Share
 
Comments

প্ৰধানমন্ত্ৰী নৰেন্দ্ৰ মোদী নেতৃত্বাধীন চৰকাৰে শাসনৰ বাঘজৰী হাতত লৈয়ে দুৰ্নীতি পুলিয়ে-পোখাই উভালিবলৈ প্ৰতিশ্ৰুতি দিছিল৷ ইয়াৰ লক্ষ্য কেৱল দুৰ্নীতি নিৰ্মূলকৰণেই নহয়, ইয়াৰ লগতে চৰকাৰী কাম-কাজত সততাক প্ৰতিষ্ঠা কৰা৷

প্ৰশাসনিক কাম-কাজৰ স্বচ্ছতাৰ হকে দোপত দোপে গ্ৰহণ কৰি বিভিন্ন পদক্ষেপে এই ক্ষেত্ৰত পৰিৱৰ্তন আনি অৰ্থনীতি শক্তিশালী কৰাই নহয়, বৰঞ্চ চৰকাৰৰ প্ৰতি জনসাধাৰণৰ আস্থাও বৃদ্ধি কৰিছে৷

দুৰ্নীতি আৰু কলা ধনৰ দৰে দুই ব্যাধিৰ বিৰুদ্ধে কৰি অহা দীৰ্ঘদিনীয়া যুঁজৰ দৃষ্টিভংগীয়ে অৰ্থনীতিৰ উৎপাদনৰ আশা বৃদ্ধি কৰিছে আৰু ইয়াৰ ফলত হোৱা বিকাশৰ ফলত দেশৰ অতি দৰিদ্ৰ লোকজনেও পাবলৈ সক্ষম হৈছে৷ বিভিন্ন বিদেশী ৰাষ্ট্ৰৰ সৈতে এই ক্ষেত্ৰত স্বাক্ষৰ কৰা চুক্তিয়ে এক সক্ৰিয় ব্যৱস্থা গঢ়ি তোলাৰ লগতে প্ৰশাসন ব্যৱস্থা অতি সংবেদনশীল আৰু স্বচ্ছ কৰি তুলিছে৷

লা ধনৰ উৎস আৰু আহৰণ ৰোধ কৰি ইয়াৰ বিৰুদ্ধে যুঁজাৰ বাবে চৰকাৰে শাসনভাৰ গ্ৰহণ কৰিয়েই বিশেষ অনুসন্ধান গোট(এছআইটি) গঠন কৰে৷ চৰকাৰে এই কমিটীয়ে প্ৰদান কৰা কেতবোৰ পৰামৰ্শ গ্ৰহণ কৰে৷ ২০১৪ চনত শাসনভাৰ লৈয়ে চৰকাৰে সন্মুখীন হোৱা আন এক সমস্যা আছিল কয়লাৰ সংকট৷ উচ্চতম ন্যায়ালয়ে এক স্বচ্ছ আৰু নিকা নিবিদা প্ৰক্ৰিয়াৰ স্বাৰ্থত কয়লা আবণ্টন বাতিল কৰিছিল৷ চৰকাৰে কোনো সময় অপচয় নকৰি স্বচ্ছ নিবিদাৰ হকে কাম কৰে৷ এই ব্যৱস্থাই দেশলৈ সুদূৰপ্ৰসাৰী প্ৰভাৱ আনে৷

দূৰসংযোগ ব্যৱস্থাটো এনে পদ্ধতি অৱলম্বন কৰি অভূতপূৰ্ব ৰাজহ আহৰণ কৰা হয়৷ স্পেকট্ৰাম নিবিদাৰ ক্ষেত্ৰতো চৰকাৰৰ দৃষ্টিভংগীয়ে ব্যাপক লাভ আহৰণৰ বাট প্ৰশস্ত কৰে৷

