Share
 
Comments
ভেহিকল স্ক্রেপেজ পোলিসী হৌদোকখ্রে
ঐখোয়গী পান্দম অসি সর্কুলার ইকোনোমী অমা মায় পাক্নবা অমসুং স্তেকহোল্দর পুম্বা অকোইবগী থৌদাং লৌবদা মতিক চাবা অমা ওইনবা শেমগৎনবগী পান্দম্নি: পি.এম.
ভেহিকল স্ক্রেপেজ পোলিসীনা লৈবাক অসিদা ভেহিকলগী মশীং মতমগা চুনবা পুরক্নবা মতমগা চান্নদ্রবা গারীশিং সাইন্তিফিক ওইবা মওংদা লম্বীশিংদগী লৌথোকপদা চাউরবা থৌদাংশিং লৌগনি: পি.এম.
লু-নানবা, অয়েৎপা লৈতবা অমসুং চৎথোক-চৎশিন নুঙাইনবগী পন্থুং অসি ২১শুবা চহি চা অসিদা ভারতকী তঙাইফ্রদবা পুংফম ওইরি: পি.এম.
পোলিসী অসিনা লুপা কোতি ১০গী অনৌবা শেন্থং অমা পুরক্লগনি অমসুং থবক লিশিং কয়া অমা লৈরগনি: পি.এম.
অনৌবা স্ক্রেপিং পোলিসী অসি ৱেস্ততগী ৱেলথ ওইনবা সর্কুলার ইকোনোমীদা মরুওইবা লিঙ্ক অমনি: পি.এম.
অরিবা ভেহিকলগী স্ক্রেপিং সর্তিফিকেৎ পায়রবা মীওইশিংনা অনৌবা ভেহিকল অমা লৈবা মতমদা রেজিস্ত্রেসনগীদমক পৈশা তিংলরোই, লম্বীগী তেক্স খরা হন্থগনি: পি.এম.
তো মেনুফেকচরিংগী ভেল্যু চেনগা মরী লৈননা মপাল লমদগী পোৎলম পুশিল্লকপদা মীপাল তাংবা হন্থহন্নবা ঐখোয়না হোৎনগদবনি: পি.এম.

খুরুমজরি!

কেন্দ্রগী মন্ত্রী-মন্দলদা ঐহাক্কী মরুপ ওইরিবা শ্রী নিতিন গদকারীজী, গুজরাতকী মুখ্য মন্ত্রী শ্রী বিজয় রুপানিজী, ওতো ইন্দস্ত্রীগা মরী লৈনবা স্তেকহোল্দরপুম্নমক, ও.ই.এম. এসোসিএসন পুম্নমক, মেতল অমসুং স্ক্রেপিং ইন্দস্ত্রীগী মেম্বর পুম্নমক, ইকাই খুম্নরবী অমসুং ইকাই খুম্নরবশিং!

নীংখা তম্বগী চহি ৭৫শুদ্রিঙৈ মমাংদা ঙসিগী প্রোগ্রাম অসি আত্মনির্ভর ভারতকী অচৌবা পান্দমশিং অদু থুংহন্নবা অতোপ্পা মরু ওইবা খোঙথাং অমনি। লৈবাক অসিনা নেস্নেল ওতোমোবাইল স্ক্রেপেজ পোলিসী লোঞ্চ তৌরি। পোলিসী অসিনা অনৌবা ভারতকী মোবিলিতীদা, ওতো সেক্তরদা অনৌবা মশক অমা পীরগনি। লৈবাক অসিদা ভেহিক্যূলর পোপুলেসনগী মোদর্নাইজেসন তৌবদা, মতমগা চুনদ্রবা গারীশিংবু সাইন্তিফিক ওইবা মওং অমদা লম্বীশিংদগী লৌথোকপদা পোলিসী অসিনা অচৌবা থৌদাং অমা য়াগনি। মসিনা প্রজা খুদিংমক্তা, ইন্দস্ত্রী খুদিংমক্তা, লৈবাক অসিগী সেক্তর খুদিংমক্তা অয়াম্বদা চাউনা অহোংবা অমা পুরক্লগনি।

