নমস্কাৰ, পশ্চিম বংগৰ সন্মানীয় মুখ্যমন্ত্ৰী শ্ৰীমতী মমতা জী, কেন্দ্ৰীয় কেবিনেটৰ মোৰ সহকৰ্মী মনসুখ মাণ্ডাভিয়া জী, সুভাষ সৰকাৰ জী, শান্তনু ঠাকুৰ জী, জন বাৰলা জী, নিশীথ প্রামাণিক জী, বিৰোধী দলৰ নেতা সুভেন্দু অধিকাৰী জী, চিএনচিআই, কলকাতাৰ পৰিচালনা কমিটিৰ সদস্যসকল, স্বাস্থ্য খণ্ডৰ সকলো কঠোৰ পৰিশ্ৰমী সহকৰ্মী, আন-আন গণ্যমান্য লোক আৰু ভদ্ৰলোকসকল!
আজি আমি দেশখনৰ প্ৰতিজন নাগৰিকলৈ মানসম্পন্ন স্বাস্থ্য সুবিধা প্ৰদানৰ ৰাষ্ট্ৰীয় সংকল্প শক্তিশালীকৰণৰ সময়তে আন এটি পদক্ষেপ গ্ৰহণ কৰিছো। চিত্তৰঞ্জন ৰাষ্ট্ৰীয় কৰ্কট প্ৰতিষ্ঠানৰ এই দ্বিতীয় চৌহদে পশ্চিম বংগৰ বহু নাগৰিকৰ বাবে যথেষ্ট সুবিধা প্ৰশস্ত কৰিছে। ই কৰ্কট ৰোগৰ সৈতে যুঁজি থকাসকলকে প্ৰমুখ্য কৰি দৰিদ্ৰ, মধ্যবিত্ত শ্ৰেণীৰ পৰিয়ালসমূহক যথেষ্ট সকাহ প্ৰদান কৰিব। কৰ্কট ৰোগ-সম্পৰ্কীয় চিকিৎসা, অস্ত্ৰোপচাৰ আৰু ইয়াৰে সম্পৰ্কীয় চিকিৎসা এতিয়া কলকাতাৰ এই আধুনিক চিকিৎসালয়খনৰ বাবে অধিক সুলভ হৈ পৰিব।
কমৰেড,
আজি দেশখনে আন এক গুৰুত্বপূৰ্ণ মাইলৰ খুঁটি অতিক্ৰম কৰিছে। দেশখনে বছৰটো ১৫ ৰপৰা ১৮ বছৰ বয়সীয়া চেমনীয়াৰ টিকাকৰণেৰে আৰম্ভ কৰিছিল। একে সময়তে, বছৰৰ প্ৰথমটো মাহৰ প্ৰথম সপ্তাহত, ভাৰতে লগতে ১৫০ কোটি-১.৫ বিলিয়ন ভেকছিন পালিৰ ঐতিহাসিক মাইলৰ খুঁটিতো উপনীত হৈছে। ১৫০ কোটি ভেকছিন পালি, সেয়াও এবছৰতকৈ কম সময়ৰ ভিতৰত! পৰিসংখ্যা অনুসৰি এয়া এটা অতি ডাঙৰ সংখ্যা, ই আনকি বিশ্বখনৰ বেছিভাগ ডাঙৰ দেশৰ বাবেও আচৰিত হোৱাৰ কথা, কিন্তু ভাৰতৰ বাবে ই ১৩০ কোটি দেশবাসীৰ শক্তিৰ প্ৰতীক। ভাৰতৰ বাবে, ই এক নতুন ইচ্ছাৰ প্ৰতীক য'ত আছে অসম্ভৱক সম্ভৱ কৰি তুলিবলৈ যিকোনো কাম কৰাৰ সাহস। ভাৰতৰ বাবে, ই আত্ম-বিশ্বাসৰ প্ৰতীক, ই আত্ম-নিৰ্ভৰশীলতাৰ প্ৰতীক, ই আত্ম-গৌৰৱৰ প্ৰতীক! আজি এই উপলক্ষে মই প্ৰতিজন দেশবাসীক অভিনন্দন জনাইছো।