দীৰ্ঘদিনে মীমাংসা নোহোৱাকৈ থকা বেনামী সম্পত্তি আইন গৃহীত কৰি বেনামী সম্পত্তিৰ জৰিয়তে কলা ধনৰ উৎস ৰোধ কৰা হয়৷ পলাতক অৰ্থনৈতিক অপৰাধ বিধেয়কৰ জৰয়িতে অৰ্থনৈতিক অপৰাধীসকলৰ ক্ষেত্ৰত অনুসন্ধান চলোৱা এজেন্সিসমূহক সকলো সুবিধা প্ৰদান কৰা হৈছে৷ ইয়াৰ দ্বাৰা তদাৰকী সংস্থাসমূহে এনে অপৰাধীৰ সম্পত্তি বাজেয়াপ্ত কৰাৰ লগতে সেইবোৰৰ পৰা বেংকসমূহৰ ঋণৰ পৰিমাণ পুনৰুদ্ধাৰৰ সুবিধা দিয়া হৈছে৷

ঘৰুৱা প্রতিদ্বন্দিতাপূৰ্ণ পদক্ষেপতে সীমাবদ্ধ নাৰাখি, চৰকাৰে এই যুঁজৰ মোকাবিলা কৰিবলৈ দেশক একত্রিত কৰাৰ দিশত এখোজ আগুৱাই গৈছে৷ ইয়াৰ ভিত্তিত মৰিচাছ, ছিংগাপুৰ আৰু চীপৰাছৰ সৈতে দ্বৈত কৰ ৰেহাই চুক্তি(ডিটিএএ) সংশোধন কৰি কলাধন ঘুৰাই অনাৰ ক্ষেত্ৰত দেখা দিয়া বাধা আঁতৰোৱা আৰু ছুইজাৰলেণ্ডৰ সৈতে এক চুক্তি স্বাক্ষৰ কৰি ছুইছ বেংকত থকা ভাৰতীয় লোকসকলৰ একাউণ্টৰ তথ্য সময়মতে পোৱাৰ ব্যৱস্থা কৰা হয়৷

 

প্ৰধানমন্ত্ৰী নৰেন্দ্ৰ মোদী চৰকাৰে বিমুদ্ৰাকৰণৰ জৰিয়তে কলাধনৰ ক্ষেত্ৰত এক মোক্ষম আঘাত হানে৷ এই ঐতিহাসিক সিদ্ধান্তই অপ্ৰকাশিত উপাৰ্জন, সন্দেহজনক লেনদেন আৰু জমা ইত্যাদি ধৰা পেলোৱাত সহায় কৰিছে৷ তদুপৰি, ইতিমধ্যে পঞ্জীয়নবিহীনভাৱে চলি থকা ৩ লাখ ভুৱা কোম্পানীৰ বিৰুদ্ধে ব্যৱস্থা গ্ৰহণ কৰা হৈছে৷ ইয়াৰ জৰিয়তে এক স্বচ্ছ অৰ্থনীতি গঢ়াৰ উপৰি কৰৰ আধাৰো বৃদ্ধি পাইছে৷

 

লা ধন পুনৰ গঢ়ি তোলাটো ৰোধ কৰাৰ সংকল্পেৰে অধিক অন্তৰ্ভূক্তিমূলক অৰ্থনীতিৰ দিশত গুৰুত্ব আৰোপ কৰা হৈছে৷ ৫০ লাখ নগদবিহীন নতুন বেংক একাউণ্ট খুলি শ্ৰমিকৰ মজুৰিও স্বচ্ছ প্ৰক্ৰিয়াৰে হস্তান্তৰ কৰা হৈছে৷ পূৰ্বতে চৰকাৰৰ পূঁজিৰ অধিকাংশ আত্মসাৎ হৈছিল৷ আধাৰ কাৰ্ডৰ সৈতে কল্যানমূলক আঁচনিসমূহৰ সংযোগ স্থাপনৰ জৰিয়তে ইয়াক এক আইনী পৰিকাঠামো প্ৰদান কৰি চৰকাৰে ৰাজহুৱা বিতৰণ ব্যৱস্থাক ইয়াৰ সৈতে যুক্ত কৰাৰ লগতে চৰকাৰী পূঁজিও প্ৰত্যক্ষভাৱে হস্তান্তৰ কৰাৰ ব্যৱস্থা কৰে৷ বিগত চাৰি বছৰত ৪৩১খন আঁচনিৰ হিতাধিকাৰীৰ বেংক একাউণ্টলৈ ৩.৬৫ লাখ কোটি টকা প্ৰত্যক্ষভাৱে হস্তান্তৰ কৰা হৈছে৷

