પ્રધાનમંત્રી શ્રી નરેન્દ્ર મોદી 24 જૂન, 2025ના રોજ સવારે 11 વાગ્યે નવી દિલ્હીના વિજ્ઞાન ભવનમાં ભારતના બે મહાન આધ્યાત્મિક અને નૈતિક નેતાઓ શ્રી નારાયણ ગુરુ અને મહાત્મા ગાંધી વચ્ચેની ઐતિહાસિક વાતચીતના શતાબ્દી સમારોહનું ઉદ્ઘાટન કરશે. તેઓ આ પ્રસંગે સભાને પણ સંબોધિત કરશે.
આ ઐતિહાસિક વાતચીત 12 માર્ચ, 1925ના રોજ મહાત્મા ગાંધીની મુલાકાત દરમિયાન શિવગિરી મઠમાં થઈ હતી અને તે વૈકોમ સત્યાગ્રહ, ધર્માંતરણ, અહિંસા, અસ્પૃશ્યતા નાબૂદી, મુક્તિની પ્રાપ્તિ, દલિત લોકોનું ઉત્થાન વગેરેની આસપાસ કેન્દ્રિત હતી.
શ્રી નારાયણ ધર્મ સંઘમ ટ્રસ્ટ દ્વારા આયોજિત, આ ઉજવણી આધ્યાત્મિક નેતાઓ અને અન્ય સભ્યોને ભારતના સામાજિક અને નૈતિક માળખાને આકાર આપતા દૂરંદેશી સંવાદ પર ચિંતન અને તેમને યાદ કરવા માટે એકઠા કરશે. આ સમારોહ શ્રી નારાયણ ગુરુ અને મહાત્મા ગાંધી બંને દ્વારા અપનાવવામાં આવેલા સામાજિક ન્યાય, એકતા અને આધ્યાત્મિક સંવાદના સહિયારા દ્રષ્ટિકોણને એક શક્તિશાળી શ્રદ્ધાંજલિ હશે.
