প্ৰধানমন্ত্রী শ্রী নৰেন্দ্ৰ মোদীয়ে আজি নতুন দিল্লীত মৰিচাচৰ প্ৰধানমন্ত্রী শ্রী প্ৰবীন্দ যুগনাথক সাক্ষাৎ কৰে৷ এক বেচৰকাৰী ভ্ৰমণসূচীৰে ভাৰতলৈ অহা প্ৰবীন্দ যুগনাথৰ সৈতে তেওঁৰ পত্নী শ্রীমতী কবিতা যুগনাথো আছে৷
প্ৰধানমন্ত্রী যুগনাথে বিপুল সংখ্যক ভোটেৰে পুনৰ নির্বাচিত হোৱাৰ বাবে প্ৰধানমন্ত্ৰী নৰেন্দ্ৰ মোদীয়ে তেওঁক উষ্ণ অভ্যর্থনা জনোৱাৰ লগতে দুয়োদেশৰ দ্বিপাক্ষিক সম্পর্ক আৰু অধিক শক্তিশালী তথা নিবিড় কৰাৰ ক্ষেত্ৰত তেওঁৰ প্ৰতিশ্ৰুতিক দোঁহাৰে৷
মেট্রো এক্সপ্রেছ প্ৰজেক্ট, ইএনটি হাস্পতাল, সামাজিক আবাস প্ৰকল্পৰ দৰে মৰিচাচত বিভিন্ন উন্নয়নমূলক প্ৰকল্পত ভাৰতৰ সহযোগিতাৰ বাবে প্ৰধানমন্ত্রী যুগনাথে প্ৰশংসা কৰে৷ ইয়াৰ জৰিয়তে মৰিচাচৰ জনগণ প্ৰকৃতাৰ্থত উপকৃত হৈছে৷ মৰিচাচত সামগ্ৰিক উন্নয়নৰ গতি বৃদ্ধি পাইছে বুলি উল্লেখ কৰি তেওঁ কয় যে ভাৰতৰ সৈতে সহযোগিতা আৰু অধিক সুদৃঢ় কৰাটোৱেই তেওঁৰ বর্তমান চৰকাৰৰ অন্যতম লক্ষ্য হ’ব৷ ভাৰতে এই প্ৰচেষ্টাত গুৰুত্বপূর্ণ ভূমিকা পালন কৰি বুলি তেওঁ আশা প্ৰকাশ কৰে৷
প্ৰধানমন্ত্রীয়ে মোদীয়ে কয় যে মৰিচাচৰ জনগণ আৰু চৰকাৰে ভাৰতৰ পূর্ণ সমর্থন লাভ কৰিব আৰু নিৰাপদ, সুস্থিৰ, সমৃদ্ধশালী মৰিচাচ গঠনৰ লক্ষ্যৰে সেই দেশৰ জনগণৰ আকাংক্ষাৰ প্ৰতি ভাৰতৰ সমর্থন অব্যাহত থাকিব৷
বহুপাক্ষিক তথা দ্বিপাক্ষিক সম্পর্ক আৰু অধিক সুদৃঢ় কৰাৰ লগতে পাৰস্পৰিক স্বার্থ আৰু গুৰুত্ব বিবেচনা কৰি নতুন নতুন সহযোগিতাৰ ক্ষেত্ৰ চিহ্নিত কৰাৰ বিষয়ত দুয়োগৰাকী নেতাই একেলগে কাম কৰাৰ সিদ্ধান্ত গ্ৰহণ কৰে৷