চৰকাৰৰ প্ৰতি বৃদ্ধি হোৱা বিশ্বাসৰ ফলশ্ৰুতিতে কৰদাতাৰ সংখ্যাও সৰ্বাধিক হৈছে৷ এইটো গৌৰৱৰ কথা যে ২০১৩-১৪ বৰ্ষত আয়কৰ ৰিটাৰ্ণ ফাইল দাখিল কৰা লোকৰ সংখ্যা ৩.৮৫ কোটিৰ বিপৰীতে ২০১৭-১৮ বৰ্ষত ৬.৮৫ কোটি হৈছে, যিটোৱে কৰৰ আধাৰ সম্প্ৰসাৰিত কৰিছে৷ বিমুদ্ৰাকৰণৰ পাছত ইপিএফঅআৰ কৰ্মচাৰীৰ ৰাজ্যিক বীমা নিগম(ইএছআইচি)ত ক্ৰমে ১ কোটি আৰু ১.৩ কোটিতকৈ অধিক লোকৰ নাম পঞ্জীয়ন হৈছে৷ এই ব্যাপক স্বচ্ছ আৰু গঠনমূলক ব্যৱস্থাই কঠোৰ পৰিশ্ৰম কৰা লোকসকলক এক সুৰক্ষিত ব্যৱস্থাৰ মাজলৈ অনাৰ লগতে তেওঁলোকৰ জমা আৰু আয়ৰ নিৰাপত্তাত সকাহ দিছে৷

সামগ্ৰী আৰু সেৱা কৰ (জিএছটি) হৈছে স্বাধীনতাৰ পাছত হোৱা সৰ্ববৃহৎ সংস্কাৰ, যাৰ দ্বাৰা ফলপ্ৰসূ কাৰ্যকৰীকৰণ, স্বচ্ছতা আৰু আদেশৰ যথাযথ প্ৰয়োগ হৈছে৷ ভাৰতীয় লোকসকলে ইয়াক আন্তৰিকতাৰে গ্ৰহণ কৰিছে, যাৰফলত বিগত ৭০ বছৰত থকা ৬৫ লাখৰ বিপৰীতে জিএছটিৰ এবছৰৰ ভিতৰতে ৫০লাখ নতুন প্ৰতিষ্ঠানে পঞ্জীয়ন কৰে৷

স্বচ্ছতা সুনিশ্চিত কৰিবলৈ গ্ৰহণ কৰা অভিনৱ পদক্ষেপ অনুসৰি পৰিৱেশ মন্ত্ৰালয়ে পৰিৱেশৰ ক্ষেত্ৰত লবলগীয়া অনুমোদনৰ আবেদন অনলাইনযোগে উপলব্ধ কৰাৰ ফলত অনুমোদনৰ সময় ৬০০ দিনৰ পৰা ১৮০ দিনলৈ হ্ৰাস কৰে৷ তদুপৰি, আবেদনকাৰীসকলে অনলাইনৰ জৰিয়তে ইয়াৰ সবিশেষ গতি-বিধি লক্ষ্য কৰি থাকিব পাৰে৷ একেদৰে নন-গেজেটেড পদসমূহত সাক্ষাৎকাৰ নিৰ্মূলকৰণৰ জৰিয়তে উপযুক্ত মেধা প্ৰাৰ্থীৰ নিযু্ক্তি সুনিশ্চিত কৰিছে৷

এই দীৰ্ঘস্থায়ী বহু সুবিধাযু্ক্ত কামসমূহে অৰ্থনীতিৰ বাবে এক সুদৃঢ় আধাৰ গঢ়ি তোলাৰ উপৰি প্ৰান্তীয় লোকলৈকে এক ইতিবাচক প্ৰভাৱ বিস্তাৰ কৰে৷ এক স্বচ্ছ, নিকা আৰু সুস্থিৰ অৰ্থনীতিয়ে সেয়েহে নতুন ভাৰতৰ এক আকাৰ প্ৰদান কৰে৷

donation
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
India claims top 10 in list of fastest-growing cities

Media Coverage

India claims top 10 in list of fastest-growing cities
...

