പ്രധാനമന്ത്രി ശ്രീ നരേന്ദ്ര മോദിയുടെ അധ്യക്ഷതയിൽ ഇന്ന് ചേർന്ന സാമ്പത്തിക കാര്യങ്ങൾക്കായുള്ള മന്ത്രിസഭാ സമിതി, ഉത്തർപ്രദേശിലെ ബാരാബങ്കി മുതൽ ബഹറൈച്ച് വരെ (101.515 കിലോമീറ്റർ) ഹൈബ്രിഡ് ആന്യുറ്റി മോഡിൽ 6969.04 കോടി രൂപ ചെലവിൽ നിയന്ത്രിത പ്രവേശനമുള്ള 4-വരിപ്പാതയായി ദേശീയ പാത-927 നിർമ്മിക്കുന്നതിന് അംഗീകാരം നൽകി.
ഉത്തർപ്രദേശിലെ ബാരാബങ്കി-ബഹറൈച്ച് സെക്ഷനിലുള്ള ദേശീയപാത-927 (NH-927) നവീകരിക്കുന്നതിലൂടെ, ഈ മേഖലയിലെ റോഡുകളുടെ അശാസ്ത്രീയമായ നിർമ്മാണ രീതികൾ, അപകടകരമായ വളവുകൾ, ജനവാസ മേഖലകളിലെ ഗതാഗതക്കുരുക്ക് എന്നിവയ്ക്ക് പരിഹാരമാകും. സർവീസ് റോഡുകളോടു കൂടിയ, നിയന്ത്രിത പ്രവേശനമുള്ള നാലുവരിപ്പാതയായിട്ടാണ് ഇത് രൂപകൽപ്പന ചെയ്തിരിക്കുന്നത്. പ്രധാന ജനവാസ കേന്ദ്രങ്ങളെ ഒഴിവാക്കി പോകുന്ന ഈ ബൈപാസ് പാതയിലൂടെ വാഹനങ്ങളുടെ ശരാശരി വേഗത വർദ്ധിപ്പിക്കാനും യാത്രാസമയം ഏകദേശം ഒരു മണിക്കൂറായി കുറയ്ക്കാനും സാധിക്കും. കൂടാതെ, റോഡ് സുരക്ഷ വർദ്ധിപ്പിക്കുക, ഇന്ധനക്ഷമത കൂട്ടുക, വാഹനങ്ങളുടെ പ്രവർത്തനച്ചെലവ് കുറയ്ക്കുക എന്നിവയിലൂടെ മേഖലയുടെ ഗതാഗത സൗകര്യങ്ങളും സാമൂഹിക-സാമ്പത്തിക വികസനവും മെച്ചപ്പെടുത്താൻ ഈ പദ്ധതി സഹായിക്കും.
ഈ പദ്ധതി ഉത്തർപ്രദേശിലുടനീളമുള്ള പ്രധാന സാമ്പത്തിക, സാമൂഹിക, ലോജിസ്റ്റിക് കേന്ദ്രങ്ങളിലേക്ക് സുഗമമായ കണക്റ്റിവിറ്റി പ്രദാനം ചെയ്യുന്നു. കൂടാതെ, നവീകരിച്ച ഈ ഇടനാഴി 3 സാമ്പത്തിക കേന്ദ്രങ്ങൾ, 2 സാമൂഹിക കേന്ദ്രങ്ങൾ, 12 ലോജിസ്റ്റിക് കേന്ദ്രങ്ങൾ എന്നിവയെ തമ്മിൽ ബന്ധിപ്പിക്കുന്നതിലൂടെ മൾട്ടി-മോഡൽ ഇൻ്റഗ്രേഷൻ മെച്ചപ്പെടുത്തുന്നു; ഇത് രൂപൈദിഹ ലാൻഡ് പോർട്ട്, വിമാനത്താവളങ്ങൾ എന്നിവയുമായുള്ള ബന്ധം ശക്തമാക്കുകയും മേഖലയിലുടനീളം ചരക്കുകളുടെയും യാത്രക്കാരുടെയും വേഗത്തിലുള്ള നീക്കം സാധ്യമാക്കുകയും ചെയ്യും.
