প্ৰধানমন্ত্ৰী শ্ৰী নৰেন্দ্ৰ মোডীয়ে আজি গুজৰাটত তিনিটা গুৰুত্বপূৰ্ণ প্ৰকল্পৰ শুভাৰম্ভ ঘোষণা কৰে। ‘ভিডিঅ’ কনফাৰেন্সিং’ ব্যৱস্থাৰে সম্পন্ন হোৱা এই অনুষ্ঠানত প্ৰধানমন্ত্ৰীয়ে গুজৰাটৰ কৃষকসমাজৰ বাবে দিনৰ ১৬ ঘণ্টা ধৰি পানী যোগান ধৰিব পৰা ‘কিষাণ সূৰ্যোদয় যোজনা’ শীৰ্ষক আঁচনিখনো মুকলি কৰে। একেটা অনুষ্ঠানতে তেওঁ ‘ইউ এন মেহতা ইনষ্টিটিউট অব কাৰ্ডিঅ’লজী এণ্ড ৰিছাৰ্চ চেণ্টাৰ’ৰ সৈতে সংলগ্ন কৰি নিৰ্মাণ কৰা ‘শিশু হৃদৰোগ হাস্পটাল’ এখন মুকলি কৰাৰ লগতে ‘আহমেদাবাদ অসামৰিক চিকিত্সালয়’ত ‘টেলি-কাৰ্ডিঅ’লজী সেৱা’ আগবঢ়াব পৰা এটা ‘মোবাইল এপ্’-ৰো শুভাৰম্ভ ঘোষণা কৰে।
ইয়াৰ পিচতে তেওঁ গিৰ্ণাৰত ইতিমধ্যে সম্পূৰ্ণ কৰি তোলা এটা ৰোপৱে’ আনুষ্ঠানিক ভাবে মুকলি কৰে।
অনুষ্ঠানত ভাষণ প্ৰদান কৰি তেওঁ কয়, গুজৰাট সদায় সৰ্ব সাধাৰণ জনতাৰ সিদ্ধান্ত আৰু আত্মোত্সৰ্গাৰ উত্কৃষ্ট নিদৰ্শন হিচাপে পৰিগণিত হৈ আহিছে। তেওঁ, ‘কিষাণ সূৰ্যোদয় যোজনা’ৰ জৰিয়তে গুজৰাটে পুনৰ এক নতুন উদ্যমৰে আগুৱাই যাব বুলি আশা প্ৰাকাশ কৰি ‘সুজলাম-সুফলম’ আৰু ‘সৌনী প্ৰকল্প’ৰ পাছত এতিয়া ‘সূৰ্যোদয় যোজনা’ গুজৰাটৰ কৃষকৰ বাবে সাফল্যৰ মাইলৰ খুঁটি হিচাপে বিবেচিত হ’ব বুলি মন্তব্য কৰে৷
তেওঁ কয়, বিদ্যুৎ ক্ষেত্ৰত বছৰ বছৰ ধৰি গুজৰাটত কাম চলি আছে, সেইটোৱে এই যোজনাৰ আধাৰ হিচাপে কাম কৰিব৷ এটা সময় আছিল গুজৰাটত বিদ্যুতৰ বাৰুকৈয়ে নাটনি আছিল, সেয়ে, বিদ্যুতৰ উৎপাদনৰ পৰা আৰম্ভ কৰি ট্ৰান্সমিশ্যনলৈকে, প্ৰতিটো ক্ষেত্ৰত সক্ষমতা সৃষ্টি কৰাৰ বাবে অভিযানৰ ৰূপত প্ৰকল্পসমূহৰ ৰূপায়ণ কৰা হ’ল। ২০১০ চনত যেতিয়া পাটনত সৌৰ শক্তি প্ৰকল্পৰ উদ্বোধন কৰা হৈছিল, তেতিয়া কোনেও কল্পনাই কৰা নাছিল যে এদিন ভাৰতে বিশ্বক ‘এক সূৰ্য, এক বিশ্ব, এক গ্ৰিড’ৰ মাৰ্গদৰ্শন কৰিব৷ বৰ্তমান উৎপাদন আৰু ব্যৱহাৰ দুয়োটা দিশতে ভাৰতে বিশ্বৰ অগ্ৰণী দেশসমূহৰ অন্যতম হিচাপে পৰিচিতি লাভ কৰিছে৷ বিগত ৬টা বছৰত সৌৰ শক্তিৰ উৎপাদনৰ দিশত ভাৰত বিশ্বৰ পঞ্চম স্থানত উপনীত হৈছে আৰু এই দিশত দ্ৰুতগতিৰে অগ্ৰগতি লাভ কৰি আছে।
