પ્રધાનમંત્રી શ્રી નરેન્દ્ર મોદી 15 જુલાઈ 2023ના રોજ અબુ ધાબીમાં CoP28ના પ્રેસિડન્ટ-ડેઝિગ્નેટ અને અબુ ધાબી નેશનલ ઓઈલ કંપનીના ગ્રુપ સીઈઓ ડૉ. સુલતાન અલ જાબેરને મળ્યા હતા.
UAEના પ્રમુખપદ હેઠળ UNFCCCના આગામી COP-28 પર ચર્ચાઓ થઈ. ડૉ. જાબેરે આ મહત્વપૂર્ણ બેઠક માટે UAEના અભિગમ વિશે પ્રધાનમંત્રીને માહિતી આપી હતી. પ્રધાનમંત્રીએ COP-28 પ્રેસિડન્સી માટે UAEને ભારતના સંપૂર્ણ સમર્થનની જાણ કરી. પ્રધાનમંત્રીએ આબોહવા પરિવર્તનને સંબોધવા માટેના ભારતના પ્રયત્નો અને પહેલોને પણ પ્રકાશિત કર્યા હતા, જેમાં આંતરરાષ્ટ્રીય સૌર જોડાણ, આપત્તિ પ્રતિકારક ઇન્ફ્રાસ્ટ્રક્ચર માટે ગઠબંધન, મિલેટ્સનું આંતરરાષ્ટ્રીય વર્ષ અને પર્યાવરણ માટે મિશન જીવનશૈલી (LiFE)નો સમાવેશ થાય છે.
ચર્ચામાં ભારત અને UAE વચ્ચે ઊર્જા સહયોગને પણ આવરી લેવામાં આવ્યો હતો.
