وزیرِ اعظم جناب نریندر مودی نے پَشچِم بنگ دیوس کے موقع پر مغربی بنگال کے عوام کو دلی مبارک باد پیش کی ہے۔
وزیرِ اعظم نے کہا کہ یہ دن اُس ریاست کی خدمات اور کردار کو خراجِ تحسین پیش کرنے کا موقع ہے جس نے ادب، موسیقی، فنونِ لطیفہ، روحانیت، سائنس، تجارت، سماجی اصلاحات اور متعدد دیگر شعبوں میں اپنی گراں قدر خدمات کے ذریعے بھارت کی تاریخ کو گہرے طور پر متاثر کیا ہے۔ انہوں نے کہا کہ مغربی بنگال نے بے شمار طریقوں سے بھارت کے قومی شعور کو مہمیز دی ہے اور اسے مالا مال بنایا ہے۔
جناب مودی نے کہا کہ 20 جون مغربی بنگال کی تاریخ میں غیر معمولی اہمیت کا حامل دن ہے، کیونکہ یہی وہ دن تھا جس نے مغربی بنگال کو بھارت کا اٹوٹ حصہ بنائے رکھنے کو یقینی بنایا۔ وزیرِ اعظم نے اس سلسلے میں ڈاکٹر شیاما پرساد مکھرجی کے کردار کو نہایت اہم اور ناقابلِ فراموش قرار دیا اور کہا کہ سال 2026 میں ڈاکٹر مکھرجی کی 125ویں یومِ پیدائش بھی منائی جا رہی ہے۔
وزیرِ اعظم نے کہا کہ مرکزی حکومت مغربی بنگال کی حکومت کے ساتھ مل کر عوام کے خوابوں اور امنگوں کو پورا کرنے کے لیے کام کرتی رہے گی۔
جناب مودی نے مغربی بنگال کی مسلسل ترقی اور وہاں کے عوام کی خوشحالی کے لیے دعا بھی کی۔
وزیرِ اعظم نے ایکس پر اپنے پیغام میں کہا:
’’پَشچِم بنگ دیوس کے موقع پر مغربی بنگال کے اپنے تمام بہنوں اور بھائیوں کو دلی مبارک باد۔
یہ دن اُس ریاست کا جشن منانے کا دن ہے جس نے ادب، موسیقی، فن، روحانیت، سائنس، تجارت، سماجی اصلاحات اور دیگر متعدد شعبوں میں اپنی گراں قدر خدمات کے ذریعے بھارت کی تاریخ کو گہرے طور پر متاثر کیا ہے۔ مغربی بنگال نے بارہا اور بے شمار طریقوں سے بھارت کے قومی شعور کو مالا مال کیا ہے۔
آج 20 جون مغربی بنگال کی تاریخ میں بے حد اہمیت کا حامل ہے۔ یہی وہ دن تھا جس نے مغربی بنگال کو بھارت کا اٹوٹ حصہ بنائے رکھنے کو یقینی بنایا۔ اس میں ڈاکٹر شیاما پرساد مکھرجی کا کردار بے حد اہم اور ناقابلِ فراموش تھا۔ اس سال، 2026 میں، ہم ڈاکٹر مکھرجی کی 125ویں جینتی بھی منا رہے ہیں۔
مرکزی حکومت مغربی بنگال کی حکومت کے ساتھ مل کر عوام کے خوابوں اور امنگوں کو پورا کرنے کے لیے کام کرے گی۔ میں مغربی بنگال کی ترقی اور اس کے عوام کی خوشحالی کے لیے دعاگو ہوں۔‘‘
Warm greetings to my sisters and brothers of West Bengal on the occasion of Paschimbanga Divas.
— Narendra Modi (@narendramodi) June 20, 2026
This day celebrates a state that has profoundly shaped India's history through its contributions to diverse areas be it literature, music, art, spirituality, science, trade and…
পশ্চিমবঙ্গ দিবস উপলক্ষে পশ্চিমবঙ্গের আমার বোন ও ভাইদের জানাই আন্তরিক শুভেচ্ছা।
— Narendra Modi (@narendramodi) June 20, 2026
এই দিনটি এমন এক রাজ্যকে উদযাপন করে যা সাহিত্য, সঙ্গীত, শিল্প, আধ্যাত্মিকতা, বিজ্ঞান, বাণিজ্য ও ব্যবসা, সমাজ সংস্কার এবং আরও অনেক বৈচিত্র্যময় ক্ষেত্রে তার অবদানের মাধ্যমে ভারতের ইতিহাসকে রূপদান…