‘কিষাণ সূৰ্যোদয় যোজনা’ সন্দৰ্ভত মন্তব্য কৰি প্ৰধানমন্ত্ৰীয়ে কয়, আগতে কৃষকসকলে জলসিঞ্চনৰ বাবে বেছিভাগ সময়তে ৰাতিহে বিদ্যুৎ লাভ কৰিছিল৷ তেনে ক্ষেত্ৰত কৃষকসকলে জলসিঞ্চনৰ সময়ত উজাগৰী নিশা পাৰ কৰিব লাগিছিল৷ জুনাগড় আৰু গিৰ্ণাৰ দৰে অঞ্চলৰ ৰাইজে বনৰীয়া জীৱ-জন্তুৰ আক্ৰমণৰ দৰে সমস্যাৰ সন্মুখীন হৈ আহিছিল। এতিয়া, ‘কিষাণ সূৰ্যোদয় যোজনা’ৰ জৰিয়তে পুৱা ৫ বজাৰ পৰা নিশা ৯ বজা পৰ্যন্ত ৩টা ‘ফে’জ’ৰ বিদ্যুতৰ যোগান লাভ কৰি এইসমূহ অঞ্চলে তেওঁলোকৰ জীৱনৰ নতুন সূৰ্যোদয় হোৱা দৃশ্য প্ৰত্যক্ষ কৰিব পাৰিব।
বাকী ব্যৱস্থাসমূহক প্ৰভাৱিত নকৰাকৈ, ট্ৰেন্সমিশ্যনৰ সম্পূৰ্ণ নতুন সক্ষমতা সৃষ্টি কৰি এই কাম কৰাৰ বাবে প্ৰধানমন্ত্ৰীয়ে গুজৰাট চৰকাৰৰ শলাগ লয়। এই যোজনাৰ অধীনত অহা ২-৩ বছৰত প্ৰায় ৩৫০০ চাৰ্কিট কিলোমিটাৰ নতুন ট্ৰেন্সমিশ্যন লাইন সংস্থাপনৰ কাম কৰা হ’ব৷ অহা কেইটামান দিনৰ ভিতৰতে সহস্ৰাধিক গাঁৱত এই যোজনা ৰূপায়ণ কৰা হ’ব৷ ইয়াৰে অধিকাংশ গাঁও আদিবাসী বসতি প্ৰধান এলেকা৷ যেতিয়া সম্পূৰ্ণ গুজৰাটলৈ এই যোজনা সম্প্ৰসাৰণ কৰা হ’ব, তেতিয়া লাখ লাখ কৃষকৰ জীৱনলৈ পৰিৱৰ্তন আহিব বুলি তেওঁ মন্তব্য কৰে৷
কৃষকৰ আয় দুগুন কৰাৰ বাবে, ব্যয় কম কৰাৰ বাবে, তেওঁলোকৰ অসুবিধা দূৰ কৰাৰ বাবে পৰিৱৰ্তিত সময়ৰ লগে লগে নিজৰ প্ৰয়াস বৃদ্ধি কৰাৰ বাবে সকলোকে অহোপুৰুষাৰ্থ কৰাৰ আহ্বান জনায় প্ৰধানমন্ত্ৰীয়ে। তেওঁ, কৃষকসকলক তেওঁলোকৰ উৎপাদিত সামগ্ৰী যিকোনো স্থানত বিক্ৰীৰ স্বাধীনতা প্ৰদান কৰাই হওক বা হাজাৰ হাজাৰ ‘কৃষক-উৎপাদক সংস্থা’ গঠন কৰাই হওক অথবা জলসিঞ্চনৰ অসম্পূৰ্ণ প্ৰকল্প সম্পূৰ্ণ কৰাৰ কামেই হওক বা দেশজুৰি কোটি কোটি কৃষকক ‘ভূমি স্বাস্থ্য পত্ৰ’ প্ৰদান কৰাই হওক, সকলোবোৰে দেশৰ কৃষি খণ্ডক শক্তিশালী কৰাৰ লগতে কৃষকৰ সুবিধাৰ বাবে কৰা হৈছে বুলি উল্লেখ কৰি ইয়াৰ বাবে একেৰাহে নতুন নতুন আঁচনি লৈ অহা হৈছে বুলি মন্তব্য কৰে৷ তেওঁ কয়, ‘কুসুম যোজনা’ৰ অধীনত কৃষকসকল, ‘কৃষক-উৎপাদক সংস্থা’, সমবায়, পঞ্চায়তকে ধৰি এনে প্ৰতিটো সংস্থাৰ পৰিত্যক্ত ভূমিত সৰু সৰু সৌৰ প্ৰকল্প স্থাপনত সহায় কৰা হৈছে৷ দেশজুৰি লাখ লাখ কৃষকৰ সৌৰ পাম্প গ্ৰীডৰ জৰিয়তে সংযোজিত কৰা হৈছে৷ ইয়াৰ পৰা যি বিদ্যুৎ উৎপাদন হ’ব, সেয়া কৃষকৰ প্ৰয়োজনীয়তাৰ ভিত্তিত নিজৰ জলসিঞ্চনৰ বাবে ব্যৱহাৰ কৰিব পাৰিব আৰু অতিৰিক্ত বিদ্যুৎ বিক্ৰী কৰিব পাৰিব বুলি উল্লেখ কৰে৷
প্ৰধানমন্ত্ৰীয়ে উল্লেখ কৰি কয় যে গুজৰাটে বিজুলীৰ সমান্তৰালভাৱে জলসিঞ্চন আৰু খোৱা পানীৰ ক্ষেত্ৰতো সুন্দৰ কাম কৰিছে৷ গুজৰাটত খোৱা পানীৰ অৱস্থা কেনে আছিল সেয়া কোৱা বাহুল্য মাত্ৰ। বছৰ বছৰ ধৰি বাজেটৰ অধিকাংশ ধন খোৱা পানীৰ বাবেই ব্যয় কৰা হৈছিল৷ বহু লোকে নাজানে যে গুজৰাটৰ খোৱা পানীৰ ক্ষেত্ৰত আৰ্থিক বোজা অধিক আছিল৷ বিগত দুই দশকৰ প্ৰচেষ্টাৰ পিচত আজি গুজৰাটৰ সেই জিলাসমূহত, সেই গাঁওসমূহতো পানীৰ যোগান ধৰা হৈছে, য’ত আগতে কোনেও এনে কথা সম্ভৱ হব বুলিও ভাবিব পৰা নাছিল৷
গুজৰাটৰ খৰাং পীড়িত অঞ্চলসমূহলৈ পানীৰ প্ৰবহণ সম্ভৱ কৰা ‘চৰ্দাৰ সৰোবৰ’, ‘জল গ্ৰীড’ৰ দৰে প্ৰকল্পসমূহৰ ৰূপায়ণক লৈ গৌৰৱ অনুভৱ কৰে প্ৰধানমন্ত্ৰীয়ে৷ প্ৰসংগ ক্ৰমে তেওঁ, গুজৰাটৰ প্ৰায় ৮০শতাংশ ঘৰত আজি নল-সংযোগী পানীৰ যোগান সম্ভৱ কৰাৰ কথা উল্লেখ কৰি অচিৰেই গুজৰাট প্ৰতিঘৰতে নলযোগে পানীৰ যোগান সম্ভৱ কৰা ৰাজ্যসমূহৰ অন্যতম হ’ব বুলি মন্তব্য কৰে। তেওঁ, গুজৰাটত ‘কিষাণ সূৰ্যোদয় যোজনা’ আৰম্ভ কৰাৰ মুহূৰ্তত সকলোকে ‘প্ৰতিটোপাল পানী, অধিক শস্য’ৰ মন্ত্ৰ আওৰাবলৈ আহ্বান জনায় ৷ ইফালে, দিনতে বিদ্যুৎ লাভৰ ফলত কৃষকসকলৰ বাব ক্ষুদ্ৰ জলসিঞ্চনৰ ব্যৱস্থা কৰাটো সহজ হ’ব বুলি উল্লেখ কৰি গুজৰাটত ক্ষুদ্ৰ জলসিঞ্চনৰ ক্ষেত্ৰত যথেষ্ট প্ৰগতি হৈছে, ‘কিষাণ সূযোদয় যোজনা’ই ইয়াক আৰু অধিক সম্প্ৰসাৰিত কৰিব বুলিও প্ৰধানমন্ত্ৰীয়ে আশা প্ৰকাশ কৰে৷
