প্ৰধানমন্ত্ৰী শ্ৰী নৰেন্দ্ৰ মোদীয়ে আজি দক্ষিণ আফ্ৰিকাৰ ৰাষ্ট্ৰপতি মাতেমেলা চিৰিল ৰামাফোছাৰ সৈতে টেলিফোনযোগে বাৰ্তালাপ কৰে।
দুয়োগৰাকী নেতাই দ্বিপাক্ষিক সহযোগিতাৰ অগ্ৰগতিৰ পৰ্যালোচনা কৰে, যি ঐতিহাসিক আৰু দুয়োখন দেশৰ মাজৰ নিবিড় সম্পৰ্কৰ ওপৰত আধাৰিত। প্ৰধানমন্ত্ৰীয়ে এই বছৰৰ আৰম্ভণিতে ১২ টা চিতা ভাৰতলৈ স্থানান্তৰিত কৰাৰ বাবে দক্ষিণ আফ্ৰিকাৰ ৰাষ্ট্ৰপতিক ধন্যবাদ জ্ঞাপন কৰে।
ইয়াৰ উপৰি দুয়োগৰাকী নেতাই এই বছৰ দক্ষিণ আফ্ৰিকাৰ অধ্যক্ষতাৰ পৰিপ্ৰেক্ষিতত ব্ৰিকছত সহযোগিতাকে ধৰি পাৰস্পৰিক স্বাৰ্থৰ কেইবাটাও আঞ্চলিক আৰু আন্তৰ্জাতিক বিষয়ত মত বিনিময় কৰে।
ৰাষ্ট্ৰপতি ৰামাফোছাই প্ৰধানমন্ত্ৰীক আফ্ৰিকান নেতাসকলৰ শান্তি প্ৰচেষ্টাৰ বিষয়ে অৱগত কৰে। ইউক্ৰেইনত স্থায়ী শান্তি আৰু স্থিৰতা সুনিশ্চিত কৰাৰ লক্ষ্যৰে ভাৰতে সকলো পদক্ষেপৰ সমৰ্থন আগবঢ়াইছে বুলি উল্লেখ কৰে প্ৰধানমন্ত্ৰীয়ে। তেওঁ আগবাঢ়ি যোৱাৰ পথ হিচাপে আলোচনা আৰু কূটনীতিক লৈ ভাৰতৰ ধাৰাবাহিক আহ্বানৰ কথা দোহাৰে।
ৰাষ্ট্ৰপতি ৰামাফোছাই চলিত জি-২০ অধ্যক্ষতাৰ অংশ হিচাপে ভাৰতৰ পদক্ষেপসমূহক সম্পূৰ্ণ সমৰ্থন জনায় আৰু জনায় যে তেওঁ ভাৰত ভ্ৰমণৰ বাবে আগ্ৰহী।
দুয়োগৰাকী নেতাই পৰস্পৰৰ সৈতে যোগাযোগ অটুট ৰখাৰ ক্ষেত্ৰত সহমত ব্যক্ত কৰে।
Spoke with President @CyrilRamaphosa. Reviewed progress in bilateral cooperation. Discussed regional and global issues, including cooperation in BRICS and African Leaders’ Peace Initiative.@PresidencyZA
— Narendra Modi (@narendramodi) June 10, 2023
