Share
 
Comments

ہندوستان آزادی کے 75 سال کی یاد منا رہا ہے، اس لئے ریاستوں کو چست، لچکدار اور خود کفیل بنانے اور تعاون پر مبنی وفاقیت کے جذبے کے ساتھ ’آتم  نربھر بھارت‘ کی طرف بڑھنے کی ضرورت ہے۔ ایک مستحکم، پائیدار اور شمولیت والے  ہندوستان کی تعمیر کی مہم میں، نیتی آیوگ کی ساتویں گورننگ کونسل کی میٹنگ 7 اگست 2022 کو ہوگی اور یہ مرکز اور ریاستوں/مرکز کے زیر انتظام علاقوں کے درمیان تعاون اور کولوبریشن کے ایک نئے دور کی طرف ہم آہنگی کی راہ ہموار کرے گی۔

وزیر اعظم جناب نریندر مودی راشٹرپتی بھون کلچرل سنٹر، نئی دہلی میں گورننگ کونسل کی ساتویں میٹنگ کی صدارت کریں گے۔ میٹنگ کے ایجنڈے میں فصلوں کی تنوع اور تلہن اور دلہن اور زرعی برادریوں میں خود کفالت کا حصول ،قومی تعلیمی پالیسی – اسکول  تعلیم کا نفاذ ؛ قومی تعلیمی پالیسی – اعلیٰ تعلیم کا نفاذ اور شہری  حکمرانی شامل ہے۔

میٹنگ کی تیاریوں کے ایک حصے کے طور پر، جون 2022 میں دھرم شالہ میں چیف سکریٹریوں کی قومی کانفرنس منعقد ہوئی تھی جو مرکز اور ریاستوں کی چھ ماہ طویل سخت مشق کا اختتام تھا۔ اس کانفرنس کی صدارت وزیر اعظم نے کی تھی اور اس میں مرکزی اور ریاستی حکومتوں کے سینئر افسران کے ساتھ تمام ریاستوں اور مرکز کے زیر انتظام علاقوں کے چیف سکریٹریوں نے شرکت کی تھی۔ ساتویں گورننگ کونسل کی میٹنگ مذکورہ بالا موضوعات میں سے ہر ایک پر روڈ میپ اور نتیجہ پر مبنی ایکشن پلان کو حتمی شکل دینے کی کوشش کرے گی۔

یہ جولائی 2019 کے بعد گورننگ کونسل کی پہلی ان پرسن  میٹنگ ہوگی۔ یہ خاص طور پر اس لئے  اہم ہے کیونکہ ہم کووڈ۔19 عالمی وباکے پس منظر میں امرت کال میں داخل ہورہے ہیں اور اگلے سال ہندوستان  جی20 صدارت اور سربراہی اجلاس کی میزبانی کرے گا۔ میٹنگ میں وفاقی نظام کے لیے ہندوستان کے واسطے صدارت کی اہمیت اور جی۔ 20 پلیٹ فارم پر ریاستیں اپنی پیش رفت کو اجاگر کرنے میں جو کردار ادا کر سکتی ہیں اس پر بھی زور دیا جائے گا۔

نیتی آیوگ کی گورننگ کونسل ایک اہم ادارہ ہے جسے ریاستوں اور مرکز کے زیر انتظام علاقوں کی فعال شمولیت کے ساتھ قومی ترجیحات اور حکمت عملیوں کے مشترکہ وژن کو تیار کرنے کا کام سونپا گیا ہے۔ گورننگ کونسل بین شعبہ جاتی، بین محکمہ جاتی اور وفاقی مسائل پر بات چیت کے لیے ایک پلیٹ فارم پیش کرتی ہے۔ یہ ہندوستان کے وزیر اعظم ، تمام ریاستوں اور  لیجس لیچر والے مرکز کے زیر انتظام علاقوں کے وزرائے اعلیٰ؛ دیگر مرکز کے زیر انتظام خطوں کے لیفٹیننٹ گورنرز؛ نیتی  آیوگ  کے سابق ​ممبران؛ نائب چیئرمین، نیتی آیوگ؛ کل وقتی اراکین اور مرکزی وزراء بطور خصوصی مدعین پر مشتمل ہے۔ یہ مرکز اور ریاستوں کے درمیان گفت و شنید کے لیے ایک اہم ترین فورم فراہم کرتا ہے اور پوری حکومت کے نقطہ نظر کے ساتھ مربوط کارروائی کے لیے کلیدی حکمت عملیوں کی نشاندہی کرتا ہے۔

Explore More
لال قلعہ کی فصیل سے، 76ویں یوم آزادی کے موقع پر، وزیراعظم کے خطاب کا متن

Popular Speeches

لال قلعہ کی فصیل سے، 76ویں یوم آزادی کے موقع پر، وزیراعظم کے خطاب کا متن
ASI sites lit up as India assumes G20 presidency

Media Coverage

ASI sites lit up as India assumes G20 presidency
...

Nm on the go

Always be the first to hear from the PM. Get the App Now!
...
سوشل میڈیا کارنر،2 دسمبر 2022
December 02, 2022
Share
 
Comments

Citizens Show Gratitude For PM Modi’s Policies That Have Led to Exponential Growth Across Diverse Sectors