ইফালে, ‘ইউএন মেহতা ইনষ্টিটিউট অৱ কাৰ্ডিঅ’লজি এণ্ড ৰিছাৰ্চ চেণ্টাৰ’ৰে সংলগ্ন কৰি নিৰ্মাণ কৰা ‘শিশু হৃদৰোগ হাস্পটাল’খন উদ্বোধন কৰি তেওঁ কয়, এইখন চিকিত্সা প্ৰতিষ্ঠান দেশত থকা বিশ্বমানৰ আন্তঃগাঁথনিৰে সুসজ্জিত অতিবিশিষ্ট চিকিৎসালয়কেইখনৰ অন্তৰ্গততো হ’বই বৰং হৃদৰোগৰ আধুনিক চিকিত্সা সা-সুবিধাযুক্ত ভাৰতৰ বৃহত্তম চিকিত্সা প্ৰতিষ্ঠান হিচাপেও পৰিগণিত হ’ব।
প্ৰসংগক্ৰমে প্ৰধানমন্ত্ৰীয়ে কয় যে, বিগত দুটা দশকত গুজৰাটে চিকিত্সা সেৱাৰ ক্ষেত্ৰত অভূতপূৰ্ব কাম কৰিছে৷ সেয়া লাগিলে আধুনিক হাস্পতালৰ নেটৱৰ্কেই হওক বা, মেডিকেল কলেজ বা স্বাস্থ্য কেন্দ্ৰই হওক, গাঁৱে-গাঁৱে উন্নত স্বাস্থ্য-সুবিধাৰ সৈতে জড়িত বহু কাম কৰা হৈছে৷ বিগত ৬ বছৰত দেশত স্বাস্থ্য সেৱাৰ সৈতে জড়িত বহু আঁচনি আৰম্ভ কৰা হৈছে, তাৰ লাভো গুজৰাটে পাবলৈ সক্ষম হৈছে৷ ‘আয়ুষ্মান ভাৰত যোজনা’ৰ অধীনত গুজৰাটৰ ২১লাখ লোকে বিনামূলীয়া চিকিৎসা লাভ কৰিছে৷ সুলভ মূল্যৰ ঔষধ প্ৰদানৰ বাবে ৫২৫টা ‘জনঔষধি কেন্দ্ৰ’ গুজৰাটত খোলা হৈছে৷ ইয়াৰ জৰিয়তে গুজৰাট সাধাৰণ ৰোগীৰ প্ৰায় ১০০ কোটি টকা ৰাহি হৈছে৷
গিৰ্ণাৰত নিৰ্মাণ কৰা বিশ্বমানৰ ৰোপৱে’টোৰ শুভাৰম্ভ কৰি প্ৰধানমন্ত্ৰীয়ে কয় যে, গিৰ্ণাৰ পৰ্বতত মা অম্বে বিৰাজমান হৈ আছে, আছে গোৰক্ষনাথ শিখৰ, গুৰু দত্তাত্ৰেয়ৰ শিখৰ আৰু জৈন মন্দিৰ৷ নৱ নিৰ্মিত ৰোপৱে’টোৰ ফলত সকলোৰে সুবিধা হ’ব, সকলোৱে এই মন্দিৰ দৰ্শনৰ সুবিধা লাভ কৰিব৷ এই মন্দিৰ দৰ্শনৰ বাবে ৫-৭ ঘণ্টাৰ প্ৰয়োজন হৈছিল আৰু এই ৰোপৱেৰ ফলত ৭-৮ মিনিটতে যাব পাৰিব৷ ৰোপৱেৰ যাত্ৰাই এডভেন্সাৰৰ প্ৰতি উৎসাহিত কৰিব, উৎসুকতাও বৃদ্ধি কৰিব৷ এই নতুন সুবিধাৰ বাবে তালৈ অধিক ভক্তৰ আগমণ হ’ব, অধিক পৰ্যটকো আহিব বুলি তেওঁ আশা প্ৰকাশ কৰে৷
