وزیرِ اعظم جناب نریندر مودی نے آج برازیل کے شہر ریو ڈی جنیرو میں برکس سربراہ اجلاس کے موقع پر بولیویا کے صدر محترم لوئیس ایرسے کیٹاکورا سے ملاقات کی۔
دونوں رہنماؤں نے دو طرفہ تعاون کا جائزہ لیا اور اب تک حاصل ہونے والی پیش رفت پر اطمینان کا اظہار کیا۔ ملاقات کے دوران اہم شعبہ جات پر گفتگو ہوئی جن میں اہم معدنیات، تجارت و معیشت، ڈیجیٹل پبلک انفراسٹرکچر اور یو پی آئی، صحت و ادویات، روایتی طب، چھوٹی و درمیانی صنعتیں، تربیت اور صلاحیت سازی شامل ہیں۔ دونوں قائدین نے اہم معدنیات کے شعبے میں تعاون کو وسعت دینے اور پائیدار و باہمی فائدہ مند شراکت داریوں کو فروغ دینے کی اہمیت کو تسلیم کیا۔وزیرِ اعظم نے دونوں ممالک کے درمیان جاری ترقیاتی تعاون پر بھی اطمینان ظاہر کیا، جن میں ‘کِوِک امپیکٹ پراجیکٹس’ اور آئی ٹی ای سی اسکالرشپ پروگرام کے تحت صلاحیت سازی کی پہل شامل ہیں۔
وزیرِ اعظم مودی نے مارچ-اپریل 2025 کے دوران لا پاز اور بولیویا کے دیگر علاقوں میں شدید سیلاب کے بعد بولیویا کے عوام کے ساتھ یکجہتی کا اظہار کیا۔ انہوں نے انٹرنیشنل سولر الائنس میں شمولیت پر بولیویا کو مبارکباد بھی دی۔
آخر میں وزیرِ اعظم نے بولیویا کے عوام اور حکومت کو ملک کی آزادی کی 200 ویں سالگرہ 6 اگست 2025 کے موقع پر نیک تمنائیں پیش کیں۔
جامع تعلیم کو فروغ دینے اور ‘پروجیکٹ انکلوزن’
Had a fruitful meeting with the President of Bolivia, Mr. Luis Alberto Arce Catacora. Bolivia is a valued partner in Latin America and in the recent years, our bilateral ties have become much stronger. We talked about the need for improving and diversifying trade linkages on a… pic.twitter.com/UoXb0zUfY1
— Narendra Modi (@narendramodi) July 7, 2025
Tuve una reunión fructífera con el Presidente de Bolivia, Sr. Luis Alberto Arce Catacora. Bolivia es un socio valioso en América Latina y en los últimos años, nuestros lazos bilaterales se han estrechado mucho. Hablamos sobre la necesidad de mejorar y diversificar los vínculos… pic.twitter.com/IIb7vTRHvS
— Narendra Modi (@narendramodi) July 7, 2025
