نئی دہلی، 14 جنوری 2019، وزیراعظم جناب نریندر مودی کل یعنی 15 جنوری 2019 کو کیرلہ میں کولم اور تیرو اننت پورم کا دورہ کریں گے۔
کولم میں وزیراعظم قومی شاہراہ نمبر 66 پر واقع کولم بائی پاس کا افتتاح کریں گے۔ یہ 13 کلومیٹر طویل دو لین والا بائی پاس ہے جس کی تعمیر پر 352 کروڑ روپے خرچ ہوئے ہیں۔اس بائی پاس پر اشٹھا مڈی جھیل کے اوپر تین بڑے پُل ہیں جن کی کل لمبائی 1540 میٹر ہے۔اس پروجیکٹ سے الپوزہ اور تیرواننت پورم کے درمیان سفری وقت میں کمی آئے گی اور کولم شہر میں اس سے ٹریفک کی بھیڑ بھاڑ کم ہوگی
تیرو اننت پور میں وزیراعظم جناب نریندر مودی پدمنابھا سوامی مندر کے درشن بھی کریں گے۔ان کے ذریعہ مندر کے درشن کے لئے آنے والے لوگوں کے لئے چند سہولتوں کی تعمیر کی مناسبت سے ایک تختی کی نقاب کشائی کئے جانے کا بھی امکان ہے۔