মরুপশিং,

লৈবাক্কী শেন্মীৎলোনগীদমক্তা মোবিলিতী অসি কয়াম চাউবা ফেক্তরী অমনো হায়বা ময়াম্না খঙবীরে। তমগা চুনরবা অনৌবশিং মোবিলিতীদা য়াওরকপনা চত্থোক-চৎশিন তৌবগী অমসুং ত্রান্সপোর্তেসনগী পোৎলুম হন্থহনবতা নত্তা শেন্মীৎলোন চাউখৎহনবদা য়াম্না কান্নৈ হায়নসু উৎখ্রে। ২১শুবা ভারতনা তরুবা, কনজেসন ফ্রি ওইবা অমসুং খুদোংচাগদবা মোবিলিতীগী পান্দম থমদুনা চংশিনবা হায়বা অসি হৌজিক্কী ওইনা তঙাই ফদবা ওইরে। মরম অসিনা ঙসি সরকারনা খোঙথাং অসি লৌখৎলিবনি। অমসুং মসিগীদা ইন্দস্ত্রীদা লৈরিবা অখং-অহৈশিং, স্তেকহোল্দর পুম্নমক্কী অচৌবা থৌদাং অমা লৈ।

মরুপশিং,

অনৌবা সক্রেপিং পোলিসী অসি ৱেস্ত তু ৱেল্থ- অমোৎ-অকাইদগী লনদা ওন্থোক্নবা অভিয়ানগী সর্ক্যুলর ইকোনোমীগা মরু ওইবা লিঙ্ক অমা লৈরি। পোলিসী অসিদা লৈবাক্কী শহরশিংদা পোলুসন হন্থহন্নবা অমসুং অকোইবগী ফীভম ঙাক শেন্নবগা লোইননা খোঙজেল য়াংনা খুমাং চাউশিন্নবা ঐখোয়গী কমিতমেন্ত অদুসু মমি তারি। রিয়ুজ, রিসাইকল অমসুং রিকভরীগী প্রিন্সিপল অসি শীজিন্নদুনা পোলিসী অসিনা লৈবাক অসিনা ওতো সেক্তর অমসুং মেতল সেক্তরদা আত্মনির্ভর ওইহন্নবা অনৌবা ইনোৎ অমা পীরগনি। মসিতা নত্তনা পোলিসী অসিনা লৈবাক অসিদা লুপা করোর লিশিং ১০ হেনবগী অনৌবা ইনভেস্তমেন্ত লাকহল্লগনি অমসুং থবক লিশিং কয়া পীবা ঙম্লগনি।

মরুপশিং,

ঙসি প্রোগ্রাম অসি হৌদোকপগী মতম অসিমক য়াম্না অখন্নবা ওই। ঐখোয়না নীংখা তমখিবগী চহি ৭৫ শুরক্কদৌরে। মসিদগী হৌরগা মথংগী চহি ২৫ অসি লৈবাক্কী ওইনা য়াম্না মরু ওই। মথংগী চহি ২৫ অসিদা ঐখোয়গী থবক তৌবগী মওং, ঐখোয়গী নুংতিগী ওইবা পুন্সিরোলদা, ঐখোয়গী বিজিনেসতা অহোংবা কয়া লাক্লগনি। ঐখোয়গী পুন্সিরোল নত্ত্রগা ঐখোয়গী শেন্মীৎলোন্দা ওইরবসু তেক্নোলোজীদা হোংলক্লিবা মওং অসিনা মরম ওইরগা অনিক্তা চাউনা অহোংবা লাক্লগনি। অহোংবা লাক্লিঙৈ চৈরক অসিদা ঐখোয়গী অকোইবগী ফীভম, ঐখোয়ী লম, ঐখোয়গী রিসোর্সশিং, ঐখোয়গী রো মেতরিএলশিং পুম্নমক অসি ঙাকশেনবা অসি চপ মান্না মরু ওই।তেক্নোলোজী চল্লাইনবা রেয়র আর্থ মেতলশিং অসি ঙসিসু রেয়র ওইরি অদুবু ঙসি ফংলিবা মেতলশিং অসিসু রেয়র ওইরক্কনি হায়বদি লুনা থোক্কনি। তুংলমচৎতা ঐখোয়না তেক্নোলোজী অমসুং ইনোভেসনদা থবক তৌবা য়াগনি অদুবু মালেম ইমানা পীরিবা লন অসিদি ঐখোয়গী খুৎতা লৈতে। মরম অসিনা ঙসি নাকল অমরোমদা ভারতনা দীপ ওশিন মিসনগী খুত্থাংদা অনৌবা ওইথোকপা য়াবশিং থিজিল্লি অদুগা নাকল অমদনা সর্ক্যুলর ইকোনোমীবুসু থৌগৎলি। চাউখৎ-থৌরাংবু সস্তেনেবল ওইহন্নবা, এনভাইরনমেন্ত ফ্রেন্দলী ওইহন্নবা খোঙথাং অসি লৌখৎপনি। নুমিৎ খুদিংগী ঐখোয়না অইং-অশাগী খলদা কাইথরকপা থেংনরি। মরম অসিনা ভারতনা মশাগী প্রজাশিংগী খল্লগা অচৌবা খোঙথাংশিং লৌখৎপা মথৌ তাই। ৱাখল্লোন অসিগা লোইননা হৌখিবা চহিদা ইনর্জী সেক্তরদা মমাংদা অমুক্তা থোকখিদ্রিবা মওংদা থবক পাইখৎখি। সোলর অমসুং ৱিন্দ পাৱর নত্ত্রগা বাইওফ্যুল ওইরবসু ঙসিদি ভারতনা মালেমগী মাংজিল থারিবা লৈবাকশিংগী মরক্তা য়াওবা ঙম্লি। ৱেস্ত তু ৱেল্থকী অচৌবা কেম্পেন অমা চত্থরি। মসি লুনানবা অমসুং আত্মনির্ভর ওইবগা মরীসু লৈনহল্লি। মসিগী মহুৎ হৌজিক মতম অসিদা ঐখোয়না লম্বী শেম্বদা অমোৎ-অকাই য়াম্না শীজিন্নরি। সরকারগী বিল্দিংশিং অমসুং লায়রবশিংগী য়ুমশিং শাবদা রিসাইক্লিং তৌবা অসিসু থৌগৎলি।