কমৰেড,
ক’ৰোনাৰ বিৰুদ্ধে যুঁজখনত আমাৰ এই টিকাকৰণ কাৰ্য্যক্ৰমণিকা যিমান গুৰুত্বপূৰ্ণ সিমানেই বিপদজনক এই পৰিৱৰ্তিত ক’ৰোনা ভাইৰাছ। আজি আকৌ এবাৰ বিশ্বখনে ক’ৰোনাৰ নতুন অ’মিক্ৰন প্ৰজাতিৰ মুখামুখি হৈছে। এই নতুন প্ৰজাতিৰ কাৰণে আমাৰ দেশতো ঘটনাসমূহ দ্ৰুতগতিত বৃদ্ধি পাইছে। সেয়েহে, ১৫০ কোটি ভেকছিন পালিৰ এই কৱচ আমাৰ বাবে অতিশয় গুৰুত্বপূৰ্ণ হৈ পৰিছে। আজি, ভাৰতৰ প্ৰাপ্তবয়স্ক লোকসকলৰ ৯০ শতাংশৰোধিক লোকে ভেকছিনটোৰ এটা পালি লাভ কৰিছে। মাত্ৰ ৫ দিনৰ ভিতৰত, ১.৫ কোটিৰো অধিক চেমনীয়াকো ভেকছিনৰ পালি প্ৰদান কৰা হৈছে। এই সাফল্য সমগ্ৰ দেশখনৰ, প্ৰতিখন চৰকাৰৰ। এই সাফল্যৰ বাবে মই বিশেষকৈ দেশখনৰ বিজ্ঞানীসকল, ভেকছিনৰ প্ৰস্তুতকৰ্তা, স্বাস্থ্য খণ্ডটোৰ আমাৰ সহকৰ্মীসকলক ধন্যবাদ জনাইছো। সকলোৰে প্ৰচেষ্টাৰ বাবেই দেশখনে সেই সংকল্পক সমাৱেশলৈ ৰূপান্তৰিত কৰিছো, যাক আমি শূন্যৰপৰা আৰম্ভ কৰিছিলো।
কমৰেড,
১০০ বছৰৰ সৰ্ববৃহৎ মহামাৰীটোৰ বিৰুদ্ধে যুঁজখনত, সকলোৰে প্ৰচেষ্টাৰ এই মনোভাৱে দেশখনক শক্তি প্ৰদান কৰিছে। ক’ভিডৰ বিৰুদ্ধে যুঁজিবলৈ প্ৰাথমিক আৰু গুৰুত্বপূৰ্ণ আন্তঃগাঁথনি নিৰ্মাণৰপৰা বিশ্বখনৰ সৰ্ববৃহৎ, দ্ৰুততম, বিনামূলীয়া টিকাকৰণ অভিযানলৈকে, এই শক্তি আজি সকলোতে আছে। ইমানবোৰ ভৌগোলিক, অৰ্থনৈতিক আৰু সামাজিক বৈচিত্ৰ্যৰে আমাৰ দেশত, পৰীক্ষাৰপৰা টিকাকৰণলৈকে আমি যি গতিত ইমান বিশাল আন্তঃগাঁথনিৰ বিকাশ সাধন কৰিছো, ই সমগ্ৰ বিশ্বখনৰ বাবে এক দৃষ্টান্ত দাঙি ধৰিছে।
কমৰেড,
অন্ধকাৰ যিমানেই ঘন হয়, পোহৰৰ গুৰুত্বও সিমানেই বেছি হয়। প্ৰত্যাহ্বানসমূহ যিমানেই বৃহৎ হয়, সাহস সিমানেই গুৰুত্বপূৰ্ণ হৈ পৰে। আৰু যুদ্ধ যিমানে কঠিন হয়, অস্ত্ৰ-শস্ত্ৰ সিমানেই আৱশ্যকীয় হৈ পৰে। এতিয়ালৈকে, চৰকাৰে পশ্চিম বংগক