وزیر اعظم جناب نریندر مودی نے 19 نومبر کو جمہوریہ چلی کے صدرعزت مآب جناب گیبریل بورک فونٹ سےبرازیل کے ریو ڈی جنیرو میں جی 20 سربراہی اجلاس کے موقع پرملاقات کی۔ یہ ان کی پہلی ملاقات تھی۔
دونوں رہنماؤں نے دو طرفہ تعلقات پر تبادلہ خیال کیا اور تعاون کو مضبوط بنانے کے لیے متعدد اقدامات کی نشاندہی کی۔ وزیر اعظم نے ڈیجیٹل پبلک انفراسٹرکچر، صحت کی دیکھ بھال، آئی ٹی، سائنس اور ٹیکنالوجی، خلا، قابل تجدید توانائی اور دفاع میں بھارت کی صلاحیتوں پر روشنی ڈالی اور ان شعبوں میں چلی کے ساتھ اپنے تجربات کا اشتراک کرنے کے لیے بھارت کی آمادگی کا اظہار کیا۔
دونوں فریقوں نے معدنیات کے اہم شعبے میں تعاون بڑھانے اور باہمی فائدے کے لیے مل کر کام کرنے پر اتفاق کیا۔ دونوں رہنماؤں نےبھارت چلی ترجیحی تجارتی معاہدے پی ٹی اےکی توسیع کے بعد تجارتی تعلقات میں مسلسل ترقی پر اطمینان کا اظہار کیا اور پی ٹی اے کو مزید وسعت دینے کے مواقع تلاش کرنے پر اتفاق کیا۔ وزیر اعظم نے چلی کی صنعت کی حمایت کرنے کے لیے اعلیٰ معیار اور سستی فارماسیوٹیکل مصنوعات، انجینئرنگ کے سامان، آٹوموبائل اور کیمیکل کی فراہمی میں بھارت کی مسلسل دلچسپی سے بھی آگاہ کیا۔
رہنماؤں نے تعلیم، ثقافت اور روایتی علم کے شعبوں میں تعاون کے امکانات پر بھی تبادلہ خیال کیا۔ انہوں نے قریبی رابطے میں رہنے اور موجودہ دوطرفہ تعاون کو مزید مضبوط بنانے پر اتفاق کیا۔
Met the President of Chile, Mr. Gabriel Boric Font in Rio de Janeiro. India’s ties with Chile are getting stronger across various sectors. Our talks focused on how to deepen relations in pharmaceuticals, technology, space and more. It is gladdening to see Ayurveda gaining… pic.twitter.com/9TxtrbXnb1
— Narendra Modi (@narendramodi) November 19, 2024
Me reuní con el Presidente de Chile, el Sr. Gabriel Boric Font en Río de Janeiro. Los lazos de la India con Chile se están fortaleciendo en varios sectores. Nuestra conversación se centró en cómo profundizar las relaciones en los sectores farmacéuticos, tecnológicos y espaciales,… pic.twitter.com/Vj8Fng943E
— Narendra Modi (@narendramodi) November 19, 2024
