিসী অসি মসিগী মতিক চারদা খুদম অমনি। ঙসিদি জি-২০ লৈবাকশিংগী মনুংদা অইং-অশাগী পান্দমশিং ফংনবা মাংলোমদা য়াংনা চংশিল্লিবা লৈবাক অসি ভারত খক্তা ওইরি।
৫৭. ভারতনা দিকেদ অসি লোইরকপদা রিন্যুৱেবল ইনর্জীগী জি.দবল্যু. ৪৫০ -২০৩০ ফাওবদা জি.দবল্যু. ৪৫০গী তার্গেৎ অমা থমখ্রে। মসিগী মনুংদা জি.দবল্যু. ১০০গী তার্গেৎ অমদি সেদ্যুল তৌখিবগী মাংওইননা ভারতনা ফংবা ঙমখ্রে।
৫৮. চহি চা কয়া ৱারেপ লৌবা ঙমদদুনা লৈরম্বা সবজেক্ত এরিয়া কয়া ঙসিদি ভারত ৱারেপ লৌবা ঙম্লে। আর্তিকল ৩৭০ লৌথোকখিবগী পুৱারি ওইরবা ৱারেপ্পু ওইরো, তেক্সশিংগী ইথক্তগী লৈবাক অসিবু মনিং তমহন্নবা সিস্তেম অমা ওইরিবা জি.এস.তি. হৌদোকপবু ওইরো, ঐখোয়গী মরুপ লান্মীশিংগী ৱান রেঙ্ক ৱান পেন্সনগা মরী লৈনবা ৱারেপ্পু ওইরো রামগী পোক্নফমগী ৱাথোক্তা শান্তি লৈনা ৱারেপ লৌখিববু ওইরো, চহি খরা অসিদা ঐখোয়না উবা ফংখ্রে।
৫৯. চহি দেকেদ কয়াগী মতুংদা ত্রিপুরাদা ইনখিবা ব্রু-রিয়াং এগ্রিমেন্তবু ওইরো, ও.বি.সি. কম্মিসন্দা কন্সতিত্যুস্নেল স্তেতসপু ওইরো নত্ত্রগা নিংতম্লবা মতুংদা অহানবা ওইনা জম্মু অমসুং কশ্মীরদা বি.দি.সি অমসুং দি.দি.সি. মীখলশিং পাংথোকখিববু ওইরো ফীরেপ খুদিংমক্তা ভারতকী ভারতকী শক্তি অদু উবা ফংলে।
৬০. মালেমগা লৈনরিবা মওং মতৌ অসি অনিশুবা লাঞ্জাওগী মতুংদা অহোংবা লাক্লে। কোরোনাগী মতুংদা অনৌবা মালেমগী ওর্দর অমগী ওইথোকপা য়াবা লৈরে। মালেম অসিনা কোরোনাগী তমদা ভারতনা লৌখিবা থৌদাংশিং অদু উবা ফংলদুনা থাগৎপা ফোঙদোক্লক্লি। ঙসিদি মালেম অসিনা ভারত্তা অনৌবা পর্সপেক্তিব অমদা য়েংবা হৌরে। মসিগী অনৌবা পর্সেপ্সন অসিগী মরুওইবা হীরম অনি লৈ- অমনা তেরোরিজ অদুগা অতোপ্পা অমনা এক্সপান্সনিজম। ভারতনা হায়রিবা শিংনবা অনিমক্তগী মায়োক্নরি অদুগা নীংহন্নবা লৈতনা অকনবা মওংদা মায়োক্নরি। করিগুম্বা ভারতনা মশগী থৌদাংশিং মতিক চানা পাংথোক্কে হায়রবদি ঐখোয়গী ঙাকশেল শেম শারিবা অসি মপাঙ্গল কলহনবা মথৌ তাই।
৬১. ঐখোয়গী নহারোলশিং অসি মতিক ময়াই চেনবা চারোলশিংনি, মখোয়না মখোয়গী ৱাখলদা তৌগে খনখিবা খুদিংমক তৌবা ঙম্মি। ঐখোয়না ঙসি পাংথোক্লিবা থবক্না তুংলমচৎকী মশক তাক্কদৌরিবনি। ঐখোয়গী ঙসিনা ভারতকী নিংখাতম্বগী চহি ১০০শুবগী নুংগী ওইবা ৱারোল লেপকদৌরিবনি।
