প্ৰধানমন্ত্ৰী শ্ৰী নৰেন্দ্ৰ মোদীয়ে ২০২৩ চনৰ ৮ ডিচেম্বৰ, বিয়লি প্ৰায় ৪ বজাত লালকিল্লাত অনুষ্ঠিত হ’বলগীয়া প্ৰথম ভাৰতীয় কলা, স্থাপত্য আৰু ডিজাইন বাইনেল (আইএএডিবি)-২০২৩ উদ্বোধন কৰিব। এই কাৰ্যসূচীৰ সময়ত প্ৰধানমন্ত্ৰীয়ে লালকিল্লাত আত্মনিৰ্ভৰ ভাৰত চেণ্টাৰ ফৰ ডিজাইন আৰু শিক্ষাৰ্থী বাইনেল-সমুন্নতিও উদ্বোধন কৰিব।
ভেনিচ, চাও পাউলো, ছিংগাপুৰ, ছিডনী আৰু শ্বাৰজাহ আদি দেশত অনুষ্ঠিত আন্তঃৰাষ্ট্ৰীয় বাইনেলৰ দৰে দেশখনত এক ধ্বজাবাহী বিশ্ব সাংস্কৃতিক পদক্ষেপ গঢ়ি তোলা আৰু প্ৰতিষ্ঠানিকৰণ কৰাটো প্ৰধানমন্ত্ৰীৰ দৃষ্টিভংগী আছিল। এই দৃষ্টিভংগীৰ সৈতে সংগতি ৰাখি সংগ্ৰহালয়সমূহ পুনৰ উদ্ভাৱন, পুনৰ ব্ৰেণ্ডিং, সংস্কাৰ আৰু পুনৰ স্থাপনৰ বাবে দেশজোৰা অভিযান আৰম্ভ কৰা হৈছিল। ইয়াৰ উপৰিও ভাৰতৰ পাঁচখন চহৰ ক্ৰমে কলকাতা, দিল্লী, মুম্বাই, আহমেদাবাদ আৰু বাৰাণসীত সাংস্কৃতিক স্থানৰ উন্নয়নৰ কথাও ঘোষণা কৰা হয়। ভাৰতীয় কলা, স্থাপত্য আৰু ডিজাইন বাইনেল (আইএএডিবি) দিল্লীৰ সাংস্কৃতিক স্থানৰ পৰিচয় হিচাপে কাম কৰিব।
নতুন দিল্লীৰ লালকিল্লাত ৯ৰ পৰা ১৫ ডিচেম্বৰলৈ আইএএডিবিৰ আয়োজন কৰা হৈছে। তদুপৰি, শেহতীয়াকৈ আয়োজন কৰা আন্তঃৰাষ্ট্ৰীয় সংগ্ৰহালয় এক্সপ’ (মে’, ২০২৩) আৰু গ্ৰন্থাগাৰ মহোৎসৱ (আগষ্ট, ২০২৩)ৰ দৰে মূল পদক্ষেপসমূহো অনুসৰণ কৰা হৈছে। সাংস্কৃতিক আলোচনাক শক্তিশালী কৰিবলৈ শিল্পী, স্থপতিবিদ, ডিজাইনাৰ, ফটোগ্ৰাফাৰ, সংগ্ৰাহক, পেছাদাৰী শিল্প আৰু জনসাধাৰণৰ মাজত এক সামগ্ৰিক বাৰ্তালাপ আৰম্ভ কৰিবলৈ আইএএডিবিৰ ডিজাইন কৰা হৈছে। তদুপৰি, ই বিকশিত অৰ্থনীতিৰ অংশ হিচাপে শিল্প, স্থাপত্য আৰু ডিজাইন প্ৰস্তুতকৰ্তাসকলৰ সৈতে সম্প্ৰসাৰণ আৰু সহযোগিতা কৰাৰ পথ আৰু সুযোগ প্ৰদান কৰিব।