মরুপশিং,

অসিগুম্বা খোঙথাংশিং অসিদা ঙসিদি ওতোমোবাইল সেক্তরগী মমিংসু হাপচিনখ্রে।পোলিসী অসিদগী অচম্বা ইমুং-মনুংশিংদা হীরম খুদিংমক্তা চাউনা কান্নবা ফংলগনি। অহানবা কান্নবা ওইনা অরিবা গারী ক্রেপ তৌবদা সর্তিফিকেৎ অমা ফংগনি। সর্তিফিকেৎ অসি পাইবা মীওই অমনা হেক্তনা অনৌবা গারী অমা লৈবা মতমদা রেজিস্ত্রেসন তৌনবগী শেল অমত্তা তিংলরোই। মসিগা লোইননা মসিনা রোদ তেক্সতগী খরা মখৈ কোকপীরগনি। অনিশুবা কান্নবা অসিনা অরিবা গারীগী মেন্তেনেন্স কোস্ত, রিপিয়র কোস্ত, ফ্যুল ইফিসিএন্সী, মসিদসু শেল চৎহল্লরোই। অহুমশুবা কান্নবা অসিনা পুন্সিগা হকথেংননা মরী লৈনৈ। অরিবা গারীশিং, অরিবা তেক্নোলোজীনা মরম ওইদুনা লম্বীগী খুদোংথিবা থোকহনবগী চাং য়াম্না ৱাংলি, মসিগী অৱাবা অসি কোকহল্লগনি। মরিশুবদা মসিনা ঐখোয়গী হকশেলদা পোলুসন্না পীবা চৈথেং হন্থহল্লগনি। অমসুং খ্বাইদগী মরু ওইবা ফম অদুসি পোলিসী অসিগী মখাদা গারীশিং অসি শুপ্নগী মখোয়গী চহি য়এংলগা স্ক্রেপ তৌরোই। ওথোরাইজ তৌবা ওওমেতেদ তেস্তিং সেন্তরশিংদা গারীশিং অসি ফরিবরা হায়না সাইন্তিফিক ওইবা মওংদা তেস্ত তৌগনি। মসিগীদমক লৈবাক শিনবা থুংবদা লৈরিবা রেজিস্তর তৌরবা ভেহিকল স্ক্রেপিং সেন্তরশিং অসি তেক্নোলোজীনা চল্লাইবা, ত্রান্সপরেন্ত ওইবা ওইহনগনি।

মরুপশিং,

ফোর্মেল স্ক্রেপিংগী কান্নবশিং অসি করিনো হায়বা অদু গুজরাতনা উবা ফংখ্রে অমসুং নিতিনজীনসু মসিগী মতাংদা হায়বীখ্রে। গুজরাতকী অলঙ্গ অসি শিপ রিসাইক্লিং হব অমা ওইনা খঙনৈ। অলঙ্গনা মালেমগী শিপ রিসাইক্লিং ইন্দস্ত্রীদা মাগী সিবর লেপ্তনা হেনগৎহল্লি। শিপ রিসাইক্লিং ইনফ্রাস্ত্রকচর অসিনা মফম অসিদা অনৌবা থবক্কী খুদোংচাবা লিশিং কয়া ফংহনখ্রে। মফম অসিদা ইনফ্রাস্ত্রকচর অমসুং স্কিল মেপাৱরসু লৈ। অসিগুম্বা ফীভম অসিদা জহাজকী মতুংদা গারীশুংগী অচৌবা স্ক্রেপিং হব অমসু ওইহনবা ঙমগনি।

