وزیراعظم جناب نریندر مودی نے آج پیرس میں اے آئی ایکشن سمٹ کے موقع پر جمہوریہ ایسٹونیا کے صدر عزت مآب جناب الار کریس سے ملاقات کی۔ دونوں رہنماؤں کی یہ پہلی ملاقات تھی۔
وزیر اعظم اور صدر کریس نے اس بات پر زور دیا کہ بھارت اور ایسٹونیا کے درمیان گرم جوشانہ اور دوستانہ تعلقات جمہوریت ، قانون کی حکمرانی اور آزادی اور تکثیریت کی اقدار کے لیے ان کے مشترکہ عزم پر مبنی ہیں۔ دونوں رہنماؤں نے تجارت و سرمایہ کاری، آئی ٹی اور ڈیجیٹل، ثقافت، سیاحت اور عوامی سطح پر تعلقات سمیت مختلف شعبوں میں بڑھتے ہوئے دوطرفہ تعاون پر اطمینان کا اظہار کیا۔ انھوں نے سائبر سیکورٹی کے شعبے میں جاری دوطرفہ تعاون پر تبادلہ خیال کیا۔ وزیراعظم نے ایسٹونیا کی حکومت اور کمپنیوں کو دعوت دی کہ وہ بھارت کی ترقی کی کہانی کے ذریعہ پیش کردہ مواقع کو تلاش کریں اور ڈیجیٹل انڈیا جیسے پروگراموں سے فائدہ اٹھائیں۔
دونوں رہنماؤں نے بھارت اور یورپی یونین کی اسٹریٹجک شراکت داری کے تناظر میں بھارت ایسٹونیا شراکت داری کی اہمیت کا بھی ذکر کیا۔ انھوں نے ہند-نارڈک-بالٹک فارمیٹ میں وزارتی تبادلوں کے آغاز کا خیرمقدم کیا۔ دونوں رہنماؤں نے باہمی دلچسپی کے علاقائی اور عالمی امور اور اقوام متحدہ میں تعاون پر بھی تبادلہ خیال کیا۔
دونوں رہنماؤں نے بھارت اور ایسٹونیا کے درمیان بڑھتے ہوئے ثقافتی اور عوامی تعلقات پر اطمینان کا اظہار کیا۔ اس سلسلے میں وزیر اعظم نے ایسٹونیا میں یوگا کی مقبولیت کو سراہا۔
Had a very productive meeting with the President of Estonia, Mr. Alar Karis on the sidelines of the AI Action Summit in Paris. India’s ties with Estonia are growing remarkably over the years. We discussed ways to boost ties in areas like trade, technology, culture and more.… pic.twitter.com/F3af01yqA8
— Narendra Modi (@narendramodi) February 11, 2025
