গ্লোবেল ট্ৰেড শ্ব' উদ্বোধন কৰে আৰু ইনভেষ্ট ইউপি ২.০ মুকলি কৰে
উদ্যোগৰ নেতৃবৃন্দই উত্তৰ প্ৰদেশত প্ৰধানমন্ত্ৰীৰ নেতৃত্ব আৰু বিকাশৰ সুযোগক প্ৰশংসা কৰে
"এতিয়া উত্তৰ প্ৰদেশ সুশাসন, উন্নত আইন-শৃংখলা পৰিস্থিতি, শান্তি আৰু স্থিৰতাৰ বাবে জনাজাত"
"আজি উত্তৰ প্ৰদেশ আশা আৰু অনুপ্ৰেৰণাৰ উৎস হৈ পৰিছে"
"দেশৰ প্ৰতিজন নাগৰিকে উন্নয়নৰ পথত খোজ কাঢ়িব বিচাৰে আৰু 'বিকশিত ভাৰত'ৰ সাক্ষী হ'ব বিচাৰে"
"আজি ভাৰতে বাধ্যবাধকতাৰ বাবে নহয়, কিন্তু বিশ্বাসৰ বাবে সংস্কাৰ প্ৰৱৰ্তন কৰিছে"
"এক নতুন মূল্য আৰু যোগান শৃংখলা বিকশিত কৰাৰ ক্ষেত্ৰত উত্তৰ প্ৰদেশে চেম্পিয়ন হিচাপে আত্মপ্ৰকাশ কৰিছে"
"দ্বৈত ইঞ্জিন চৰকাৰৰ সংকল্প, আৰু উত্তৰ প্ৰদেশৰ সম্ভাৱনা, ইয়াতকৈ ভাল অংশীদাৰীত্ব হ'ব নোৱাৰে"

উত্তৰ প্ৰদেশৰ ৰাজ্যপাল শ্ৰীমতী ড. আনন্দিবেন পেটেল, উত্তৰ প্ৰদেশৰ মুখ্যমন্ত্ৰী যোগী আদিত্যনাথ জী, উপ-মুখ্যমন্ত্ৰী কেশৱ প্ৰসাদ মৌৰ্য জী আৰু ব্ৰজেশ পাঠক জী, কেন্দ্ৰীয় কেবিনেটত মোৰ জ্যেষ্ঠ সহকৰ্মী তথা লক্ষ্ণৌৰ প্ৰতিনিধি শ্ৰী ৰাজনাথ সিং জী, বিভিন্ন দেশৰ সন্মানীয় ব্যক্তিসকল, উত্তৰ প্ৰদেশৰ সকলো মন্ত্ৰী আৰু উদ্যোগটোৰ সন্মানীয় সদস্যসকল, গ্ল'বেল ইনভেষ্টাৰ ফ্ৰেটাৰ্নিটি, নীতি নিৰ্ধাৰক, কৰ্প’ৰেট নেতাসকল, লগতে গ্ল'বেল ইনভেষ্টৰ্ছ ছামিটত অংশগ্ৰহণ কৰা সকলো সুধীবৃন্দ!

গ্ল'বেল ইনভেষ্টৰ্ছ ছামিটত আপোনালোক সকলোকে অতি উষ্ম আদৰণি জনাইছো। আপুনি নিশ্চয় ভাবিছে যে মই কিয় মুখ্য অতিথিক আদৰণি জনোৱাৰ দায়িত্ব লৈছো, কাৰণ মোৰ আন এটা ভূমিকাও আছে। আপোনালোক সকলোৱে মোক ভাৰতৰ প্ৰধানমন্ত্ৰীৰ লগতে উত্তৰ প্ৰদেশৰ সাংসদো কৰি পঠিয়াইছে। উত্তৰ প্ৰদেশৰ প্ৰতি মোৰ বিশেষ মৰম আছে আৰু ইউ পিৰ জনসাধাৰণৰ প্ৰতিও মোৰ এক বিশেষ দায়িত্ব আছে। আজি মই সেই দায়িত্বও পালন কৰিবলৈ এই সন্মিলনৰ অংশ হৈ পৰিছো। আৰু সেইবাবেই ভাৰত-বিদেশৰ পৰা UP লৈ অহা সকলো বিনিয়োগকাৰীক অভিনন্দন আৰু আদৰণি জনাইছো।

