وزیر اعظم جناب نریندر مودی اور نیپال کے وزیر اعظم عزت مآاب پشپ کمل دہل 'پرچنڈ' نے ٹیلی فون پر بات چیت کی۔ وزیر اعظم پرچنڈ نے وزیر اعظم مودی کو ہندوستان میں حال ہی میں مکمل ہونے والے عام انتخابات میں تیسری مدت کے لیے ان کی تاریخی جیت پر مبارکباد دی۔ انہوں نے اس یقین کا اظہار کیا کہ وزیر اعظم مودی کی قیادت میں ہندوستان اور نیپال کے تعلقات مزید مضبوط ہوتے رہیں گے۔
وزیر اعظم مودی نے مبارکباد کے لیے وزیر اعظم 'پرچنڈ' کا شکریہ ادا کیا۔ انہوں نے گزشتہ سال نیپال کے وزیر اعظم کے دورہ ہند کو یاد کرتے ہوئے کہا کہ اس کے بعد انہوں نے دونوں ممالک کے درمیان روایتی، دوستانہ اور کثیر جہتی شراکت داری کو مزید مستحکم کرنے کے لیے کئی اقدامات کیے تھے۔
نیپال، ہندوستان کے ساتھ گہرے ثقافتی اور تہذیبی روابط رکھتا ہے اور ہندوستان کی ’پڑوسی مقدم ‘پالیسی میں ایک خصوصی شراکت دار ہے۔ ٹیلی فون کال دونوں ممالک کے درمیان اعلیٰ سطح کے تبادلوں کی روایت کو جاری رکھے ہوئے ہے۔
Happy to speak with PM @cmprachanda. Thanked him for his warm wishes. We reaffirmed our shared commitment to bolster the deep-rooted and multifaceted partnership between India and Nepal, and agreed to sustain the positive momentum in our relations.
— Narendra Modi (@narendramodi) June 5, 2024