৬২. ঐহাক তুংলমচৎ লেপ্পা ঙম্বা মীশক নত্তে, ঐহাক্না হোৎনজমনগী মহৈদা থাজবা থম্মি। ঐহাক্না লৈবাক অসিগী নহারোলশিংদা থাজবা থম্মি, ঐহাক্না লৈবাক অসিগী ইচেল ইচলশিং অমসুং ইচানুপীশিংদা থাজবা থম্মি, লৈবাক অসিগী লৌমীশিং অমসুং প্রোফেস্নেলশিংদা থাজবা থম্মি। মসিগী তৌবা ঙম্বা চারোল অসিনা ৱাখলনা লাম্বা ফংদবা পান্দম খুদিংমক ফংবা ঙমলগনি।
৬৩. ২১শুবা চহিচাদা ভারতকী মংলান অমসুং অনীংবা অপাম্বশিং থুংহনবদা অয়েৎপা অমত্তনা অথিংবা পীবা ঙম্মোই। ঐখোয়গী পাঙ্গলদি ঐখোয়গী থৌনানি, ঐখোয়গী পাঙ্গলদি অমত্তা ওইবগী মতৌনি, ঐখোয়গী থৌনাদি ইরৈবাক্না মাংদা- মতমচুপদা মাংদা হায়বা ৱাখল্লোন্নি। মসি পুন্না মংলানশিং শাগৎমিন্নবগী মতমনি, মসি পুন্না ফীরেপশিং লৌমীন্নবগী মতমনি, মসি পুন্না হোৎনমিন্নবগী মতমনি, অদুগা মসি মাই পাকপগী লম্বেলদা চংশিনবগী মতমনি।
৬৪. ঙসি অসি লৈবাক অসিগী মমিং লৈরবা থিঙ্কর, শ্রী ওরবিন্দোগী মপোক কুমওন্নি। মহাক্কী ১৫০শুবা মপোক কুমওন ২০২২দা পাংথোক্লগনি। শ্রী ওরবিন্দো অসি ভারতকী মঙাল লৈরবা তুংলমচৎকী ভিজনরী অমনি। মহাক্না ঐখোয় মমাংদা অমুক্তা ওইখিদ্রিবা মওংদা শক্তি লৈগদবনি হায়না হায়বীরম্মি। ঐখোয়না ঐখোয়গী হৈনবী হোংদোক্কদবনি। ঐখোয়না ঐখোয় ইশাবু অমুক মীকপ থোকহনগদবনি।
৬৫. স্বামী ভিবেকানন্দনা ভারতকী তুংলমচৎকী মতাংদা হায়বা মতমদা, মহাক্কী মিৎমাংদা ইমা ভারতকী তৌবা ঙম্বশিং অদু উবা ঙম্বা মতমদা মহাক্না হায়বীরম্মি- হৌখিবা মতমদা য়াইবমখৈ চংশিন্দুনা য়েংগদবনি। অনৌবা ইফুৎশিংদা তারকপা ঈশিং থক্কদবনি অদুগা মদুগী মতুংদা মাংলোমদা য়েংগদবনি। মাংলোমদা চংশিন্দুনা ভারত অসি হান্নদগী মঙাল লৈবা অমসুং অফবা ওইহনগদবনি। মসিগী নিংখা তম্বগী চহি ৭৫ শুবা অসিদা লৈবাক অসি শিংথানীংঙাই ওইরবা তৌবা ঙম্বা অদুবু থাজদুনা মাংলোমদা চংশিনবা হায়বসি হৈখোয়গী ইথৌদাংনি। ঐখোয়না অনৌবা চারোলগী ইনফ্রাস্ত্রকচরগী ঐখোয় পুন্না থবক পাইখৎপা তাই; ঐখোয়না কত্তিং এজ ইনোবেসনশিংগী ঐখোয় পুন্না থবক পাইখৎপা তাই; ঐখোয়না অনৌবা য়ুগকী তেক্নোলোজীগী ঐখোয় পুন্না থবক পাইখৎপা তাই।
