প্ৰধানমন্ত্ৰী শ্ৰী নৰেন্দ্ৰ মোদীয়ে ৯ এপ্ৰিল, ২০২১ত নীডাৰলেণ্ডছৰ প্ৰধানমন্ত্ৰীৰ সৈতে এক ভাৰ্চুৱেল শিখৰ সন্মিলনৰ আয়োজন কৰিব।
এই সন্মিলন সংসদীয় নিৰ্বাচনত প্ৰধানমন্ত্ৰী ৰুটে শেহতীয়া জয়ৰ পিছত হ'ব আৰু নিয়মীয়া উচ্চ স্তৰীয় সংবাদৰ দ্বাৰা দ্বিপাক্ষিক সম্পৰ্কৰ গতি অব্যাহত ৰখা হ'ব। শিখৰ সন্মিলনৰ সময়ত, দুয়োজন নেতাই দ্বিপাক্ষিক সম্পৰ্কৰ ওপৰত বিস্তৃতভাৱে আলোচনা কৰিব আৰু সম্পৰ্ক শক্তিশালী কৰাৰ নতুন পদ্ধতিৰ ওপৰত জোৰ দিব। তেওঁলোকে পৰস্পৰ হিতৰ ক্ষেত্ৰভিত্তিক আৰু বৈশ্বিক বিষয়ৰ ওপৰত ভাবৰ আদান-প্ৰদানো কৰিব।
ভাৰত আৰু নীডাৰলেণ্ডছে গণতন্ত্ৰ, আইনৰ শাসন আৰু স্বাধীনতাৰ পাৰস্পৰিক মূল্যৰ দ্বাৰা সৌহাৰ্দ্যপূৰ্ণ আৰু মৈত্ৰীপূৰ্ণ সম্পৰ্কক আগবঢ়ায়।
ইউৰোপ মহাদ্বীপত নীডাৰলেণ্ডছত বৃহৎ ভাৰতীয় জনসংখ্যাই বসবাস কৰে। দুয়োখন দেশৰ মাজত জল প্ৰবন্ধন, কৃষি আৰু খাদ্য প্ৰক্ৰিয়াকৰণ, স্বাস্থ্য, স্মাৰ্ট চহৰ তথা চহৰীয়া যাতায়াত, বিজ্ঞান আৰু প্ৰযুক্তি, নৱীকৰণীয় শক্তি আৰু অন্তৰীক্ষ ক্ষেত্ৰসহ ব্যাপক সহযোগিতা অব্যাহত আছে। ভাৰতত নীডাৰলেণ্ডছ তৃতীয় বৃহৎ বিনিয়োগকাৰী হোৱাৰ লগতে দুয়োখন দেশে শক্তিশালী অৰ্থনৈতিক সহযোগিতাও অব্যাহত ৰাখিছে। ভাৰতত ২০০তকৈ অধিক ডাচ কোম্পানী আছে, একেদৰে নীডাৰলেণ্ডছতো সমান সংখ্যাত ভাৰতীয় কোম্পানী আছে।
