‘میرا بائی جنم اُتسو’، سنت میرا بائی کی 525 ویں سالگرہ منانے کے لئے منعقد کیا جا رہا ہے
وزیراعظم جناب نریندر مودی ‘‘میرا بائی جنم اُتسو’’ میں شرکت کریں گے، جو کہ اترپردیش کے شہر متھرا میں، سنت میرا بائی کی 525 ویں سالگرہ منانے کے لئے، 23 نومبر 2023 کو تیسرے پہر تقریبا ساڑھے چار بجے منعقد کردہ ایک پروگرام ہے۔ وزیراعظم، سنت میرا بائی کی یاد میں ایک یادگاری ٹکٹ اور سکے کا اجراء بھی کریں گے۔ وہ اس موقع پر منعقدہ ثقافتی پروگرام میں شرکت بھی کریں گے۔ اس پروگرام میں ، سنت میرا بائی کی یاد میں سال بھر طویل پروگراموں کے آغاز کی تقریب بھی کی جائے گی۔
سنت میر ابائی ، بھگوان کرشن کے تئیں اپنی عقیدت کے لئے معروف ہیں۔ انہوں نے کئی مناجات اور دوہے بھی مرتب کئے ہیں، جو آج بھی مقبول ہیں۔