প্ৰায় ১১ কোটি পালি ক’ৰোনা ভেকছিন বিনামূলীয়াকৈ প্ৰদান কৰিছে। ডেৰ হাজাৰৰো অধিক ভেণ্টিলেটৰ, ৯ হাজাৰতকৈয়ো অধিক নতুন অক্সিজেন চিলিণ্ডাৰ বংগক দিয়া হৈছে। ৪৯ পিএছএ নতুন অক্সিজেন প্ৰকল্পয়ো কাৰ্য্যক্ষম হৈ পৰিছে। এইসমূহে পশ্চিম বংগৰ লোকসকলক ক’ৰোনাৰ বিৰুদ্ধে যুঁজখনত সহায় কৰিব।
কমৰেড,
চিত্তৰঞ্জন ৰাষ্ট্ৰীয় কৰ্কট প্ৰতিষ্ঠানৰ চৌহদত দেশবন্ধু চিত্তৰঞ্জন দাস জী আৰু মহৰ্ষি সুশ্ৰুতৰ মূৰ্তি আমাৰ আটাইৰে বাবে এক বৃহৎ অনুপ্ৰেৰণা। দেশবন্ধু জীয়ে কৈছিল– মই এই দেশত বাৰে-বাৰে জন্ম ল'ব বিচাৰো যাতে মই এই দেশৰ বাবে জীয়াই থাকিব পাৰো, মই ইয়াৰ বাবে কাম কৰিব পাৰো।
মহৰ্ষি সুশ্ৰুত হৈছে স্বাস্থ্যৰ ক্ষেত্ৰখনত প্ৰাচীন ভাৰতীয় জ্ঞানৰ প্ৰতিফলন। এনে অনুপ্ৰেৰণাৰ বাবে, বিগত বছৰসমূহত দেশবাসীৰ স্বাস্থ্যৰে সম্পৰ্কীয় সম্পূৰ্ণ সমাধানৰ বাবে সামগ্ৰিক সমাধান সম্পন্ন কৰা হৈছে। সবকা প্ৰয়াসৰ মনোভাৱৰে আজি দেশখনৰ স্বাস্থ্য আন্তঃগাঁথনি, স্বাস্থ্য পৰিকল্পনা আৰু ইয়াক ৰাষ্ট্ৰীয় সংকল্পৰ সৈতে সংযুক্তকৰণৰ কাম ত্বৰান্বিত কৰা হৈছে। আমি আজি স্বাস্থ্য খণ্ডটোৱে সন্মুখীন হোৱা প্ৰত্যাহ্বানসমূহৰে মোকাবিলা কৰাৰ লগতে ভৱিষ্যৎ সুৰক্ষিতকৰণৰ বাবে নিৰন্তৰভাৱে কাম কৰি আছো। ৰোগ সৃষ্টিকাৰী কাৰকবোৰ আঁতৰাবলৈ চেষ্টা কৰা হৈছে। আমাৰ চৰকাৰৰ গুৰুত্ব হৈছে ৰোগৰ ক্ষেত্ৰত চিকিৎসা সুলভ আৰু সুগম কৰা। আৰু একে সময়তে, চিকিৎসক আৰু চিকিৎসা আন্তঃগাঁথনিৰ ক্ষমতা সম্প্ৰসাৰণেৰে স্বাস্থ্য সেৱা উন্নত কৰা হৈছে।
কমৰেড,
সেয়েহে, দেশখনৰ স্বাস্থ্য খণ্ডৰ পৰিৱৰ্তনৰ বাবে, ই আজি প্ৰতিৰোধমূলক স্বাস্থ্য, সুলভ স্বাস্থ্যসেৱা, যোগান ৰক্ষাৰ দিশৰ হস্তক্ষেপ আৰু মিছন ম’ড অভিযানক গতি প্ৰদান কৰিছে। যোগ, আয়ুৰ্বেদ, ফিট ইণ্ডিয়া আন্দোলন, সৰ্বজনীন টিকাকৰণৰ দৰে উপায়েৰে প্ৰতিৰোধমূলক