وزیر اعظم جناب نریندر مودی نے آج نئی دہلی کے بھارت منڈپم میں تیسرے ویر بال دیوس کے موقع پر راشٹریہ بال پرسکار کے 17 ایوارڈ یافتگان کے ساتھ بات چیت کی ۔ یہ ایوارڈز بہادری ، اختراع ، سائنس و ٹیکنالوجی ، کھیلوں اور فنون کے شعبوں میں دیے جاتے ہیں ۔
حوصلہ بخش بات چیت کے دوران ، وزیر اعظم نے بچوں کی زندگی کی کہانیاں سنیں اور انہیں اپنی زندگی میں مزید محنت کرنے کی ترغیب دی ۔ کتابوں کی تصنیف کرنے والی ایک بچی کے ساتھ بات چیت کرتے ہوئے اور اس کی کتابوں پر موصول ہونے والے تبصروں پر تبادلہ خیال کرتے ہوئے ، لڑکی نے جواب دیا کہ دوسرے بچوں نے اپنی کتابیں لکھنا شروع کر دی ہیں ۔ جناب مودی نے دوسرے بچوں کو آمادہ کرنے کے لیے ان کی تعریف کی ۔
اس کے بعد وزیر اعظم نے ایک ایسے ایوارڈ یافتہ بچے سے بات چیت کی جو متعدد زبانوں میں نغمے گانے کے ماہر تھے ۔ جناب نریندر مودی کی طرف سے لڑکے کی تربیت کے بارے میں پوچھے جانے پر ، اس نے جواب دیا کہ اس کو کوئی باقاعدہ تربیت نہیں ملی ہے اور وہ چار زبانوں-ہندی ، انگریزی ، اردو اور کشمیری میں نغمے گا سکتا ہے ۔ لڑکے نے مزید کہا کہ اس کا اپنا یوٹیوب چینل ہے،اس کے ساتھ ساتھ اس نے تقریبات میں بھی پرفارم کیا ہے۔ جناب نریندر مودی نے لڑکے کی صلاحیتوں کی بھرپور تعریف کی ۔
جناب نریندر مودی نے شطرنج کے نوجوان کھلاڑی سے بات چیت کی اور ان سے پوچھا کہ انہیں شطرنج کھیلنا کس نے سکھایا ۔ نوجوان لڑکے نے جواب دیا کہ اس نے اپنے والد سے اور یوٹیوب ویڈیوز دیکھ کر شطرنج کھیلنا سیکھا ہے ۔
وزیر اعظم نے ایک اور بچے کی حصولیابی کی کہانی سنی جس نے کارگل وجے دیوس کی 25 ویں سالگرہ منانے کے لیے 13 دنوں میں کارگل وار میموریل ، لداخ سے نئی دہلی میں واقع نیشنل وار میموریل تک 1251 کلومیٹر کا فاصلہ سائیکل کے ذریعے طے کیا تھا۔ لڑکے نے یہ بھی بتایا کہ اس سے قبل اس نے دو سال پہلے آزادی کا امرت مہوتسو اور نیتا جی سبھاش چندر بوس کی 125 ویں یوم پیدائش منانے کے لیے آئی این اے میموریل ، مویرنگ ، منی پور سے نیشنل وار میموریل ، نئی دہلی تک ، 32 دنوں میں 2612 کلومیٹر کا فاصلہ سائیکل پر طے کیا تھا ۔ اس لڑکے نے وزیر اعظم کو مزید بتایا کہ اس نے ایک دن میں زیادہ سے زیادہ 129.5 کلومیٹر سائیکل چلائی ہے ۔
جناب نریندر مودی نے ایک نوعمر لڑکی کے ساتھ بات چیت کی جس نے بتایا کہ اس کو ایک منٹ میں نیم کلاسیکی رقص کے 80 اسپن مکمل کرنے اور ایک منٹ میں 13 سنسکرت شلوک پڑھنے کے دو بین الاقوامی ریکارڈ حاصل ہیں ، یہ دونوں مہارتیں اس نے یوٹیوب ویڈیوز دیکھ کر حاصل کی تھیں۔