Nm on the go

Always be the first to hear from the PM. Get the App Now!
...
Share
 
Comments

যিকোনো ৰাষ্ট্ৰৰ বাবে আন্তঃগাঁথনি আৰু সংযোগ বিকাশৰ ধমনীৰ দৰে কাম কৰে৷ প্ৰধানমন্ত্ৰী নৰেন্দ্ৰ মোদীৰ নেতৃত্বাধীন এনডিএ চৰকাৰৰ আমোলত এই আন্তঃগাঁথনি বিকাশত বিশেষ ধ্যান দিয়া পৰিলক্ষিত হৈছে৷ নতুন ভাৰতৰ সপোন পূৰণ কৰিবলৈ এনডিএ চৰকাৰে ৰে’লৱে, স্থলপথ, জলপথ, বিমানখণ্ড অথবা ব্যয়সাধ্য গৃহত গুৰুত্ব নিৱেশ কৰিছে৷

ৰে’লৱে

ভাৰতীয় ৰে’লৱেৰ নেটৱৰ্ক সমগ্ৰ বিশ্বৰ ভিতৰতে বৃহৎ ৰে’লৰ নেটৱৰ্ক৷ ট্ৰেকৰ পুনৰ নিৰ্মাণ, ৰখীয়াবিহীন ৰে’লৱে ক্ৰ’ছিং আৰু ব্ৰ’ডগজৰ সম্প্ৰসাৰণ আদি প্ৰধানমন্ত্ৰী মোদীৰ নেতৃত্বাধীন এনডিএ চৰকাৰৰ আমোলত উল্লেখযোগ্য উন্নতি সাধন হৈছে৷

২০১৭-১৮ বৰ্ষত ৰে’লজনিত দূৰ্ঘটনা ১০০ত কৈও কম হৈছে৷ তথ্যত প্ৰকাশ যে ২০১৩-১৪ বৰ্ষত ৰে’লজনিত দূৰ্ঘটনাৰ সংখ্যা আছিল ১১৮টা যি ২০১৭-১৮ বৰ্ষত ৭৩টালৈ হ্ৰাস পাইছে৷ ৫,৪৬৯টা ৰখীয়াবিহীন লেভেল ক্ৰ’ছিং নোহোৱা কৰা হৈছে আৰু ২০০৯-১৪ বৰ্ষৰ তুলনাত ই ২০% অধিক হৈছে৷ ব্ৰ’ডগজ পথসমূহৰ সকলো ৰখীয়াবিহীন লেভেল ক্ৰ’ছিং ২০২০ চনৰ ভিতৰত নোহোৱা কৰাৰ পদক্ষেপ গ্ৰহণ কৰা হৈছে৷

ৰে’লৱেৰ বিকাশক গতি প্ৰদান কৰাৰ বাবে ৰে’লপথ পুনৰ নিৰ্মাণৰ কাম ৫০% বৃদ্ধি হৈছে, ২০১৩-১৪ বৰ্ষৰ ২,৯২৬ কিলোমিটাৰৰ তুলনাত ২০১৭-১৮ বৰ্ষত ইয়াৰ সংখ্যা ৪,৪০৫ কিলোমিটাৰলৈ বৃদ্ধি পাইছে৷ এনডিএ চৰকাৰৰ আমোলত বিগত চাৰিটা বৰ্ষত ব্ৰ’ডগজ সম্প্ৰসাৰণৰ সংখ্যা (৯,৫২৮ কিলোমিটাৰ)ৰ বিপৰীতে ২০০৯-১৪ বৰ্ষত ইয়াৰ সংখ্যা আছিল ৭,৬০০ কিলোমিটাৰ৷