স্বাস্থ্য সেৱাক প্ৰোৎসাহিত কৰা হৈছে। স্বচ্ছ ভাৰত অভিযান আৰু হৰ ঘৰ জলৰ দৰে ৰাষ্ট্ৰীয় আঁচনিসমূহে গাঁও আৰু দৰিদ্ৰ পৰিয়ালসমূহক বহুতো ৰোগৰপৰা ৰক্ষা পৰাত সহায় কৰিছে। আৰ্চেনিক আৰু অন্যান্য কাৰণত প্ৰদূষিত হোৱা পানীও দেশখনৰ বহুতো ৰাজ্যত কৰ্কট ৰোগৰ এটা মুখ্য কাৰণ। হৰ ঘৰ জল অভিযানৰে, ই এই সমস্যা সমাধানত যথেষ্ট সহায় কৰিছে।
কমৰেড,
দীৰ্ঘদিন ধৰি, আমাৰ দৰিদ্ৰ আৰু নিম্ন মধ্যবিত্ত শ্ৰেণীৰ লোকসকল স্বাস্থ্য সুবিধাৰপৰা বঞ্চিত হৈ আছিল কিয়নো হয় চিকিৎসা লাভ কৰিবপৰা নাছিল বা ই অধিক ব্যয়বহুল আছিল। দৰিদ্ৰ লোকসকলে গুৰুতৰ ৰোগত ভোগা মাত্ৰেকে তেওঁলোকৰ মাত্ৰ দুটা বিকল্প আছিল। হয় তেওঁ ঋণ লয় অথবা ঘৰ বা মাটি বিক্ৰী কৰে।
বা কেৱল চিকিৎসাৰ কথাটো পাহৰি যায়। কৰ্কট ৰোগটো এনেকুৱা যে ইয়াৰ নাম শুনি দৰিদ্ৰ আৰু মধ্যবিত্ত শ্ৰেণীটোৱে তেওঁলোকৰ সাহস হেৰুৱায়। দৰিদ্ৰ লোকসকলক এই চক্ৰবেহু, এই উদ্বেগৰপৰা বাহিৰ কৰিবলৈ, দেশখনে সুলভ আৰু সুগম চিকিৎসাৰ বাবে নিৰন্তৰ পদক্ষেপ গ্ৰহণ কৰি আছে। বিগত বছৰসমূহত, কৰ্কট ৰোগৰ চিকিৎসাৰ বাবে অত্যাৱশ্যকীয় ঔষধৰ ব্যয় যথেষ্ট হ্ৰাস পাইছে। এইমাত্ৰ মনসুখ ভায়ে ইয়াক বিতংভাৱে কৈছে। পশ্চিম বংগকে ধৰি সমগ্ৰ দেশখনতে স্থাপিত 8 হাজাৰৰো অধিক জনঔষধি কেন্দ্ৰত অতি কম মূল্যত ঔষধ আৰু অস্ত্ৰোপচাৰৰ সামগ্ৰী প্ৰদান কৰা হৈছে। এই দোকানসমূহত ৫০ ৰোধিক কৰ্কট ৰোগৰ ঔষধ অতি সুলভ মূল্যত উপলব্ধ। কৰ্কট ৰোগৰ সুলভ ঔষধ প্ৰদান কৰিবলৈ সমগ্ৰ দেশখনতে বিশেষ অমৃত দোকানো কাৰ্য্যক্ষম হৈ আছে। এই সেৱাৰ উদ্দীপনা, চৰকাৰখনৰ এই সংবেদনশীলতাই দৰিদ্ৰ লোকসকললৈ সুলভ চিকিৎসা নিশ্চিতকৰণত সহায় কৰিছে। চৰকাৰখনে ৫০০ ৰোধিক ঔষধৰ মূল্য নিয়ন্ত্ৰণ কৰিছে, সেয়াও ৰোগীসকলৰ বাবে।
