نئی دہلی،04؍نومبر،وزیراعظم جناب نریندر مودی نے 3؍نومبر 2019 کو آسیان ؍ ای اے ایس سے متعلق میٹنگوں کے موقع پر جمہوریہ انڈونیشیاء کے صدر عزت مآب جوکووڈوڈو سے ملاقات کی۔
وزیراعظم نریندر مودی نے دوسری مدت کار کیلئے انڈونیشیاء کا صدر منتخب ہونے پر صدر وڈوڈو کو مبارکباد دی اور کہا کہ دنیا کی دو سب سے بڑی جمہوریتیں اور تکثیری معاشرے ہونے کے ناتے ہندوستان دفاع، سکیورٹی، کنکٹی ویٹی، تجارت، سرمایہ کاری اور عوام سے عوام کے رابطوں کے شعبے میں تعلقات کو مستحکم کرنے کےلئے انڈونیشیاء کے ساتھ کام کرنے کے لئےعہد بند ہے۔
اس بات کا ذکر کرتے ہوئے کہ ہندوستان اور انڈونیشیاء ایک دوسرے کے قریبیسمندری پڑوسی ممالک ہیں۔دونوں لیڈروں نے ہند-بحرالکاہل خطے میں سمندری تعاون سے متعلق اپنے مشترکہ ویژن کے حصول کےلئے امن، سلامتی اور خوشحالی کے واسطے مل کر کام کرنےکےلئے اپنی عہدبندی کا اعادہ کیا۔ دونوں لیڈروں نے انتہا پسندی اور دہشت گردی کے خطرات کے بارے میں بھی بات چیت کی اور اس لعنت کو ختم کرنے کےلئے دوطرفہ طور پر اور عالمی سطح پر مل کر کام کرنے پر اتفاق کیا۔
وزیراعظم نریندر مودی نےدوطرفہ تجارت کو فروغ دینے کےلئے مستقبل کے منصوبوں پر بات چیت کی اور فارماسیوٹیکل، آٹوموٹیو اورزرعی مصنوعات سمیت ہندوستانی اشیاء کے لئے بازار کی اورزیادہ رسائی کی ضرورت کا ذکر کیا۔ اس بات کا ذکرکرتے ہوئے کہ ہندوستانی کمپنیوں نے انڈونیشیاء میں کافی سرمایہ کاری کی ہے وزیراعظم مودی نے انڈونیشیائی کمپنیوں کو مدعو کیا کہ وہ سرمایہ کاری کےلئےہندوستان میں موجود مواقع کا فائدہ اٹھائیں۔
وزیراعظم مودی نےآئندہ سال دونوں ملکوں کے لئے باہمی طور پر ایک مناسب وقت پر ہندوستان کا دورہ کرنے کے لئےصدر وڈوڈوکودعوت دی۔
ہندوستان، انڈونیشیاء کے ساتھ اپنے دوطرفہ تعلقات کو اولین ترجیح دیتا ہے۔ وہ ہمارا جامع اسٹریٹجک پارٹنر ہے۔ اس سال ہندوستان اور انڈونیشیاء سفارتی تعلقات کے قیام کی 70ویں سالگرہ بھی منا رہےہیں۔
Senang bertemu Presiden @jokowi. Pembicaraan kami hari ini sangat luas. Kami membahas cara untuk memperluas kerja sama antara India dan Indonesia di berbagai bidang seperti perdagangan dan budaya. pic.twitter.com/IuKvPTSFeH
— Narendra Modi (@narendramodi) November 3, 2019
Happy to have met President @jokowi. Our talks today were wide-ranging. We discussed ways to expand cooperation between India and Indonesia in areas such as trade and culture. pic.twitter.com/QD264Ay4qc
— Narendra Modi (@narendramodi) November 3, 2019
