The India-Japan Special Strategic and Global Partnership is based on our shared democratic values, and respect for the rule of law in the international arena: PM Modi
We had a fruitful discussion on the importance of reliable supply chains in semiconductor and other critical technologies: PM Modi after talks with Japanese PM

মহামহিম প্ৰধানমন্ত্ৰী কিছিদা,

দুয়োখন দেশৰ প্ৰতিনিধিবৰ্গ,

সংবাদ মাধ্যমৰ বন্ধুসকল,

নমস্কাৰ!

আৰম্ভণিতে প্ৰধানমন্ত্ৰী কিছিদা আৰু তেওঁৰ সৈতে ভাৰতলৈ অহা প্ৰতিনিধি দলটোক উষ্ম আদৰণি জনাইছো। প্ৰধানমন্ত্ৰী কিছিদা আৰু মই যোৱা এবছৰত কেইবাবাৰো সাক্ষাৎ কৰিছো। আৰু প্ৰতিবাৰেই ভাৰত-জাপান সম্পৰ্কৰ প্ৰতি তেওঁৰ ইতিবাচকতা আৰু দায়বদ্ধতা অনুভৱ কৰিছো। আৰু সেয়ে আজি তেওঁৰ এই ভ্ৰমণ আমাৰ সহযোগিতাৰ গতি বৰ্তাই ৰখাৰ ক্ষেত্ৰত অতি উপযোগী বিবেচিত হ’ব।

বন্ধুসকল,

আজি আমাৰ সভাখন আন এটা কাৰণতো বিশেষ। এইবাৰ ভাৰতে জি-২০ৰ অধ্যক্ষতা কৰিছে আৰু জাপানে জি-৭ৰ অধ্যক্ষতা কৰিছে। আৰু সেয়েহে আমাৰ নিজ নিজ অগ্ৰাধিকাৰ আৰু আগ্ৰহৰ ওপৰত একেলগে কাম কৰাৰ এইটোৱেই এক সুন্দৰ সুযোগ। আজি মই প্ৰধানমন্ত্ৰী কিছিদাক ভাৰতৰ জি-২০ সভাপতিত্বৰ অগ্ৰাধিকাৰৰ বিষয়ে বিতংভাৱে বুজাই দিলোঁ। গ্ল’বেল চাউথৰ অগ্ৰাধিকাৰসমূহক কণ্ঠদান কৰাটো আমাৰ জি-২০ সভাপতিত্বৰ এক গুৰুত্বপূৰ্ণ স্তম্ভ। আমি এই উদ্যোগ লৈছো কাৰণ আমি "বসুধৈৱ কুটুম্বকম"ত বিশ্বাস কৰা সংস্কৃতি, আৰু সকলোকে লগত লৈ যোৱা সংস্কৃতিত আমি বিশ্বাস কৰো।
 

বন্ধুসকল,

ভাৰত-জাপানৰ অংশীদাৰিত্ব শক্তিশালী কৰাটো কেৱল আমাৰ দুয়োখন দেশৰ বাবেই গুৰুত্বপূৰ্ণ নহয়, ই ভাৰত-প্ৰশান্ত মহাসাগৰীয় অঞ্চলত শান্তি, সমৃদ্ধি আৰু স্থিতিশীলতাও প্ৰসাৰিত কৰে। আজি আমাৰ বাৰ্তালাপত আমি আমাৰ দ্বিপাক্ষিক সম্পৰ্কত হোৱা অগ্ৰগতিৰ পৰ্যালোচনা কৰিছো। আমি প্ৰতিৰক্ষা সঁজুলি আৰু প্ৰযুক্তিৰ সহযোগিতা, বাণিজ্য, স্বাস্থ্য, আৰু ডিজিটেল অংশীদাৰিত্বৰ ওপৰত মতামত বিনিময় কৰিলোঁ। অৰ্ধপৰিবাহী আৰু অন্যান্য জটিল প্ৰযুক্তিৰ ক্ষেত্ৰত নিৰ্ভৰযোগ্য যোগান শৃংখলৰ গুৰুত্বৰ ওপৰতো আমি এক ফলপ্ৰসূ আলোচনা কৰিলোঁ। যোৱা বছৰ আমি ভাৰতত পাঁচ বছৰৰ ভিতৰত তিনি লাখ বিশ হাজাৰ কোটি টকাৰ জাপানী বিনিয়োগৰ লক্ষ্য নিৰ্ধাৰণ কৰিছিলোঁ। এই দিশত ভাল অগ্ৰগতি হোৱাটো সন্তুষ্টিৰ বিষয়।

