ইং কুমজা ২০২১দা ভারতনা ব্রিক্সকী চিয়রশিপ পাইরিবা অসিগী শরুক অমা ওইনা, প্রধান মন্ত্রী শ্রী নরেন্দ্র মোদীনা ভর্চ্যুএল ফোর্মেত্তা সেপ্তেম্বর ৯, ২০২১দা ১৩শুবা ব্রিক্স সম্মিত্তা ময়াই তাংবল লৌগনি। মীফম অসিদা ব্রাজিলগী প্রসিদেন্ত ঐচ.ই. মিস্তর জায়র বোলসোনারো; রাসিয়াগী প্রসিদেন্ত, ঐচ.ই. ভ্লাদিমির পুতিন; চিনাগী প্রসিদেন্ত ঐচ.ই. মিস্তর শী জিনপিং অমসুং খা অফ্রিকাগী প্রসিদেন্ত, ঐচ.ই. মিস্তর সাইরিল রামাফোসানা শরুক য়াগনি। ভারতকী নেস্নেল সেক্যুরিতীগী এদভাইজর, শ্রী অজিত দোভল, ন্যু দিবেলপমেন্ত বেঙ্ককী প্রসিদেন্ত, মিস্তর মার্কোস ত্রোইজো, ব্রিক্স বিজিনেস কাউন্সিলগী প্রো তেম্পোর চিয়র, শ্রী ওনকর কনৱার অমসুং ব্রিক্স ৱরুমেন্স বিজিনেস এলাইন্সকী প্রো তেম্পোর চিয়র, দা. সঙ্গিতা রেদ্দী, হায়রিবশিং অসিনা মখোয় মশাগী ত্রেকশিংগী মখাদা চহি অসিদা ফংবা ঙমখিবা আউতকমশিংগী রেপোর্তশিং অদু সম্মিত অসি পাঙথোক্লিঙৈদা লুচিংবশিংদা উৎকনি।
সম্মিত অসিগী থিম “ব্রিক্স@১৫: ইন্ত্রা-ব্রিক্স কোওপরেসন ফোর কনতিন্যুতী, কনসোলিদেসন এন্স কনসেন্সস”না ওইরি। ভারতনা মাগী চিয়রশিপকীদমক মরু ওইবা মীৎয়েং চংলিবা হীরম মরি থমখি। মখোয়শিং অদুদি মল্তিলেতরেল সিস্তেমদা রিফোর্ম পুরকপা, কাউন্তর তেরোরিজম, এস.দি.জি.শিং ফংনবা দিজিতেল অমসুং তেক্নোলোজিগী ওইবা তুলশিং শীজিন্নবা অমসুং পিপল তু পিপল একচেঞ্জ তৌবা হেনগৎহনবা অসিনি। হীরমশিং অসিগী মথক্তা লুচিংবশিংনা কোবিদ-১৯ লাইচৎনা পীখিবা শাফুগী মতাংদা অমসুং হৌজিক লৈরিবা গ্লোবেল অমসুং রিজনেলগী সমস্যাশিংগী মতাংদা ৱাখল্লোনশিংসু ফোঙদোক্নগনি।
মসি প্রধান মন্ত্রীনা অনিরক শুবা ওইনা ব্রিক্স সম্মিত্তা ময়াই তাংবল লৌবনি। মমাংদা ইং কুমজা ২০১৬দা গোৱা সম্মিত্তা মহাক্না ময়াই তাংবল লৌখি। চহি অসিগী ব্রিক্সকী ভারতকী চিয়রশিপ অসি সম্মিত অসিগী থিমনা তাক্লিবা অসিগী মতুং ইন্না ব্রিক্সকী তরা-মঙা শুবা কুমওনগা পুন্না তামিন্নরি।
