റഷ്യൻ ഫെഡറേഷൻ്റെ ആദ്യ ഉപപ്രധാനമന്ത്രി ഡെനിസ് മാൻ്റുറോവ് ഇന്ന് പ്രധാനമന്ത്രി ശ്രീ നരേന്ദ്ര മോദിയെ സന്ദർശിച്ചു.
വാണിജ്യ-സാമ്പത്തിക ബന്ധങ്ങൾ, ഊർജം, കണക്റ്റിവിറ്റി എന്നിവയുൾപ്പെടെ വിവിധ മേഖലകളിൽ സഹകരണം വർധിപ്പിക്കുന്നത് സംബന്ധിച്ച കാഴ്ച്ചപ്പാടുകൾ അവർ പരസ്പരം കൈമാറി.
ഏറെ പ്രത്യേകതകളുള്ള ഇന്ത്യ-റഷ്യ തന്ത്രപരമായ പങ്കാളിത്തം കൂടുതൽ ശക്തിപ്പെടുത്തുന്നതിന്റെ ഭാഗമായി, പ്രസിഡൻ്റ് പുടിനുമായുള്ള സമീപകാല സന്ദർശനങ്ങളിലും കൂടിക്കാഴ്ചകളിലും എടുത്ത തീരുമാനങ്ങൾ നടപ്പാക്കാനുള്ള ഇരു ഇരുരാജ്യങ്ങളുടെയും സുസ്ഥിരവും സംയുക്തവുമായ ശ്രമങ്ങളെ പ്രധാനമന്ത്രി മോദി സ്വാഗതം ചെയ്തു.
പ്രസിഡന്റ് പുടിന് ഊഷ്മളമായ ആശംസകൾ അറിയിച്ച പ്രധാനമന്ത്രി, അദ്ദേഹവുമായി തുടർന്നും ആശയവിനിമയം നടത്താൻ ആഗ്രഹിക്കുന്നുവെന്നും പറഞ്ഞു.
Glad to meet Russia’s First Deputy PM Denis Manturov today. Happy to see that teams on both sides are working together to implement decisions taken during my recent visits and meetings with President Putin to further strengthen India-Russia Special and Privileged Strategic… pic.twitter.com/CvMlc22iAx
— Narendra Modi (@narendramodi) November 11, 2024