বনাছকণ্ঠ, পাৱাগঢ় আৰু সৎপুৰাৰ পিচত এইটো গুজৰাটৰ চতুৰ্থটো ৰোপৱে’ বুলি তেওঁ উল্লেখ কৰ। এই ৰোপৱে’ৰ জৰিয়তে স্থানীয় যুৱক-যুৱতীসকলে যথেষ্ট কৰ্ম-সংস্থাপন লাভ কৰিব বলি অভিমত প্ৰকাশ কৰে৷
পটভূমি:
কিষাণ সূৰ্যোদয় যোজনা
জলসিঞ্চনৰ সুবিধা হোৱাকৈ দিনৰ বেলা বিদ্যুতৰ যোগান নিশ্চিত কৰি গুজৰাটৰ মুখ্য মন্ত্ৰী শ্ৰী বিজয় ৰূপানীয়ে অলপতে ‘কিষাণ সূৰ্যোদয় যোজনা’ৰ ঘোষণা কৰিছিল। এই আঁচনিৰ জৰিয়তে ৰাজ্যখনৰ কৃষকসকলে পূৱা ৫ বজাৰ পৰা নিশা ৯ বজা পৰ্যন্ত বিদ্যুতৰ যোগান উপলব্ধ কৰিব পাৰিব। এই আঁচনি ৰূপায়ণৰ বাবে ২০২৩ চনৰ ভিতৰত শক্তি-সংপ্ৰেৰণ আন্তঃগাঁথনি সংস্থাপিত কৰাৰ বাবে গুজৰাট চৰকাৰে ৩৫০০ কোটি টকাৰ বাজেট আৱণ্টন দিছে। এই প্ৰকল্পৰ অধীনত ৩৪৯০ চাৰ্কিট কিলোমিটাৰ দীঘল ২৩৪ ‘৬৬-কিলোৱাট’ শক্তি প্ৰবহণক্ষম সংপ্ৰেৰণ লাইন সংস্থাপিত কৰা হ’ব।
২০২০-২১ বিত্তীয় বৰ্ষত দাহোদ, পটান, মহীসাগৰ, পঞ্চমহল, ছোটা, উদেৰপুৰ, খেড়া, টাপী, ৱালছাড়, আনন্দ আৰু গীৰ-সোমনাথক এই আঁচনিৰ অন্তৰ্ভুক্ত কৰা হৈছে। বাকী জিলাসমূহক ২০২২-২৩ বিত্তীয় বৰ্ষৰ ভিতৰত পৰ্যায়ক্ৰমে এই আঁচনিৰে সামৰি লোৱা হ’ব।
‘ইউ এন মেহতা ইনষ্টিটিউট অব কাৰ্ডিঅ’লজী এণ্ড ৰিছাৰ্চ চেণ্টাৰ’ৰ সৈতে সংলগ্ন কৰি নিৰ্মাণ কৰা ‘শিশু হৃদৰোগ হাস্পটাল’
প্ৰধানমন্ত্ৰীয়ে ‘ইউ এন মেহতা ইনষ্টিটিউট অব কাৰ্ডিঅলজী এণ্ড ৰিছাৰ্চ চেণ্টাৰ’ৰ সৈতে সংলগ্ন কৰি নিৰ্মাণ কৰা ‘শিশু হৃদৰোগ হাস্পটাল’খন মুকলি কৰাৰ লগতে ‘আহমেদাবাদ অসামৰিক চিকিত্সালয়’ত ‘টেলি-কাৰ্ডিঅ’লজী সেৱা’ আগবঢ়াব পৰা এটা ‘মোবাইল এপ্’-ৰো শুভাৰম্ভ ঘোষণা কৰিব। ‘ইউ এন মেহতা ইনষ্টিটিউট অব কাৰ্ডিঅ’লজী এণ্ড ৰিছাৰ্চ চেণ্টাৰ’ৰ সম্প্ৰসাৰণৰ কাম চলি আছে। ৪৭০ কোটি টকা ব্যয় সাপেক্ষে অব্যাহত থকা এই প্ৰকল্পৰ জৰিয়তে হাস্পটালখনৰ বিচনাৰ সংখ্যা ৪৫০ৰ পৰা ১২৫১খনলৈ বৃদ্ধি কৰা হ’ব। এই সম্প্ৰসাৰণৰ জৰিয়তে এই চিকিত্সা প্ৰতিষ্ঠান দেশৰ সবাতোকৈ বৃহত্তম ‘ছুপাৰ স্পেচিয়েলিটী কাৰ্ডিয়াক হাস্পটাল’ হিচাপে পৰিগণিত হোৱাৰ উপৰি পৃথিৱীৰ ভিতৰতো অন্যতম বৃহত্ ‘ছুপাৰ স্পেচিয়েলিটী কাৰ্ডিয়াক হাস্পটাল’ হিচাপে চিহ্নিত হ’ব।