বন্ধুসকল,

উত্তৰ প্ৰদেশ সাংস্কৃতিক মহিমা, গৌৰৱময় ইতিহাস, চহকী ঐতিহ্যৰ বাবে জনাজাত। ইমান সম্ভাৱনা থকাৰ পিছতো ইউ পিৰ সৈতে কিছুমান অপ্ৰীতিকৰ কথা জড়িত হৈ আছিল। আগতে মানুহে কৈছিল যে ইউ পিৰ বিকাশ কঠিন। আগতে মানুহে কৈছিল ইয়াত আইন-শৃংখলা উন্নত কৰাটো অসম্ভৱ। ইউ পিক বিমাৰু ৰাজ্য বুলি কোৱা হৈছিল। আগতে নিয়মীয়াকৈ হাজাৰ হাজাৰ কোটি টকাৰ কেলেংকাৰি সংঘটিত হৈছিল। সকলোৱে ইউ পিৰ পৰা আশা ত্যাগ কৰিছিল। কিন্তু ইউ পিয়ে মাত্ৰ পাঁচ-ছয় বছৰৰ ভিতৰতে নিজৰ এক নতুন পৰিচয় প্ৰতিষ্ঠা কৰিছে আৰু সেয়াও জোৰ দি। এতিয়া ইউ পিক সুশাসনৰ বাবে স্বীকৃতি দিয়া হৈছে। এতিয়া ইউ পি উন্নত আইন-শৃংখলা, শান্তি, আৰু স্থিতিশীলতাৰ বাবে পৰিচিত। এতিয়া ইয়াত সম্পদ সৃষ্টিকৰ্তাৰ বাবে নতুন নতুন সুযোগৰ সৃষ্টি হৈছে। উত্তৰ প্ৰদেশত এই আধুনিক আন্তঃগাঁথনিৰ পদক্ষেপৰ ফল যোৱা কেইবছৰমানৰ পৰা স্পষ্ট হৈ পৰিছে। বিদ্যুতৰ পৰা সংযোগলৈকে প্ৰতিটো ক্ষেত্ৰতে উন্নতি হৈছে। অতি সোনকালে ইউ পি দেশৰ একমাত্ৰ ৰাজ্য হিচাপেও পৰিচিত হ’ব য’ত পাঁচটা আন্তঃৰাষ্ট্ৰীয় বিমানবন্দৰ আছে। ডেডিকেটেড ফ্ৰেইট কৰিডৰৰ জৰিয়তে ইউ পি পোনপটীয়াকৈ সাগৰৰ সৈতে আৰু গুজৰাট আৰু মহাৰাষ্ট্ৰৰ বন্দৰৰ সৈতে সংযুক্ত। আন্তঃগাঁথনিৰ সমান্তৰালভাৱে ব্যৱসায়ত সহজতাৰ বাবে ইউ পিত চৰকাৰৰ চিন্তা-চৰ্চা আৰু পন্থাৰ যথেষ্ট পৰিৱৰ্তন হৈছে।

বন্ধুসকল,

আজি ইউ পিয়ে আশাক প্ৰতিনিধিত্ব কৰে। আজি যদি ভাৰত বিশ্বৰ এক উজ্জ্বল স্থান, তেন্তে ভাৰতৰ বৃদ্ধিৰ দিশত আগবাঢ়িছে ইউ পি।