২০১৯ চনত আমি ভাৰত-জাপান ঔদ্যোগিক প্ৰতিযোগিতামূলক অংশীদাৰিত্ব স্থাপন কৰিছিলোঁ। ইয়াৰ অধীনত আমি লজিষ্টিক, খাদ্য প্ৰক্ৰিয়াকৰণ, এম এছ এম ই, বস্ত্ৰশিল্প, যন্ত্ৰপাতি আৰু তীখা আদি ক্ষেত্ৰত ভাৰতীয় উদ্যোগৰ প্ৰতিযোগিতামূলক ক্ষমতা বৃদ্ধি কৰিছো। আজি আমিও এই অংশীদাৰিত্বৰ সক্ৰিয়তাক লৈ সুখ প্ৰকাশ কৰিলোঁ। মুম্বাই-আহমেদাবাদ হাই স্পীড ৰেলতো আমি দ্ৰুতগতিত আগবাঢ়িছো। মইও সুখী যে আমি ২০২৩ চনক পৰ্যটন বিনিময়ৰ বছৰ হিচাপে উদযাপন কৰিছো। আৰু ইয়াৰ বাবে আমি "হিমালয়ক মাউণ্ট ফুজিৰ সৈতে সংযোগ কৰা" থিমটো বাছি লৈছো।

বন্ধুসকল,

আজি প্ৰধানমন্ত্ৰী কিছিদাই মোক মে’ মাহত হিৰোছিমাত অনুষ্ঠিত হ’বলগীয়া জি-৭ নেতা সন্মিলনত অংশগ্ৰহণ কৰাৰ বাবে আমন্ত্ৰণ জনাইছে। ইয়াৰ বাবে মই তেওঁক অন্তৰৰ পৰা ধন্যবাদ জনাইছো। কেইমাহমানৰ পাছত ছেপ্টেম্বৰ মাহত মই পুনৰ ভাৰতলৈ জি-২০ নেতা সন্মিলনৰ বাবে প্ৰধানমন্ত্ৰী কিছিদাক আদৰণি জনোৱাৰ সুযোগ পাম। আমাৰ আলোচনা আৰু যোগাযোগৰ এই ধাৰাবাহিকখন এনেদৰে চলিব, আৰু ভাৰত-জাপানৰ সম্পৰ্কই নতুন উচ্চতা স্পৰ্শ কৰি যাওক, এই কামনাৰে মোৰ ভাষণৰ সামৰণি মাৰিছো।

আপোনালোকক অশেষ ধন্যবাদ।

 

Explore More
৭৭সংখ্যক স্বাধীনতা দিৱস উপলক্ষে লালকিল্লাৰ প্ৰাচীৰৰ পৰা দেশবাসীক উদ্দেশ্যি প্ৰধানমন্ত্ৰী শ্ৰী নৰেন্দ্ৰ মোদীয়ে আগবঢ়োৱা ভাষণৰ অসমীয়া অনুবাদ

Popular Speeches

৭৭সংখ্যক স্বাধীনতা দিৱস উপলক্ষে লালকিল্লাৰ প্ৰাচীৰৰ পৰা দেশবাসীক উদ্দেশ্যি প্ৰধানমন্ত্ৰী শ্ৰী নৰেন্দ্ৰ মোদীয়ে আগবঢ়োৱা ভাষণৰ অসমীয়া অনুবাদ
India’s Defense Export: A 14-Fold Leap in 7 Years

Media Coverage

India’s Defense Export: A 14-Fold Leap in 7 Years
NM on the go

Nm on the go

Always be the first to hear from the PM. Get the App Now!
...
চ'ছিয়েল মিডিয়া কৰ্ণাৰ 14 জুলাই 2024
July 14, 2024

New India celebrates the Nation’s Growth with PM Modi's dynamic Leadership