প্ৰথমবাৰৰ বাবে উত্তৰ পূৰ্বাঞ্চল ব্ৰ’ডগজ ভাৰতৰ অন্য প্ৰান্তৰ সৈতে জড়িত হৈছে৷ স্বাধীনতাৰ ৭০ বছৰৰ পিছত ই মেঘালয়, ত্ৰিপুৰা আৰু মিজোৰামক ৰে’লৱে মানচিত্ৰৰ অন্তৰ্ভুক্ত কৰিবলৈ সক্ষম হৈছে৷

নতুন ভাৰতৰ বিকাশৰ বাবে আমাক অত্যাধুনিক প্ৰযুক্তিৰো প্ৰয়োজন৷ মুম্বাইৰ পৰা আহমেদাবাদলৈ পৰিকল্পিত বুলেট ৰে’লে ৮ ঘণ্টাৰ যাত্ৰাৰ সময় ২ ঘণ্টালৈ হ্ৰাস কৰিব৷

 

বিমানখণ্ড

অসামৰিক বিমানখণ্ডতো অভূতপুৰ্ব উত্তৰণ ঘটিছে৷ উড়ান (উৰে দেশ কা আম নাগৰিক) আঁচনিৰ অধীনত ব্যয়সাধ্য বিমানযাত্ৰা সম্ভৱ হৈছে, যোৱা চাৰিটা বৰ্ষত ২৫টা কাৰ্যকৰী বিমানবন্দৰ সংযোজিত হৈছে৷ স্বাধীনতা বৰ্ষৰ পৰা ২০১৪ চনলৈ কেৱল ৭৫টা বিমানবন্দৰ আছিল৷ সেৱাৰহিত আৰু সেৱাৰ অধীনৰ বিমানবন্দৰসমূহলৈ প্ৰতিঘণ্টাত ২,৫০০টকাৰ আঞ্চলিক সংযোগৰ ফলত ভাৰতীয়সকলৰ আকাশত উৰাৰ সপোন সাৰ্থক হৈছে৷ সেয়ে, প্ৰথমবাৰলৈ দেশৰ নাগৰিকে বাতানুকূল ৰে’লৰ পৰিৱৰ্তে বিমানেৰে যাত্ৰা কৰিছে৷

বিগত তিনিটা বৰ্ষত ১৮-২০%ৰ যাত্ৰী বৃদ্ধিৰ জৰিয়তে ভাৰতে বিশ্বৰ ভিতৰত বিমানখণ্ডত তিনি নম্বৰ স্থান দখল কৰিবলৈ সক্ষম হৈছে৷ ২০১৭ বৰ্ষত ঘৰুৱা বিমানযাত্ৰীৰ সংখ্যা ১০০ মিলিয়ন অতিক্ৰম কৰিছে৷

 

জলপৰিবহণ

প্ৰধানমন্ত্ৰী নৰেন্দ্ৰ মোদীৰ চৰকাৰৰ অধীনত ভাৰতে জলপৰিবহণ ক্ষেত্ৰতো সাফল্য অৰ্জন কৰিছে৷ বন্দৰসমূহৰ বিকাশত অগ্ৰগতি প্ৰদান কৰি প্ৰধান বন্দৰসমূহৰ টাৰ্ণ এৰাউণ্ড সময় ২০১৩-১৪ বৰ্ষৰ ৯৪ ঘণ্টাৰ পৰা এক তৃতীয়াংশ হ্ৰাস হৈ ২০১৭-১৮ বৰ্ষত ৬৪ ঘণ্টা হৈছে৷

