প্রধান মন্ত্রী শ্রী নরেন্দ্র মোদীনা নেপালগী প্রধান মন্ত্রী পুস্পা কমাল দহাল ‘প্রাচান্দা’ গা তেলিফোন্দা ৱারি শানখ্রে। হন্দকপ পাংথোকখিবা ভারতকী সাধারন মীখলদা পুৱারি ওইনা মহাক্কী অহুমশুবা তার্ম মাইপাকপদা নেপালগী প্রধান মন্ত্রীনা প্রধান মন্ত্রী মোদী থাগৎপা ফোঙদোকখ্রে। প্রধান মন্ত্রী মোদীগী লুচিংবা মখাদা ভারত-নেপালগী মরী মখা তানা মপাঙ্গল কনখৎকনি হায়না মহাক্না মহাক্কী থাজবা ফোঙদোকখি।
মহাক্কী য়াইফ-পাউজেল পীরকপগীদমক প্রধান মন্ত্রী মোদীনা প্রধান মন্ত্রী ‘প্রাচান্দা’ থাগৎপা ফোঙদোকখি। হৌখিবা চহিদা নেপালগী প্রধান মন্ত্রীগী কান্নরবা খোঙচৎ অদু প্রধান মন্ত্রী মোদীনা নিংশিংখি অমসুং লৈবাক অনিগী মরক্তা লৈনরিবা চৎনবী, মরুপ-মপাং অমসুং হিরম কয়াগী মরীশিং মখা তানা মপাঙ্গল কনখৎহন্নবা মখোয়না থবক কয়া লৌখৎখিবা অদু পনখি।
নেপালনা ভারতকা নাৎ অমসুং সভেত্যগী অচেৎপা মরী লৈনরি অমসুং য়ুম্লোন্নবনা অহানবা হায়বা ভারতকী থৌশিলদা নেপাল অখন্নবা মরুপ অমনি। তেলিফোন্দা ৱারি শানখিবা অসি লৈবাক অনিগী মরক্তা অৱাংবা থাক্কী ৱারি-ৱাতাই শানবা অদুগী মখা চৎথরকপনি।
Happy to speak with PM @cmprachanda. Thanked him for his warm wishes. We reaffirmed our shared commitment to bolster the deep-rooted and multifaceted partnership between India and Nepal, and agreed to sustain the positive momentum in our relations.
— Narendra Modi (@narendramodi) June 5, 2024