বন্ধুসকল,

সকলো উদ্যোগৰ প্ৰবীণসকল ইয়াত আছে। আপোনালোকৰ বেছিভাগৰে অভিজ্ঞতাও দীৰ্ঘদিনীয়া। পৃথিৱীৰ বৰ্তমানৰ অৱস্থাও আপোনাক সকলোৱে জ্ঞাত। ভাৰতৰ অৰ্থনীতিৰ আজিৰ সম্ভাৱনীয়তা আৰু ইয়াত সামষ্টিক আৰু ক্ষুদ্ৰ অৰ্থনৈতিক মৌলিক দিশসমূহ আপোনালোকে অতি তীক্ষ্ণ দৃষ্টিৰে চাই আছে। মহামাৰী আৰু যুদ্ধৰ জোকাৰণিৰ সৈতে যুঁজি ভাৰত কেনেকৈ দ্ৰুতগতিত বৃদ্ধি পোৱা অৰ্থনীতিৰ দেশ হিচাপে পৰিগণিত হ’ল? আজি বিশ্বৰ প্ৰতিটো বিশ্বাসযোগ্য কণ্ঠই বিশ্বাস কৰে যে ভাৰতৰ অৰ্থনীতিও একে গতিৰে বৃদ্ধি পাব। কাৰণ, কি হ’ল যে ভাৰতে কেৱল স্থিতিস্থাপকতা দেখুৱাই নহয়, বিশ্ব সংকটৰ এই সময়ছোৱাত সমানে ক্ষীপ্ৰতাৰে আৰোগ্য লাভ কৰিলে?

বন্ধুসকল,

ইয়াৰ আঁৰৰ আটাইতকৈ ডাঙৰ কাৰণ হৈছে ভাৰতীয়ৰ ক্ৰমবৰ্ধমান আত্মবিশ্বাস। আজি ভাৰতীয় সমাজৰ চিন্তাধাৰা আৰু আকাংক্ষাত, ভাৰতৰ যুৱক-যুৱতীসকলৰ চিন্তাধাৰাত এক বৃহৎ পৰিৱর্তন দেখা যায়৷ আজি ভাৰতৰ প্ৰতিজন নাগৰিকে অধিক আৰু দ্ৰুত বিকাশ চাব বিচাৰে। তেওঁ এতিয়া ভাৰতৰ উন্নতি অতি সোনকালে দেখিব বিচাৰিছে। আজি ভাৰতৰ সমাজৰ আকাংক্ষাই চৰকাৰসমূহকো ঠেলি দিছে আৰু এই আকাংক্ষাসমূহেও উন্নয়নমূলক প্ৰকল্পসমূহ ক্ষিপ্ৰ কৰি তুলিছে।

আৰু বন্ধুসকল,

পাহৰি নাযাব যে আজি আপুনি যিখন ৰাজ্যত উপস্থিত আছে, সেইখন ৰাজ্যৰ জনসংখ্যা প্ৰায় ২৫ কোটি। কেৱল উত্তৰ প্ৰদেশতে বিশ্বৰ প্ৰধান দেশসমূহতকৈও অধিক সম্ভাৱনা আছে। সমগ্ৰ ভাৰতবৰ্ষৰ দৰে আজিও এখন বিশাল উচ্চাকাঙ্খী সমাজে উত্তৰ প্ৰদেশত আপোনাৰ বাবে অপেক্ষা কৰি আছে।

বন্ধুসকল,

ভাৰতত যি সামাজিক, ভৌতিক, আৰু ডিজিটেল আন্তঃগাঁথনি গঢ়ি তোলা হৈছে, তাৰ পৰা আজি উত্তৰ প্ৰদেশ বহুত লাভৱান হৈছে। ফলত আজি ইয়াৰ সমাজখন সামাজিক আৰু আৰ্থিকভাৱে অতি সৰ্বাংগীন হৈ পৰিছে। বজাৰ হিচাপে ভাৰত এতিয়া নিৰৱচ্ছিন্ন হৈ পৰিছে আৰু চৰকাৰী পদ্ধতিও সৰল হৈ পৰিছে। মই প্ৰায়ে কওঁ যে আজি ভাৰতে বাধ্যবাধকতাৰ বাবে নহয়, প্ৰত্যয়ৰ বাবে সংস্কাৰ সাধন কৰে। এই কাৰণেই ভাৰতে ৪০ হাজাৰতকৈও অধিক অভিযোগ নাইকিয়া কৰি কেইবা ডজন প্ৰাচীন আইন বিলুপ্ত কৰিছে।