جوڈو میں قومی سطح کا طلائی تمغہ جیتنے والی لڑکی کے ساتھ بات چیت کرتے ہوئے وزیر اعظم نے اولمپکس میں طلائی تمغہ جیتنے کی خواہش رکھنے والی لڑکی کو نیک خواہشات پیش کیں ۔
جناب نریندر مودی نے ایک ایسی لڑکی کے ساتھ بات چیت کی جس نے پارکنسون مرض میں مبتلا مریضوں کے لیے ازخود مستحکم رہنے والا چمچ بنایا تھا اور دماغی عمر کی پیش گوئی کا ماڈل بھی تیار کیا تھا ۔ لڑکی نے وزیر اعظم کو بتایا کہ اس نے دو سال تک کام کیا ہے اور وہ اس موضوع پر مزید تحقیق کرنے کا ارادہ رکھتی ہے ۔
کارناٹک موسیقی اور سنسکرت کے شلوکوں کے امتزاج کے ساتھ ہری کتھا پڑھنےکی تقریبا 100 پرفارمنس پیش کرنے والی ایک لڑکی فنکار کی کہانی سن کر وزیر اعظم نے ان کی تعریف کی ۔
پچھلے 2 سالوں میں 5 مختلف ممالک میں 5 اونچی چوٹیوں کو سر کرنے والی ایک نوجوان خاتون کوہ پیما سے بات کرتے ہوئے ، وزیر اعظم نے اس لڑکی سے دوسرے ممالک کا دورہ کرتے وقت بطور ہندوستانی اپنے تجربے کے بارے میں پوچھا ۔ لڑکی نے جواب دیا کہ اسے لوگوں کی طرف سے بہت پیار اور جوش ملا ہے ۔ انہوں نے وزیر اعظم کو مزید بتایا کہ کوہ پیمائی کے پیچھے ان کا مقصد لڑکیوں کو بااختیار بنانا اور جسمانی تندرستی کو فروغ دینا ہے ۔
جناب نریندر مودی نے ایک فن کار رولر اسکیٹنگ کھلاڑی کی کامیابیوں کے بارے میں سنا جس نے اس سال نیوزی لینڈ میں منعقدہ رولر اسکیٹنگ کھیلوں میں بین الاقوامی طلائی تمغہ اور 6 قومی تمغے جیتے ہیں ۔ انہوں نے ایک پیرا ایتھلیٹ بچی کی کامیابی کے بارے میں بھی سنا جس نے اس ماہ تھائی لینڈ میں منعقدہ مقابلے میں طلائی تمغہ جیتا تھا ۔ انہوں نے ایک دیگر خاتون کھلاڑی کے تجربے کے بارے میں بھی سنا جس نے عالمی ریکارڈ بنانے کے ساتھ ساتھ مختلف زمروں میں ویٹ لفٹنگ چیمپئن شپ میں طلائی تمغے جیتے تھے ۔
وزیر اعظم نے ایک ایوارڈ یافتہ بچے کو ایک اپارٹمنٹ میں آگ لگنے کے بعد بہت سی جانیں بچانے میں بہادری کا مظاہرہ کرنے پر سراہا ۔ انہوں نے ایک نوجوان لڑکے کی بھی تعریف کی جس نے تیراکی کے دوران دوسروں کو ڈوبنے سے بچایا تھا ۔
جناب نریندر مودی نے تمام نوعمر بچوں کو مبارکباد دی اور ان کی مستقبل کی کوششوں کے لیے نیک خواہشات بھی پیش کیں ۔
Click here to read full text speech
A very special interaction with those youngsters who have been conferred the Rashtriya Bal Puraskar Award. I congratulate all the youngsters awarded and also wish them the very best for their future endeavours. pic.twitter.com/QhuFOuBrto
— Narendra Modi (@narendramodi) December 26, 2024
