ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଦକ୍ଷିଣ ଆଫ୍ରିକା ସାଧାରଣତନ୍ତ୍ରର ରାଷ୍ଟ୍ରପତି ମହାମହିମ ଶ୍ରୀ ମାଟମେଲା ସିରିଲ ରାମଫୋସାଙ୍କ ସହ ଟେଲିଫୋନ ଯୋଗେ କଥାବାର୍ତ୍ତା ହୋଇଛନ୍ତି ।
ଉଭୟ ନେତା ଦୁଇ ଦେଶ ମଧ୍ୟରେ ଏହି ଐତିହାସିକ ତଥା ଜନସାଧାରଣଙ୍କ ସୌହାର୍ଦ୍ଧ୍ୟ ଉପରେ ପ୍ରତିଷ୍ଠିତ ଦ୍ୱିପାକ୍ଷିକ ସହଯୋଗର ଅଗ୍ରଗତି ନେଇ ସମୀକ୍ଷା କରିଥିଲେ । ଚଳିତବର୍ଷ ପ୍ରାରମ୍ଭରେ ୧୨ଟି ଚିତାକୁ ଭାରତ ଆଣି ଥଇଥାନ କରିବା ନେଇ ପ୍ରଧାନମନ୍ତ୍ରୀ ଦକ୍ଷିଣ ଆଫ୍ରିକା ରାଷ୍ଟ୍ରପତିଙ୍କୁ ଧନ୍ୟବାଦ ଜଣାଇଥିଲେ ।
ସେମାନେ ଉଭୟ ଦେଶର ସ୍ୱାର୍ଥ ସମ୍ବଳିତ କେତେକ ବୈଶ୍ୱିକ ସମସ୍ୟା ଉପରେ ମଧ୍ୟ ମତ ବିନିମୟ କରିଥିଲେ । ଏଥିରେ ଚଳିତବର୍ଷ ଦକ୍ଷିଣ ଆଫ୍ରିକାର ଅଧ୍ୟକ୍ଷତାରେ ହେବାକୁ ଥିବା ବ୍ରିକ୍ସ ସହଯୋଗ ମଧ୍ୟ ଅନ୍ତର୍ଭୁକ୍ତ ।
ରାଷ୍ଟ୍ରପତି ରାମଫୋସା ଆଫ୍ରିକୀୟ ନେତାମାନଙ୍କ ଶାନ୍ତି ପଦକ୍ଷେପ ସମ୍ପର୍କରେ ମଧ୍ୟ ସୂଚନା ଦେଇଥିଲେ । ଭାରତ ୟୁକ୍ରେନରେ ଶାନ୍ତି ଓ ସ୍ଥିରତା ନେଇ ଭାରତ ପ୍ରତ୍ୟେକ ପଦକ୍ଷେପର ସମର୍ଥନ କରୁଥିବାବେଳେ ଏହାକୁ ଆଗେଇ ନେବା ପାଇଁ ନିରବିଚ୍ଛନ୍ନ କଥାବାର୍ତ୍ତା ଓ କୂଟନୀତି ଉପରେ ପ୍ରଧାନମନ୍ତ୍ରୀ ଦୃଢୋକ୍ତି ପ୍ରକାଶ କରିଥିଲେ ।
ଭାରତ ଜି-୨୦ରେ ଅଧ୍ୟକ୍ଷତା କରୁଥିବାବେଳେ ରାଷ୍ଟ୍ରପତି ରାମଫୋସା ଏ ଦିଗରେ ଭାରତକୁ ଦୃଢ ସମର୍ଥନ ବ୍ୟକ୍ତ କରିବା ସହ ସେ ଭବିଷ୍ୟତରେ ଭାରତ ଗସ୍ତ କରିପାରନ୍ତି ବୋଲି କହିଥିଲେ ।
ଉଭୟ ନେତା କଥାବାର୍ତ୍ତା ଜାରି ରଖିବା ନେଇ ସହମତି ବ୍ୟକ୍ତ କରିଥିଲେ ।
Spoke with President @CyrilRamaphosa. Reviewed progress in bilateral cooperation. Discussed regional and global issues, including cooperation in BRICS and African Leaders’ Peace Initiative.@PresidencyZA
— Narendra Modi (@narendramodi) June 10, 2023
