وزیر اعظم جناب نریندر مودی 25 دسمبر 2023 کو ویڈیو کانفرنسنگ کے توسط سے، اندور میں’مزدوروں کا ہت مزدوروں کو سمرپت‘ پروگرام میں شرکت کریں گے اور حکم چند مل کے آفیشل لکیویڈیٹر اور مزدور یونین کے قائدین کو، حکم چند مل کارکنان کے واجبات سے متعلق چیک حوالے کریں گے۔ اس پروگرام کے دوران حکم چند مل مزدوروں کے طویل عرصے سے زیر التوا مطالبات کا تصفیہ کیا جائے گا۔ اس موقع پر وزیراعظم جلسے سے خطاب بھی کریں گے۔
حکم چند مل کے مزدوروں نے 1992 میں اندور میں حکم چند مل کے بند ہونے اور اس کے نتیجے میں لیکویڈیشن میں چلے جانے کے بعد اپنے واجبات کی ادائیگی کے لیے ایک طویل قانونی جنگ لڑی۔ حال ہی میں، مدھیہ پردیش حکومت نے ایک مثبت کردار ادا کیا اور ایک تصفیہ پیکج پر کامیابی کے ساتھ گفت و شنید کی جس کی تمام اسٹیک ہولڈرز بشمول عدالتوں، مزدور یونینوں، مل مزدوروں نے توثیق کی۔ تصفیہ کے منصوبے میں مدھیہ پردیش حکومت کو تمام واجبات پہلے سے ادا کرنا، مل کی زمین پر قبضہ کرنا، اور اسے رہائشی اور تجارتی جگہ میں تیار کرنا شامل ہے۔
پروگرام کے دوران، وزیر اعظم اندور میونسپل کارپوریشن کے ذریعہ کھرگون ضلع کے دیہات سمراج اور اشوکھیڈی میں قائم کئے جانے والے 60 میگاواٹ کے شمسی بجلی پلانٹ کا سنگ بنیاد بھی رکھیں گے۔ 308 کروڑ روپے کی لاگت سے تعمیر کیے جانے والے نئے شمسی بجلی پلانٹ کے قیام سے اندور میونسپل کارپوریشن کو بجلی کے بل میں تقریباً 4 کروڑ روپے ماہانہ کی بچت میں مدد ملے گی۔ شمسی پلانٹ کی تعمیر کے لیے فنڈنگ کے لیے اندور میونسپل کارپوریشن نے 244 کروڑ روپے کے گرین بانڈز جاری کیے تھے۔ یہ گرین بانڈز جاری کرنے والا ملک کا پہلا شہری ادارہ بن گیا۔ اسے غیر معمولی ردعمل ملا کیونکہ 29 ریاستوں کے لوگوں نے تقریباً 720 کروڑ روپے کی مالیت کے ساتھ ان کی رکنیت حاصل کی، جو کہ جاری کردہ ابتدائی قیمت سے تقریباً تین گنا تھی۔
