പങ്കിടുക
 
Comments

ഹാനോവര്‍ മെസ്സേ ലോകത്തിലെ വലിപ്പമേറിയതും ഏറെ അഭിമാനകരവുമായ വ്യാവസായിക മേളകളിലൊന്നായാണ് ആദരിക്കപ്പെടുന്നത്. ലോകമെമ്പാടുമുള്ള ജനങ്ങള്‍ ഈ ജര്‍മന്‍ നഗരത്തില്‍ ഒന്നിച്ചു ചേര്‍ന്ന് എന്താണ് ലോകത്തിലെ വലിയ ഉല്‍പ്പാദകര്‍ക്ക് വാഗ്ദാനം ചെയ്യാനുള്ളതെന്ന് നോക്കുന്നു. 2015ല്‍ ഹനോവര്‍ മെസ്സേയില്‍ ഇന്ത്യ ഒരു പങ്കാളിത്ത രാജ്യമായി.

പ്രധാനമന്ത്രി നരേന്ദ്ര മോദിയും ജര്‍മ്ന്‍ ചാന്‍സ്ലര്‍ ആഞ്ചെലാ മെര്‍ക്കലും ചേര്‍ന്നാണ് മെസ്സേ ഉദ്ഘാടനം ചെയ്തത്. ഇന്ത്യയുടെ മൃദുശക്തിയും സമ്പന്നമായ കരുത്തും ഹനോവര്‍ മെസ്സേയില്‍ ഇന്ത്യ നിക്ഷേപിക്കുകയും പ്രദര്‍ശിപ്പിക്കുകയും ചെയ്തു. ഇന്ത്യയെ ആകര്‍ഷകമായ നിക്ഷേപ കേന്ദ്രമാക്കുന്ന മാറ്റങ്ങളും പ്രകൃതിയും വ്യക്തമാക്കുന്ന 'ഇന്ത്യയില്‍ നിര്‍മ്മിക്കൂ' പവലിയന്‍ ഗംഭീരമായിരുന്നു. ഇന്ത്യയിലെ വിവിധ സംസ്ഥാനങ്ങള്‍ളുടെ സ്വന്തം പവലിനുകളും പരക്കെ അഭിനന്ദനം നേടി.

ബിജെപി നേതൃത്വത്തിലുള്ള എന്‍ഡിഎ സര്‍ക്കാരിന്റെ ആദ്യ വര്‍ഷത്തില്‍ത്തന്നെ അഭിമാനകരമായ ഹനോവര്‍ മെസ്സേയുടെ പങ്കാളിത്ത രാജ്യമാകാന്‍ അവസരം ലഭിച്ചതിലെ സന്തോഷം പ്രധാനമന്ത്രി നരേന്ദ്ര മോദി അദ്ദേഹത്തിന്റെ പ്രസംഗത്തില്‍ പ്രകടിപ്പിച്ചു. നികുതി സമ്പ്രദായം ലളിതമാക്കുകയും വിദേശ നിക്ഷേപം ആകര്‍ഷിക്കുന്ന പരിസ്ഥിതി സൃഷ്ടിക്കുകയും ചെയ്ത് വ്യവസായങ്ങള്‍ വേഗത്തിലാക്കാന്‍ ആദ്യ വര്‍ഷത്തില്‍ത്തന്നെ എന്‍ഡിഎ സര്‍ക്കാര്‍ സ്വീകരിച്ച നടപടികള്‍ അദ്ദേഹം എടുത്തു പറഞ്ഞു.

'ഇന്ത്യയില്‍ നിര്‍മ്മിക്കൂ' വില്‍ തങ്ങള്‍ക്ക് ശുഭപ്രതീക്ഷയാണുള്ളതെന്ന് നിരവധി ലോകനേതാക്കള്‍ നരേന്ദ്ര മോദിയുടെ ഉഭയകക്ഷി സന്ദര്‍ശനങ്ങളില്‍ അദ്ദേഹത്തോട് പറയാറുണ്ട്. മലേഷ്യയിലെ പ്രധാനമന്ത്രി നജീബ് റസാക്, സിംഗപ്പൂര്‍ പ്രധാനമന്ത്രി ലീ സീന്‍ ലൂങ്, ആസ്‌ത്രേലിയന്‍ പ്രധാനമന്ത്രി ആബട്ട്, ജപ്പാന്‍ പ്രധാനമന്ത്രി ആബേ,ഫ്രാന്‍സ് പ്രസിഡന്റ് ഹോലന്റ്, കാനഡ പ്രധാനമന്ത്രി ഹാര്‍പ്പര്‍ എന്നിവര്‍ ഇതില്‍പ്പെടുന്നു.

