میں 11 سے 12 نومبر 2025 تک مملکت بھوٹان کے دورے پر رہوں گا۔
بھوٹان کے عوام کے ساتھ مل کر عزت مآب چوتھے بادشاہ کی 70ویں سالگرہ منانا میرے لیے باعث اعزاز ہوگا۔
بھوٹان میں عالمی امن دعائیہ فیسٹیول کے دوران ہندوستان سے لائے گئے بھگوان بدھ کے مقدس پپراوا آثارِ متبرکہ کی نمائش ہمارے دونوں ممالک کے گہرے تہذیبی اور روحانی تعلقات کی عکاسی کرتی ہے۔
یہ دورہ پوناٹسن گچھو-II ہائیڈرو پاور منصوبے کے افتتاح کے ساتھ ہماری کامیاب مضبوط شراکت داری کا ایک اور اہم سنگِ میل ثابت ہوگا۔
میں بھوٹان کے عزت مآب چوتھے بادشاہ اور وزیر اعظم شیرنگ توبگے سے ملاقات کا منتظر ہوں۔ مجھے یقین ہے کہ میرا یہ دورہ ہماری دوستی کے رشتے کو مزید مضبوط کرے گا اور مشترکہ ترقی و خوشحالی کے لیے ہمارے اقدامات کو اور زیادہ تقویت بخشے گا۔
ہندوستان اور بھوٹان کے درمیان دوستی اور تعاون کے قابلِ تقلید تعلقات قائم ہیں، جو باہمی اعتماد، سمجھ اور خیر سگالی کی مضبوط بنیاد پر استوار ہیں۔ ہماری شراکت داری ہماری ’’پڑوسی پہلے‘‘ پالیسی کا ایک اہم ستون ہے اور ہمسایہ ممالک کے درمیان دوستانہ تعلقات کی ایک بہترین مثال ہے۔
Leaving for Bhutan, where I will attend various programmes. This visit comes at a time when Bhutan is marking the 70th birthday of His Majesty the Fourth King. I will be holding talks with His Majesty the King of Bhutan, His Majesty the Fourth King and Prime Minister Tshering…
— Narendra Modi (@narendramodi) November 11, 2025