প্ৰধান বন্দৰসমূহত কাৰ্গো ট্ৰেফিকক গুৰুত্ব প্ৰদান কৰা হৈছে৷ ২০১০-১১ বৰ্ষত ৫৭০.৩২ মেট্ৰিকটনৰ পৰা ২০১২-১৩ বৰ্ষত ৫৪৫.৭৯ মেট্ৰিকটনলৈ হ্ৰাস হৈছিল৷ কিন্তু এনডিএ চৰকাৰে এই ব্যৱস্থাৰ সংশোধন ঘটাই ২০১৭-১৮ বৰ্ষত ইয়াক ৬৭৯.৩৬৭ মেট্ৰিক টন অৰ্থাৎ ১০০ মেট্ৰিকটনতকৈও অধিক বৃদ্ধি কৰিবলৈ সমৰ্থ হৈছে৷

অন্তঃৱৰ্তী জলপৰিবহণত পৰিবহণ ব্যয় হ্ৰাস হোৱাৰ ফলত কাৰ্বন ফুট প্ৰিণ্ট হ্ৰাস হোৱাৰ উপৰিও অৰ্থনৈতিক বিকাশ সম্ভৱ হৈছে৷ বিগত ৩০টা বৰ্ষত ৫টা ৰাষ্ট্ৰীয় জলপথৰ পৰিৱৰ্তে কেৱল বিগত ৪টা বৰ্ষতে ইয়াৰ সংখ্যা ১০৬টালৈ বৃদ্ধি পাইছে৷

পথ পৰিবহণ

ভাৰত মালা পৰিযোজনাৰ অধীনত মাল্টি-ম’ডেল সংবদ্ধকৰণৰ জৰিয়তে ৰাষ্ট্ৰীয় ঘাইপথসমূহৰ সম্প্ৰসাৰণ কৰা হৈছে৷ ২০১৩-১৪ বৰ্ষৰ ৯২,৮৫১ কিলোমিটাৰৰ তুলনাত ২০১৭-১৮ বৰ্ষত ৰাষ্ট্ৰীয় ঘাইপথৰ সম্প্ৰসাৰণ ১,২০,৫৪৩ কিলোমিটাৰলৈ হৈছে৷

সুৰক্ষিত পথৰ বাবে সেতু ভাৰতম প্ৰকল্পত ২০,৮০০ কোটি টকা ব্যয় কৰা হৈছে৷ ইয়াৰ অধীনত সকলো ৰাষ্ট্ৰীয় ঘাইপথত ৰে’লৱে ক্ৰ’ছিংসমূহত ৰে’লৱে অভাৰব্ৰীজ নিৰ্মাণ কৰা হৈছে৷

পথ নিৰ্মাণৰ দ্ৰুতি প্ৰায় দুগুণ কৰা হৈছে৷ ২০১৩-১৪ বৰ্ষত ৰাষ্ট্ৰীয় ঘাইপথ নিৰ্মাণৰ কাম প্ৰতিদিনে ১২ কিলোমিটাৰৰ পৰিৱৰ্তে ২০১৭-১৮ বৰ্ষত প্ৰতিদিনে ২৭ কিলোমিটাৰলৈ বৃদ্ধি পাইছে৷

 

জম্মুত ভাৰতৰ বৃহত্তম দৈৰ্ঘৰ সুৰংগ চেনানি-নাশ্ৰি, ঢলা-শদিয়াত ভাৰতৰ সৰ্ববৃহৎ দৈৰ্ঘৰ দলং যিয়ে অৰুণাচলক সংযোজিত কৰিছে, এইসমূহৰ বিকাশৰ জৰিয়তে পূৰ্বৰ স্পৰ্শৰহিত অঞ্চলসমূহ সংযোজিত হৈছে৷ ভাৰুচত নৰ্মদা নদীৰ ওপৰত দলং আৰু চম্বলৰ ওপৰত কোটাত দলং নিৰ্মাণৰ জৰিয়তে অঞ্চলকেইটাৰ যোগাযোগৰ উত্তৰণ হৈছে৷  

