મહામહિમ, પ્રધાનમંત્રી ફિત્સો, બંને દેશોના પ્રતિનિધિમંડળો, મીડિયાના સાથીઓ, નમસ્કાર!
“દોબ્રી દેન”
અમારા ભાવભર્યા સ્વાગત માટે હું પ્રધાનમંત્રી ફિત્સોનો હાર્દિક આભાર વ્યક્ત કરું છું.
તેઓ અનુભવી નેતા હોવાની સાથે-સાથે ભારતના સાચા મિત્ર છે. ભારત-સ્લોવાકિયા સંબંધોને નવી ઊંચાઈઓ પર પહોંચાડવામાં તેમની મિત્રતા અને અડગ પ્રતિબદ્ધતાનું વિશેષ મહત્વ રહ્યું છે. મને આનંદ છે કે આજે તેમને મળીને, મને આપણા સંબંધોમાં એક ઐતિહાસિક ક્ષણના સાક્ષી બનવાની સુવર્ણ તક મળી.
મારી આ મુલાકાત કોઈપણ ભારતીય પ્રધાનમંત્રીની સ્લોવાકિયાની પ્રથમ મુલાકાત છે. મને આનંદ છે કે આ ઐતિહાસિક અવસર પર અમે આપણા સંબંધોને વ્યાપક ભાગીદારીનો દરજ્જો આપવાનો નિર્ણય કર્યો છે. આ આપણા સહિયારા વિશ્વાસ, સહિયારી પ્રાથમિકતાઓ અને સહિયારા ભવિષ્યનું પ્રતીક છે.
મિત્રો,
આજે પ્રધાનમંત્રીજી અને મેં આપણા સહયોગને નવી દિશા અને નવી ઊર્જા આપવા પર વિગતવાર ચર્ચા કરી. આપણા દ્વિપક્ષીય વેપાર અને આર્થિક સહયોગમાં થઈ રહેલી પ્રગતિ આપણા માટે સંતોષનો વિષય છે.
પરંતુ આપણી ક્ષમતાઓ વિશાળ છે. આપણી આકાંક્ષાઓ તેનાથી પણ મોટી છે. ઓટોમોબાઈલ, રેલવે, અદ્યતન ઉત્પાદન અને હરિત ટેકનોલોજી આપણા માટે વિશેષ રસના ક્ષેત્રો છે. આ તમામ વિષયોમાં આજે અમે આપણી શક્તિઓને જોડીને બંને દેશોના લોકોના કલ્યાણ માટે ઘણા મહત્વપૂર્ણ નિર્ણયો લીધા છે.
ભારત-યુરોપીયન સંઘ મુક્ત વેપાર કરારને અંતિમ રૂપ આપવામાં સ્લોવાકિયા તરફથી મળેલા સહયોગ માટે હું પ્રધાનમંત્રીજીનો વિશેષ આભાર વ્યક્ત કરું છું. અમે તેના વહેલામાં વહેલા અમલીકરણ માટે કામ કરીશું જેથી બંને દેશોના ઉદ્યોગો, સ્ટાર્ટઅપ્સ અને વેપારીઓ આનો મહત્તમ લાભ ઉઠાવી શકે.
મિત્રો,
ટેકનોલોજી આપણી ભાવિ ભાગીદારીનો મહત્વપૂર્ણ સ્તંભ છે. ડિજિટલ ટેકનોલોજી પર આજે કરવામાં આવેલા સમજૂતી જ્ઞાપનથી ડિજિટલ પબ્લિક ઇન્ફ્રાસ્ટ્રક્ચરમાં સહયોગની નવી સંભાવનાઓ ઊભી થશે.
મને આનંદ છે કે સ્લોવાકિયાની એક યુનિવર્સિટીમાં આર્ટિફિશિયલ ઇન્ટેલિજન્સના વિષય પર 'ઇન્ડિયા ચેર' સ્થાપિત કરવામાં આવી રહી છે. આર્ટિફિશિયલ ઇન્ટેલિજન્સ માનવતાની સેવા અને પ્રગતિનું સશક્ત માધ્યમ બને, એ જ આપણી સહિયારી વિચારસરણી છે. અમારું માનવું છે કે આર્ટિફિશિયલ ઇન્ટેલિજન્સનું ભવિષ્ય માત્ર ઇનોવેશન પર જ નહીં, પરંતુ વિશ્વાસ, જવાબદારી અને માનવીય ગૌરવ પર આધારિત હોવું જોઈએ.
આપણી વચ્ચે અંતરિક્ષના ક્ષેત્રમાં સહયોગ વધારવાની બહુ મોટી ક્ષમતા છે. 2017માં સ્લોવાકિયાનો પ્રથમ સેટેલાઇટ ભારત દ્વારા લોન્ચ કરવામાં આવ્યો હતો. આજે ભારતમાં અંતરિક્ષ ક્ષેત્ર અભૂતપૂર્વ ગતિએ નવી ઊંચાઈઓ આંબી રહ્યું છે. હું સ્લોવાકિયાની કંપનીઓને આ વિકાસ યાત્રામાં સામેલ થવા માટે આમંત્રિત કરું છું.
નાગરિક પરમાણુ ઊર્જા પણ બંને દેશો માટે મુખ્ય પ્રાથમિકતાનું ક્ષેત્ર છે. અમે આ ક્ષેત્રમાં બંને દેશોના ઉદ્યોગો અને નિષ્ણાતો વચ્ચે સહયોગ વધારવા પર ભાર મૂક્યો છે.
