પ્રધાનમંત્રી શ્રી નરેન્દ્ર મોદી અને મોરેશિયસના પ્રધાનમંત્રી મહામહિમ નવીનચંદ્ર રામગુલામે આજે મોરેશિયસના રેડ્યુટમાં અટલ બિહારી વાજપેયી ઇન્સ્ટિટ્યૂટ ઓફ પબ્લિક સર્વિસ એન્ડ ઇનોવેશનનું સંયુક્ત રીતે ઉદ્ઘાટન કર્યું. ભારત-મોરેશિયસ વિકાસ ભાગીદારી હેઠળ અમલમાં મુકાયેલ આ સીમાચિહ્નરૂપ પ્રોજેક્ટ, મોરેશિયસમાં ક્ષમતા નિર્માણ પ્રત્યે ભારતની પ્રતિબદ્ધતા પર ભાર મૂકે છે.
2017ના એમઓયુ હેઠળ 4.74 મિલિયન યુએસ ડોલરના ગ્રાન્ટ દ્વારા ભંડોળ પૂરું પાડવામાં આવેલી, આ અત્યાધુનિક સંસ્થા મંત્રાલયો, જાહેર કચેરીઓ, પેરાસ્ટેટલ સંસ્થાઓ અને સરકારી સાહસોમાં મોરેશિયસના નાગરિક કર્મચારીઓની તાલીમ જરૂરિયાતોને પૂર્ણ કરશે. તાલીમ ઉપરાંત, આ સંસ્થા જાહેર વહીવટમાં શ્રેષ્ઠતાના કેન્દ્ર તરીકે સેવા આપશે. સાથે જ સંશોધન, શાસન અભ્યાસ અને ભારત સાથે સંસ્થાકીય જોડાણોને પ્રોત્સાહન આપશે.
આ પ્રસંગે, પ્રધાનમંત્રીએ ITEC અને GoI શિષ્યવૃત્તિના ભૂતપૂર્વ વિદ્યાર્થીઓ સાથે પણ વાતચીત કરી, જેમણે અગાઉ ભારતમાં તાલીમ અને શિક્ષણ મેળવ્યું છે. આ ક્ષમતા નિર્માણ આદાનપ્રદાનથી બંને રાષ્ટ્રો વચ્ચેના મજબૂત લોકો-થી-લોકોના સંબંધોમાં ઊંડાણ ઉમેરાયું છે.
ગ્લોબલ સાઉથ પ્રત્યે ભારતની પ્રતિબદ્ધતા સાથે જોડાયેલી, આ સંસ્થા હિંદ મહાસાગર ક્ષેત્રમાં એક વિશ્વસનીય ભાગીદાર તરીકે ભારતની ભૂમિકા અને વ્યાપક ભારત-મોરેશિયસ ભાગીદારીને મજબૂત બનાવવાની તેની અતૂટ પ્રતિબદ્ધતાને પ્રતિબિંબિત કરે છે.
PM Dr. Navinchandra Ramgoolam and I jointly inaugurated the Atal Bihari Vajpayee Institute of Public Service and Innovation. It will serve as a hub for learning, research and public service, fostering new ideas and leadership for the future. It also strengthens our shared… pic.twitter.com/hrb5p7XRkp
— Narendra Modi (@narendramodi) March 12, 2025