মরুপশিং,

স্ক্রেপিং পোলিসী অসিনা লৈবাক শিনবা থুংবদা লৈরিবা স্ক্রেপকা মরী লৈনবা সেক্তরদা অনৌবা মঙলাম অমা পীরগনি, অনৌবা ঙাকশেল অমা ফংলগনি। মরু ওইনা অপীকপা বিজিনেসমেন ওইরিবা স্ক্রেপিং তৌবদা য়াওরিবা ঐখোয়গী শিন্মীশিং অসিগী পুন্সিদা অচৌবা অহোংবা অমা লাক্লগনি। মসিনা শিন্মীশিংদা অফবা এনভাইরনমেন্ত অমা পীগনি, মখোয়না ওর্গনাইজ সেক্তরগী অতৈ কর্মচারীশিংগুম্বা কান্নবশিংসু ফংলগনি। মসিতা নত্তনা অমোৎ অকাই খুনবগী থবক তৌরিবা অপীকপা লালোনবশিংনা ওথোরাইজ তৌরবা স্ক্রেপিং সেন্তরশিংগী কলেক্সন এজেন্তশিং ওইবসু য়ারগনি।

মরুপশিং,

প্রোগ্রাম অসিদগী ওতো অমসুং মেতল ইন্দস্ত্রীনা চাউনা বুস্ত ফংলগনি। মমাং চহি খক্তদা ঐখোয়না লুপা করোর ২৩,০০০রোমগী স্ক্রেপ স্তীল ইমপোর্ত তৌখি। মরমদি ভারত্তা তৌরিবা স্ক্রেপিং অসি হৌজিক ফাওবগী ওইনা প্রদক্তিব ওইদ্রি। ইনর্জী রিকবরী অসি নেম্বা, হায়-স্ত্রেন্থ স্তীল এলোইশিং অসিগী ভেল্যু মপুং ফানা লৌবা ঙমদে অমসুং মমল অতাংবা মেতলশিং অসি রিকবর তৌবা ঙমদে। হৌজিক সাইন্তিফিক ওইবা, তেক্নোলোজীদা য়ুম্ফম ওইবা স্ক্রেপিং লৈরবদি ঐখোয়না রেয়র আর্থ মেতশিং অসিসু রিকবর তৌবা ঙম্লগনি।

মরুপশিং,

আত্মনির্ভর ভারত্তা ইনোৎ পীনবা ভারতকী ইন্দস্ত্রীবু সস্তেনেবল অমসুং প্রদক্তিব ওইহন্নবা লেপ্পা লৈতনা খোঙথাংশিং লৌখৎলি। ওতো মেন্যুফেকচরিগা মরী লৈনবা ভেল্যু চেনগীদমক্তা য়ারিবা মখৈ মীপাল তাংদনবা ঐখোয়না হোৎনরি। অদুবু ইন্দস্ত্রী অসিনা হীরম অসিদা তোঙান্না খরা হোৎনবা মথৌ তাই। মথংগী চহি ২৫ অসিগীদমক নখোয়দা আত্মনির্ভর ভারতকী ময়েক শেংবা রোদমেপ অমা লৈফম থোকই। লৈবাক অসিনা তরুবা, কঞ্জেসন ফ্রি ওইবা অমসুং খুদোংচাগদবা মোবিলিতীগী মাইকৈদা হৌজিক চংশিল্লি। মরম অসিনা অরিবা থৌশিল অমসুং অরিবা পাম্বৈশিং হোংদোকপা তাই। ঙসি ভারতনা মাগী প্রজাশিংদা সেফতী অমসুং ক্বালিতীদা গ্লোবেল স্তেন্দর্দশিং ফংহন্নবা হোৎনরি। বি.এস.-৪দগী বি.এস.-৬তা দাইরেক্ত ত্রাঞ্জিসন লাকখ্রিবা অসিসু ৱাখল্লোন অসিননি।

