وزیر اعظم جناب نریندر مودی نے آج روسی وفاق کے صدر عزت مآب جناب ولادیمیر پوتن سے ٹیلی فون پر گفتگو کی۔
وزیر اعظم نے صدر پوتن کو ان کے 73ویں یوم پیدائش کے موقع پر گرمجوشی کے ساتھ مبارکباد دی ، ان کی اچھی صحت اور ان کی تمام تر کوششوں میں کامیابی کے لیے نیک ترین خواہشات پیش کیں۔
دونوں قائدین نے باہمی ایجنڈے میں ہوئی پیشرفت کا جائزہ لیا اور بھارت اور روس کے مابین خصوصی اور مراعات یافتہ کلیدی شراکت داری کو مزید مضبوط بنانے کے لیے اپنی عہدبستگی کا ازسر نو اعادہ کیا۔
وزیر اعظم نے کہا کہ وہ 23ویں بھارت – روس سالانہ سربراہ اجلاس کے لیے صدر پوتن کا بھارت میں استقبال کرنے کے منتظر ہیں۔
Spoke with my friend President Putin and conveyed warm birthday greetings and best wishes for his good health and long life. Deeply appreciate his personal commitment to deepening India–Russia ties over the years.@KremlinRussia_E
— Narendra Modi (@narendramodi) October 7, 2025