যিয়ে প্ৰতি বছৰে ৩০০০ কোটিৰোধিক টকা ৰাহি কৰিছে। নাগৰিকৰ ধন ৰাহি কৰিছে। কৰোনেৰী ষ্টেন্টৰ মূল্য নিৰ্ধাৰণৰ বাবে, হৃদৰোগীসকলৰ প্ৰতি বছৰে ৪৫০০ কোটিৰোধিক টকা সঞ্চয় হৈছে। আঁঠু প্ৰতিস্থাপনৰ মূল্য হ্ৰাসৰ অৰ্থে চৰকাৰখনৰ সিদ্ধান্ত, আমাৰ জ্যেষ্ঠ নাগৰিকসকলৰ বাবে ইয়াৰ বিশেষ লাভা-লাভ, আমাৰ বৃদ্ধ মাটান-ভগ্নী, লোকসকলে ইয়াক প্ৰস্তুত কৰে। ইয়াৰ ফলত, বৃদ্ধ ৰোগীসকলৰ প্ৰতি বছৰে ১৫০০ কোটি টকা ৰাহি হয়। চৰকাৰখনে ৰূপায়ণ কৰি থকা প্ৰধানমন্ত্ৰীৰ ৰাষ্ট্ৰীয় ডায়েলাইচিছ কাৰ্য্যক্ৰমটোৰ সহায়ত ১২ লাখ দৰিদ্ৰ ৰোগীয়ে বিনামূলীয়া ডায়েলাইচিছৰ সুবিধা লাভ কৰিছে। ইয়াৰ ফলত ৫২০ কোটিৰোধিক টকা ৰাহি হৈছে।
কমৰেড,
আজি আয়ুষ্মান ভাৰত আঁচনি সুলভ আৰু সামগ্ৰিক স্বাস্থ্যসেৱাৰ ক্ষেত্ৰত এক বৈশ্বিক মানদণ্ড হৈ পৰিছে। পিএম-জেএৱাইৰ অধীনত, ২ কোটি ৬০ লাখৰোধিক ৰোগীয়ে সমগ্ৰ দেশখনৰ চিকিৎসালয়সমূহত বিনামূলীয়া চিকিৎসা লাভ কৰিছে। এই আঁচনিখন অবিহনে, এই ৰোগীসকলৰ চিকিৎসাৰ বাবে ৫০ ৰপৰা ৬০ হাজাৰ কোটি টকা ব্যয় কৰিব লাগিব বুলি অনুমান কৰা হৈছে।
কমৰেড,
১৭ লাখৰো অধিক কৰ্কট ৰোগী আয়ুষ্মান ভাৰতৰপৰা উপকৃত হৈছে। কেম’থেৰাপী, ৰেডিঅ'থেৰাপী বা অস্ত্ৰোপচাৰেই হওঁক, এই ৰোগীসকলে চিকিৎসালয়ত বিনামূলীয়াকৈ প্ৰতিটো সুবিধা লাভ কৰিছে। কল্পনা কৰকচোন, যদি চৰকাৰখনে এই প্ৰচেষ্টা নকৰিলেহেঁতেন কিমান দৰিদ্ৰ লোকৰ জীৱন সমস্যাত পৰিলহেঁতেন।
বা কিমানটা পৰিয়াল ঋণৰ চক্ৰবেহুত পৰিলহেঁতেন।
কমৰেড,
আয়ুষ্মান ভাৰত কেৱল বিনামূলীয়া চিকিৎসাৰ এক মাধ্যমেই নহয় বৰঞ্চ ই আগতীয়াকৈ চিনাক্তকৰণ, আগতীয়া চিকিৎসাত অতি ফলপ্ৰসূ হিচাপে প্ৰমাণিত হৈছে। কৰ্কটৰ দৰে সকলো গুৰুতৰ ৰোগৰ বাবে ই অতি প্ৰয়োজনীয়। অন্যথা, আমাৰ বেছিভাগ ক্ষেত্ৰতে, অন্তিম পৰ্যায়তহে কৰ্কট ৰোগটো ধৰা পৰিছিল, যেতিয়া ৰোগটো গুৰুতৰ হৈ পৰিছিল। এই সমস্যাটো দূৰ কৰিবলৈ, ৩০ বছৰৰ অধিক বয়সৰ সহকৰ্মীসকলৰ ডায়েবেটিচ, উচ্চ ৰক্তচাপ আৰু কৰ্কট ৰোগৰ স্ক্ৰীণিঙৰ ওপৰত গুৰুত্ব আৰোপ কৰা হৈছে। আয়ুষ্মান ভাৰত আঁচনিখনৰ অধীনত গাঁওসমূহত নিৰ্মাণ কৰা হাজাৰ-হাজাৰ স্বাস্থ্য আৰু কল্যাণ কেন্দ্ৰ আজি অতি উপযোগী বুলি প্ৰমাণিত হৈছে। বংগতো, এনে ৫ হাজাৰৰো অধিক স্বাস্থ্য আৰু কল্যাণ কেন্দ্ৰ স্থাপন কৰা হৈছে। সমগ্ৰ দেশখনৰ প্ৰায় ১৫ কোটি লোকক মুখ গহ্বৰ, স্তন আৰু গ্ৰীৱাৰ কৰ্কট ৰোগৰ পৰীক্ষা কৰা হৈছে। স্ক্ৰীণিংৰ পিছত লক্ষণ দেখুওৱা লোকসকলৰ চিকিৎসাৰ বাবে হাজাৰ-হাজাৰ স্বাস্থ্য কৰ্মীকো গাঁও পৰ্য্যায়ত বিশেষভাৱে প্ৰশিক্ষণ প্ৰদান কৰা হৈছে।
কমৰেড,
স্বাস্থ্য খণ্ডৰ আন এটা বৃহৎ সমস্যা হৈছে– চাহিদা আৰু যোগানৰ মাজত এক বৃহৎ ব্যৱধান। চিকিৎসক আৰু অন্যান্য স্বাস্থ্য পেছাদাৰীয়েই হওঁক বা স্বাস্থ্য আন্তঃগাঁথনি, চাহিদা আৰু যোগানৰ এই ব্যৱধান পৰিপূৰণেই হওঁক, আজি দেশখনত মিছন ম’ডত কাম কৰা হৈছে। ২০১৪ বৰ্ষলৈকে, দেশখনত স্নাতক আৰু স্নাতকোত্তৰ শ্ৰেণীৰ আসনৰ সংখ্যা আছিল প্ৰায় ৯০ হাজাৰ। যোৱা ৭ বছৰত, ইয়াৰ সৈতে ৬০ হাজাৰ নতুন আসন যোগ দিয়া হৈছে। ২০১৪ ত, আমাৰ মাত্ৰ ৬ খন এইমছ আছিল। আজি দেশখনে ২২ খন এইমছৰ এক শক্তিশালী নেটৱৰ্কৰ দিশে আগবাঢ়িছে। ভাৰতৰ প্ৰতিখন জিলাত কমেও এখন চিকিৎসা মহাবিদ্যালয় থকাটো নিশ্চিতকৰণৰ অৰ্থে কাম কৰা হৈছে। এই সকলোবোৰ প্ৰতিষ্ঠানতে কৰ্কট ৰোগৰ দৰে গুৰুতৰ ৰোগৰ চিকিৎসাৰ সুবিধা যোগ কৰা হৈছে। দেশখনত কৰ্কট ৰোগৰ কেয়াৰৰ আন্তঃগাঁথনি শক্তিশালী কৰিবলৈ ১৯ খন ৰাজ্যিক কৰ্কট প্ৰতিষ্ঠান আৰু ২০ টা টাৰ্চিয়াৰী কেয়াৰ কৰ্কট কেন্দ্ৰতো অনুমোদন জনোৱা হৈছে। ৩০ খনৰো অধিক প্ৰতিষ্ঠানৰ কাম পূৰ্ণ গতিত চলি আছে। পশ্চিম বংগতো, কলকাতা, মুৰ্ছিদাবাদ আৰু বৰ্ধমানৰ চিকিৎসা মহাবিদ্যালয়সমূহে এতিয়া কৰ্কট ৰোগীসকলক অধিক সহজে চিকিৎসা কৰিবলৈ সক্ষম