പാലിക്കു ശ്രേഷ്ഠഭാഷാപദവി നൽകാനുള്ള ഇന്ത്യാഗവണ്മെന്റിന്റെ തീരുമാനത്തിൽ പ്രധാനമന്ത്രി ശ്രീ നരേന്ദ്ര മോദി സന്തോഷം പ്രകടിപ്പിച്ചു. ഭഗവാൻ ബുദ്ധന്റെ ആശയങ്ങളിൽ വിശ്വസിക്കുന്നവരിൽ ഇത് ആഹ്ലാദത്തിന്റെ ചൈതന്യം ജ്വലിപ്പിച്ചുവെന്നും അദ്ദേഹം കൂട്ടിച്ചേർത്തു. കൊളംബോയിൽ ഐസിസിആർ സംഘടിപ്പിച്ച ‘പാലി: ഒരു ശ്രേഷ്ഠഭാഷ’ എന്ന വിഷയത്തിൽ നടന്ന ചർച്ചയിൽ പങ്കെടുത്ത വിവിധ രാജ്യങ്ങളിൽനിന്നുള്ള പണ്ഡിതർക്കും സന്ന്യാസിമാർക്കും ശ്രീ മോദി നന്ദി പറഞ്ഞു.
“പാലിക്കു ശ്രേഷ്ഠഭാഷാപദവി നൽകാനുള്ള ഇന്ത്യാഗവണ്മെന്റിന്റെ തീരുമാനം ഭഗവാൻ ബുദ്ധന്റെ ആശയങ്ങളിൽ വിശ്വസിക്കുന്നവരിൽ ആഹ്ലാദത്തിന്റെ ചൈതന്യം ജ്വലിപ്പിച്ചതിൽ സന്തോഷമുണ്ട്. കൊളംബോയിലെ ഈ പരിപാടിയിൽ പങ്കെടുത്ത വിവിധ രാജ്യങ്ങളിൽനിന്നുള്ള പണ്ഡിതർക്കും സന്ന്യാസിമാർക്കും നന്ദി” - ‘ഇന്ത്യ ഇൻ ശ്രീലങ്ക’ എന്ന എക്സ് ഹാൻഡിലിലെ പോസ്റ്റിനു മറുപടിയായി ശ്രീ മോദി കുറിച്ചു.
Glad that the Indian Government’s decision of conferring Classical Language status on Pali has ignited a spirit of joy among those who believe in the thoughts of Bhagwan Buddha. Grateful to the scholars and monks from different nations who took part in this programme in Colombo. https://t.co/UJFvCkbHjz
— Narendra Modi (@narendramodi) October 24, 2024