বন্ধুসকল,

আজি ভাৰতে সঁচাকৈয়ে গতি আৰু পৰিসৰৰ পথত আগবাঢ়িছে। আমি এটা অতি বৃহৎ অংশৰ মৌলিক প্ৰয়োজনীয়তা পূৰণ কৰিছো আৰু এতিয়া তেওঁলোকে আগলৈ চিন্তা কৰিবলৈ আৰম্ভ কৰিছে। এইটোৱেই ভাৰতৰ বাবে আস্থাৰ আটাইতকৈ ডাঙৰ কাৰণ।

বন্ধুসকল,

কেইদিনমান আগতে ভাৰত চৰকাৰে দাখিল কৰা বাজেটতো একে প্ৰতিশ্ৰুতি আপোনালোকে স্পষ্টকৈ দেখিব। আজি চৰকাৰে আন্তঃগাঁথনিৰ বাবে ব্যয়ৰ অভিলেখ গঢ়িছে আৰু আমি প্ৰতি বছৰে বৃদ্ধি কৰি আছো। আপোনালোকৰ বাবে আন্তঃগাঁথনিত বিনিয়োগ কৰাৰ নতুন সুযোগ সৃষ্টি কৰা হৈছে। আজি আপোনাৰ বাবে স্বাস্থ্য, শিক্ষা, আৰু সামাজিক আন্তঃগাঁথনিত বিনিয়োগ কৰাৰ বহু সুযোগ আছে। বিশেষকৈ ভাৰতে যি সেউজ বৃদ্ধিৰ পথত আগবাঢ়িছে, সেই পথ অনুসৰণ কৰিবলৈ আপোনালোকক আমন্ত্ৰণ জনাইছো। আমি এইবাৰৰ বাজেটত শক্তি পৰিৱৰ্তনৰ বাবেহে ৩৫ হাজাৰ কোটি টকা আৱণ্টন দিছো। ইয়াৰ দ্বাৰা আমাৰ উদ্দেশ্য প্ৰকাশ পায়। মিছন গ্ৰীণ হাইড্ৰজেনে আমাৰ উদ্দেশ্যক এক বুষ্ট দিয়ে। ইয়াৰ সৈতে জড়িত সমগ্ৰ পৰিৱেশ তন্ত্ৰৰ বিকাশৰ বাবে এইবাৰৰ বাজেটত কেইবাটাও পদক্ষেপ গ্ৰহণ কৰা হৈছে। আমি বৈদ্যুতিক গতিশীলতাৰ ৰূপান্তৰৰ বাবে এক নতুন যোগান আৰু মূল্য শৃংখল গঢ়ি তুলিছো।