মরুপশিং,

লৈবাক অসিদা গ্রীন অমসুং ক্লিন মোবিলিতী লৈহন্নবা অঙম্বা থাক্তা সরকারনা রিসর্চতগী হৌরগা ইনফ্রাস্ত্রচরদা চাউনা থবক পাইখৎলি। ইথানোল, হাইদ্রোজেন ফ্যুল নত্ত্রগা ইলেক্ত্রিক মোবিলিতী ওইরবসু সরকারগী থৌরাংশিং অসিগা লোইননা ইন্দস্ত্রীনা থৱাই য়াওনা শরুক য়াবা য়াম্না মরু ওই। আর এন্দ দিদগী হৌদুনা ইনফ্রাস্ত্রকচর ফাওবা ইন্দস্ত্রীনা মখোয়গী স্তেক হেনগৎহনবা তাই। মসিগীদমক মথৌ তাবা মতেং পুম্নমক সরকারনা পীনবা শেম-শাদুনা লৈরে।  মসিদগী হৌরগা ঐখোয়গী পার্তনরশিপ অসি অনৌবা থাক্তা পুখৎপা তাই। অনৌবা প্রোগ্রাম অসিদা ইরৈবাকচাশিংদা লোইননা ওতো সেক্তরদা অনৌবা ইনোৎ, অনৌবা ইথোল অমসুং অনৌবা থাজবা শোইদনা পীরগনি হায়না ঐহাক্না থাজৈ। ঙসিগী অচৌবা থৌরম অসি ইন্দস্ত্রীগী মীয়াম্না কাউবা তৌরোই হায়না ঐহাক্না থাজৈ। অরিবা গারী থৌরিবা মীওইশিংনা খুদোংচাবা অসি মাংহল্লোই হায়না ঐহাক্না থাজৈ। ঙসি প্রোগ্রাম অসি গুজরাত্তা হৌদোকখ্রে, পোলিসী অসি হৌদোকখ্রে অমসুং গুজরাত অমদি ঐখোয়গীলৈবাক্তসু সর্ক্যুলর ইকোনোমী হায়বা ৱাহৈ অসি অনৌবা অমা ওইরমগনি। অদুবু ঐখোয়না খঙই মদুদি করিগুম্বা ফিরোলশিং মল্লকপা মতমদা ঐখোয়গী য়ুমদা অবোকশিংনা মদু খুমজিন্নবা কান্থা শেম্মি। কান্থা অদুসু মল্লকপা মতমদা মদু শেগাইরগা অমোৎপা হুন্দোক্নবা ওইনা শীজিন্নৈ। রিসাইক্লিং অসি করিনো, সর্ক্যুলর ইকোনোমী করিনো। মসি ভারতকী ওইনদি অনৌবনি। ঐখোয়না সাইন্তিফিক ওইবা মওংদা শুপ্নগী মাংদা চংশিনবা তাই অমসুং ঐখোয়না সাইন্তিফিক ওইনা মাংদা চংশিনবা মতমদা মীপুম খুদিংমক্না অমোৎ-অকাইদগী লন্দা ওন্থোকপগী কেম্পেন অসিদা শরুক য়ারক্কনি হায়না ঐহাক্না থাজৈ অমসুং ঐখোয়না অনৌ-অনৌবা কয়া পুথোকপদা মাইপাকপা ঙমগনি। ঐহাক্না ময়ামবু অমুক হন্না য়াইফ-মঙ্গোল পীজরি। হন্না-হন্না থাগৎচরি।

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Powering the energy sector

Media Coverage

Powering the energy sector
...

Nm on the go

Always be the first to hear from the PM. Get the App Now!
...
PM congratulates people of Devbhoomi for 100% first dose of Covid vaccination
October 18, 2021
Share
 
Comments

The Prime Minister, Shri Narendra Modi has congratulated the people of Devbhoomi for 100% first dose of Covid 19 vaccination for 18+ age group people. The Prime Minister has also said that this achievement of Uttarakhand is very important in the country's fight against Covid 19.

In response to a tweet by the Chief Minister of Uttarakhand, Shri Pushkar Singh Dhami, the Prime Minister said;

"देवभूमि के लोगों को बहुत-बहुत बधाई। कोविड के खिलाफ देश की लड़ाई में उत्तराखंड की यह उपलब्धि अत्यंत महत्वपूर्ण है। मुझे विश्वास है कि वैश्विक महामारी से लड़ने में हमारा वैक्सीनेशन अभियान सबसे अधिक प्रभावी साबित होने वाला है और इसमें जन-जन की भागीदारी अहम है।"