হ'ব। আমাৰ স্বাস্থ্যমন্ত্ৰী মনসুখ ভায়েও ইয়াক বিতংভাৱে সদৰী কৰিছে। এই সকলোবোৰ প্ৰচেষ্টাই আমাৰ দেশখনত চিকিৎসকৰ উপলব্ধতাৰ ক্ষেত্ৰত যথেষ্ট প্ৰভাৱ পেলাব। যোৱা ৭০ বছৰত দেশখনত সৃষ্ট চিকিৎসকৰ সংখ্যাতকৈ অহা ১০ বছৰত দেশখনত বহুতো চিকিৎসক জন্ম হ'ব।
কমৰেড,
যোৱা বছৰ দেশখনত আৰম্ভ কৰা দুটা বৃহৎ ৰাষ্ট্ৰীয় অভিযানেও ভাৰতৰ স্বাস্থ্য খণ্ডৰ আধুনিকীকৰণত সুদূৰপ্ৰসাৰী প্ৰভাৱ পেলাব। আয়ুষ্মান ভাৰত- ডিজিটেল স্বাস্থ্য অভিযানে দেশবাসীৰ চিকিৎসাৰ সুবিধা বৃদ্ধি কৰিব। মেডিকেল হিষ্টৰীৰ ডিজিটেল ৰেকৰ্ডে চিকিৎসা সহজ আৰু ফলপ্ৰসূ, সৰু-সুৰা ৰোগৰ বাবে চিকিৎসালয়লৈ যোৱাৰ সমস্যা সীমিত আৰু নাগৰিকসকলক অতিৰিক্ত চিকিৎসা ব্যয়ৰপৰা ৰক্ষা কৰিব। একেদৰে, ক্ৰিটিকেল হেল্থকেয়াৰৰে সম্পৰ্কীয় চিকিৎসা আন্তঃগাঁথনি আয়ুষ্মান ভাৰত- আন্তঃগাঁথনি অভিযান এতিয়া বৃহৎ চহৰসমূহৰ লগতে জিলা আৰু খণ্ড পৰ্য্যায়ত উপলব্ধ হ'ব। এই আঁচনিৰ অধীনত, পশ্চিম বংগয়ো পাঁচ বছৰত ২.৫ হাজাৰ কোটিৰোধিক টকা লাভ কৰাটো নিশ্চিত কৰা হৈছে। ইয়াৰ জৰিয়তে ৰাজ্যজুৰি শ-শ স্বাস্থ্য উপ-কেন্দ্ৰ স্থাপন কৰা হ'ব, প্ৰায় ১,০০০ নগৰীয়া স্বাস্থ্য আৰু কল্যাণ কেন্দ্ৰ কাৰ্য্যক্ষম হ'ব, কেইবাডজন জিলা সংহত ৰাজহুৱা স্বাস্থ্য লেব স্থাপন আৰু জিলা চিকিৎসালয়সমূহত শ-শ ক্ৰিটিকেল কেয়াৰ বেডৰ বাবে নতুন ক্ষমতা সৃষ্টি হ'ব। এনে প্ৰচেষ্টাৰাজিৰে আমি ভৱিষ্যতে ক’ৰোনাৰ দৰে মহামাৰীৰ সৈতে উৎকৃষ্ট পন্থাৰে মোকাবিলা কৰিবলৈ সক্ষম হ'ম। ভাৰতক সুস্থ আৰু সক্ষম কৰি তুলিবলৈ এই অভিযান এনেদৰেই চলি থাকিব। মই পুনৰ প্ৰতিজন নাগৰিককে সতৰ্ক হ'বলৈ, সকলো প্ৰয়োজনীয় সাৱধানতা অৱলম্বন কৰিবলৈ অনুৰোধ জনাইছো। আকৌ এবাৰ, মই এই কাৰ্য্যসূচীত উপস্থিত থকা আটাইকে আন্তৰিক ধন্যবাদ জনাইছো। মই আপোনাসৱক শুভেচ্ছা জনালো। বহু-বহু ধন্যবাদ।