കഴിഞ്ഞ ഒരു വര്‍ഷത്തിനിടെ ഇന്ത്യയില്‍ നിര്‍മ്മിക്കുന്നതും നിക്ഷേപിക്കുന്നതും ഉയര്‍ന്ന ഗുണഫലങ്ങള്‍ നല്‍കുമെന്ന തരത്തിലുള്ള അനുകൂലമായ അന്തരീക്ഷം സൃഷ്ടിക്കുന്നതിന് പ്രധാനമന്ത്രി നടത്തിയ ശ്രമങ്ങള്‍ വലിയ തോതില്‍ ഫലം കണ്ടിട്ടുണ്ട്. ലോകത്തിന്റെ കണ്ണുകള്‍ ഇന്ത്യയിലേക്കു ഇവിടത്തെ വിശാലമായ അവസരങ്ങളിലേയ്ക്കും പതിയാന്‍ ഇത് ഇടനല്‍കി.

donation
Explore More
നടന്നു പോയിക്കോളും എന്ന മനോഭാവം മാറ്റാനുള്ള സമയമാണിത്, മാറ്റം വരുത്താനാവും എന്ന് ചിന്തിക്കുക: പ്രധാനമന്ത്രി മോദി

ജനപ്രിയ പ്രസംഗങ്ങൾ

നടന്നു പോയിക്കോളും എന്ന മനോഭാവം മാറ്റാനുള്ള സമയമാണിത്, മാറ്റം വരുത്താനാവും എന്ന് ചിന്തിക്കുക: പ്രധാനമന്ത്രി മോദി
India claims top 10 in list of fastest-growing cities

Media Coverage

India claims top 10 in list of fastest-growing cities
...

Nm on the go

Always be the first to hear from the PM. Get the App Now!
...
പങ്കിടുക
 
Comments

ഇന്ത്യയില്‍ മാറ്റത്തിനു തുടക്കം കുറിച്ച നയങ്ങള്‍ക്ക് പ്രധാനമന്ത്രി ശ്രീ. നരേന്ദ്ര മോദിയുടെ നേതൃത്വത്തിലുള്ള എന്‍.ഡി.എ. ഗവണ്‍മെന്റിന് പ്രമുഖ രാജ്യാന്തര ഏജന്‍സികളുടെ അളവറ്റ പ്രശംസ.

2014-15 ല്‍ 5.6 ശതമാനമായിരുന്ന ഇന്ത്യയുടെ വളര്‍ച്ച നിരക്ക് 2015-16ല്‍ 6.4 ശതമാനമായി വര്‍ധിക്കുമെന്ന് ലോകബാങ്ക് പ്രതീക്ഷ പ്രകടിപ്പിച്ചു. 'മോദി ഡിവിഡന്റു'മായി ബന്ധപ്പെടുത്തിയാണ് ഈ നിരീക്ഷണമെന്നാണ് ലോകബാങ്കിന്റെ വിശദീകരണം. ഗവണ്‍മെന്റിന്റെ നയം അനുകൂലമായതിനാലും എണ്ണവില കുറയുന്നതിനാലും ഇന്ത്യയിലേക്കു കൂടുതല്‍ നിക്ഷേപമെത്തുമെന്നും ലോകബാങ്ക് വിലയിരുത്തുന്നു.

കരുത്തുറ്റ വീക്ഷണത്തോടുകൂടിയുള്ള പ്രധാനമന്ത്രി നരേന്ദ്ര മോദിയുടെ നേതൃത്വം മുഴുവന്‍ ജനങ്ങളെയും സാമ്പത്തിക സംവിധാനത്തിലേക്കു കൊണ്ടുവരാനുള്ള അസാധാരണമായ ശ്രമം ഇന്ത്യയില്‍ സാധ്യമാക്കിയിട്ടുണ്ടെന്ന ലോകബാങ്ക് പ്രസിഡന്റ് ശ്രീ. ജിം യോങ് കിമ്മിന്റെ പ്രസ്താവനയില്‍ നിഴലിക്കുന്നത് ഈ അനുകൂല വികാരമാണ്. സാമ്പത്തിക ഉള്‍ച്ചേര്‍ക്കല്‍ ഉദ്ദേശിച്ചുള്ള ജന്‍ധന്‍ യോജനയെയും അദ്ദേഹം പ്രശംസിച്ചു.

പ്രധാനമന്ത്രിയുടെ നേതൃത്വത്തിലുള്ള പരിഷ്‌കാരങ്ങളുടെയും എണ്ണവില താഴ്ന്നുകൊണ്ടിരിക്കുന്നതിന്റെയും പശ്ചാത്തലത്തില്‍ ഇന്ത്യന്‍ സമ്പദ്‌വ്യവസ്ഥ പ്രതീക്ഷിച്ചതിലും വേഗത്തില്‍ വളരുമെന്നും ചൈനയെ മറികടക്കുമെന്നും രാജ്യാന്തര നാണയനിധി അധികൃതര്‍ ചൂണ്ടിക്കാട്ടി. ഇതോടൊപ്പം നിക്ഷേപക ആത്മവിശ്വാസം വര്‍ധിക്കുന്നതായും വ്യക്തമാക്കി.

സാമ്പത്തിക സഹകരണത്തിനും വികസനത്തിനുമായുള്ള സംഘടന (ഒ.ഇ.സി.ഡി.)യുടെ വിലയിരുത്തല്‍ ഇന്ത്യയില്‍ നടപ്പാക്കിവരുന്ന സാമ്പത്തിക പരിഷ്‌കാരങ്ങള്‍ സമ്പദ്‌വ്യവസ്ഥയെ കരുത്തുറ്റതും സുസ്ഥിരവും എല്ലാവരെയും ഉള്‍ച്ചേര്‍ത്തുള്ള വളര്‍ച്ച യാഥാര്‍ഥ്യമാക്കുന്നതും ആക്കിത്തീര്‍ക്കും എന്നാണ്. ഇതും പരിഷ്‌കാരങ്ങള്‍ നടപ്പാക്കാന്‍ പ്രധാനമന്ത്രി ശ്രീ. നരേന്ദ്ര മോദി കാട്ടുന്ന അത്യുത്സാഹം വെളിപ്പെടുത്തുന്നു.

നേരത്തേയുണ്ടായിരുന്ന 'ഉറച്ചത്' എന്നതില്‍നിന്ന് ഇന്ത്യയുടെ റേറ്റിങ് 'അനുകൂലം' എന്നതിലേക്കു മാറ്റാന്‍ മുന്‍നിര ആഗോള ഏജന്‍സിയായ മൂഡീസ് തയ്യാറായിട്ടുണ്ട്. ഇതു നിക്ഷേപകരുടെ ആത്മവിശ്വാസം വളര്‍ത്തുന്നതും പ്രധാനമന്ത്രിയുടെയും ഒപ്പമുള്ളവരുടെയും പരിഷ്‌കാരശ്രമങ്ങളെ പ്രശംസിക്കുന്നതുമാണ്.

സമാനവും ശുഭപ്രതീക്ഷ പകരുന്നതുമായ റിപ്പോര്‍ട്ടാണ് ഐക്യരാഷ്ട്രസഭയും ഇന്ത്യയുടെ വളര്‍ച്ചയെ സംബന്ധിച്ച് പുറത്തുവിട്ടിരിക്കുന്നത്. ലോക സാമ്പത്തിക സ്ഥിതിയെക്കുറിച്ചുള്ള അര്‍ധവാര്‍ഷിക റിപ്പോര്‍ട്ടില്‍ വ്യക്തമാക്കിയിരിക്കുന്നത് ഈ വര്‍ഷവും അടുത്ത വര്‍ഷവും ഇന്ത്യയുടെ വളര്‍ച്ച ഏഴു ശതമാനത്തിലും കൂടുതലായിരിക്കുമെന്നാണ്.

പരിഷ്‌കാരങ്ങള്‍ നടപ്പാക്കാന്‍ പ്രധാനമന്ത്രി കാട്ടുന്ന അത്യുത്സാഹവും അതിന്റെ ഫലമായി പരിഷ്‌കാര നടപടികള്‍ വേഗത്തില്‍ പുരോഗമിക്കുന്നതും ലോകശ്രദ്ധ പിടിച്ചുപറ്റിയിരിക്കുന്നു എന്നത് ഇന്ത്യയെ സംബന്ധിച്ചിടത്തോളം അഭിനന്ദനാര്‍ഹമാണെന്നു മാത്രമല്ല, ഇന്ത്യന്‍ സമ്പദ്‌വ്യവസ്ഥയ്ക്കു ശുഭപ്രതീക്ഷകള്‍ പകരുന്നതുമാണ്.