পথসমূহে গ্ৰামীণ বিকাশৰ ক্ষেত্ৰত অনুঘটকৰ কাম কৰে৷ ইয়াৰ গুৰুত্ব উপলব্ধ কৰি বিগত চাৰিটা বৰ্ষত প্ৰায় ১.৬৯ কিলোমিটাৰ গ্ৰামীণ পথ নিৰ্মাণ কৰা হৈছে৷ ২০১৩-১৪ বৰ্ষৰ পথ নিৰ্মাণৰ গড় দ্ৰুতি প্ৰতিদিনে ৬৯ কিলোমিটাৰৰ বিপৰীতে ২০১৭-১৮ বৰ্ষত ইয়াৰ সংখ্যা প্ৰতিদিনে ১৩৪ কিলোমিটাৰ হৈছে৷ বৰ্তমানে ২০১৪ বৰ্ষৰ ৫৬%ৰ বিপৰীতে গ্ৰামীণ পথৰ সংযোগ ৮২%তকৈও অধিক হৈছে, ইয়াৰ জৰিয়তে গাঁওসমূহক ভাৰতৰ বিকাশৰ কক্ষপথত চামিল কৰা হৈছে৷

নিয়োজন বৃদ্ধিৰ ক্ষেত্ৰত পৰ্যটনে গুৰুত্বপূৰ্ণ ভূমিকা পালন কৰে৷ তীৰ্থযাত্ৰীসকলৰ অভিজ্ঞতা বৃদ্ধিৰ উপৰিও পৰ্যটন ক্ষেত্ৰত বিকাশৰ বাবে চাৰধাম মহামাৰ্গ বিকাশ পৰিযোজনা মুকলি কৰা হৈছিল৷ ইয়াৰ দ্বাৰা ভ্ৰমণ সুৰক্ষিত, ক্ষীপ্ৰ আৰু অধিক বিশ্বস্ত কৰাত গুৰুত্ব প্ৰদান কৰা হৈছে৷ ইয়াৰ বাবে প্ৰায় ১২,০০০ কোটি টকা ব্যয়েৰে ৯০০ কিলোমিটাৰৰ ৰাষ্ট্ৰীয় ঘাইপথ নিৰ্মাণ কৰা হৈছে৷

আন্তঃগাঁথনিত গুৰুত্ব প্ৰদান কৰি দেশৰ অৰ্থনৈতিক বিকাশৰ বাবে অধিক মালবাহনৰ পদক্ষেপ হাতত লোৱা হৈছে৷ এনডিএ চৰকাৰৰ প্ৰচেষ্টাৰ ফলতেই ২০১৭-১৮ বৰ্ষত সৰ্বাধিক মাল পৰিবহণ (১,১৬০ মেট্ৰিক টন)ৰ অভিলেখ নথিভুক্ত কৰা হৈছিল৷

নগৰ ৰূপান্তৰণ

স্মাৰ্ট চিটীৰ জৰিয়তে নগৰ ৰূপান্তৰণৰ বাবে প্ৰায় ১০০টা নগৰ কেন্দ্ৰ জীৱন-ধাৰণৰ মান উন্নতি, বহনক্ষম নগৰ পৰিকল্পনা আৰু বিকাশৰ বাবে বাচনি কৰা হৈছে৷ এই নগৰসমূহৰ বাবে গ্ৰহণ কৰা বিভিন্ন বিকাশৰ প্ৰকল্পৰ জৰিয়তে প্ৰায় ১০ কোটি ভাৰতীয়ক প্ৰভাৱান্বিত কৰিব৷ এই প্ৰকল্পটোত প্ৰায় ২,০১,৯৭৯ কোটি টকা ব্যয় কৰা হ’ব৷

গ্ৰামাঞ্চল আৰু নগৰাঞ্চলত প্ৰধানমন্ত্ৰী আৱাস যোজনাৰ অধীনত প্ৰায় ১ কোটি ব্যয়সাধ্য ঘৰ নিৰ্মাণ কৰা হৈছে৷ মধ্যবিত্ত আৰু নিম্ন মধ্যবিত্তসকল উপকৃত হোৱাকৈ গৃহ ঋণ ৯ লাখ টকা পৰ্যন্ত ৪% আৰু ১২ লাখ টকা পৰ্যন্ত ৩% সুতৰ আৰ্থিক সুবিধা প্ৰদান কৰা হৈছে৷