গিৰ্ণাৰ ৰোপৱে’
প্ৰধানমন্ত্ৰীয়ে গিৰ্ণাৰত ৰোপৱে’ মুকলি কৰাৰ লগে লগে গুজৰাট পুনৰ বাৰ পৃথিৱীৰ পৰ্যটন মানচিত্ৰত জিলিকি উঠিব। প্ৰথম পৰ্যায়ত এই ৰোপৱে’ত ৮জন যাত্ৰী যাব পৰা ২৫ৰ পৰা ৩০টা কেবিন থাকিব। ২.৩ কিলোমিটাৰ দৈৰ্ঘ্যৰ এই দূৰত্ব ৰোপৱে’-ৰ জৰিয়তে মাত্ৰ ৭.৫ মিনিটত অতিক্ৰম কৰিব পৰা যাব। তদুপৰি এই ৰোপৱে’ৰে যাত্ৰা কৰাৰ সময়ত যাত্ৰীসকলে গিৰ্ণাৰ পৰ্বতমালাৰ সেউজ-সৌন্দৰ্যৰ মনোমোহা ৰূপো অৱলেহন কৰাৰ সুযোগ লাভ কৰিব।
किसानों को रात के बजाय जब सुबह यानि 5 बजे से लेकर रात 9 बजे के दौरान Three Phase बिजली मिलेगी, तो ये नया सवेरा ही तो है।
— PMO India (@PMOIndia) October 24, 2020
मैं गुजरात सरकार को बधाई दूंगा कि बाकी व्यवस्थाओं को प्रभावित किए बिना, ट्रांसमिशन की बिल्कुल नई कैपेसिटी तैयार करके ये काम किया जा रहा है: PM
इस योजना के तहत अगले 2-3 वर्षों में लगभग साढ़े 3 हज़ार सर्किट किलोमीटर नई ट्रांसमिशन लाइनों को बिछाने का काम किया जाएगा।
— PMO India (@PMOIndia) October 24, 2020
मुझे बताया गया है कि आने वाले कुछ दिनों तक हज़ार से ज्यादा गांवों में ये योजना लागू भी हो जाएगी।इनमें भी ज्यादा गांव आदिवासी बाहुल्य इलाकों में हैं: PM
गुजरात ने तो बिजली के साथ सिंचाई और पीने के पानी के क्षेत्र में भी शानदार काम किया है।
— PMO India (@PMOIndia) October 24, 2020
इस कार्यक्रम में जुड़े हम सभी जानते हैं कि गुजरात में पानी की क्या स्थिति थी।
बीते दो दशकों के प्रयासों से आज गुजरात उन गांवों तक भी पानी पहुंच गया है, जहां कोई पहले सोच भी नहीं सकता था: PM
बीते दो दशकों में गुजरात ने आरोग्य के क्षेत्र में अभूतपूर्व काम किया है।
— PMO India (@PMOIndia) October 24, 2020
