തമിഴ്നാട്ടിലെ മധുര വിമാനത്താവളത്തെ അന്താരാഷ്ട്ര വിമാനത്താവളമായി പ്രഖ്യാപിക്കുന്നതിന് പ്രധാനമന്ത്രി ശ്രീ നരേന്ദ്ര മോദിയുടെ അധ്യക്ഷതയിൽ ഇന്ന് ചേർന്ന കേന്ദ്ര മന്ത്രിസഭാ യോഗം അംഗീകാരം നൽകി.
തമിഴ്നാട്ടിലെ ക്ഷേത്രനഗരമായ മധുരയിൽ സ്ഥിതി ചെയ്യുന്ന മധുര വിമാനത്താവളം സംസ്ഥാനത്തെ ഏറ്റവും പഴക്കമേറിയ വിമാനത്താവളങ്ങളിലൊന്നാണ്. ഇത് തെക്കൻ തമിഴ്നാട്ടിലേക്കുള്ള ഒരു സുപ്രധാന കവാടമായി വർത്തിക്കുകയും വിനോദസഞ്ചാരവും തീർത്ഥാടനവും പ്രോത്സാഹിപ്പിക്കുന്നതിൽ നിർണ്ണായക പങ്ക് വഹിക്കുകയും ചെയ്യുന്നു. അതുവഴി ഈ മേഖലയുടെ മൊത്തത്തിലുള്ള വളർച്ചയ്ക്കും സംഭാവന നൽകുന്നു.
മധുര വിമാനത്താവളത്തെ അന്താരാഷ്ട്ര പദവിയിലേക്ക് ഉയർത്തുന്നത് പ്രാദേശിക കണക്റ്റിവിറ്റി വർദ്ധിപ്പിക്കുകയും വ്യാപാരം പ്രോത്സാഹിപ്പിക്കുകയും മേഖലയിലെ സാമ്പത്തിക വികസനത്തെ ഉത്തേജിപ്പിക്കുകയും ചെയ്യും. അന്താരാഷ്ട്ര തീർത്ഥാടകരെയും ബിസിനസ്സുകളെയും ആകർഷിക്കാനുള്ള വിമാനത്താവളത്തിന്റെ സാധ്യത നഗരത്തിന്റെ ചരിത്രപരമായ പ്രാധാന്യവുമായി ചേർന്നുനിൽക്കുന്നു.
A significant step for Tamil Nadu’s growth and connectivity!
— Narendra Modi (@narendramodi) March 10, 2026
The Union Cabinet has approved the declaration of Madurai Airport as an International Airport. This will boost tourism, trade and economic opportunities across Southern Tamil Nadu in particular. Madurai, a city…
