પ્રધાનમંત્રી શ્રી નરેન્દ્ર મોદીએ ગઈકાલે નવી દિલ્હીમાં ભૂતાનનાં પ્રધાનમંત્રી મહામહિમ દાશો શેરિંગ તોબગે સાથે મુલાકાત કરી હતી.
પ્રધાનમંત્રી શેરિંગ તોબગે સત્તાવાર મુલાકાતે ભારતની મુલાકાતે આવ્યા છે, જેઓ ફેબ્રુઆરી 2024માં પદભાર સંભાળ્યા પછીની તેમની આ પ્રથમ વિદેશ યાત્રા છે.
બંને નેતાઓએ દ્વિપક્ષીય ભાગીદારીનાં વિવિધ ક્ષેત્રોમાં થયેલી પ્રગતિની સમીક્ષા કરી હતી, જેમાં માળખાગત વિકાસ, જોડાણ, ઊર્જા, હાઇડ્રોપાવર સહકાર, લોકો વચ્ચે આદાનપ્રદાન અને વિકાસલક્ષી સહકાર સામેલ છે. તેમણે વિશેષ અને અનન્ય ભારત-ભૂતાન મૈત્રીને વધારે મજબૂત કરવાની કટિબદ્ધતાની પુનઃપુષ્ટિ કરી હતી.
ભૂતાનના પ્રધાનમંત્રીએ ભૂતાનની વિકાસલક્ષી પ્રાથમિકતાઓમાં વિશ્વસનીય, વિશ્વાસપાત્ર અને મૂલ્યવાન ભાગીદાર તરીકે ભારતની ભૂમિકાની પ્રશંસા કરી હતી.
મહામહિમ ભૂતાનના રાજા વતી પ્રધાનમંત્રી શેરિંગ તોબગેએ પ્રધાનમંત્રી મોદીને આગામી સપ્તાહે ભૂતાનની મુલાકાત લેવાનું આમંત્રણ આપ્યું હતું. પ્રધાનમંત્રીએ આમંત્રણનો સ્વીકાર કર્યો હતો.