સંરક્ષણ સહયોગ આપણા ગાઢ પરસ્પર વિશ્વાસ અને વ્યૂહાત્મક સમાનતાનું પ્રમાણ છે. મને આનંદ છે કે આ મહત્વપૂર્ણ ક્ષેત્રમાં આજે અમે આશય પત્ર પર હસ્તાક્ષર કર્યા છે. આનાથી સંયુક્ત વિકાસ, સંયુક્ત ઉત્પાદન અને સંરક્ષણ ઉદ્યોગો વચ્ચેના સહયોગને નવી ગતિ મળશે.
મિત્રો,
વૈશ્વિક મંચ પર પણ ભારત અને સ્લોવાકિયા ગાઢ તાલમેલ સાથે આગળ વધી રહ્યા છે. અમે સહમત છીએ કે તમામ વિવાદો અને તણાવનું સમાધાન શાંતિપૂર્ણ રીતે થવું જોઈએ. અમે તમામ ભાગીદારો સાથે મળીને આ દિશામાં આગળ વધતા રહીશું.
અમે આ વાત પર પણ સહમત છીએ કે વૈશ્વિક સંસ્થાઓએ એકવીસમી સદીની વાસ્તવિકતાઓ અને પડકારોને અનુરૂપ પોતાની જાતને પુનઃવ્યાખ્યાયિત કરવી પડશે. આ વિષય પર અમે વૈશ્વિક પ્રયાસોને સશક્ત બનાવવાની દિશામાં કામ કરીશું.
મિત્રો,
બંને દેશો વચ્ચેના ઊંડા સાંસ્કૃતિક અને લોકો-થી-લોકો વચ્ચેના સંબંધો આપણા સંબંધોને મજબૂત આધાર પૂરો પાડે છે. ભારતના પ્રાચીન ઉપનિષદોનું “સ્લોવાક” ભાષામાં અનુવાદ એ આપણી સાંસ્કૃતિક નિકટતાનું ઉત્કૃષ્ટ ઉદાહરણ છે.
સ્લોવાકિયામાં રહેતા ભારતીય મૂળના લોકો અહીંના અર્થતંત્ર અને સમાજમાં મહત્વપૂર્ણ યોગદાન આપી રહ્યા છે. બંને દેશો વચ્ચે વ્યાવસાયિકો અને કુશળ શ્રમિકોની ગતિશીલતા વધારવા માટે આજે અમે શ્રમ સ્થળાંતર પર સમજૂતી જ્ઞાપનની જાહેરાત કરી છે. અમે ટૂંક સમયમાં સામાજિક સુરક્ષા પરના સમજૂતી જ્ઞાપનને પણ અંતિમ સ્વરૂપ આપીશું.
મહામહિમ,
આજની અત્યંત સાર્થક ચર્ચા અને ભારત માટે તમારી હકારાત્મક વિચારસરણી માટે હું વધુ એક વખત તમારો હૃદયપૂર્વક આભાર વ્યક્ત કરું છું.
હું 140 કરોડ ભારતવાસીઓ વતી તમને ભારત આવવાનું આમંત્રણ આપું છું. અને મને આનંદ છે કે તમે જાહેર રેડિયો પર પણ આ આમંત્રણનો સ્વીકાર કર્યો છે. અમે તમારું સ્વાગત કરવા માટે ખૂબ જ આતુર છીએ.
મને વિશ્વાસ છે કે આપણી વ્યાપક ભાગીદારી આગામી વર્ષોમાં નવી તકો, સહિયારી સમૃદ્ધિ અને આપણા લોકોના ઉજ્જવળ ભવિષ્યનો આધાર બનશે.
ખૂબ ખૂબ ધન્યવાદ. નમસ્કાર.
मेरी यह यात्रा किसी भी भारतीय प्रधानमंत्री की स्लोवाकिया की पहली यात्रा है।
— PMO India (@PMOIndia) June 15, 2026
मुझे खुशी है कि इस ऐतिहासिक अवसर पर हमने अपने संबंधों को Comprehensive Partnership का दर्जा देने का निर्णय लिया है।
यह हमारे साझा विश्वास, साझा प्राथमिकताओं और साझा भविष्य का प्रतीक है: PM @narendramodi
India-EU FTA को अंतिम रूप देने में स्लोवाकिया से मिले सहयोग के लिए मैं प्रधानमंत्री जी का विशेष आभार व्यक्त करता हूँ।
— PMO India (@PMOIndia) June 15, 2026
हम इसके जल्द से जल्द implementation के लिए काम करेंगे ताकि दोनों देशों के उद्योग, स्टार्टअप्स और traders इसका अधिकतम लाभ उठा सकें: PM @narendramodi
मुझे खुशी है कि स्लोवाकिया की एक यूनिवर्सिटी में AI के विषय पर India Chair स्थापित की जा रही है।
— PMO India (@PMOIndia) June 15, 2026
AI मानवता की सेवा और प्रगति का सशक्त माध्यम बने, यही हमारी साझा सोच है।
हमारा मानना है कि AI का भविष्य केवल innovation से नहीं, बल्कि trust, responsibility और human dignity पर…
रक्षा सहयोग हमारे गहरे आपसी विश्वास और strategic convergence का प्रमाण है।
— PMO India (@PMOIndia) June 15, 2026
मुझे खुशी है कि इस महत्वपूर्ण क्षेत्र में आज हमने Letter of Intent sign किया।
इससे joint development, joint production और defence industries के बीच सहयोग को नई गति मिलेगी: PM @narendramodi
दोनों देशों के बीच गहरे सांस्कृतिक और people-to-people ties हमारे संबंधों को मज़बूत आधार प्रदान करते हैं।
— PMO India (@PMOIndia) June 15, 2026
भारत के प्राचीन उपनिषदों का “स्लोवाक” भाषा में अनुवाद किया जाना हमारी सांस्कृतिक निकटता का उत्कृष्ट उदाहरण है।
स्लोवाकिया में रह रहे भारतीय मूल के लोग यहाँ की economy और…