चाहे वो आधुनिक अस्पतालों का नेटवर्क हो, मेडिकल कॉलेज हों, गांव-गांव को बेहतर स्वास्थ्य सुविधाओं से जोड़ने का बहुत बड़ा काम किया गया है: PM
आयुष्मान भारत योजना के तहत गुजरात के 21 लाख लोगों को मुफ्त इलाज मिला है।
— PMO India (@PMOIndia) October 24, 2020
सस्ती दवाइयां देने वाले सवा 5 सौ से ज्यादा जनऔषधि केंद्र गुजरात में खुल चुके हैं।
इसमें से लगभग 100 करोड़ रुपए की बचत गुजरात के सामान्य मरीज़ों को भी हुई है: PM
गिरनार पर्वत पर मां अंबे भी विराजती हैं, गोरखनाथ शिखर भी है, गुरु दत्तात्रेय का शिखर है और जैन मंदिर भी है।
— PMO India (@PMOIndia) October 24, 2020
यहां की सीढ़ियां चढ़कर जो शिखर पर पहुंचता है, वो अद्भुत शक्ति और शांति का अनुभव करता है।
अब यहां विश्व स्तरीय रोप-वे बनने से सबको सुविधा मिलेगी, दर्शन का अवसर मिलेगा: PM
इस नई सुविधा के बाद यहां ज्यादा से ज्यादा श्रद्धालु आएंगे, ज्यादा पर्यटक आएंगे।
— PMO India (@PMOIndia) October 24, 2020
आज जिस रोप-वे की शुरुआत हुई है, वो गुजरात का चौथा रोप-वे है।
बनासकांठा में अंबाजी के दर्शन के लिए, पावागढ़ में, सतपूड़ा में तीन और रोप-वे पहले से काम कर रहे हैं: PM
अगर गिरनार रोप-वे कानूनी उलझनों में नहीं फंसा होता, तो लोगों को इसका लाभ बहुत पहले ही मिलने लग गया जाता।
— PMO India (@PMOIndia) October 24, 2020
हमें सोचना होगा कि जब लोगों को इतनी बड़ी सुविधा पहुंचाने वाली व्यवस्थाओं का निर्माण, इतने लंबे समय तक अटका रहेगा, तो लोगों का कितना नुकसान होता है: PM
अभी आपने भी देखा है शिवराजपुर बीज को अंतरराष्ट्रीय पहचान मिली है, Blue Flag certification मिला है।
— PMO India (@PMOIndia) October 24, 2020
ऐसे स्थलों को विकसित करने पर वहां पर्यटक आएंगे और अपने साथ रोजगार के नए अवसर भी लाएंगे।
स्टैच्यू ऑफ यूनिटी अब कितना बड़ा टूरिस्ट अट्रेक्शन बन रही है: PM#GujaratGrowthStory