আইএএডিবিয়ে সপ্তাহৰ প্ৰতিটো দিনতে বিভিন্ন বিষয়ভিত্তিক প্ৰদৰ্শনী প্ৰদৰ্শন কৰিবঃ
• প্ৰথম দিন: প্ৰৱেশ—ৰীতি: ভাৰতৰ দুৱাৰ
• দ্বিতীয় দিন: বাঘ ই বাহাৰ: বিশ্বব্ৰহ্মাণ্ড হিচাপে বাগিচা: ভাৰতৰ বাগিচা
• তৃতীয় দিন: সম্প্ৰবাহঃ সম্প্ৰদায়ৰ সংগম: ভাৰতৰ বাওলি
• চতুৰ্থ দিন: স্থাপত্য: এণ্টি ফ্ৰেজিল এলগৰিদম: ভাৰতৰ মন্দিৰ
• পঞ্চম দিন: বিস্ময়: সৃষ্টিশীল ক্ৰছঅভাৰ: স্বাধীন ভাৰতৰ আশ্চৰ্য্যকৰ স্থাপত্য
• ষষ্ঠ দিন: দেশজ ভাৰত ডিজাইন: থলুৱা ডিজাইন
• সপ্তম দিন: সমত্ব: নিৰ্মাণক আকৃতি প্ৰদানঃ স্থাপত্যত মহিলাক উদযাপন কৰা
আইএএডিবিত ওপৰৰ বিষয়বস্তুৰ ওপৰত ভিত্তি কৰি পেভিলিয়ন, পেনেল আলোচনা, কলা কৰ্মশালা, কলা বজাৰ, ঐতিহ্য ভ্ৰমণ আৰু সমান্তৰালভাৱে শিক্ষাৰ্থীৰ বাইনেল অন্তৰ্ভুক্ত কৰা হ’ব। ললিত কলা একাডেমীৰ শিক্ষাৰ্থী বাইনেল (সমুন্নতি)-এ ছাত্ৰ-ছাত্ৰীসকলক তেওঁলোকৰ কাম প্ৰদৰ্শন কৰাৰ, সমনীয়া আৰু পেছাদাৰীসকলৰ সৈতে মত বিনিময় কৰাৰ আৰু ডিজাইন প্ৰতিযোগিতা, ঐতিহ্য প্ৰদৰ্শন, ইনষ্টলেচন ডিজাইন, কৰ্মশালা আদিৰ জৰিয়তে স্থাপত্য সম্প্ৰদায়ৰ ভিতৰত মূল্যৱান পৰিচয় লাভ কৰাৰ সুযোগ প্ৰদান কৰিব। আইএএডিবি ২৩ দেশৰ বাবে এক ঐতিহাসিক মুহূৰ্ত হ’ব, কাৰণ ই ভাৰতক বাইনেলৰ পৰিৱেশত প্ৰৱেশৰ পুৰ্বানুমান প্ৰদান কৰিব।
প্ৰধানমন্ত্ৰীৰ ‘ভোকেল ফৰ লোকেল’ৰ দৃষ্টিভংগীৰ সৈতে সংগতি ৰাখি লালকিল্লাত ‘আত্মনিৰ্ভৰ ভাৰত চেণ্টাৰ ফৰ ডিজাইন’ স্থাপন কৰা হৈছে। ইয়াত ভাৰতৰ অনন্য আৰু থলুৱা শিল্পকৰ্মসমূহ প্ৰদৰ্শন কৰা হ’ব আৰু কাৰিকৰ আৰু ডিজাইনাৰসকলৰ মাজত সহযোগিতামূলক স্থান প্ৰদান কৰা হ’ব। বহনক্ষম সাংস্কৃতিক অৰ্থনীতিৰ পথ প্ৰশস্ত কৰি ই শিল্পী সম্প্ৰদায়সমূহক নতুন ডিজাইন আৰু উদ্ভাৱনৰ দ্বাৰা সবলীকৰণ কৰিব।