বন্ধুসকল,

মই সুখী যে আজি ইউ পি নতুন মূল্য আৰু যোগান শৃংখল গঢ়ি তোলাৰ বাবে নতুন চেম্পিয়ন হিচাপে আত্মপ্ৰকাশ কৰিছে। পৰম্পৰা আৰু আধুনিকতাৰ সৈতে জড়িত উদ্যোগসমূহ এম এছ এম ইৰ এক অতি শক্তিশালী নেটৱৰ্ক আজি উত্তৰ প্ৰদেশত জীপাল হৈ পৰিছে। ভাদোহী কাৰ্পেট আৰু বেনাৰসী ৰেচম। ভাদোহী কাৰ্পেট ক্লাষ্টাৰ আৰু বাৰাণসী ৰেচম ক্লাষ্টাৰৰ বাবেই ইউ পি ভাৰতৰ বস্ত্ৰশিল্প কেন্দ্ৰ। আজি ভাৰতত ৬০ শতাংশতকৈ অধিক মোবাইল উৎপাদন কেৱল উত্তৰ প্ৰদেশতে ঘটে। মোবাইল কম্পোনেণ্টৰ সৰ্বাধিক উৎপাদনো ইউ পিত কৰা হয়। এতিয়া দেশৰ দুটা প্ৰতিৰক্ষা কৰিডৰৰ ভিতৰত এটা ইউ পিত নিৰ্মাণ কৰা হৈছে। ইউ পি ডিফেন্স কৰিডৰৰ কাম দ্ৰুত গতিত চলি আছে। আজি মেড ইন ইণ্ডিয়া প্ৰতিৰক্ষা সঁজুলিৰ চাহিদা ক্ৰমাগতভাৱে বৃদ্ধি পাইছে। ভাৰতীয় সেনাবাহিনীক সৰ্বাধিক মেড ইন ইণ্ডিয়া প্ৰতিৰক্ষা ব্যৱস্থা আৰু মঞ্চ প্ৰদানৰ বাবেও আমি প্ৰতিশ্ৰুতিবদ্ধ। আৰু এই মহান প্ৰকল্পৰ নেতৃত্ব চম্ভালি আছে আমাৰ লক্ষ্ণৌৰ কৰ্মবীৰ ৰাজনাথ সিং জীয়ে। যি সময়ত ভাৰতে এক সজীৱ প্ৰতিৰক্ষা উদ্যোগ গঢ়ি তুলিছে, সেই সময়ত আপুনি ফাৰ্ষ্ট মুভাৰৰ সুবিধা ল’ব লাগিব।

বন্ধুসকল,

উত্তৰ প্ৰদেশত দুগ্ধ, মীন, কৃষি আৰু খাদ্য সংসাধন খণ্ডত বহু সম্ভাৱনা আছে। উত্তৰ প্ৰদেশত ফল-মূল আৰু শাক-পাচলি সন্দৰ্ভত বহু বৈচিত্ৰ্যৰ সৃষ্টি হৈছে। এইটো এনে এটা খণ্ড য’ত ব্যক্তিগত খণ্ডৰ অংশগ্ৰহণ এতিয়াও অতি সীমিত। আপুনি জানিব যে আমি খাদ্য প্ৰক্ৰিয়াকৰণৰ বাবে প্ৰডাকচন লিংকড ইনচেণ্টিভ (পিএলআই) আঁচনিৰ কথা উলিয়াইছো। এই আঁচনিৰ সুবিধা আপুনি ল’ব লাগিব।

বন্ধুসকল,

আজি কৃষকৰ বাবে ইনপুটসমূহৰ পৰা আৰম্ভ কৰি চপোৱাৰ পিছৰ ব্যৱস্থাপনালৈকে আধুনিক ব্যৱস্থা এটা উপলব্ধ হোৱাটো চৰকাৰৰ প্ৰচেষ্টা। ক্ষুদ্ৰ বিনিয়োগকাৰীয়ে কৃষি আন্তঃগাঁথনি পুঁজি ব্যৱহাৰ কৰিব পাৰে। একেদৰে আমি বাজেটত সমগ্ৰ দেশতে এক বিশাল সংৰক্ষণ ক্ষমতা গঢ়ি তোলাৰ ব্যৱস্থা কৰিছো। ক্ষুদ্ৰ বিনিয়োগকাৰীৰ বাবেও এয়া এক সুন্দৰ সুযোগ।

বন্ধুসকল,

আজি ভাৰতত আমাৰ বহুখিনি মনোযোগ শস্যৰ বৈচিত্ৰ্য, ক্ষুদ্ৰ কৃষকসকলক অধিক সম্পদ প্ৰদান আৰু তেওঁলোকৰ ইনপুট খৰচ হ্ৰাস কৰাত। সেইবাবেই আমি প্ৰাকৃতিক খেতিৰ দিশত দ্ৰুতগতিত আগবাঢ়িছো। ইউ পিৰ গংগাৰ দুয়োপাৰৰ ৫ কিলোমিটাৰ এলেকাত প্ৰাকৃতিক কৃষি আৰম্ভ হৈছে। এতিয়া আমি এইবাৰৰ বাজেটত ১০ হাজাৰ বায়’ ইনপুট ৰিচ’ৰ্চ চেণ্টাৰ স্থাপন কৰি কৃষকসকলক সহায় কৰাৰ কথা ঘোষণা কৰিছো। ইয়াৰ দ্বাৰা প্ৰাকৃতিক কৃষি আৰু অধিক উৎসাহিত হ’ব। এই ক্ষেত্ৰত ব্যক্তিগত উদ্যোগীসকলৰ বাবে বিনিয়োগৰ বহু সম্ভাৱনা আছে।