പദ്ധതി പൂർത്തിയാകുന്നതോടെ, നേപ്പാൾഗഞ്ച് അതിർത്തി വഴി ഇന്ത്യയും നേപ്പാളും തമ്മിലുള്ള സുപ്രധാനമായ അതിർത്തി കടന്നുള്ള വ്യാപാര-ഗതാഗത ഇടനാഴിയായി ഇത് മാറും, ഇത് രൂപൈദിഹ ലാൻഡ് പോർട്ടിലേക്കുള്ള പ്രവേശനം ഗണ്യമായി മെച്ചപ്പെടുത്തും. ബഹറൈച്ച്, ശ്രാവസ്തി തുടങ്ങിയ പിന്നാക്ക ജില്ലകളിലേക്കുള്ള കണക്റ്റിവിറ്റി വർദ്ധിപ്പിക്കുന്നതിനൊപ്പം, പിഎം ഗതിശക്തി സാമ്പത്തിക-ലോജിസ്റ്റിക് കേന്ദ്രങ്ങളെ പിന്തുണയ്ക്കാനും കാർഷിക വ്യാപാരം, വിനോദസഞ്ചാരം, അതിർത്തി കടന്നുള്ള വാണിജ്യം, പ്രാദേശിക നിക്ഷേപം എന്നിവയെ ഉത്തേജിപ്പിക്കാനും ഈ പദ്ധതി സഹായിക്കും.
ഇടനാഴിയുടെ ഭൂപടം
പദ്ധതിയുടെ വിശദാംശങ്ങൾ
|
സവിശേഷത
|
വിവരങ്ങൾ |
|
പദ്ധതിയുടെ പേര്
|
ബാരാബങ്കി മുതൽ ബഹറൈച്ച് വരെയുള്ള 4-വരി ആക്സസ്-കൺട്രോൾഡ് നാഷണൽ ഹൈവേ-927
|
|
ഇടനാഴി
|
ലക്നൗ – രൂപൈദിഹ |
|
നീളം (കി.മീ.)
|
101.515 |
|
ആകെ നിർമ്മാണ ചിലവ് (Rs Cr.)
|
3485.49 |
|
ഭൂമി ഏറ്റെടുക്കൽ ചിലവ് (Rs Cr.)
|
1574.85
|
|
ആകെ മൂലധന ചിലവ് (Rs Cr.)
|
6969.04 |
|
നിർമ്മാണ രീതി
|
ഹൈബ്രിഡ് ആന്യുറ്റി മോഡ് |
|
ബൈപാസുകൾ
|
48.28 കി.മീ. |
|
ബന്ധിപ്പിക്കുന്ന പ്രധാന റോഡുകൾ
|
ദേശീയപാതകൾ – NH-27, NH-330B, NH-730സംസ്ഥാന പാതകൾ – SH-13,SH-30B
|
|
ബന്ധിപ്പിക്കുന്ന സാമ്പത്തിക / സാമൂഹിക / ഗതാഗത കേന്ദ്രങ്ങൾ
|
വിമാനത്താവളങ്ങൾ: ലഖ്നൗ & ഷരാവസ്തി
റെയിൽവേ സ്റ്റേഷനുകൾ:ബരാബങ്കി, റസൗലി, ജംഗിരാബാദ്, റാഫിനഗർ, ബിന്ദൗറ, ബർവാൾ, ചൗക്കാഘട്ട്, ഘഘ്രഘട്ട്, ജർവാൾ, ബഹ്റൈച്ച്
ലാൻഡ് പോർട്ട്: റുപൈദിഹ
സാമ്പത്തിക നോഡുകൾ: 01 SEZ & 02 മെഗാ ഫുഡ് പാർക്ക്
സോഷ്യൽ നോഡുകൾ: 02 അഭിലാഷ ജില്ലകൾ.
|
|
ബന്ധിപ്പിച്ചിരിക്കുന്ന പ്രധാന നഗരങ്ങൾ / പട്ടണങ്ങൾ
|
ബരാബങ്കി, രാംനഗർ, ജർവാൾ, കൈസർഗൻ, കുന്ദസർ, ഫഖർപൂർ, ബഹ്റൈച്ച്
|
|
തൊഴിൽ സൃഷ്ടിക്കാനുള്ള സാധ്യത
|
36.54 ലക്ഷം വ്യക്തിദിനങ്ങൾ (നേരിട്ട്) 43.04 ലക്ഷം വ്യക്തിദിനങ്ങൾ (പരോക്ഷം)
|
|
FY-28-ലെ വാർഷിക ശരാശരി പ്രതിദിന ട്രാഫിക് (AADT)
|
28,557 (പാക്കേജ്-1), 21,270 (പാക്കേജ്-2) പാസഞ്ചർ കാർ യൂണിറ്റുകൾ (PCU) |
