প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত অনুষ্ঠিত কেন্দ্ৰীয় কেবিনেটে আজি ২০২৫-২৬ (০১.১০.২০২৫ৰ পৰা ৩১.০৩.২০২৬লৈ) ৰবিশস্যৰ বতৰৰ বাবে ফছফেটিক আৰু পটাছিক (পি এণ্ড কে) সাৰত পুষ্টি ভিত্তিক ৰাজসাহায্য (এন বি এছ)ৰ হাৰ নিৰ্ধাৰণৰ বাবে সাৰ বিভাগৰ প্ৰস্তাৱত অনুমোদন জনায়। ৰবি ঋতু ২০২৫-২৬ৰ বাবে আনুমানিক বাজেটৰ প্ৰয়োজন হ’ব প্ৰায় ৩৭,৯৫২.২৯ কোটি টকা, যিটো খাৰিফ ঋতু ২০২৫ৰ বাজেটৰ প্ৰয়োজনীয়তাতকৈ ৭৩৬ কোটি টকা অধিক।
২০২৫-২৬ চনৰ (০১.১০.২০২৫ৰ পৰা ৩১.০৩.২০২৬লৈকে প্ৰযোজ্য) ৰবিশস্যৰ বতৰৰ বাবে অনুমোদিত হাৰৰ ওপৰত ভিত্তি কৰি ডি এমোনিয়াম ফছফেট (ডি এ পি) আৰু এন পি কে এছ (নাইট্ৰ"জেন, ফছফৰাছ, পটাছ, ছালফাৰ) গ্ৰেডকে ধৰি পি এণ্ড কে সাৰত ৰাজসাহায্য প্ৰদান কৰা হ"ব, যাতে কৃষকসকলক সুলভ মূল্যত এই সাৰৰ সুষম উপলব্ধতা নিশ্চিত কৰিব পাৰি।
লাভসমূহঃ
- কৃষকসকলক ৰাজসাহায্যযুক্ত, সুলভ আৰু যুক্তিসঙ্গত মূল্যত সাৰ পোৱাটো নিশ্চিত কৰা হ'ব।
- সাৰ আৰু ইনপুটৰ আন্তঃৰাষ্ট্ৰীয় মূল্যৰ শেহতীয়া প্ৰৱণতাৰ প্ৰতি লক্ষ্য ৰাখি পি এণ্ড কে সাৰৰ ওপৰত ৰাজসাহায্য যুক্তিসংগত কৰা।
পটভূমি
চৰকাৰে সাৰ নিৰ্মাতা/আমদানিকাৰীসকলৰ জৰিয়তে কৃষকসকলক ৰাজসাহায্যযুক্ত মূল্যত ডি এ পিকে ধৰি ২৮টা গ্ৰেডৰ পি এণ্ড কে সাৰ সুলভ কৰি তুলিছে। ০১.০৪.২০১০ৰ পৰা এন. বি. এছ আঁচনিৰ জৰিয়তে পি এণ্ড কে সাৰৰ ওপৰত ৰাজসাহায্য পৰিচালিত হয়। কৃষক অনুকূল দৃষ্টিভংগী অনুসৰি, চৰকাৰে কৃষকসকলক সুলভ মূল্যত পি এণ্ড কে সাৰ পোৱাটো নিশ্চিত কৰিবলৈ প্ৰতিশ্ৰুতিবদ্ধ। ইউৰিয়া, ডি এ পি, এম ও পি আৰু ছালফাৰৰ দৰে সাৰ তথা ইনপুটৰ আন্তঃৰাষ্ট্ৰীয় মূল্যৰ শেহতীয়া প্ৰৱণতাৰ প্ৰতি লক্ষ্য ৰাখি, চৰকাৰে ডি এ পি আৰু এন পি কে এছ গ্ৰেডকে ধৰি ফছফেটিক আৰু পটাছিক (পি এণ্ড কে) সাৰৰ ওপৰত ০১.১০.২০২৫ৰ পৰা ৩১.০৩.২০২৬লৈ প্ৰযোজ্য ২০২৫-২৬ চনৰ ৰবিশস্যৰ বতৰৰ বাবে এন বি এছ হাৰত অনুমোদন জনোৱাৰ সিদ্ধান্ত লৈছে। সাৰ কোম্পানীসমূহক অনুমোদিত আৰু অধিসূচিত হাৰ অনুসৰি ৰাজসাহায্য প্ৰদান কৰা হ"ব যাতে কৃষকসকলৰ বাবে সুলভ মূল্যত সাৰ উপলব্ধ হয়।
हम देशभर के अपने किसान भाई-बहनों के कल्याण के लिए प्रतिबद्ध हैं। इसी दिशा में हमारी सरकार ने एक बड़ा कदम उठाते हुए 2025-26 के रबी सीजन के लिए फॉस्फोरस और पोटाश उर्वरकों पर सब्सिडी को मंजूरी दी है। इससे जहां अन्नदाताओं को किफायती दर पर उर्वरक उपलब्ध हो सकेंगे, वहीं उनकी कमाई भी…
— Narendra Modi (@narendramodi) October 28, 2025
