કોરિયા પ્રજાસત્તાકના રાષ્ટ્રપતિ શ્રી લી જે-મ્યુંગના ખાસ દૂત શ્રી કિમ બૂ-ક્યુમના નેતૃત્વમાં એક પ્રતિનિધિમંડળે આજે પ્રધાનમંત્રી શ્રી નરેન્દ્ર મોદી સાથે મુલાકાત કરી હતી.
પ્રધાનમંત્રીએ જૂન 2025માં G-7 સમિટ દરમિયાન રાષ્ટ્રપતિ લી જે-મ્યુંગ સાથેની તેમની અત્યંત ઉષ્માભરી અને ઉપયોગી મુલાકાતને યાદ કરી અને રાષ્ટ્રપતિ લીના ભારત ખાતે ઉચ્ચ સ્તરીય પ્રતિનિધિમંડળ મોકલવાના સંકેત બદલ તેમની વિશેષ પ્રશંસા વ્યક્ત કરી હતી.
શ્રી કિમે રાષ્ટ્રપતિ લી જે-મ્યુંગની શુભેચ્છાઓ પ્રધાનમંત્રી સાથે શેર કરી અને કોરિયા પ્રજાસત્તાક ભારત સાથેની તેની ખાસ વ્યૂહાત્મક ભાગીદારીને કેટલું મહત્વ આપે છે તેની પુષ્ટિ કરતો સંદેશ આપ્યો હતો.
પ્રધાનમંત્રીએ બંને લોકશાહીઓ વચ્ચે, ખાસ કરીને ઈન્ડો-પેસિફિક ક્ષેત્રમાં ઊંડા અને બહુપક્ષીય સંબંધો દ્વારા ભજવવામાં આવતી સ્થિર ભૂમિકા પર ભાર મૂક્યો હતો.
પ્રધાનમંત્રીએ ભારતમાં આર્થિક અને ઉત્પાદન વૃદ્ધિ પર પ્રકાશ પાડ્યો, જે ઉભરતી ટેકનોલોજી, જહાજ નિર્માણ, સંરક્ષણ, ઇલેક્ટ્રોનિક્સ, ગ્રીન હાઇડ્રોજન અને બેટરી જેવા મુખ્ય ક્ષેત્રોમાં રોકાણ અને સહયોગ માટે ઊંડી તકો ખોલે છે. પ્રધાનમંત્રીએ બંને દેશોની અર્થવ્યવસ્થા માટે પરિવર્તનશીલ બળ તરીકે ભારતના વસ્તી વિષયક લાભાંશ અને કુશળ માનવ સંસાધનોની સંભાવના પર પણ ભાર મૂક્યો હતો.
બંને પક્ષોએ દ્વિપક્ષીય સંબંધોને વધુ ઊંચાઈએ લઈ જવા માટે કામ કરવાની તેમની પ્રતિબદ્ધતાનો પુનરોચ્ચાર કર્યો હતો.
પ્રધાનમંત્રીએ પ્રતિનિધિમંડળને તેમના પ્રયાસોમાં સફળતાની શુભેચ્છા પાઠવી અને ભારતમાં રાષ્ટ્રપતિ લી જે-મ્યુંગનું સ્વાગત કરવાનો અવસર વહેલી તકે મળે તેવી ઈચ્છા દાખવી હતી.
Delighted to receive the delegation of Special Envoys from the Republic of Korea led by Mr. Kim Boo Kyum. Recalled my positive meeting with President @Jaemyung_Lee last month. India–ROK Special Strategic Partnership, which completes 10 years, continues to grow from innovation and… pic.twitter.com/3N1V0WSFe1
— Narendra Modi (@narendramodi) July 17, 2025