বন্ধুসকল,

বাজৰাৰ সন্দৰ্ভত ভাৰতত আৰম্ভ হৈছে এক নতুন অভিযান। ভাৰতৰ এই বাজৰাবোৰক সাধাৰণতে মোটা শস্য বুলি কোৱা হয়। এতিয়া ইয়াৰ অনেক জাত আছে। এইবাৰৰ বাজেটত নিশ্চয় শুনিছে যে বিশ্ব বজাৰত ইয়াৰ পৰিচয় সৃষ্টিৰ স্বাৰ্থত আমি এই বাজৰাৰ মোটা শস্যক নতুন নাম দিছো ‘শ্ৰী আন্না’। 'শ্ৰী আন্না'ৰ পুষ্টিকৰ মূল্য বহুত। এইটো এটা ছুপাৰফুড। শ্ৰীফলৰ দৰেই ‘শ্ৰী আন্না’ও এক নতুনত্বলৈ পৰিণত হ’বলৈ গৈ আছে। ভাৰতৰ ‘শ্ৰী আন্না’ই বিশ্বৰ পুষ্টি সুৰক্ষাক সম্বোধন কৰাটো আমাৰ প্ৰচেষ্টা। বিশ্বই এই বছৰটো আন্তঃৰাষ্ট্ৰীয় বাজৰাৰ বছৰ হিচাপেও উদযাপন কৰিছে। গতিকে এফালে আমি কৃষকসকলক ‘শ্ৰী আন্না’ উৎপাদনৰ বাবে প্ৰেৰণা যোগাইছো, আনহাতে আনফালে ইয়াৰ বাবে বিশ্বব্যাপী বজাৰো সম্প্ৰসাৰণ কৰিছো। খাদ্য প্ৰক্ৰিয়াকৰণ খণ্ডৰ সৈতে জড়িত বন্ধুসকলে ‘ৰেডি টু ইট’ আৰু ‘ৰেডি টু কুক’ ‘শ্ৰী আন্না’ সামগ্ৰীৰ সম্ভাৱনাসমূহ অন্বেষণ কৰিব পাৰে আৰু লগতে মানৱ জাতিক ডাঙৰ ৰূপত সেৱা আগবঢ়াব পাৰে।

বন্ধুসকল,

উত্তৰ প্ৰদেশত আন এটা বিষয় সন্দৰ্ভত এক অতি প্ৰশংসনীয় কাম সংঘটিত হৈছে। শিক্ষা আৰু দক্ষতা বিকাশৰ লগত ইয়াৰ সম্পৰ্ক আছে। মহাযোগী গুৰু গোৰখনাথ আয়ুষ বিশ্ববিদ্যালয়, অটল বিহাৰী বাজপেয়ী স্বাস্থ্য বিশ্ববিদ্যালয়, ৰাজা মহেন্দ্ৰ প্ৰতাপ সিং বিশ্ববিদ্যালয়, মেজৰ ধ্যানচান্দ ক্ৰীড়া বিশ্ববিদ্যালয়, আৰু এনে বহু প্ৰতিষ্ঠানে যুৱক-যুৱতীসকলক বিভিন্ন দক্ষতাৰ বাবে প্ৰস্তুত কৰিব। মোক কোৱা হৈছে যে বৰ্তমানলৈকে ইউ পিৰ ১৬ লাখৰো অধিক যুৱক-যুৱতীক দক্ষতা বিকাশ অভিযানৰ অধীনত বিভিন্ন দক্ষতাৰ প্ৰশিক্ষণ দিয়া হৈছে। ইউ পি চৰকাৰে পি জি আই লক্ষ্ণৌ আৰু আই আই টি কানপুৰতো কৃত্ৰিম বুদ্ধিমত্তাৰ সৈতে জড়িত পাঠ্যক্ৰম আৰম্ভ কৰিছে। মোক ছেঞ্চেলৰ হৈ শিক্ষাৰ দায়িত্বত থকা আমাৰ ৰাজ্যপালে ক’লে যে এইবাৰ উত্তৰ প্ৰদেশৰ চাৰিখন বিশ্ববিদ্যালয়ে ভাৰতত নেট এক্ৰিডিটেশ্যনত নিজৰ চাঁপ এৰি থৈ যোৱাটো উত্তৰ প্ৰদেশৰ বাবে অতি গৌৰৱৰ বিষয়। এই কৃতিত্বৰ বাবে শিক্ষা জগতৰ সৈতে জড়িত লোকসকলক আৰু চ্যান্সেলৰ মেডামক আন্তৰিকতাৰে অভিনন্দন জনাইছো। দেশৰ ষ্টাৰ্ট আপ বিপ্লৱত ইউ পিৰ ভূমিকাও ক্ৰমাগতভাৱে বৃদ্ধি পাইছে। অদূৰ ভৱিষ্যতে ১০০টা ইনকিউবেটৰ আৰু তিনিটা অত্যাধুনিক কেন্দ্ৰ স্থাপনৰ লক্ষ্য নিৰ্ধাৰণ কৰিছে ইউ পি চৰকাৰে। অৰ্থাৎ ইয়ালৈ অহা বিনিয়োগকাৰীসকলেও প্ৰতিভাৱান আৰু দক্ষ যুৱক-যুৱতীৰ এক বিশাল পুল লাভ কৰিবলৈ গৈ আছে।

বন্ধুসকল,

ইয়াতকৈ ভাল অংশীদাৰিত্ব থাকিব নোৱাৰে। এফালে ডাবল ইঞ্জিন চৰকাৰৰ উদ্দেশ্য আৰু আনফালে সম্ভাৱনাৰে ভৰি থকা উত্তৰ প্ৰদেশ। আমি এই সময় নষ্ট কৰা উচিত নহয়। বিশ্বৰ সমৃদ্ধি ভাৰতৰ সমৃদ্ধিৰ মাজতে নিহিত হৈ আছে। ভাৰতৰ উজ্জ্বল ভৱিষ্যতত বিশ্বৰ উজ্জ্বল ভৱিষ্যত নিশ্চিত। এই সমৃদ্ধিৰ যাত্ৰাত আপোনালোকৰ অংশগ্ৰহণ অতি গুৰুত্বপূৰ্ণ। এই বিনিয়োগ শুভ হওক আৰু সকলোৰে মংগল কঢ়িয়াই আনক। এই কামনাৰে বিনিয়োগৰ বাবে আগবাঢ়ি অহা দেশৰ লগতে বিশ্বৰ সকলো বিনিয়োগকাৰীলৈ বহু শুভেচ্ছা। আৰু উত্তৰ প্ৰদেশৰ সাংসদ হৈ আপোনালোকক আশ্বাস দিছো যে আপোনালোকৰ সপোন বাস্তৱায়িত কৰাৰ দৃঢ়তাৰে উত্তৰ প্ৰদেশৰ চৰকাৰ আৰু আমোলাতন্ত্ৰই প্ৰগতিৰ পথত আগবাঢ়িছে। এই বিশ্বাসেৰে মই পুনৰবাৰ আমাৰ দেশৰ লগতে বিদেশৰ বিনিয়োগকাৰীসকলক উত্তৰ প্ৰদেশৰ ভূমিলৈ আদৰণি জনাইছো।

বহু বহু ধন্যবাদ!

Explore More
৭৭সংখ্যক স্বাধীনতা দিৱস উপলক্ষে লালকিল্লাৰ প্ৰাচীৰৰ পৰা দেশবাসীক উদ্দেশ্যি প্ৰধানমন্ত্ৰী শ্ৰী নৰেন্দ্ৰ মোদীয়ে আগবঢ়োৱা ভাষণৰ অসমীয়া অনুবাদ

Popular Speeches

৭৭সংখ্যক স্বাধীনতা দিৱস উপলক্ষে লালকিল্লাৰ প্ৰাচীৰৰ পৰা দেশবাসীক উদ্দেশ্যি প্ৰধানমন্ত্ৰী শ্ৰী নৰেন্দ্ৰ মোদীয়ে আগবঢ়োৱা ভাষণৰ অসমীয়া অনুবাদ
How India's digital public infrastructure can push inclusive global growth

Media Coverage

How India's digital public infrastructure can push inclusive global growth
NM on the go

Nm on the go

Always be the first to hear from the PM. Get the App Now!
...
PM Modi addresses a public meeting in Sagar, Madhya Pradesh
April 24, 2024
Development happens when there are the right policies and a clear vision: PM Modi in Sagar
Whether it's the country or Madhya Pradesh, development came when Congress left and BJP came: PM Modi in Sagar
Congress wants to snatch your property and impose inheritance tax: PM Modi in Sagar

Prime Minister Narendra Modi addressed a massive public gathering today in Sagar, Madhya Pradesh, reaffirming the strong support of the people for the BJP government and emphasizing the importance of stable governance for development.

Addressing the enthusiastic crowd, PM Modi said, "Today, there is an ocean of public support on the land of Sagar. Last time, you gave the BJP a victory here with record votes. Sagar has once again made up its mind, Phir Ek Baar, Modi Sarkar."

Highlighting the transformative development under the BJP government, PM Modi stated, "The people of Madhya Pradesh and Sagar know very well how important it is to have a stable and strong government for the development of the country. Development happens when there are the right policies and a clear vision. Therefore, whether it's the country or Madhya Pradesh, development came when Congress left and BJP came."

PM Modi praised the progress of Madhya Pradesh under the BJP government, citing projects such as the Ken-Betwa Link Project, Banda Major Irrigation Project, and the development of a comprehensive network of highways including expressways like Narmada Expressway, Vindhya Expressway, and others.

"The central government has also given Madhya Pradesh the gift of more than 350 rail projects. Medical colleges and hospitals have also been built in Sagar," he added.

PM Modi assured the crowd of continued support, saying, "I guarantee my mothers and sisters that there will be no need to worry about ration for the next 5 years. We are working to bring gas, electricity, water, and toilet facilities to every household to alleviate the troubles of mothers and sisters."

Addressing the reservation issue, PM Modi criticized the Congress party's agenda, stating, "Today, a truth of the Congress has come before the country that everyone is stunned to know. Our Constitution prohibits giving reservations based on religion. Congress is preparing to cut the quota of ST-SC-OBC by 15 % and then apply reservations based on religion. Last time, when there was a Congress government in Karnataka, it gave reservations based on religion. When the BJP government came, it revoked this decision. Now once again, Congress has given reservations based on religion in Karnataka.”

Highlighting the intentions of Congress through their manifesto, PM Modi said, “Congress is not stopping at just hurting you. Congress also wants to snatch your property. Even if you have two vehicles, one house in the city, and one in the village, you will still come under Congress's radar. They want to snatch all this from you and give it to their vote bank.”

PM Modi warned against Congress's approach towards inheritance tax, saying, "Congress also wants to impose inheritance tax on the property you want to leave for your children. And imagine, Congress has cut so much from India's social values, the sentiments of Indian society."

“The Congress party hates the Constitution of the country. They hate the identity of India. That's why they are working on every project that weakens the country, weakens the country's fabric. They come up with new strategies to divide society. Our faith has kept us united for centuries. The Congress party attacks that faith,” he added.